مۇھەببەت لىرىكىسى 
مەن سېنىڭ ئىشقىي ئوتلىرىڭنى ھېس قىلغان چېغىمدا سەن بىلەن ھەمنەپەس ئىكەنلىكىمنى بىلدىم،سېنىڭ مەشۇقۇڭ بۇلۇپ تۆرەلدىم. سەن يولۋاستەك باتۇر،شۇنداق قاسارەتلىك، قاماتلىك!مەن يېتىلمىگەن مۇڭلۇق،ئېگىز تاغلاردەك سۈكۈتكە چۈمگەن!مەن بۇ يولدا كىتىۋاتقان ئادەملەر ئارسىدىن تەشنالىق ۋە ئۈمىدكە تولغان كۆزلىرىم بىلەن ساڭا سەپسالمەن.سەن خىيال ئىلكىدە پەرۋاسىز ،ھەتتا مېنىڭ ئىزىڭنى ئىزلاپ يۈرگەنلىكىمدىنمۇ خەۋەرسىز....
مەن ئادەملەر ئارسىدىن گاھى سەن بىلەن يالغۇز ماڭغان چېغىمدا،سېنى چاقىرىشتىن قورقىمەن،ساڭا ناخشا ئېيتىپ بېرىشتىن ئۇيلىمەن،خىيالىم قاناتلىنىدۇ.شېرىن ۋە ئازاپلىق تۇيغۇلىرىم سېنى سېغىندۇرىدۇ،ئەمما سەن كۆز ئالدىمدا پەرۋاسىز ھەتتا مېنىڭ سېنى خىيال قىلىپ يۈرگەنلىكىمدىنمۇ خەۋەرسىز... مەن بىر توپ شوخ بالىلار بىلەن سېنى ئۇرۋېلىپ ،چۇقىراشلار ئىچىدە ساڭا مۇڭلۇق تىكلىپ قېتىپ قالىمەن،كۆزلىرىم خۇمالىق كۆزلىرىڭ بىلەن ئۇچرىشىپ قالغاندا،گۇناھكاردەك ئىتتىكلا يەرگە قارىۋالىمەن.سەن شۇنداق چاغلاردىمۇ مېنىڭ خۇمارلىق كۆزلىرىڭگە تەشنا بۇلۇپ تۇرۋاتقىمدىن خەۋەرسىز....
سەن ئىسسىق دەستىدىن ھالسىراپ ،سايە ئاستىدىكى چۆپلۈكتە ئۇيقۇغا كەتكەن چاغدا،مەن ياغلىقىم بىلەن سېنى يەلپۈپ،پاششىلارنىڭ چېقىشىدىن قورۇيمەن.سەن سالقىن ئەندىكىپ تەۋرەنسەڭ ،يۈگۈرۈپ بېرىپ بۈك-باراقسان دەرەخ ئوت چۆپلەر ئىچىگە يۇشۇرنىمەن...سەن ئۇيقۇ لەززىتىدە پەرۋاسىز ،ھەتتا راھىتىڭ ئۈچۈن مىنىڭ ئۇيقۇدىنمۇ كەچكەنلىكىمنى بىلمەيسەن... سەن گۈگۈم پەردىسى يېيىلغان مەيىن شامال راھەت بەخىش ئەتكەن چاغلاردا مەن بىلەن يىراقلىشىپ ئاستا-ئاستا رەتلىك ئورمانلار بىلەن تۇتاتشان ئۇزۇن چېغىر يوللىرىڭغا راۋان بۇلدۇڭ...
مەن ساڭا ئەگىشەلمىدىم،ئەمدىلا چىققان تۇلۇن ئايغا قاراپ ئۈنتىنسىز دەرىت-پىغانغا مۇپتىلا بولدۇم...مېنى خىياللىرى بىلەن پەپىلەپ تۇيغۇلىرى بىلەن زەنجىرلەپ قويغان ،قاراڭغۇ كېچىلەرگە يېگانە سەرسان ئەيلىگەن سۆيگۈم كۆزلىرىمدىن ياش بۇلۇپ يامغۇردەك ئېقىپ يۈزلىرىمگە چۈشمەكتە!!!بۇ ياشلارنىڭ سىرغىشىدىن ئاھۇ-پەريادىم ئارام تاپتى.ھەممە شېرىن ئۇيقۇدا ،پەقەت سېنى ئۆز قوينىغا ئالغان ئورمانلاردىن ئۈزۈك-ئۈزۈك تىۋىشلىرى ئاڭلىناتتى.تاڭ سەھەر ناخشا ئېيتىپ يولغا چىقتىم.ھەممە ماڭا ئەجەپلىنىش كۆزلىرى بىلەن تىكىلدى.تىكلىشلەردىن مەنمۇ ھەيران قالمىدىم،ناخشامنىڭ ساداسى كۆككە تۇتشىپ كەتكەن نەپەسلىرى خۇمالىق قاپقارا كۆزلىرىڭ ھەيرانلىقىنى تەبەسسۇملار بىلەن نۇرلاندۇرغان دەملەردە ئېگىز تۆپلىكتىكى چېكى يوق ئورمانلىقتىن كەلگەن ئەكىس ساداغا قۇشۇلۇپ ،سەپەردىشىمگە قول پۇلاڭلاتتىم.ئاھ،رەنجىمە ،سەندىمۇ رەنجىمەيمەن،ئاشىق يوللىرى ئېگىز-پەس،ئەگرى-تۇقاي،شۇڭا ئۇ ئىنتايىن مەنىلىك ھەم شېرىن بەك سىرلىق،قانچىلىك ئاشىق بۇ مەن باسقان ئېگىز داۋان تۆپلىكلەردىن ئاشالماي ھالسىراپ جىمىپ كەتتى،بۇ ماڭا نامەلۇم،مەن پەقەت ئۇ يەردە ھۆكۈم سۈرگەن جىمجىتلىقتىن سەن ئۈچۈن تۆككەن ياشلىرىمغا ئوخشايدېغان ياشلارنىڭ تېۋىش-سادالىرنى ئاڭلىغاندەك بولدۇم.ئەمما مەن ئالدىمدا قەت كۆتۈرۈپ تۇرغان ئېگىز-تاغ ئورمان ئىچىگە ئىچكىرلەپ كىرىپ يۇلۇمغا قاراپ،ناخشىنى تېخى تاماملاپ بۇلالمىغان دىلكەش خۇمار كۆزلىكىمگە چەكسىز ئىنتىزارلىق بىلەن مۇھەببەت ناخشىسىنى ئېيتىپ بۇ يولۇمنى داۋاملاشتۇردۇم.
دەت-ئەلەمگە مۇپتىلا بولغان كېچە، شىۋىرلايدۇ شامال يۇلتۇزغا بېقىپ. تىمتاسلىق كۈيىنى كۆيلەپ تۇلۇن ئاي، چاقنايدۇ كۆكتە ئاشىققا كۆز قىسىپ. 
ئاشىق ئېيتىدۇ مۇھەببەت ناخشىسى، يۈرەكتىن چىققان مۇڭ كۈيلىرى بىلەن. خىياللىرى ئۇچار قۇشتەك پەرۋاز قىپ، ئارزۇ-ئۈمۈدلەرنى قىلار گىرىسمەن.
كۆزلىرىدە ياپ-يېشىل باھار نازى، قەلبىدە مۇڭلۇق شېرىن چۈشلەر كۆرۈپ. ئاخشىمى ئاي-يۇلتۇزغا تۆتىدۇ دەت، مۇڭلىنىپ ئېيتىپ مۇھەببەت ناخشىسى .
مەنبە قەلىمىم بۇ يازمىنى ئاخىرىدا fatima تەھرىرلىگەن. ۋاقتى 2011-4-24 01:49
| 
يوللانغان ۋاقتى 2011-4-24 01:47
يوللانغان ۋاقتى 2011-4-24 02:06
بەكمۇ يىقىملىق مۇھەببەت لىرىكىسىىكەن ، بەكمۇ ياقتۇرۇپ قالدىم ! 
ياخشى تۇرۋاتقانسېز ؟خىلى بولدى كورۇشمىگلى ؟شۇڭا ئەھۋال سورشۇم 
