چىرايلىق مېنىڭ ئاشنام ( مۇخەممەس ) قىرى ياشقا ياش قىرى، مودا بولدى بىر قاينام ، مېھمانخانا-رىستۇران، قايناق بازار ھەي بايرام ، بۇ كوچىدا قىز-ئوغۇل، سوكۇلدايدۇ باي-غۇجام ، ھۆرمىتى بار ئۇلارنىڭ، سالام بىرەر ئەسسالام ! تۆرگە مېنى باشلايدۇ ، چىرايلىق مېنىڭ ئاشنام .
ئاشنامنىڭ قولى كەڭدۇر، توقاچ بىلەن باقىدۇ، نە خىسلەت بار ئۇنىڭدا، كۆڭلى ماڭا ئاقىدۇ ، مۇڭداشقاندا ئىرىنى، بەزى تىخى چاقىدۇ ، بۇ خىنىم بەك بايۋەتچى، پونى ماڭا ئاتىدۇ ، داننى ماڭا تاشلايدۇ ،چىرايلىق مېنىڭ ئاشنام .
ئاشنامنىڭ يولى باردۇر، چىرايلىق بويى باردۇر ، مېھمانلار ئۇزۇلمەيدۇ، سويۇشقا قويى باردۇر ، دىلنى شۇنداق ئالىدۇ، خۇشچاخچاق خۇيى باردۇر ، پات-پات تەكلىپ قىلىدۇ، سايىپخان چېيى باردۇر ، مېنى كۆرسە ئوينايدۇ، چىرايلىق مېنىڭ ئاشنام .
ئاشنامنىڭ گېپى باردۇر، ھەر كۇنى خېتى باردۇر ، مەپتۇن قىلىپ تۇردىغان، ئىشقىۋاز ئوتى باردۇر ، يىڭى زامان ئۆزگىچە ، كۈتۈشكە چولى باردۇر ، نەگە بارسا باش قاتماس، شەھەر-يېزا ئۆيى باردۇر ، كۆڭۈل تاتسا توۋلايدۇ، چىرايلىق مېنىڭ ئاشنام .
ئاشنامنىڭ سۆزى باردۇر، تويلارغا بارالمايمەن ، ئۇچۇرلار تولا كېلىپ، كىچىدە ياتالمايمەن ، ئالۋاڭ-سىلىق بەك تولا، مۇئاشنى ئالالمايمەن ، خەجى تولا خىنىمنىڭ ، بۇ دەدتىن قاچالمايمەن ، مېنى تىخى تىللايدۇ ، چىرايلىق مېنىڭ ئاشنام .
ئاشنامنىڭ پۇلى يوقتۇر ، تېلفۇن قىلىپ سورايدۇ ، بىر سەپتە يولى باردىن ، شىپى قىلىپ دورايدۇ ، كىيىم-كىچەك دۇككاندىن، ئىسىل مالنى ئورايدۇ ، قاچاي دىسە خىنىمدىن، پەمى بىلەن قوغلايدۇ ، پۇلنى تىخى قويمايدۇ ، چىرايلىق مېنىڭ ئاشنام .
ئاشنامنىڭ ھىلى كۆپتۇر، ئايدا- يىلدا باپلايدۇ ، بادرا سوراپ بەزىدە، كەتمەن، كەكە ساپلايدۇ ، بەت-بەشىرە ئىچىلسا، قارنى ماڭا چاپلايدۇ ، << تاغار،ئىشەك >> ھەم باينىڭ ، ئىغىرىنى تاتمايدۇ ، ئۇسۇلى كۆپ ياتمايدۇ ،چىرايلىق مېنىڭ ئاشنام .
ئاشنامنىڭ ئىرى يوقتۇر، سەي-كۆكتات ئالاي دەيمەن ،
ھىت-بايرام كېلىپ قالسا، گۈل سوغات قىلاي دەيمەن ، توي-تۆكۈن بولۇپ قالسا ، قوي-ئوغلاق ئالاي دەيمەن ، ئاشنامنىڭ غىمى مەندە ، پۇل-بايلىق تۇتاي دەيمەن ، مېنى دائىم ئويلايدۇ ، چىرايلىق مېنىڭ ئاشنام .
ئاشنامنىڭ پۇلى كۆپتۇر، غەم يىمەيدۇ ئاشنىسى ، خۇدا بەرگەن ئەركەككە، مانا سېغىن كالىسى ، تونۇش بالا دەپ قويۇپ، داستىخاندا مانتىسى ، خىزمىتىنى قىلىدۇ، بۇ ئايالغا ئەتىسى ، كىرەك ئەمەس پۇل دەيدۇ ، چىرايلىق مېنىڭ ئاشنام .
ئاشنامنىڭ يۇزى يوقتۇر، قىسى كەتسە باتنايدۇ ، خۇيى كەتسە بەزىدە ، ئامرىقىم دەپ چىللايدۇ ، باي-غۇجامنى كۆرگەندە، كەمبىغەلنى شاللايدۇ ، ئۇ ئىرىق بۇ ئىرىققا ، يولى كۆپتۇر قاتنايدۇ ، كۆڭۈل بىرگە تۇرمايدۇ، چىرايلىق مېنىڭ ئاشنام .
ئوتياق ئاشنىسى كۆپ دەپ، مېنى تىللاپ يۇرمەڭلار ! ئاشنا باركەن يوقكەن دەپ، چۆچەك قىلىپ يۇرمەڭلار ! ئۆز جۇپتىنى ھۆرمەتلەپ، چىن يۇرەكتىن سۆيۈڭلار ! ئاشنا نەدە ؟ ئۆز نەدە ؟ قەدىناسنى كۈتۈڭلار ! ئۆز يارىغا يەتمەيدۇ، چىرايلىق مېنىڭ يارىم...
ئاپتۇرى: يۇسۇپجان سابىر ئوتياق | 
يوللانغان ۋاقتى 2011-4-25 16:42
(چاقچاق جىمۇ ) ياخشى يىزىپسىز ............... بۇ يازمىنى ئاخىرىدا gulimire تەھرىرلىگەن. ۋاقتى 2011-4-25 17:20 
يوللانغان ۋاقتى 2011-4-25 17:43
