مەن خوتەنگە بىر باراي
( مۇخەممەس )
<<قاشتىشى >> دەپ نامىڭ بار، گۈزەل يۇرتقا مەن باراي ،
مەدەنلىرىڭ شۇنچە كۆپ قارىقاش، يۇرۇڭقاشقا مەن باراي ،
ئادەملىرى مېھماندوس، گۆش گىردىسى ۋاي، ۋاي ، ۋاي،
خىسلىتىڭنى داستان قىپ، شېئىر-قوشاق مەن يازاي ،
مېھرى ئىسسىق بۇ يۇرتقا ، مەن خوتەنگە بىر باراي .
خان ئەتلىسى شاھىسى، دىلدا داستان خوتەننىڭ ،
كىيسە زەپمۇ يارىشار، توي زىننىتى خوتۇننىڭ ،
سەھنە ئۇنسىز بىزەلمەس، خوي كۆركىسى ئويۇننىڭ،
مەھسۇلاتى مېۋىسى ، چىۋەر- ئىشچان قولىنىڭ ،
ھۇنەر- سەنئەت ماكانغا، مەن خوتەنگە بىر باراي.
زىلچە گىلەم يارىشار، ئۆيىڭىزگە سالسىڭىز ،
ئەڭ نوچىسى -سېزىنى ، شۇ خوتەندىن ئالسىڭىز ،
زىيان تارتماس خىرىدار،چوپقەت بولۇپ قالسىڭىز،
بېيىشىڭنىڭ مەنبەسى، سودا ئادىل بىلسىڭىز ،
گۆھەر زىمىن ماكانغا، مەن خوتەنگە بىر باراي .
مېۋە-چىۋە ماكانى، يۇرىشىدۇ سودىسى ،
ياڭاق، بادام تەل تۇرسا، يەي دىسىڭىز يىمىشى ،
مەن -مەن دىگەن ئەركەكنىڭ، توشقان زەدەك دورىسى،
تۆكمىچىلىك خوتەندە ، باي باياشاد تۇرمۇشى ،
ئەل نەزىرى ماكانغا ، مەن خوتەنگە بىر باراي.
ئاپتۇرى: يۈسۈپجان سابىر ئوتياق
| 
يوللانغان ۋاقتى 2011-5-21 13:47
بەك ياخشى يىزىلىپتۇ .......
يوللانغان ۋاقتى 2011-5-22 00:36