قارا تۇپراق ئانا تۇپراقتۇر 
ئالەم ئىللىق ساھىبخان بىزگە ، ھايات ھەركۈنى ئىمتاھان بىزىگە . تۈگەل كۆكلەپ تەرگەنلىرىمىز ، ئانا تۇپراق مېھىربان بىزگە .
سېزىلىدۇ شاماللار شاخىتىن ، شىلدىرلىغان يېشىل ياپراقتىن. ئانىلاردىن تۇغۇلغان بىلەن ، يارالغان بىز قارا تۇپراقتىن .
قارا تۇپراق ئانا تۇپراقتۇر ، ئەلمىساقتىن خىزىردەك پاكنۇر . بولغان بىلەن بىزلەر گۇناھكار ، ئانا تۇپراق گۇناھىتىن ساقتۇر .
گۈل _ گىياھ تېرىپ ھويلىغا ، قىزلار ئېسىپ زۇننار بوينىغا ؛ ئۆلۈپ كەتسەك ئالاركەن يەنە ، قارا تۇپراق ئىسىسىق قوينىغا .
ئەسلىمىز ھەم نەسلىمىز تۇپراق ، بارچىمىزدىن سەن ئەزىز تۇپراق .
2003 _ يىل ، 30 _ ئۆكتەبىر ئاپتۇرى ؛ مۇھەممەتجان راشىدىن شىئىرلار توپلىمىدىن ئىلىندى | 
يوللانغان ۋاقتى 2011-6-7 11:40
