ئۇ ئەسلى ئىشەك ئەمەس ئىدى
ئالتە ئىشەكنىڭ جەننىتى ھىساپلىنىدىغان ھىلىقى سىسىق ئىغىلنى باشقۇرىۋاتقان توكۇر ئىشەكنىڭ مەينەتلىشىپ كەتكەنلىكى سەۋەپلىكمۇ ياكى بولمىسا ئۆزىنى باشقىلارنىڭ ئالدىدا نوچى كۆرسىتىمەن دەپ گىرىمنى خاتا قىلىۋىلىش سەۋەپلىكمۇ چۈشۈپ چۈشۈپ كەتكەن تۈكلىرى ، ساق تۇغۇلۇپ نېيىتىنىڭ يامانلىقىدىن توكۇر بوپ قالغان ئارقا ئىككى پۇتى ئۇنى باشقا ئىشەكلەردىن پەرقلەندۈرۈپراق تۇراتتى.دىمىسىمۇ بۇ ئىشەك ئىغىلدىكى باشقا تەڭتۇش ئىشەكلەرگە قارىغاندا توكۇر بولغىنى بىلەن خىلىلا بەستلىك ئىدى.بۇ ئىشەك توكۇر بولۇپ قالغاچقىمۇ سىرتتىكى ئىتىز-ئىرىق ئىشلىرىغا يارىمىغاچقا ئىگىسى ئۇنى ئىشلىتىشنى ئانچە راۋا كۆرۈپمۇ كەتمەيتتى.سىتىۋىتىش خىيالى بىلەن نەچچە قىتىم بازارغا سالغان بولسىمۇ لىكىن باھاسىغا يىتىپ ھىچكىم چىقمىدى.
بۇ ئىشەك ئەسلىدىنلا ھورۇن،چىدامسىز ئىشەك بولۇپ قاچانلا بولسا قىلغان ئىشىغا مەمەدانلىق قىلىپ چوڭ سۆزلەپلا يۈرەتتى.ئىش مەيدانىدا قۇرداش ئىشەكلەردىن داۋاملىق ئارقىدا قىلىۋەرگەچكىمۇ ھىچكىم بۇ ئىشەككە دىققەت نەزىرىنى ئاغدۇرۇپ تاشلىمىغان ئىدى.بۇ ئىشەكنىڭ دۇنيادا بارلىقىنى ئۆزى ۋە ئىگىسىدىن باشقا ھىچكىم بىلمەيتتى.بۇ يۇرتتا بۇ ئىشەكنىڭ ھىچبىر نامۇ-نىشانى بولمىغاچقىمۇ نەچچە قىتىم ئۆزىنى تونۇتماقچى بولغان بولسىمۇ لىكىن ئارمانىغا چۇشلۈق دەرمانى بولمىغاچقىمۇ ئىلاج قىلالماي ئىچى پۇشۇپلا يۈرەتتى.دۇنيادا بىر خار بولغانلار بىر ئەزىز بولىدىغان ئىش بار ئەمەسمۇ.پەلەك چاقى چۆگىلەپ مەھەللىگە كەلكۈن كىلىپ ھەممە غەرق بوپ كىتىپ بۇ ئىشەك تەنھا قالدى.بىر مەزگىل ئۆتكەندىن كېيىن تاغدا يولۋاس بولمىسا مايمۇن پادىشاھ دىگەندەك ئۆزىنى كۆرسىتىشنى كىچە-كۈندۈز ئارزۇ قىلىدىغان بۇ ئىشەككە پۇرسەت كىلىپ كەلكۈندە بۇزۇلۇپ كەتكەن ئىغىلغا ئىگە بولۇپ قالدى ۋە ئىگە-چاقسىز،ئاقساق-چولاق بولۇپ بىر قانچە ئىشەكنى توپلاپ بارچە مەھەللىگە يولباش بولماقچى بولدى.لىكىن ئۇنىڭ توكۇرلىقى ، بەدەنلىرىنىڭ قوتۇرلىقى ئۇنى ھەرۋاقىت باشقىلار ئالدىدا چاندۇرۇپلا تۇراتتى....
قانداق قىلىش كىرەك؟ توكۇر ئىشەك ئاخىرى ئامال تاپتى ۋە تىزلىكتە بىر قانچە قوتۇر ئىشەكنى باشلاپ توپ بولۇپ يۇرتتىكى بىر قىسىم ئىشلارنى باشچىلاپ قىلىپ بىر ئاز ئابرويغا ئىگە بولۇپ قالدى ۋە كەلكۈندە بۇزۇلۇپ كەتكەن بىر قانچە سىسىق ئىغىلىنى تۈزەشتۈرۈپ ئىغىل بىشىغا يوغان قىلىپ‹‹مەن توكۇر ئەمەس›› دەپ تاختاي ئىسىپ ئۆزىنى نامايەن قىلىشقا ئالدىرىدى ۋە يۇرتتىكى بارلىق قەۋىملەرنى يىغىپ توپلاپ ئۆزىنىڭ توكۇر ئەمەسلىكىنى ، ئارقا ئىككى پۇتىنىڭ بۇنداق بوپ قىلىشى ئۇنىڭ ئالاھىدە ئېقتىدارغا ئىگە ئىكەنلىكىنى،ئەگەر يۇرتداشلار ئارىسىدا ئۆزىگە ئوخشاش توكۇرلار بولسا ھۆرمەتلەپ كۆككە كۆتۈرۈپ يۇرت ئاقساقىلى قىلىدىغانلىقىنى ئېيتىپ جار سىلىپ باشقىلارنى قايىل قىلماقچى بولدى.
يالغان گەپنىڭ مىڭ قىتىم سۆزلىسە راس بولىدۇ دەيدىغان گەپ بار ئەمەسمۇ.ئۇنىڭ پەلپەتىش سەپسەتىلىرى بىر قىسىم ئىش ئۇقمايدىغان،جاھان كۆرمىگەن قۇدۇق پاقىلىرىنى قايىل قىلىۋەتتى بولغاي ئۇلار قۇدۇقتىن چىقماي كۇركىرايدىغان بولىۋالدى. پاقىلار كۇركىراۋەرگەن بىلەن لىكىن ئۇنىڭ شۇم نىيەتلىرىدىن يۇرتتىكى ئۇقۇمۇشلۇقلار خەۋەردار ئىدى،لىكىن ئۇلار ئىشەككە تەڭ بولماسلىق ، توكۇر ئىشەكنىڭ ئاقساقال بولۇپ كۆڭلىنى خۇش ئىتىۋىلىشى ئۈچۈن ئۇنى ئاياپ ئارتۇق سۆزلىمەيتتى ، ئىپادە بىلدۈرمەيتتى. ئۇقۇمۇشلۇقلارنىڭ بىلىدىغىنى بولسا بۇ دۇنيا نىي-نىي جاندارلاردىنمۇ ئىشىپ ھازىرقىدەك كۈنگە يەتكىنى ئىدى.لىكىن ئۇ مەمەدان ئىشەك بۇ مەنتىقىنى زادىلا چۈشەنمەيتتى. بۇ توكۇر ئىشەكنىڭ شۇم نېيىتى شۇنداق يامان ئىدىكى ئۆزى ‹‹مەن توكۇر ئەمەس ›› دەپ تاختاي ئاسقان سىسىق ئىغىلىدىن ھەم ئىغىلدىكى بىر قانچە خوشامەتچى ئىشەكلەردىن ، قۇرۇق يۇرت ئاقساقاللىقىدىن ئايرىلىپ قىلىشنىڭ ئالدىنى ئىلىش ئۈچۈن يۇرتتىكى باشقا جاندارلارنىڭ نورمال كۈن كەچۈرۈشىنىڭ ئالدىنى ئىلىش ئۇلارنى داۋاملىق ئاۋارە قىلىپ تۇرغان يىرىگە سۇ قۇيۇپ ئۇلارنى ۋەيران قىلىشلا ئىدى.ھىلىمۇ بۇ توكۇر ئىشەكنىڭ شۇم نىيىتى نۇرغۇن جاندارلارغا بىسەرامجانلىق ئىلىپ كىلىۋاتاتتى... پەلەك چاقى ئايلىنىۋەردى.ئىشەكلەر ئاقساقال بولىدىغان زامان ئاخىرلىشىدىغاندەك تۇراتتى.بۇنى ئاڭلىغان بۇ قىرى قوتۇر ئىشەك دەرھال ئەقىل تاپتى دە بۇرۇنقى‹‹مەن توكۇر ئەمەس››دىگەن تاختاينىڭ ئورنىغا‹‹مەن ئىشەك ئەمەس›› دىگەن تاختاينى ئالماشتۇردى. قۇدۇق پاقىلىرىمۇ توختىماستىن ‹‹ ئۇ ئىشەك ئەمەس ئىدى ›› دەپ كۇركىراشتى . بۇ يۈزى قىلىن،شۇم نىيەت توكۇر ئىشەك شۇنى بىلمىدىكى ئىشەك مىڭ يىل ياشىسىمۇ يەنىلا ئىشەكلىكىنى تاشلىمايتتى.قارىغاندا دۇنيادا ئىشەكنىڭ ھۆكۇم سۈرۈش دەۋرى ئاخىرلىشىدىغاندەك قىلاتتى......
بىلىپ قالغىنكى ئىشەك،پاقىلارغا دەرس ئۆتىمەن دەپ ئاۋارە بولما،چۈنكى ئۇ يەنىلا پاقا.ئىشەك تۇرۇپ ئۆزۈڭنىڭ ئىشەكلىكىڭدىنمۇ ھەم تانما.چۈنكى سىنىڭ قىلمىشلىرىڭ سىنىڭ ئىشەكلىكىڭگە دەلىل.چۈنكى سەن يارىلىشىڭدىنلا ئىشەك،باشقىلارغا يامان قولۇڭنى،شۇم نىيەتلىرىڭنى سۇنىۋەرسەڭ ئىشەكتىنمۇ ئۆتە بىر كۈن سىنى كۈتكۈسى.ئۆزۈڭنىڭ توكۇرلىقىنى ياپىمەن دەپمۇ ئاۋارە بولما،خۇدا ئىشەككە بىلىپ مۇڭگۈز بەرمىگەن دىگەن گەپ ئەل ئارىسىدا ۋاشاڭ.يۇرت ئاقساقاللىقىنى قىلىمەن دەپ باشقىلارنىڭ ئەجرىنى پايخان قىلما،شۇم نىيەتلىرىڭنى چاچما.بولمىسا توكۇر بولۇپ قالمىغان ئالدى ئىككى پۇتۇڭمۇ ناكاھ بولمىسۇن.قىسقىسى ئىغىزىڭنى يوغان ئىچىپ ھاڭراپ ئەقلىڭدىن ئاداشماي ئاش بەرگەنگە مۇش بەرمەي يولىدا جاۋاپ قىلىشنى بىل.ساڭا تىلىكىم توكۇر ئىشەك:شۇم نىيەتلىرىڭدىن ئەڭ ياخشىسى يان،باشقىلارنىڭ شامىلىنى يىغىمەن دەپ چۈش كۆرىۋەرمە.سىنىڭ شامىلىڭنى يىغىدىغانغىمۇ ۋاقىت ئاز قالدى...
مەنبە:ئۆزۈم
بۇ يازمىنى ئاخىرىدا uighur-jan تەھرىرلىگەن. ۋاقتى 2011-6-15 14:13
| 
يوللانغان ۋاقتى 2011-6-15 14:12
يوللانغان ۋاقتى 2011-6-16 01:12
