مۇھەممەتجان راشىدىن بىلەن تونىشقىڭىز بارمۇ ؟

gulimire

ئەسسالامۇ -ئەلەيكۇم ئىز مۇنبىرىدىكى ناتىۋان خانىم- قىزلار ، ئوت يۈرەك يىگىتلەر كەمىنە گۈلمىرەدىن سىلەرگە ئوتلۇق سالام ! سىلەر شىئىرلىرىنى ياقتۇرۇپ ئوقۇيدىغان مۇھەممەتجان راشىدىن بىلەن تونۇشقۇڭلار بارمۇ ؟ ئۇنداقتا دىققىتىڭلار مۇنۇ تىمىدا بولسۇن !





شائىر مۇھەممەتجان راشىدىن 1940-غولجىدا تۇغۇلغان .1958 - يىلى ئاپتۇنۇم رايونلۇق يىزا ئىگىلىك تىخنىكۇمنى پۇتتۇرگەندىن بىرى ئىزچىل تۈردە ئوقۇتقۇچىلىق بىلەن شۇغۇللانغان .
مۇھەممەتجان راشىدىن 1958- يىلى ئىلان قىلىنغان تۇنجى شىئىرى "ئىلى دەرياسى " بىلەن ئەدەبىيات سىپىگە كىرىپ كەلدى . شۇنىڭدىن بۇيان شائىرنىڭ كۆپلىگەن شىئىرلىرى ھەر قايسى گىزىت ژۇرناللاردا ئىلان قىلىندى . 1986 - يىلى "كاككۇك گۈلى " ناملىق شىئىرلار توپلىمى نەشىردىن چىقىپ ، كەڭ ئوقۇرمەنلەر بىلەن يۈز كۆرۈشتى .

شائىر تازا قىرانىغا يەتكەن شىئىر ئىجادىيىتى بىلەن جان كۆيدۈرۈپ شۇغۇللىنىۋاتقان يىللاردا "مەدەنىيە ئىنقىلابى " نىڭ بوران چاپقۇنى يىتىپ كەلدى -دە ،ئۇ "تۆت كىشلىك " گورۇھنىڭ زىيانكەشلىكىگە ئۇچراپ ، ئازغىنە كەم 20 يىلغا يىقىن ئۇۋالچىلىق تارتتى . ئۇ قايتا ھايات باھارىغا ئىرىشكەندىن كىيىن ،شىئىر ئىجادىيىتىگە يىڭىچە قىزغىنلىق بىلەن كىرىشتى ، مۇھەببەت- نەپرىتى تىخىمۇ روشەنلەشتى . ئۇنىڭ شىئىرلىرىدا يىڭى ھايات باھارىغا بولغان مۇھەببەت خۇددى چولپاندەك چاقنىدى ، گۈلخاندەك ئۇلغايدى . بۇ جەھەتتە شائىرنىڭ " مەن كىلىمەن ئىككى كۆزۈم ياش .........." ،"سالام دوستلار " قاتارلىق شىئىرلىرى ئالاھىدە خارەكتىرلىكتۇر .

شائىرنىڭ شىئىر ئىجادىيىتىدە ۋەتەن توغرىسىدا يىزىلغان لىرىكىلار زور سالماقنى ئىگەللەيدۇ .ئۇ ئۆزىنىڭ يالقۇنلۇق ،ھىسياتلىق مىسرالىرىدا ۋەتەنگە بولغان مۇھەببىتى ۋە ئەقىدىسىنى نامايەن قىلغان .

مۇھەممەتجان راشىدىننىڭ مۇتلەق كۆپ ساندىكى شىئىرلىرىنىڭ تىلى گۈزەل ،ساددا بولۇپ ،ياسالما قوپال ئەمەس .بىز مۇھەممەتجان راشىدىننىڭ شىئىرلىرىدا تىل مەسىلىسىنىڭ ياخشى ھەل قىلىنغانلىقىنى ھەر بىر شىئىرنى ئوقۇغاندا ھىس قىلىمىز .

مۇھەممەتجان راشىدىن يىقىنقى يىللاردىن بۇيان ،ئىجتىمائى تۇرمۇشنىڭ ھەممە تەرەپلىرىگە ، نەزەر سىلىشقا ، تىمىدا كۆپ خىل بولۇشقا باشلىدى ۋە كۆپلىگەن ياخشى شىئىرلارنى يازدى .بۇ شىئىرلاردا شائىر ئۆزگىچە يىڭى پىكىرلەرنى ئوتتۇرغا قويدى .

يىقىنقى يىللاردىن بۇيان ، شائىر مۇھەممەتجان راشىدىننىڭ شىنجاڭ خەلىق نەشىرياتى ،مىللەتلەر نەشىىرياتى ، شىنجاڭ ياشلار ، ئۆسمۈرلەر نەشىرياتى ،قەشقەر ئۇيغۇر نەشىرياتى تەرىپىدىن ئىلگىرى كيىن بولۇپ ، "ئانا يەر قەسىدىسى "،"مۇھەببەمۇ ئۇلۇغ بىر مەكتەپ "،"ئۆمۈر ئىلھاملىرى "،"ھايات دىگەن مانا شۇ "،"ياخشىلارغا ناخشىلار تولا "،"جاھان دىگەن يارالغان شۇنداق "،"ۋاي ئىسىت 15 چۈجەم "قاتارلىق شىئىر توپلاملىرى نەشىر قىلىندى .

بىز ئۇنىڭ تىنىگە سالامەتلىك ، ئىجادىيىتىگە ئۇتۇق تىلەيمىز !

مەنبە : پايدىلىنىش ماتىرياللىردىن ئۆزۈم توپلام قىلىپ يازدىم

muslima12

ھەقىقەتەن ياخشى شىئىر يازىدۇ.مەنمۇ شىئىرلىرىنى تولىمۇ ياقتۇرۇپ ئوقۇيمەن.شائىرىمىز بىلەن تۇنۇشۇش پۇرسىتىگە ئىگە قىلغىنىڭىزغا كۆپ رەھمەت.

138

ئەجىرڭىزىگە كۆپ رەخىمەت گۇلىمىرە ، مەن ھەم بۇ شائىرمىزنىڭ شئرلىرنى بەك ياخىشى كۆرەتتىم . بولىسا داۋامىلىق يوللاپ تۇرۇڭ . مەن سىزىگە ئۇتۇق تىلەيىمەن

miskar

ھەقىقەتەن ياخشى شېئىر يازىدىغان شائىر ، مۇھەممەتجان راشىدىننىڭ شېئىرلىدا ئېيتىلغان ناخشىلارنىمۇ ئىنتايىن ياقتۇرۇپ ئاڭلايمەن .رەھمەت سىزگە

muslimahinim

سىزگە بەك رەھمەت جمۇ تاتلىق ، ئەھمىيەتلىك تىمىا يوللاپسىز

tahajan

راستلا بەك تۇنۇشقۇم باتتى،بۇ شائىرىمىز بىلەن.رەھمەت سىزگە.

tanhatuygu

رەھمەت سىزگە،ياخشى شىئىر يازىدۇ.مەنمۇ شىئىرلىرىنى تولىمۇ ياقتۇرۇپ ئوقۇيمەن.

akeles

مۇھەممەتجان راشىدىن دەپ مەكتەپتىكى ۋاقتىمدا ئاڭلىغان شېرلىرىنىمۇ تازا يادىلغان..

لېكىن مۇنبەر دۇنياسىغا قەدەم باسقاندىن بۇيان . سىزئانا،مۇھەببەت تەسۋىرلەنگەن شېرلىرىڭىزنى كورۇپ كېلۋاتىمەن .شۇۋاقلاردا تـىخى سىزنى ئاجايىپ شايىركەن دەپ ئويلاپ قاپتىكەنمەن ..

ئەمىلىيەتتە سىز سىڭلىمنىڭ ئورنىدىكى قىزكەنسىز ئەمەسمۇ ..