- ئاخىرقى قېتىم
- 2011-7-17
- تىزىملاش
- 2011-5-5
- ھوقۇق
- 1
- توردا
- 36سائەت
- جۇغلانما
- 1574
- نادىر تېما
- 0
- يازما
- 416
- تېما
- 35
- توردا
- 36سائەت
- نادىر تېما
- 0
- دوست
- 9
- يازما
- 416
- تېما
- 35
|
سەن مەندەك بولالامسەن ؟
مۇھەممەدجان راشىدىن
سەن مەندەك بولالامسەن ، دۆڭگە سۇ قويالامسەن . ئاناڭغا سويمىغان قوينى باشلىققا سويالامسەن ؟
قويغا ئۆزگىرەلەمسەن ، ئىتقا ئايلىنالامسەن ؟ مەندەك ئەركىلەپ يۈرۈپ ، ئىلغار سايلىنالامسەن ؟
سەن مەندەك بولالامسەن ؟ كۆككە غادىيالامسەن ؟ - بۇ ئىشڭ خاتا دېسە ، شۇئان جايلىيالامسەن ؟
ئاغزىڭدا شەھەر ئېلىپ ، بىر كۆتەك يارالامسەن ؟ بىلىڭنى سىيلاپ يۈرۈپ ، مۇكاپات ئالالامسەن ؟
سەن مەندەك بولالامسەن ، غەيۋەتمۇ قىلالامسەن ؟ ياخشىلارغا دەرد كەلسە ، چاۋاكمۇ چالالامسەن ؟
قانچىلىك ھۈنەرۋەنسەن ، قاپقانمۇ قۇرالامسەن ؟ ھەر دوستۇڭغا بەش ئورا ، مېنىڭدەك كولىيالامسەن ؟
سەن مەندەك بولالامسەن ، قىزلارنى تورالامسەن ؟ دادىسى كېلىپ قالسا ، قورقماستىن ئۇرالامسەن ؟
پايپاسلاپ سەتەڭلارنىڭ ، كەينىدىن ماڭالامسەن ؟ ئەر يەتكەن بالاڭ تۇرۇپ ، ئاشنا ئوينىيالامسەن ؟
سەن مەندەك بولالامسەن ، قاۋاقتا قونالامسەن ؟ ساقچىلار كېلىپ قالسا ، مەندەك تېز تونالامسەن ؟
يېتىمنى بوزەك قىلىپ ، يالغۇزنى ئۇرالامسەن ؟ نوچىسى كېلىپ قالسا ، ئون تەزىم قىلالامسەن ؟
سەن مەندەك بولالامسەن ، بازار باشقۇرالامسەن ؟ ئون تىيىن چىقىم قىلماي ، گىلەممۇ ئالالامسەن ؟
سودىگەر بولالامسەن ، خەقنى كوملىيالامسەن ؟ داداڭ پۇل سوراپ قويسا ، شىردەك ھومىيالامسەن ؟
سەن مەندەك بولالامسەن ، سۈتكە سۇ قوشالامسەن ؟ خەقنىڭ بېغىدىن ئاستا ، ئۆيۈڭگە توشالامسەن؟
ئالدىدا ئايالىڭنىڭ مەندەك تىك تۇرالامسەن؟ كۈندۈزدى تاماق ئېتىپ ، كەچتە كىر يۇيالامسەن ؟
سەن مەندەك بولالامسەن ، شۇنچە ئىش قىلالامسەن ؟ بوران چىقسىمۇ ئون بال ، يىقىلماي تۇرالامسەن ؟
1990 - يىل 2 - ئاي غۇلجا
|
|
يوللانغان ۋاقتى 2011-5-13 13:30
