مەندىن بىزار بولما ئالدىراپ،،،، 
پەسلى باردۇر قىزىلگۈلنىڭمۇ، ئېچىلمايدۇ قىش،ياز ھەر كۈنى. مەندىن بىزار بولما ئالدىراپ، ئەسقاتارمەن ساڭا بىر كۈنى.
تاش ئەمەسمەن تاشلاپ كىتەرگە، قەدىرلەيمەن قەدرىمنى بىلسەڭ. سۆيمىسەڭمۇ ياد ئىتىپ يۈرگىن، ئويلاپ قويغىن خىياللار سۈرسەڭ.
قىسمەتلەرگە تولغان بۇ ئالەم، كۆرمىگەننى كۆرىسەن تىخى. تەنتەكلىكتە تاشلاپ كەتكەننى، ئەلدىن ئىزدەپ يۈرىسەن تېخى.
نۇر تىلەيمەن ئەقىل كۆزۈڭگە، ئاقىللاردەك ياشىغىن،يارىم. كېرەك بولسا ساڭا ۋاپادار، مەندىن يىراق قاچمىغىن يارىم.
مەنبە؛ <ياخشىلارغا ناخشىلار تولا > دىگەن كىتاپتىن ئىلىندى | 
يوللانغان ۋاقتى 
