سۆيسەڭ مىنى چىن يۈرەكتىن سۆي،
ھەمرا قىلىپ سۆيگۈڭنى ئەبەد.
مىسكىن دىلىم يورۇسۇن مىنىڭ،
ھىجرانلاردا ئۆتكۈم يوق پەقەت.
سۆيسەڭ مىنى چىن يۈرەكتىن سۆي،
كۆرمەي دىسەڭ كۆزلىرىمدە ياش.
كۈلۈپ باققىن تەبەسسۇمىڭدىن،
ھەسەت قىلغاي تۈندىكى قوياش.
سۆيسەڭ مىنى چىن يۈرەكتىن سۆي،
سەن گۈل بولغىن مەن، بولاي بۇلبۇل.
كۈتەي سىنى تەلمۈرۈپ ھەرچاغ،
كىچە-كۈندۈز ئەزىزىم سۇمبۇل.
سۆيسەڭ مىنى چىن يۈرەكتىن سۆي،
ساختا سۆيگۈ ئالمىسۇن چىرماپ.
بىردەك بولسۇن ئىچ-تىشىڭ سىنىڭ،
يۈرمەي دىسەڭ زارۇ-زار يىغلاپ.
سۆيسەڭ مىنى چىن يۈرەكتىن سۆي،
ھىتىرقاشلار كۆچسۇن بىزلەردىن.
باھارلارغا قانماسىن يۈرەك.
تامايىم يوق قاخشال كۈزلەردىن.
سۆيسەڭ مىنى چىن يۈرەكتىن سۆي.
بەرمەي دىسەڭ قەلبىمگە ئازاپ.
سۆيەلمىسەڭ ئاچما ماڭا سۆز،
ئۆتمە مىنى ھەم ئۆزۈڭنى، ئالداپ.
سۆيسەڭ مىنى چىن يۈرەكتىن سۆي،
شەرتىم شۇكى ۋىجدانلىق بولغىن.
باغرىڭدا گەر ئۈنسە شۇمبۇيا،
ئىككىلەنمەي سەن ئۇنى يۇلغىن.
سۆيسەڭ مىنى چىن يۈرەكتىن سۆي،
سۆيگۈ ئەمەس بىلسەڭ سەدىقە.
ھىسداشلىقىڭ قالسۇن ئۆزۈڭگە ،
ھەم تاڭمايمەن سىنى ئۆزۈمگە.
سۆيسەڭ مىنى چىن يۈرەكتىن سۆي،
ھەۋەس ئەمەس مۇھەببەت بىلسەڭ.
چىن يۈرەكىڭ بەرگىن سوۋغا قىپ،
مەڭگۈ بىرگە ئۆتىمەن دىسەڭ.
مەنبە: ئۆزەم
مەردان ئابلىكىم ئىجادىيتى
2011-يىل28-ئاپرىل پەيشەنبە ئۈرۈمچى
بۇ يازمىنى ئاخىرىدا iziz تەھرىرلىگەن. ۋاقتى 2011-4-28 12:26
| 
يوللانغان ۋاقتى 2011-4-28 10:56
