رەنجىمىگىن كۈنلىسەم(باغۋەن)

qaharbag

رەنجىمىگىن كۈنلىسەم

كۈنلىسەم رەنجىمە ھېچ بۇ مېنىڭ ئامراقلىقىم،
چۈنكى سەن ئالەمدە بىر مېنىڭلا بەخت شادلىقىم.
ياندا تۇرسا نىگارىڭ كۆزلىرىڭگە تەلمۈرۈپ،
باشقىغا باقساڭ جېنىم كەلمەمدۇ مېنىڭ تارلىقىم.

كۈنلىسەم كۈلمە نىگارىم ئىچى تار دەپ مېنى،
كۆرمىسە دەيمەن تېخى مەندىن بېلەك ھېچكىم سېنى.
قىلدىڭا قانداق سېھىر بۇ دەرتكە بولدۇم مۇپتىلا ،
قالمىدى جىسمىمدا جان قايرىلىپ باقساڭ تېخى.

ھەر مىنۇت كۆڭلۈم يېرىمدۇر سەن بىلەن سۆزلەشمىسەم،
ئارمىنىم شۇدۇر مېنىڭ بىر ئۆمۈر ئىشقىڭدا ئۈنلىسەم.
سەن ئۆزۈڭ بەرگەن ماڭا بۇ مۇقەددەس سۆيگۈنى،
رەنجىمە زىنھار جېنىم شۇ تۈپەيلى كۈنلىسەم.

مەنبە:پەرىشتەن تورى

138

بەك ئېسىل شئر ئىكەن ، كۈنىلەشىنىڭىمۇ ئۆز يولىدا بولغىنى ياخشى . ئورۇنىسىز كۈنىلەش ، بەزىدە ئادەمىنىڭ كۆڭىلىنى غەش قىلىدۇ . تىمىڭىزغا كۆپ رەخىمەت . سزبەك ياخىشى تىمىلارنى يوللايىدىكەنىسز . بۇنىدىن كىيىنمۇ داۋامىلىق يوللاپ تۇرۇڭ . مەن سىزگە ، سالامەتىلىك تىلەيىمەن .

nazakat1212

باغۋەن ئاكا ، بىز تورداشلارغا مۇشۇنداق ئىسىل ئەسەرلەرنى سۇنغىنىڭىزغا كۆپتىن كۆپ رەخىمەت .