ئېرىڭىزنىڭ «قىز دوست» تۇتالىغانلىقىدىن پەخىرلىنەمسىز [باغۋەن]

qaharbag

يېقىندا ئايالىمدىن بىر خىزمەتدىشىنىڭ ئېرىنىڭ قىز دوستلىرىنىڭ كۆپلىكى، كۈندە توردا يېڭى-يېڭى قىز دوستلارنى تاپىدىغانلىقى، قىز دوستلىرىنىڭ ئەرگە ناھايىتى ئامراقىلىقى، تېخى بىر نەچچىسىنىڭ ئۇنى يۇرتلىرىغا تەكلىپ قىلغانلىقىنى پەخىرلىنىپ سۆزلەپ بەرگەنلىكىنى ئاڭلىدىم.
ئايالىمنىڭ خىزمەتدىشىنىڭ: «ئېرىمنىڭ قىز دوست تۇتالىغانلىقى ئېرىمنىڭ ياخشىلىقىنى چۈشەندۈرۈپ بېرىدۇ» دېگەن گېپىنىڭ يېقىنقى يىللاردىن بۇيان قىز-ئاياللار ئارىسىدا تارقىلىپ، مودىغا ئايلانغان «ئۆزۈڭ ياخشى بولساڭ، ئاشناڭ بولمامتى» دېگەن گەپكە يېقىنراق كېلىدىغانلىقىنى ھېس قىلدىم. بۇ گەپنىڭ مەنىسىنى تەھلىل قىلساق، «ئەرلەرنىڭ ياخشى-يامانلىقى ئاشنىسىنىڭ بار-يوقلۇقى، ئاز كۆپلۈكى بىلەن ئۆلچىنىدۇ» دېگەن مەنىنى بىلدۈرىدۇ.
گەرچە ئۇ ئايالىنىڭ ئاغزىدىن «ئاشنا» سۆزى چىقمىغان بولسىمۇ، توقلۇقتىن شوخلۇق چىقىۋاتقان، بۈگۈنكىدەك مەدەنىيەت ئەخلاق يالىڭاچلىنىۋاتقان دەۋىردە ھېچكىممۇ «قىز دوست» نى «ئاشنا» لىققا تەرەققىي قىلمايدۇ، دەپ ئېيتالمايدۇ. جەمئىيەتتىكى نۇرغۇن ئائىلىلەر 3-شەخسنىڭ ئارلىشىشى، بىر كۆرۈشكەندە دوست، ئىككى كۆرۈشكەندە ئاشنا ياكى توقالغا ئايلىنىش سەۋەبىدىن بۇزۇلۋاتىدۇ.
ئەگەر سىز جەلپكار، ئېرىڭىز چىن يۈرىكىدىن ياخشى كۆرگۈدەك ئايال بولسىڭىز، ئېرىڭىز قىز دوست تۇتۇشقىمۇ، قىز دوست ئىزدەشكىمۇ قىزىقمايدۇ. سىزدىن تەپ تارتماي، سىزنى قارىتىپ قويۇپ قىز دوست تېپىشقا ئۇرۇنغانىكەن، دېمەك، ئېرىڭىزنىڭ نەزىرىدە سىز پەقەت «خوتۇنلا» ئىكەنسىز، خالاس. شۇڭا «ئەرنى ئەر قىلغانمۇ خوتۇن، يەر قىلغانمۇ خوتۇن» دېگەننى ئۇدۇم بىلىپ، «جەلپكار» ئېرىڭىزنىڭ «قىز دوست» تۇتالىغانلىقىدىن پەخىرلەنمەي، سىزگە بولغان ساداقىتىدىن، مېھىر-مۇھەببىتىدىن پەخىرلىنىڭ.


ــــــ شىنجاڭ قانۇنچىلىق گېزىتى

muslima12

ئەگەر سىز جەلپكار، ئېرىڭىز چىن يۈرىكىدىن ياخشى كۆرگۈدەك ئايال بولسىڭىز،
بۇ سۆز ماڭا ياقتى.مەنمۇ شۇنداق قارايتىم.ئايال ياخشى بولسا ئەر تالاغا قارىمايدۇ دەپ ئويلايمەن.

oygurum

مىنىڭچە كىشنىڭ ھەققى كىشىدە قالمايدۇ،شۇ ئەر ئاشنا ئوينىسا ئۇنىڭ خۇتىنىمۇ ئەلۋەتتە قاراپ تۇرمايدۇ،مىنىڭچە ئەر بۇزۇلمىسا،ئايال ئالدىراپ بۇزۇلمايدۇ..

nazuk214

ھەرگىزمۇ «ئېرىنىڭ قىز دوست تۇتالىغانلىقى ئېرىنىڭ ياخشىلىقىنى چۈشەندۈرۈپ بېرىدۇ» دېگەن گەپكە ئىشەنمەيمەن ،ئەگەر شۇنداق دىگۈچىلەر بولسا سوراپ باققۇم كېلىدۇ،ئەگەر سىزنىڭ يولدىشىڭىز سىزنىڭ ئويىڭىزدىكىدەك ياخشى بولسا سىزگە بولغان سۆيگۈسى چىن،ھەقىقىيمۇ؟
ئەگەر سىز جەلپكار، ئېرىڭىز چىن يۈرىكىدىن ياخشى كۆرگۈدەك ئايال بولسىڭىز، ئېرىڭىز قىز دوست تۇتۇشقىمۇ، قىز دوست ئىزدەشكىمۇ قىزىقمايدۇ. سىزدىن تەپ تارتماي، سىزنى قارىتىپ قويۇپ قىز دوست تېپىشقا ئۇرۇنغانىكەن، دېمەك، ئېرىڭىزنىڭ نەزىرىدە سىز پەقەت «خوتۇنلا» ئىكەنسىز، خالاس. شۇڭا «ئەرنى ئەر قىلغانمۇ خوتۇن، يەر قىلغانمۇ خوتۇن» دېگەننى ئۇدۇم بىلىپ، «جەلپكار» ئېرىڭىزنىڭ «قىز دوست» تۇتالىغانلىقىدىن پەخىرلەنمەي، سىزگە بولغان ساداقىتىدىن، مېھىر-مۇھەببىتىدىن پەخىرلىنىڭ.
مانا بۇ گەپ ئ.ەڭ قايىل قىلارلىق سۆز بوپتۇ ،ئەگەر يولدىشىڭىزنىڭ ئاشۇنداق ئىشلىرىدىن ماختىنىپ يۈرسىڭىز سىز دۇنيادىكى ئەڭ بىچارىلەرگە ئوخشىماي نىمىگە ئوخشايسىز......تېما ئىگىسىگە رەخمەت...

sardar3183

muslimahinim

ھەقىقەتەن شۇنداق، ئەگەر ئىرىڭىزنىڭ كۆڭلى سىزدىن، ئۆيدىن سۇ ئىچسە، ھەرگىزمۇ سىرىتقا قارىمايدۇ، ئاشنا تۇتمايدۇ، ... تىمىڭىزغا تەشەككۈر، ھارمىغايسىز....

nazakat1212

مىنىڭچمۇ ،ئەرنىڭ كۆڭلى خوتۇنىدىن ،ئۆيدىن سۇ ئىچسە ئۇ ئەر ھەرگىزمۇ سىرتتىن ئاشنا تۇتۇش تۈگۈل قىز لارغىمۇ يىقىنلاشمايدۇ .