sarwan يوللانغان ۋاقتى 2006-8-29 16:06:14

ﺋﯘﻳﻐﯘﺭﭼﻪ ﺗﺎﯞﯗﺵ پەرىقلەندۈرۈش ﺗﯧﺨﻨﯩﻜﯩﺴﻰ ﺗﻮﻏﯘ

گەرچە بۇرۇن Microsoft Office,IBM viaVoce لار دا بەزى تىللار دا ئاۋازنى يېزىققا ئايلاندۇرۇش، ئاۋازلىق بۇيرۇق بېرىش مەشغۇلاتى ئېلىپ بارغىلى بولسىمۇ لىكىن. مەشغۇلات سىستىمىسىغا نىسبەتەن تېخى ئاۋازلىق بۇيرۇق بېرىش ئۇسۇلى  قېتىلمىغان ئىدى. Windows Vista نىڭ سىناق نەشرىدىن قارىغاندا، ئاۋازلىق بۇيرۇق بېرىش ئۇسۇلى رەسمى تۈردە مەشغۇلات سىستىمىسىنىڭ بىر خىل كىرگۈزۈش ئۇسلى بولۇپ قېتىلغان. يەنى بارلىق تىللارغا ئاۋازلىق كىرگۈزۈش ئۇسۇلىنىڭ ئۇلىنىش ئېغىزى بىرىلگەن. دىمەك ماشىنا بىلەن ئادەمنىڭ ئالاقىسى يەنە بىر قەدەم يېقىنلىدى. مەشغۇلاتى ئاددىيلاشتى. ئەمما ئۇيغۇر تىلىغا نىسبەتەن بۇ يەنىلا بىر بوشلۇق ھىساپلىنىدۇ.


    ئۇيغۇرچە ئاۋازلىق كىرگۈزگۈچ ياساش مۇنكىمۇ؟ تامامەن مۇمكىن. ئاۋاز سان- سىفىرغا ئايلىنىپ كومپيۇتېرغا كىرگەن ئىكەن، بۇ سان- سىفىرنى بىرنىمە قىلغىلى بولىدۇ.


    مىنىڭچە بۇنىڭدىكى ھالقىلىق مەسىلە- ئاۋازنىڭ مەلۇم خاسلىقىنى تۇتىۋىلىش. مىنىڭ ئاكۇستىكا (ئاۋاز ئىلمى) دىن خەۋىرىم يوق. پەقەت تولۇقسىز ئوتتۇرا مەكتەپ فىزىكىسىدا سۆزلىنىدىغان ئاۋازنىڭ ئۈچ خۇسۇسىيىتى چاستۇتا، ئامپىلتۇدا، تېمبىر(ئاۋاز تۈسى) نىلا بىلىمەن.


    ماڭا نىسبەتەن بۇ ئۈچ خىل خۇسۇسىيەت بىزنىڭ ئاۋازنى پروگرامما ئارقىلىق پەرىقلەندۈرۈشىمىزگە تولۇق كۇپايە قىلمايدىغاندەك بىلىدۇ. چۈنكى بىز ئوخشىمىغان چاشتۇتىدا دىيىلگەن ئوخشاش بىرگەپنىڭ ئوخشاش ياكى ئەمەسلىگىنى پەرىقلەندۈرەلەيمىز. تىمبىر بولسا ئاۋازنىڭ كىمنىڭ ياكى نىمىنىڭ ئاۋازى ئىكەنلىگىنى پەرىقلەندۈرۈشكە قارىتىلغان.


    ناۋادا بىز ئاۋازنىڭ ئادەملەرنىڭ ئاۋاز پەرقلەندۈرگەندىكى  خۇسۇسىيىتىنى تېپىپ چىقالىساق (بەلكىم تېپىپ چىقىلغاندۇ، خەقلەرمۇ ياساپ يۈرگندىن كىيىن)، ھەم شۇ خىل خۇسۇسىيەتنى تۇتقا قىلىپ پەرىقلەندۈرۈش ئېلىپ بارساق. تاۋۇش پەرىقلەندۈرۈش ئاسانغا چۈشۈشى مۇمكىن.
    تاۋۇش پەرىقلەندۈرگەندە نىمىنى بىرلىك قىلىمىز؟

تاۋۇشنىمۇ؟ بوغۇمنىمۇ؟ ياكى سۆزنىمۇ؟

    *  ئەلۋەتتە سۆزنى بىرلىك قىلىش ئىپتىدائى ئۇسۇل. بۇنى ئىشلىتىش مۇۋاپىق ئەمەس.

    *   تاۋۇشنى بىرلىك قىلىشقا توغرا كەلسە- ئۇيغۇر تىلىدىكى سوزۇق تاۋۇشلارنىڭ ئايرىم ئوقۇلىشى بار بولسىمۇ ئەمما ئۈزۈك تاۋۇشلارنىڭ ئايرىم ئوقۇلىشى يوق. ئۈزۈك تاۋۇشلار چوقۇم باشقا سوزۇق تاۋۇشلار بىلەن بىرىكىپ كىلىپ ئاندىن مەۋجۇت بولۇپ تۇرالايدۇ. مۇشۇنداق ئەھۋالدا ئۈزۈك تاۋۇشلارنى توغرا ئايرىپ چىقىش مۇمكىنمۇ ياكى قىينلىق دەرىجىسى قانچىلىك؟

    *    بوغۇمنى بىرلىك قىلىش. بۇ بەلكىم ئاسانراق ئۇسۇل بولۇشى مۇمكىن. چۈنكى بوغۇم- تاۋۇشلارنىڭ بىرىكىپ ئېغىزدىن بۆلۈنۈپ چىقىشىنى كۆرسىتىدۇ. بۇنىڭدا ئۇيغۇر تىلىنىڭ تولۇق بوغۇم ئامبىرى ۋە بوغۇم ئەۋرىشكە ئامبىرى بولۇشى كىرەك. گەرچە ئۇيغۇر تىلىدا ئىشلىتىلىۋاتقان بوشۇملارنىڭ سانى 4000 دىن ئارتۇق دىگەندەك پاراڭلارنى ئاڭلىغان بولساقمۇ، لىكىن تېخى ئىنىق سىتاتېستىكىنى تېخى كۆرۈپ باقمىدۇق.

ناۋادا تاۋۇشلارنى ئىنىق ئايرىپ چىقىش مۇۋاپىقىيەتلىك بولسا ئەڭ ياخشى ئۇسۇل تاۋۇشنى بىرلىك قىلىش بولىشى مۇمكىن.


    بۇ يەردە دىيىلگەن تاۋۇش پەرىقلەندۈرۈش(مەيلى نىمىنى بىرلىك قىلىپ ئاۋاز پەرىقلەندۈرۈش بولسۇن ھەممىسى ئومۇملاشتۇرۇلۇپ مۇشۇنداق ئاتىلىدۇ) تەبىئى ئاۋازنى ئاۋازنى پەرىقلەندۈرۈشنى كۆرسىتىدۇ. مەخسۇس ماشىنىنىڭ تۇنۇشى ئۈچۈن، سۆزلەرنى ئايرىم- ئايرىم، ئاستا، ياكى بوغۇملارغا ئايرىم سۆزلەپ بېرىپ تونۇتۇشنىڭ ئەمەلىيەتتە قوللۇنۇشچانلىقى بەك تۆۋەن. تاۋۇش پەرىقلەندۈرۈش سىستىمىسى چوقۇم ئادەمنىڭ ئوخشىمىغان ئاڭاڭ، ئوخشىمىغان يۇقۇرى- تۆۋەنلىكتە، ئوخشىمىغان ئۇزۇن- قىسقىلىقتا دىيىلگەن ئاۋازلىرىنى پەرىقلەندۈرىشى كېرەك.


    بۇ يەردىكى ھەل قىلغۇچ مەسىلە يەنىلا ئۇيغۇر تىلىنىڭ ئاكۇستىكىلىق تەتقىقاتى.


ناۋادا ئۇيغۇرچە تاۋۇش پەرىقلەندۈرۈش تېخنىكىسى ئەمەلگە ئېشىپ قالسا بۇنىڭ قوللىنىش دائىرسى خېلىلا كەڭ. مەسىلەن: مېيىپلارنىڭ كومپيۇتېر ئىشلىتىشى (ساۋاتسىزلارنىڭ كومپيۇتېر ئىشلىتىشىمۇ بار)، ئائىلە ئېلىكتىر ئۈسكۈنىلىرىنى ئاپتۇماتلاشتۇرۇش (ئاۋاز ئارقىلىق كونترول قىلىش)، ماششىنا ئادەم ... دىگەندەك. شۇنداقلا بۇ بۇندىن كىيىنكى مەشغۇلات سىستىمىلىرىنىڭ كەم بولسا بولمايدىغان بىر خىل كىرگۈزۈش ئۇسۇلى.

كومپيۇتېردا ئىشلىتىلىدىغان بارلىق پروگراممىلارنى ياساش پەقەت پروگراممىرلارنىڭلا ئىشى ئەمەس. يەنە كىلىپ باشقا ساھەگە چېتىلىدىغان پروگراممىلارنى تۈزگەندە شۇ ساھەنىڭ كەسىپ ئەھلىلىرىنىڭ ياردىمىگە تايانماي پروگراممىنى مۇۋاپىقىيەتلىك پۈتتۈرۈشمۇ تەس. شۇنداقلا بىر پروگراممىنىڭ پۈتۈپ چىقىش جەريانى نۇقۇل كود يېزىش جەريانى ئەمەس. كونكىرىت كود يېزىش جەريانىنى كەسپى پروگراممىرلار بىجىرسىمۇ، ھەل قىلىش ئۇسۇل، ئىدىيەلىرىنى باشقىلارمۇ ھەل قىلالايدۇ. جۈملىدىن مەزكۇر تىمىدىكى تۈرنى ئەمەلگە ئاشۇرۇش ئۈچۈنمۇ تىلشۇناس ۋە ئاكۇستىكلار بەكمۇ مۇھىم.
        ناۋادا ئىشلارنى «ھەممىمىزنىڭ ئىشى» دەپ قىلساق نۇرغۇن ئىشلار ھەل بولىدۇ ھەم «ھەممىمىزنىڭ نەتىجىسى بولىدۇ». بۇنداق ئىشلارنىڭ بۆگۈن ياكى ئەتە ھەل بولىشى شەرت ئەمەس. ئويلىغانلىرىڭىزنى، ئاز- تولا تەجىربە سىناقلىرىڭىزنى ماقالە شەكىدە يېزىپ ئېلان قىلىپ قويسىڭىز. ۋاقتى كەلگەندە شۇ ئەجىر، مىھنىتىڭىزنىڭ مىۋىسىنى كۆرۈشىڭىز مۇمكىن. مانا بۇ ئاللىكىملەر ياكى ئاللىقەيەرلەردىن ئۈمۈد كۈتكەندىن ياخشى. ئەجرىڭىز ھەرگىز يەردە قالمايدۇ.
        ئارىمىزدا ئۇيغۇرتىلى گىرامماتىكىسى ئۆگەنمىگەنلەر يوق دىيەرلىك. خالىسىڭىز، «ئۇيغۇرتىلى» كىتاۋىنى قولىڭىزغا قايتا ئېلىپ ئازراق ۋاراقلىسىڭىز، كۈندە تىلغا ئېلىۋاتقان ئەشۈ تەۋەرۈك تاۋۇشلار توغۇرسىدا ئازراق پىكىر يۈرگۈزسىڭىز «نىمە قىلىش» توغۇرسىدىكى «بايقاش» قا ئىرىشىپ قېلىشىڭىز مۇمكىن. يەنە كومپيۇتېر مۇزىكىسى، ئاۋاز ئېلىش ھۈنەرلىرى، ئېلان- فىلىم ئىشلەش تېخنىكىلىرى بىلەن ھەپىلىشىۋاتقانلارمۇ يوق ئەمەس. سىز بەلكىم audition,sound editor لارنى بىزدىن ياخشى ئىشلىتىشىڭىز، ئاكۇستىكا بىلىرىگە باشقىلاردىن پىششىقراق بولىشىڭىز مۇمكىن. بۇنداق «ئىلىمى ئەمگەك» بىلەن شۇغۇللانسىڭىز ئىرىشىدىغان ماددى مەنپەتىڭىز بىر قېتىم مودا بۇلۇپلا تۈگەپ كىتىدىغان «ئىجادى ئەمگەك» لىرىڭىزنىڭكىدەك كۆپ بولمىسمۇ، مەنىۋى مەنپەئەتىڭىز ئۇنىڭدىن كەم بولمايدۇ.

    كۆپچىلىكنىڭ بۇ جەھەتتىمۇ ئىزدىنىپ بېقىشىنى ئۈمۈد قىلىمەن.
UyghurDev.net ﺗﻮﺭﯨﺪﯨﻦ ﺋﯧﻠﯩﻨﺪﻯ. ﺑﺎﺷﻘﺎ ﻣﯘﻧﺎﺳﯩﯟﻩﺗﻠﯩﻚ ﺗﯩﻤﯩﻼﺭﻧﻰ ﻛﯚﺭﻣﻪﻛﭽﻰ ﺑﻮﻟﺴﯩﯖﯩﺰhttp://www.UyghurDev.netﻧﻰ ﺯﯨﻴﺎﺭﻩﺕ ﻗﯩﻠﯩﯔ.
ﺋﻪﺳﻠﻰ ﻣﻪﻧﺒﻪ:http://www.uyghurdev.net/Web/Forum/FTopicView.aspx?TID=116

nankipi يوللانغان ۋاقتى 2006-8-29 18:43:18

ﺑﻪﻙ ﻳﺎﺧﺸﻰ ﺋﯩﺸﻜﻪﻧﻐﯘ ﺑﯘ !!!!!

honzade يوللانغان ۋاقتى 2006-8-29 21:32:54

ﺋﯩﻨﺘﺎﻳﯩﻦ ﻳﺎﺧﺸﻰ ﺗﻪﺳﻪﯞﯞﯗﺭ ﺑﻮﻟﯘﭘﺘﯘ. ﺗﯩﺮﯨﺸﭽﺎﻥ ﺋﻪﺯﯨﻤﻪﺗﻠﯩﺮﯨﻤﯩﺰﻧﯩﯔ ﺑﯘﻧﻰ ﺋﻪﻣﻪﻟﮕﻪ ﺋﺎﺷﯘﺭﺩﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﻤﻪﻥ.

Bihlan يوللانغان ۋاقتى 2006-8-29 22:02:52

ﻣﯧﻨﯩﯖﭽﻪ ﺑﯘ ﺗﯜﺭﻧﯩﯔ ﺗﻪﺗﻘﯩﻘﺎﺗﻰ ﺧﯧﻠﻰ ﺋﯘﺯﯗﻥ ﯞﺍﻗﯩﺘﻘﯩﭽﻪ ﺩﺍﯞﺍﻣﻠﯩﺸﯩﺸﻰ ﻣﯘﻣﻜﯩﻦ.
ﻣﻪﻥ ﺑﯘﺭﯗﻥ ﺷﯩﻨﺠﺎﯓ ﺋﯘﻧﯟﯦﺮﺳﯩﺘﯧﺘﯩﺪﯨﻜﻰ ﺗﻪﺗﻘﯩﻘﺎﺗﭽﻰ ﺧﺎﺩﯨﻤﻼﺭﻧﯩﯔ ﺑﯘ ﺗﯜﺭﻧﻰ ﺑﯘﻧﺪﯨﻦ 6- 7 ﻳﯩﻞ ﺑﯘﺭﯗﻧﻼ ﺗﺎﻣﺎﻣﻼﭖ ﺑﻮﻟﻐﺎﻧﻠﯩﻘﯩﻨﻰ ﺋﺎﯕﻠﯩﻐﺎﻥ ﺋﯩﺪﯨﻢ، ﺑﯘ ﮔﻪﭖ ﺭﺍﺳﺘﻤﯘ ﻳﺎﻟﻐﺎﻧﻤﯘ ﺑﯩﻠﻤﻪﻳﻤﻪﻥ. ﺋﺎﯕﻠﯩﺸﯩﻤﭽﻪ ﺑﯘ ﺳﯩﺴﺘﯧﻤﺎ ﭘﻪﻗﻪﺕ ﺋﺎﺷﯘ ﺳﯩﺴﺘﯧﻤﯩﻨﻰ ﻻﻳﯩﮭﯩﻠﯩﮕﯜﭼﯩﻨﯩﯖﻼ ﺋﺎﯞﺍﺯﯨﻨﻰ ﺗﻮﻧﯘﻳﺪﯨﻜﻪﻧﻤﯩﺶ.
ﺋﺎﯞﺍﺯ ﻣﯩﻜﺮﻭﻓﻮﻥ ﺋﺎﺭﻗﯩﻠﯩﻖ ﺗﻪﺳﯟﯨﺮﻯ ﺳﯩﮕﻨﺎﻝ ﺑﻮﻟﯘﭖ ﻛﯩﺮﮔﻪﻧﺪﯨﻦ ﻛﯩﻴﯩﻦ، ﻣﯘﻧﺎﺳﯩﯟﻩﺗﻠﯩﻚ ﺋﯜﺳﻜﯜﻧﯩﻠﻪﺭﻧﯩﯔ ﻳﺎﺭﺩﯨﻤﯩﺪﻩ ﺋﺎﺧﯩﺮﻯ ﺑﯧﺮﯨﭗ ﺳﺎﻧﻠﯩﻖ ﻣﻪﻟﯘﻣﺎﺗﻘﺎ ﺋﺎﻳﻠﯩﻨﯩﭗ ﻛﻮﻣﭙﻴﯘﺗﯧﺮﺩﺍ ﺳﺎﻗﻠﯩﻨﯩﺪﯗ، ﮬﻪﺭﺑﯩﺮ ﺳﯩﻜﯘﻧﺘﻠﯘﻕ ﺋﺎﯞﺍﺯ ﻧﻪﭼﭽﻪ ﻣﯩﯔ، ﻳﺎﻛﻰ ﻧﻪﭼﭽﻪ ﻳﯜﺯ ﺩﺍﻧﻪ ﺳﺎﻥ ﺑﻮﻟﯘﭖ ﺷﻪﻛﯩﻠﻠﯩﻨﯩﺪﯗ، ﺑﯘ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﯩﯔ ﮔﯩﺮﺍﻓﯩﻜﯩﻨﻰ ﺑﯩﺰ ﺋﺎﺩﻩﺗﺘﯩﻜﻰ ﺋﺎﯞﺍﺯ ﺋﯧﻠﯩﺶ ﺩﯦﺘﺎﻟﻠﯩﺮﯨﺪﺍ ﻛﯚﺭﻩﻟﻪﻳﻤﯩﺰ، ﻟﯧﻜﯩﻦ، ﻧﯘﺭﻏﯘﻥ ﮬﻪﺭﺧﯩﻞ ﺋﺎﯞﺍﺯﻻﺭﻧﯩﯔ ﺋﻮﺧﺸﺎﺷﻼ ﺑﯩﺮﺧﯩﻞ ﺋﺎﻻﮬﯩﺪﻩ ﺑﻮﻟﻐﺎﻥ ﻳﯘﻗﯘﺭﻯ ﺗﯚﯞﻩﻥ ﺋﺎﯞﺍﺯ ﭼﺎﺳﺘﻮﺗﯩﺴﯩﻐﺎ ﺋﺎﻳﻠﯩﻨﯩﭗ ﻗﺎﻟﻐﺎﻧﻠﯩﻘﯩﻨﻰ ﮬﯧﺲ ﻗﯩﻠﯩﻤﯩﺰ، ﺋﻪﻣﻪﻟﯩﻴﻪﺗﺘﻪ ﺑﯘﻻﺭﻧﯩﯔ ﭼﻮﻗﯘﻡ ﻗﺎﻧﯘﻧﯩﻴﯩﺘﻰ ﺑﻮﻟﯩﺪﯗ، ﺋﺎﺩﻩﻡ ﻣﯧﯖﯩﺴﻰ ﺋﯩﻨﺘﺎﻳﯩﻦ ﻣﯘﺭﻩﻛﻜﻪﭖ ﯞﻩ ﻛﻮﻣﭙﻴﯘﺗﯧﺮ ﺩﯦﺘﺎﻟﻠﯩﺮﯨﻐﺎ ﻗﺎﺭﯨﻐﺎﻧﺪﺍ ﺳﯧﻠﯩﺸﺘﯘﺭﻏﯘﺳﯩﺰ ﺋﺎﺳﻤﺎﻥ- ﺯﯦﻤﯩﻦ ﭘﻪﺭﻗﻰ ﺑﻮﻟﻐﺎﻥ ﺋﻪﻗﻠﯩﻲ ﺗﻪﭘﻪﻛﻜﯘﺭﻟﯘﻕ ﺳﯩﺴﺘﯧﻤﺎ، ﺑﯘﻧﯩﯔ ﺋﯜﭼﯜﻥ ﻣﯧﻨﯩﯖﭽﻪ ﻧﯘﺭﻏﯘﻥ ﺑﺎﺳﻘﯘﭼﻠﯘﻕ ﺗﯧﺨﻨﯩﻜﯩﻼﺭ ﻛﯧﺮﻩﻙ ﺑﻮﻟﯘﺷﻰ ﻣﯘﻣﻜﯩﻦ.
ﺋﺎﯞﺍﺯﻧﻰ ﭘﻪﺭﻗﻠﻪﻧﺪﯛﺭﯛﺷﻨﻰ ﻗﻮﻳﯘﭖ ﺗﯘﺭﯗﭖ، ﮬﺎﺯﯨﺮ ﻳﯧﺰﯨﻘﻨﻰ ﺑﯧﺮﯨﻜﺘﯜﺭﯛﭖ ﺋﺎﯞﺍﺯﻏﺎ ﺋﺎﻳﻼﻧﺪﯗﺭﯗﺵ ﺋﯜﺳﺘﯩﺪﯨﻜﻰ ﺗﻪﺗﻘﯩﻘﺎﺕ ﻧﻪﺗﯩﺠﯩﺴﯩﮕﻪ ﻗﺎﺭﺍﭖ ﺑﺎﻗﺎﻳﻠﻰ، ﺑﯘﻧﯩﻤﯘ ﺷﯩﻨﺠﺎﯓ ﺋﯘﻧﯟﯦﺮﺳﯩﺘﯧﺘﯩﺪﯨﻜﻰ ﺗﻪﺗﻘﯩﻘﺎﺗﭽﻰ ﺧﺎﺩﯨﻤﻼﺭ ﻗﯩﻠﯩﯟﺍﺗﯩﺪﯗ ﺩﻩﭖ ﺋﺎﯕﻠﯩﺪﯨﻢ، ﺋﺎﯕﻠﯩﺸﯩﻤﭽﻪ ﺑﻪﻟﮕﯩﻠﯩﻚ ﻧﻪﺗﯩﺠﻪ ﺑﺎﺭ ﺋﯩﻜﻪﻥ.
ﻣﻪﻧﻤﯘ ﺑﯘ ﺗﻮﻏﺮﯨﺴﯩﺪﯨﻜﻰ ﺋﯩﺸﻼﺭﻏﺎ ﻗﯩﺰﯨﻘﯩﻤﻪﻥ، ﻟﯧﻜﯩﻦ، ﺗﯘﺭﻣﯘﺷﻨﯩﯔ ﮬﻪﻟﻪﻛﭽﯩﻠﯩﻜﻰ ﻧﯘﺭﻏﯘﻥ ﻗﯩﺰﯨﻘﯩﺸﻠﯩﺮﯨﻤﯩﺰ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻥ ﯞﺍﻗﯩﺘﻨﻰ ﺋﯧﻠﯩﭗ ﻛﯧﺘﯩﺪﯨﻜﻪﻥ، ﮬﻪﻱ...
ﺑﯘﻧﯩﯔ ﺋﯜﭼﯜﻥ ﮬﯚﻛﯜﻣﻪﺕ ﻛﯚﭘﺮﻩﻙ ﻣﻪﺑﻠﻪﻍ ﭼﯩﻘﺎﺭﻣﯩﺴﺎ، ﺋﺎﺩﻩﺗﺘﯩﻜﻰ ﺷﯩﺮﻛﻪﺗﻠﻪﺭ ﻳﺎﻛﻰ ﺷﻪﺧﺴﻠﻪﺭ ﺑﯩﺮﺑﺎﺷﻘﺎ ﺋﯧﻠﯩﭗ ﭼﯩﻘﯩﭗ ﺑﻮﻻﻟﻤﺎﺳﻠﯩﻘﻰ ﻣﯘﻣﻜﯩﻦ.

sarwan يوللانغان ۋاقتى 2006-8-30 09:31:01

ﺋﯜﻣﯜﺩﻧﻰ ﺑﺎﺷﻘﯩﻼﺭﺩﯨﻦ ﻛﯜﺗﻜﻪﻧﺪﯨﻦ ﻳﻪﻧﯩﻼ ﺋﯚﺯﯨﻤﯩﺰﺩﯨﻦ ﻛﯜﺗﻜﯩﻨﯩﻤﯩﺰ ﻳﺎﺧﺸﻰ. ﺑﯘ ﺗﯜﺭﻧﯩﯔ ﺑﯘ ﻳﯩﻞ ﻳﺎﻛﻰ ﻛﯩﻠﻪﺭ ﻳﯩﻠﻰ ﭘﯜﺗﯜﺷﻰ ﺷﻪﺭﺕ ﺋﻪﻣﻪﺱ. ﻳﻪﻧﻪ ﺑﯩﺮ ﻳﯩﻠﻰ ﭘﯜﺗﺴﯩﻤﯘ ﻳﺎﻛﻰ ﻳﻪﻧﻪ ﺑﯩﺮ ﻳﯩﻠﻨﯩﯔ ﻳﻪﻧﻪ ﺑﯩﺮ ﻳﯩﻠﻰ ﭘﯜﺗﺴﯩﻤﯘ ﮬﯧﭽﻘﯩﺴﻰ ﻳﻮﻕ. ﭼﯜﻧﻜﻰ ﺋﯘﻧﻰ ﺗﯩﺰ ﭘﯜﺗﺘﯜﺭﯛﺷﻜﻪ ﺑﯩﺰﻧﯩﯔ ﺷﺎﺭﺍﺋﯩﺘﯩﻤﯩﺰ ﻳﻮﻕ. ﺑﯘﻻﺭﻧﯩﯔ ﮬﻪﻣﻤﯩﺴﻰ ﺧﺎﻟﯩﺲ ﻛﯜﭺ ﭼﯩﻘﯩﺮﯨﺶ ﺗﻪﻟﻪﭖ ﻗﯩﻠﯩﻨﯩﯟﺍﺗﻘﺎﻥ ﺋﯩﺸﻼﺭ.
   ﺷﯩﻨﺠﺎﯓ ﺋﯘﻧﯟﯨﺮﺳﯩﺘﯩﺘﯩﻨﯩﯔ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ \"ﺗﻪﺗﻘﯩﻘﺎﺕ\" ﻟﯩﺮﯨﺪﯨﻦ ﺧﻪﯞﯨﺮﯨﻢ ﺑﺎﺭ. ﺋﯘﻻﺭﻧﯩﯔ ﺋﯘﺳﯘﻟﻰ ﯞﻩ ﺗﻪﺗﻘﯩﻘﺎﺕ ﻳﯜﻧﯜﻟﯩﺸﻰ ﺗﻮﻏﺮﺍ ﺋﻪﻣﻪﺱ. ﺋﯘﻻﺭﺩﺍ ﻛﻪﺳﭙﻰ ﺗﻪﺗﻘﯩﻘﺎﺗﭽﯩﻼﺭ ﻛﻪﻣﭽﯩﻞ. ﺋﺎﺳﺎﺳﻪﻥ ﺩﻩﺭﺱ ﺋﻮﻗﯘﺗﻘﯘﭼﯩﻠﯩﺮﻯ ﯞﻩ ﺋﻮﻗﯘﻏﯘﭼﯩﻼﺭ \"ﺗﻪﺗﻘﯩﻘﺎﺕ\" ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯗ. ﺷﯩﻨﺠﺎﯓ ﺋﯘﻧﯟﯨﺮﺳﯩﺘﯧﺘﯩﺪﺍ ﺑﯘ ﺗﯜﺭ ﺗﺎﻣﺎﻣﻼﻧﻐﺎﻥ ﺗﻪﻗﺪﯨﺮﺩﯨﻤﯘ ﺋﻪﻣﻪﻟﯩﻴﻪﺗﺘﻪ ﺋﯩﺸﻠﻪﺗﻜﯜﺩﻩﻙ ﺩﻩﺭﯨﺠﯩﺪﻩ ﺗﺎﻣﺎﻣﻠﯩﻨﯩﺸﻰ ﻧﺎﺗﺎﻳﯩﻦ. ﭼﯜﻧﻜﻰ ﺋﯘﻻﺭﻧﯩﯔ ﯞﻩﺯﯨﭙﯩﺴﻰ \"ﺗﻪﺗﻘﯩﻘﺎﺕ\" ﺋﯧﻠﯩﭗ ﺑﯧﺮﯨﺶ، ﻣﻪﮬﺴﯘﻻﺕ ﺋﯩﺸﻠﻪﭘﭽﯩﻘﯩﺮﯨﺶ ﺋﻪﻣﻪﺱ.
  ﺋﻪﻗﻠﻰ ﺋﯩﻘﺘﯩﺪﺍﺭﻟﯩﻖ ﻛﯩﺮﮔﯜﺯﮔﯜﭺ ﻳﺎﺳﺎﺵhttp://www.uyghurdev.net/Web/Forum/FTopicView.aspx?TID=110 ، ﻗﻪﻟﻪﻡ ﺑﯩﻠﻪﻥ ﺧﻪﺕ ﻛﯩﺮﮔﯜﺯﯛﺵ http://www.uyghurdev.net/Web/Forum/FTopicView.aspx?TID=115، ﺗﺎﯞﯗﺵ ﭘﻪﺭﯨﻘﻠﻪﻧﺪﯛﺭﯛﺵ http://www.uyghurdev.net/Web/Forum/FTopicView.aspx?TID=116، ﺗﺎﯞﯗﺵ ﺑﯩﺮﯨﻜﺘﯜﺭﯛﺵ، ﺗﻪﺭﺟﯩﻤﻪ ﺳﯩﺴﺘﯩﻤﯩﺴﻰ ﮬﻪﻣﻤﯩﺴﻰ ﺑﯩﺰ ﻗﯩﻠﯩﺸﻘﺎ ﺗﯩﮕﯩﺸﻠﯩﻚ ﺋﯩﺸﻼﺭ. ﮬﺎﺯﯨﺮﭼﻪ ﺑﯘ ﺋﯩﺸﻨﻰ ﺷﯩﺮﻛﻪﺗﻠﻪﺭﻧﯩﯔ ﻗﯩﻠﯩﺸﻰ ﺷﻪﺭﺕ ﺋﻪﻣﻪﺱ. ﮬﻪﻡ ﻗﯩﻼﻟﻤﺎﻳﺪﯗ. ﺋﻪﻣﻤﺎ ﺷﻪﺧﯩﺴﻠﻪﺭ ﺋﯚﺯﯨﻤﯩﺰ ﺑﯩﻠﮕﻪﻧﭽﻪ ﺗﻪﺗﻘﯩﻘﺎﺕ ﺑﯩﻠﻪﻥ ﺷﯘﻏﯘﻟﻼﻧﻐﺎﭺ ﺗﯘﺭﺳﺎﻕ. (ﮬﯧﭻ ﺑﻮﻟﻤﯩﺴﺎ ﻗﻪﻏﻪﺯ ﻳﯜﺯﯨﺪﻩ). ﻛﯩﻴﻨﭽﻪ ﺷﺎﺭﺍﺋﯩﺖ ﭘﯩﺸﯩﭗ ﻳﯩﺘﯩﻠﮕﻪﻧﺪﻩ ﺷﯩﺮﻛﻪﺗﻠﻪﺭ ﻗﯩﻼﻣﺪﯗ، ﺗﻪﺗﻘﯩﻘﺎﺕ ﺋﻮﺭﯗﻧﻠﯩﺮﻯ ﻗﯩﻼﻣﺪﯗ، ﺑﯩﺰﮔﻪ ﺑﻪﺭﯨﺒﯩﺮ. ﺷﯘﻧﺪﺍﻕ ﻳﯘﻣﺸﺎﻕ ﺩﯨﺘﺎﻝ ﭘﯜﺗﯜﭖ ﭼﯩﻘﺴﺎ ﺋﯘﻧﻰ ﻳﻪﻧﯩﻼ ﺋﯚﺯﯨﻤﯩﺰ ﺋﯩﺸﻠﯩﺘﯩﻤﯩﺰ.

qutyar يوللانغان ۋاقتى 2006-9-30 23:42:52

ﻣﺎﯕﺎ ﺋﺎﻟﺪﯨﻨﻘﻰ ﻛﯜﻧﻰ ﺋﻮﻗﯘﺗﻘﯘﭼﯘﻡ ﺑﯘ ﺗﻮﻏﺮﯨﻠﯩﻖ ﺳﯚﺯﻟﻪﭖ ﺑﻪﺭﮔﻪﻧﯩﺪﻯ .ﻣﻪﻥ ﺷﯩﻨﺠﺎﯓ ﺋﯘﻧﯩﯟﯨﺮﺳﯩﺘﯩﺘﻰ ﻛﻮﻣﭙﯩﻴﯘﺗﯧﺮ ﻓﺎﻛﯘﻟﺘﯩﺘﯩﻨﯩﯔ ﺋﻮﻗﯘﻏﯘﭼﯩﺴﻰ .ﺋﯘﻧﯩﯔ ﺩﯨﻴﯩﺸﯩﭽﻪ ،ﮬﺎﺯﯨﺮ ﺷﯩﻨﺠﺎﯓ ﺋﯘﻧﯩﯟﯨﺮﺳﯩﺘﯩﺘﻰ ﺋﺎﯞﺍﺯﻧﻰ ﺑﻮﻏﯘﻡ ﺋﺎﺭﻗﯩﻠﯩﻖ ﭘﻪﺭﯨﻘﻠﻪﻧﺪﯛﺭﯛﺷﻨﻰ ﺋﺎﺳﺎﺳﻪﻥ ﺋﯩﺸﻘﺎ ﺋﺎﺷﯘﺭﯗﭖ ﺑﻮﭘﺘﯘ .
ﺋﻪﻣﺪﯨﻜﻰ ﻳﯩﯖﻰ ﺑﯩﺮ ﺗﻪﺗﻘﯩﻘﺎﺗﻰ ،ﻳﺎﭘﯘﻧﯩﻴﯩﺪﯨﻜﻰ ﺑﯩﺮ ﺷﯩﺮﻛﻪﺕ ﺑﯩﻠﻪﻥ ﮬﻪﻣﻜﺎﺭﻟﯩﺸﯩﭗ ﺋﯘﻳﻐﯘﺭﭼﻪ -ﻳﺎﭘﯘﻧﭽﻪ ﺗﻪﺭﺟﯩﻤﻪ ﻗﯩﻠﻐﯘﭺ <ﻣﯘﺷﯘﻧﺪﺍﻕ ﺋﺎﺗﺎﭖ ﺗﯘﺭﺍﻱ >ﻳﺎﺳﺎﯞﯨﺘﯩﭙﺘﯘ .ﺑﯘ ﺋﺎﺳﺎﺳﻪﻥ ﻳﺎﭘﯘﻧﯩﻴﯩﺪﯨﻦ ﺷﯩﻨﺠﺎﯕﻐﺎ ﻛﻪﻟﮕﻪﻥ ﺳﺎﻳﺎﮬﻪﺗﭽﯩﻠﻪﺭﮔﻪ ﻻﻳﯩﻘﻼﺷﺘﯘﺭﯗﻟﻐﺎﻥ ﺑﻮﻟﯘﭖ ،ﺑﯘﻧﻰ ﺋﯩﺸﻠﻪﺗﻜﯜﭼﻰ ﺑﯘ ﺋﻪﺳﯟﺍﭘﻨﻰ ﺑﻮﻳﻨﯩﻐﺎ ﺋﯩﺴﯩﯟﺍﻟﯩﺪﯨﻜﻪﻥ ،ﻳﺎﻛﻰ ﻛﯚﺗﯜﺭﯨﯟﺍﻟﯩﺪﯨﻜﻪﻥ .ﺑﯘﻧﯩﯖﻐﺎ ﺋﺎﺳﺎﺳﻪﻥ ﺗﯘﺭﻣﯘﺷﺘﺎ ﮬﻪﻡ ﺳﻮﺩﯨﺪﺍ ﻛﯚﭖ ﺋﯩﺸﻠﯩﺘﯩﺪﯨﻐﺎﻥ ﺳﯚﺯﻟﻪﺭﻧﻰ ﻛﯩﺰﮔﯜﺯﯨﺪﯨﻜﻪﻥ .ﺋﻪﺳﯟﺍﭘﻨﻰ ﺋﯩﺸﻠﻪﺗﻜﯜﭼﻰ ﺳﯚﺯﻟﯩﮕﻪﻧﺪﻩ ﺋﻪﺳﯟﺍﭖ ﺋﯘﻧﻰ ﻳﻪﻧﻪ ﺑﯩﺮ ﺗﯩﻠﻐﺎ ﺋﯚﺯﺭﯛﭖ ﺑﯩﺮﯨﺪﯨﻜﻪﻥ ﻳﻪﻧﻰ ﻳﺎﭘﯘﻧﭽﯩﻨﻰ ﺋﯘﻳﻐﯘﺭﭼﯩﻐﺎ ،ﺋﯘﻳﻐﯘﺭﭼﯩﻨﻰ ﻳﺎﭘﯘﻧﭽﯩﻐﺎ .ﺋﺎﯞﺍﺯ ﺋﻪﺳﯟﺍﭘﺘﯩﻦ ﭼﯩﻘﯩﺪﯨﻜﻪﻥ . ﺑﯘﻧﺪﺍﻕ ﺑﻮﻟﻐﺎﻧﺪﺍ ﺑﯩﺰﻧﯩﯔ ﺗﻪﺭﺟﯩﻤﺎﻧﻠﯩﺮﯨﻤﯩﺰ ﺷﯩﻴﺎﮔﺎﯓ ﺑﻮﻟﯩﺪﯨﻜﻪﻥ ~~~~~~~~

Alim_Ahat يوللانغان ۋاقتى 2006-9-12 14:05:59

ﻳﯧﺰﯨﻘﻨﻰ ﺗﺎﯞﯗﺷﻘﺎ ﺋﺎﻳﻼﻧﺪﯗﺭﯗﺵ ﻣﯘﺭﻩﻛﻜﻪﭖ ﺋﻪﻣﻪﺱ. ﺑﯘﻧﻰ ﺗﯚﯞﻩﻧﺪﯨﻜﻰ ﺷﺎﺭﺍﺋﯩﺘﻼﺭ ﭘﯩﺸﯩﭗ ﻳﯧﺘﯩﻠﮕﻪﻧﺪﻩ ﻧﺎﮬﺎﻳﯩﺘﻰ ﺗﯧﺰﻻ ﺗﺎﻣﺎﻣﻼﺷﻘﺎ ﺑﻮﻟﯩﺪﯗ.

ﮬﺎﺯﯨﺮ ﻛﻮﻣﭙﻴﯘﺗﯧﺮ ﮬﯧﺴﺎﺑﻼﺵ ﺳﯜﺭﺋﯩﺘﻰ ﺗﯧﺰﻟﻪﺷﺘﻰ، ﺳﯩﻐﯩﻤﯩﻤﯘ ﭼﻮﯕﺎﻳﺪﻯ. ﺷﯘﯕﺎ، ﻣﯧﻨﯩﯖﭽﻪ ﻣﯘﻧﺪﺍﻕ ﺷﺎﺭﺍﺋﯩﺘﻼﺭ ﮬﺎﺯﯨﺮﻻﺵ ﻛﯧﺮﻩﻙ.

ﺋﺎﺳﺎﺳﯩﻲ ﭘﺮﯨﻨﺴﯩﭗ، ﺑﻮﻏﯘﻣﻨﻰ ﺋﺎﺳﺎﺱ ﻗﯩﻠﯩﺶ، ﺋﻪﻣﻤﺎ ﻛﯚﭖ ﺋﯩﺸﻠﯩﺘﯩﻠﯩﺪﯨﻐﺎﻥ ﺳﯚﺯﻟﻪﺭﺩﻩ ﺳﯚﺯﻧﻰ ﺋﺎﺳﺎﺱ ﻗﯩﻠﯩﺶ ﻻﺯﯨﻢ.

(1) ﺋﯘﻳﻐﯘﺭ ﺗﯩﻠﯩﺪﯨﻜﻰ ﺑﺎﺭﻟﯩﻖ ﺗﯜﭖ ﺳﯚﺯﻟﻪﺭﻧﯩﯔ ﺗﯧﻜﯩﺴﺘﻠﻪﺭﺩﯨﻜﻰ ﺋﯘﭼﺮﺍﺵ ﺗﻪﻛﺮﺍﺭﻟﯩﻘﯩﻨﻰ ﮬﯧﺴﺎﺑﻼﺵ ﭼﯩﻘﯩﺶ، ﺷﯘ ﺋﺎﺭﻗﯩﻠﯩﻖ ﺋﻪﯓ ﻛﯚﭖ ﺋﯩﺸﻠﯩﺘﯩﺪﯨﻐﺎﻥ ﺗﯜﭖ ﺳﯚﺯﻟﻪﺭﻧﻰ ﺗﯧﭙﯩﭗ ﭼﯩﻘﯩﺶ. ﺋﻪﻣﻪﻟﯩﻴﻪﺗﺘﻪ %90 ﻛﯚﭖ ﺋﯩﺸﻠﯩﺘﯩﻠﯩﺪﯨﻐﺎﻥ ﻣﯘﻧﺪﺍﻕ ﺗﯜﭖ ﺳﯚﺯﻟﻪﺭﻧﯩﯔ ﺳﺎﻧﻰ 2000 ﮔﻪ ﺑﺎﺭﻣﺎﻳﺪﯗ.

ﺑﯘﻧﺪﺍﻕ ﺋﯧﻨﯩﻖ ﯞﻩ ﺗﻮﻏﺮﺍ ﺳﺘﺎﺗﯩﺴﺘﯩﻜﺎ ﻣﺎﺗﯧﺮﯨﻴﺎﻟﻰ ﺋﯘﻳﻐﯘﺭﺳﻮﻓﺘﺘﺎ ﺑﺎﺭ.

(2) ﺋﯘﻳﻐﯘﺭ ﺗﯩﻠﯩﺪﯨﻜﻰ ﺑﺎﺭﻟﯩﻖ ﺑﻮﻏﯘﻣﻼﺭﻧﻰ ﮬﯧﺴﺎﺑﻼﭖ ﭼﯩﻘﯩﺶ ﻻﺯﯨﻢ. ﺋﻪﻣﻪﻟﯩﻴﻪﺗﺘﻪ ﺑﯩﺮ ﮬﻪﺭﭖ، ﺋﯩﻜﻜﻰ ﮬﻪﺭﭖ، ﺋﯜﭺ ﮬﻪﺭﭘﺘﯩﻦ ﺗﯜﺯﯛﻟﮕﻪﻥ ﺑﻮﻏﯘﻣﻼﺭﻧﯩﯔ ﻣﯘﻣﻜﯩﻦ ﺑﻮﻟﯘﺵ ﺋﯧﮭﺘﯩﻤﺎﻟﻠﯩﻘﻰ 5000 ﺩﯨﻦ ﺋﺎﺷﻤﺎﻳﺪﯗ(ﺑﯘﻧﻰ ﺋﻮﺗﺘﯘﺭﺍ ﻣﻪﻛﺘﻪﭖ ﻣﺎﺗﯧﻤﺎﺗﯩﻜﯩﺴﯩﺪﯨﻜﻰ ﺋﻮﺭﯗﻧﻼﺷﺘﯘﺭﯗﺵ ﯞﻩ ﮔﯘﺭﯗﭘﭙﯩﻼﺷﻨﻰ ﺑﯩﻠﯩﺪﯨﻐﺎﻧﻼﺭ ﺋﯜﭼﯜﻥ ﭼﯜﺷﻪﻧﺪﯛﺭﯛﺵ ﺗﻪﺱ ﺋﻪﻣﻪﺱ). ﺗﯚﺕ ﮬﻪﺭﭖ ﯞﻩ ﺑﻪﺵ ﮬﻪﺭﭘﺘﯩﻦ ﺗﯜﺯﯛﻟﮕﻪﻥ ﺑﻮﻏﯘﻣﻼﺭﻧﯩﯔ ﺳﺎﻧﻰ 200 ﮔﯩﻤﯘ ﻳﻪﺗﻤﻪﻳﺪﯗ. ﺋﻪﻣﻪﻟﯩﻴﻪﺗﺘﻪ ﺋﯘﻳﻐﯘﺭ ﺗﯩﻠﯩﺪﺍ ﮬﺎﺯﯨﺮ ﺋﯩﺸﻠﯩﺘﯩﻠﯩﯟﺍﺗﻘﺎﻥ ﺑﺎﺭﻟﯩﻖ ﺑﻮﻏﯘﻣﻼﺭﻧﻰ ﻗﻮﺷﯘﭖ ﮬﯧﺴﺎﺑﻠﯩﻐﺎﻧﺪﯨﻤﯘ 3500 ﮔﻪ ﻳﻪﺗﻤﻪﻳﺪﯗ. ﺑﯘﻻﺭﻧﯩﯔ ﺋﯩﭽﯩﺪﯨﻤﯘ ﺋﯩﺸﻠﯩﺘﯩﺶ ﺗﻪﻛﺮﺍﺭﻟﯩﻘﻰ ﻳﯘﻗﯩﺮﻯ-ﺗﯚﯞﻩﻥ ﺑﻮﻳﯩﭽﻪ ﺗﯩﺰﯨﭗ ﭼﯩﻘﯩﺶ ﻛﯧﺮﻩﻙ. ﺋﻪﻳﻨﻰ ﯞﺍﻗﯩﺘﺘﺎ 1993-ﻳﯩﻠﻰ ﺩﯨﻠﺸﺎﺕ ﮬﯧﯟﯨﺰﯗﻟﻼ ﺑﯘ ﺗﻪﺗﻘﯩﻘﺎﺗﻨﻰ MS-DOSﯞﻩ Turbo C2.0 ﺩﻩ ﺗﺎﻣﺎﻣﻠﯩﻐﺎﻧﺪﺍ ﺋﯘﻻﺭﻧﻰ 3 ﺩﻩﺭﯨﺠﯩﮕﻪ ﺋﺎﻳﺮﯨﻐﺎﻥ ﺋﯩﺪﻯ.

ﺑﯘﻧﺪﺍﻕ ﺋﯧﻨﯩﻖ ﯞﻩ ﺗﻮﻏﺮﺍ ﺳﺘﺎﺗﯩﺴﺘﯩﻜﺎ ﻣﺎﺗﯧﺮﯨﻴﺎﻟﻰ ﺋﯘﻳﻐﯘﺭﺳﻮﻓﺘﺘﺎ ﺑﺎﺭ.

(3)  ﻳﯘﻗﯩﺮﯨﺪﺍ ﺩﯦﻴﯩﻠﮕﻪﻥ ﺑﺎﺭﻟﯩﻖ ﺳﯚﺯ ﯞﻩ ﺑﻮﻏﯘﻣﻼﺭﻧﻰ ﻗﻮﺷﻘﺎﻧﺪﯨﻤﯘ  5500 ﺩﺍﻧﻪ ﺑﻮﻟﯩﺪﯗ. ﻛﯚﭖ ﺑﻮﻟﻐﺎﻧﺪﯨﻤﯘ 6000 ﻏﺎ ﺑﺎﺭﻣﺎﻳﺪﯗ. ﻧﺎﯞﺍﺩﺍ، ﺩﺍﯕﻠﯩﻖ ﺩﯦﻜﺘﻮﺭﻻﺭﻧﻰ (ﻣﻪﺳﯩﻠﻪﻥ: ﻣﯧﮭﺮﯨﮕﯜﻝ ﻣﯚﻣﯩﻦ، ﻏﺎﻟﯩﭗ ﻧﯩﻴﺎﺯ ﻗﺎﺗﺎﺭﻟﯩﻘﻼﺭﻧﻰ) ﺗﻪﻛﻠﯩﭗ ﺋﻮﻗﯘﺗﺴﺎﻕ، ﮬﻪﺭ ﺑﯩﺮ ﺑﻮﻏﯘﻡ ﻳﺎﻛﻰ ﺳﯚﺯﻧﻰ ﺋﻮﻗﯘﺵ ﺋﯜﭼﯜﻥ ﺑﯩﺮ ﺋﯩﻜﻜﻰ ﻳﯜﻩﻥ ﺑﻪﺭﺳﻪﻛﻤﯘ، 12000 ﻣﯩﯔ ﻳﯜﻩﻥ ﺳﻪﺭﭖ ﺑﻮﻟﯩﺪﯗ. ﺑﯘﻧﻰ ﺋﯩﻨﺪﯦﻜﺴﻼﺵ، ﭘﺎﺭﭼﯩﻼﺵ ﺋﯜﭼﯜﻥ ﺗﯧﺨﻨﯩﻜﺎ ﺧﺎﺩﯨﻤﻐﺎ 3000 ﻳﯜﻩﻥ ﺑﻪﺭﺳﻪﻛﻤﯘ ﺟﻪﻣﺌﯩﻲ 15000 (ﺋﻮﻥ ﺑﻪﺵ ﻣﯩﯔ) ﻳﯜﻩﻧﮕﻪ ﺑﯩﺮ ﻣﯘﻛﻪﻣﻤﻪﻝ ﺋﯘﻳﻐﯘﺭﭼﻪ ﺗﺎﯞﯗﺵ ﺋﺎﻣﺒﯩﺮﯨﻨﻰ ﻗﯘﺭﯗﭖ ﭼﯩﻘﺎﻻﻳﻤﯩﺰ.

ﺋﻪﻣﻪﻟﯩﻴﻪﺗﺘﻪ، ﺑﻪﺯﯨﻠﻪﺭ \"ﻧﯧﻤﻪ ﻗﯩﻠﯩﺪﯗ؟ ﺋﯘﻧﺪﺍﻕ ﻛﯚﭖ ﭘﯘﻝ ﺧﻪﺟﻠﻪﭖ؟\"- ﺩﯦﻴﯩﺸﻰ ﻣﯘﻣﻜﯩﻦ. ﻟﯧﻜﯩﻦ ﺋﻮﻳﻼﭖ ﺑﺎﻗﺘﯩﯖﯩﺰﻣﯘ، ﺑﯩﺮ ﺩﯦﻜﺘﻮﺭﻧﯩﯔ ﺑﯜﮔﯜﻧﻜﻰ ﺋﺎﯞﺍﺯﻯ ﺑﯩﻠﻪﻥ ﺋﻪﺗﯩﻜﻰ ﺋﺎﯞﺍﺯﻯ ﻛﻮﻣﭙﻴﯘﺗﯧﺮﺩﺍ ﺳﯧﻠﯩﺸﺘﯘﺭﻏﺎﻧﺪﺍ ﭘﻪﻗﻪﺕ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﻳﻪﻧﻰ ﺋﻮﻗﯘﺵ ﺳﯜﺭﺋﯩﺘﻰ، ﺋﺎﯞﺍﺯﻧﯩﯔ ﻳﯘﻗﯩﺮﻯ-ﺗﯚﯞﻩﻧﻠﯩﻜﻰ،...ﺩﯦﮕﻪﻧﺪﻩﻙ. ﺋﯩﻠﮕﯩﺮﻯ ﻣﻪﻧﻤﯘ ﺑﯩﺮ ﺋﻮﻗﯘﻏﯘﭼﻰ ﺋﯜﭼﯜﻥ 500 ﻳﯜﻩﻥ ﮬﻪﻕ ﺑﯧﺮﯨﭗ، ﺋﻮﻗﯘﺗﻘﺎﻥ ﺋﯩﺪﯨﻢ، ﻟﯧﻜﯩﻦ، ﺑﻪﺯﻯ ﺑﻮﻏﯘﻣﻼﺭﻧﻰ ﺋﺎﺳﺘﺎ، ﺑﻪﺯﻯ ﺑﻮﻏﯘﻣﻼﺭﻧﻰ ﺗﯧﺰ ﺋﻮﻗﯘﭖ ﺳﺎﻟﻐﺎﭼﻘﺎ، ﺑﯩﺮﯨﻜﺘﯜﺭﮔﻪﻧﺪﻩ ﻳﯧﻘﯩﻤﻠﯩﻖ ﺋﺎﯕﻼﻧﻤﺎﻱ، ﺑﯘ ﺗﻪﺗﻘﯩﻘﺎﺕ ﺗﻮﺧﺘﺎﭖ ﻗﺎﻟﻐﺎﻥ ﺋﯩﺪﻯ. ﺷﯘﯕﺎ، ﭼﻮﻗﯘﻡ ﮬﻪﻕ ﺑﯧﺮﯨﺶ ﻛﯧﺮﻩﻙ ﯞﻩ ﻳﯘﻗﯩﺮﻯ ﺋﯚﻟﭽﻪﻣﺪﻩ ﺳﯜﭘﻪﺗﻠﯩﻚ ﺗﺎﻣﺎﻣﻼﺵ ﻻﺯﯨﻢ. ﺑﯘ ﭘﯜﺗﻜﯜﻝ ﺧﯩﺰﻣﻪﺗﻨﯩﯔ ﺋﻮﯕﯘﺷﻠﯘﻕ ﺑﻮﻟﯘﺷﯩﻐﺎ ﺑﯩﯟﺍﺳﯩﺘﻪ ﺗﻪﺳﯩﺮ ﻛﯚﺭﺳﯩﺘﯩﺪﯗ. ﺷﯘﯕﺎ، ﺋﺎﻳﯩﻤﺎﺳﻠﯩﻖ ﻻﺯﯨﻢ.

ﻧﺎﯞﺍﺩﺍ، (3) - ﻳﻪﻧﻰ ﺋﯘﻳﻐﯘﺭﭼﻪ ﻣﯘﻛﻪﻣﻤﻪﻝ ﺋﺎﯞﺍﺯ ﺋﺎﻣﺒﯩﺮﻯ ﻗﯘﺭﯗﻟﺴﺎ، ﻳﯧﺰﯨﻘﻨﻰ ﺋﺎﯞﺍﺯﻏﺎ ﺋﺎﻳﻼﻧﺪﯗﺭﯗﺵ ﺗﻪﺱ ﺋﻪﻣﻪﺱ. ﺑﯩﺰ ﺋﺎﻳﺮﻭﺩﺭﻭﻣﻼﺭﻧﯩﯔ ﺗﻪﺗﻘﯩﻘﺎﺗﯩﻨﻰ ﺋﯩﺸﻠﯩﮕﻪﻧﺪﯨﻤﯘ ﻧﯘﺭﻏﯘﻥ ﺗﻪﺟﺮﯨﺒﯩﻠﻪﺭﻧﻰ ﺗﻮﭘﻠﯩﻐﺎﻥ ﺋﯩﺪﯗﻕ.

ﻳﯧﺰﯨﻘﻨﻰ ﺋﺎﯞﺍﺯﻏﺎ ﺋﺎﻳﻼﻧﺪﯗﺭﯗﺵ ﺗﯧﺨﯩﻨﯩﻜﯩﺴﻰ ﺋﻪﻟﻜﺎﺗﯩﭗ 5.0 ﮔﻪ ﻗﻮﺷﯘﻟﻤﺎﻗﭽﻰ ﺑﻮﻟﻐﺎﻥ ﺋﯩﺪﻯ. ﻟﯧﻜﯩﻦ، ﺑﯘ ﻗﯧﺘﯩﻢ ﭼﻮﯓ ﻟﯘﻏﻪﺕ ﺳﻪﯞﻩﺑﯩﺪﯨﻦ ﺋﯜﻟﮕﯜﺭﻩﻟﻤﯩﺪﯗﻕ. ﺋﻪﻣﻤﺎ، ﺋﻪﻟﻜﺎﺗﯩﭗ 6.0 ﮔﻪ ﭼﻮﻗﯘﻡ ﺑﯘ ﺋﯩﻘﺘﯩﺪﺍﺭ ﻗﻮﺷﯘﻟﯩﺪﯗ. ﻛﯧﻴﯩﻦ ﺑﯘ ﺗﯧﺨﻨﯩﻜﺎ ﺋﯘﻳﻐﯘﺭﺳﻮﻓﺖ ﭼﻮﯓ ﻟﯘﻏﯩﺘﯩﮕﯩﻤﯘ ﺋﯩﺸﻠﯩﺘﯩﻠﻤﻪﻛﭽﻰ.

ﺷﯘﯕﺎ، ﺑﯘ ﺗﯧﺨﻨﯩﻜﯩﻨﻰ ﺗﺎﻣﺎﻣﻼﺵ ﺋﯜﭼﯜﻥ ﻳﯘﻗﯩﺮﯨﺪﯨﻜﻰ 3 ﺑﺎﺳﻘﯘﭼﻼﺭﻧﻰ ﺗﺎﻣﺎﻣﻼﺵ ﻛﯧﺮﻩﻙ. (1) ﯞﻩ (2)-ﺗﯜﺭﻟﻪﺭﻧﻰ ﺋﻪﻟﯟﻩﺗﺘﻪ ﺷﻪﺧﺴﻠﻪﺭﻣﯘ ﺗﺎﻣﺎﻣﻼﺷﻘﺎ ﻗﯘﺭﺑﻰ ﻳﯧﺘﯩﺪﯗ. ﺋﻪﻣﻤﺎ، (3) ﺗﯜﺭﮔﻪ ﻛﯚﭖ ﭘﯘﻝ ﻛﯧﺘﯩﺪﯗ، ﺷﯘﯕﺎ، ﺷﻪﺧﺴﻠﻪﺭﻧﯩﯔ ﺑﻮﻟﯘﭘﻤﯘ ﺑﯩﺮ-ﺋﯩﻜﻜﻰ ﺋﺎﺩﻩﻣﻨﯩﯔ ﺗﺎﻣﺎﻣﻼﭖ ﻛﯧﺘﯩﺸﻰ ﻧﺎﺗﺎﻳﯩﻦ.

ﺋﺎﻟﯩﻲ ﻣﻪﻛﺘﻪﭘﻨﻰ ﺋﯧﻴﺘﺴﺎﻕ، ﺋﯘﻻﺭ ﮬﻪﻣﻤﯩﻨﻰ ﻗﯩﻼﻻﻳﺪﯗ. ﻣﻪﺑﻠﻪﻏﻤﯘ ﺑﺎﺭ، ﺋﺎﺩﻩﻣﻤﯘ ﺑﺎﺭ. ﻟﯧﻜﯩﻦ ﺳﺎﺭﯞﺍﻥ ﺩﯦﮕﻪﻧﺪﻩﻙ ﺋﯘﻻﺭﺩﯨﻜﻰ ﺗﯧﺨﻨﯩﻜﻼﺭ ﺋﻮﻗﯘﻏﯘﭼﯩﻼﺭﺩﯨﻦ ﺗﯜﺯﯛﻟﮕﻪﻥ ﺑﻮﻟﻐﺎﭼﻘﺎ، ﺋﻮﻗﯘﺵ ﭘﯜﺗﺘﯜﺭﮔﻪﻧﺪﻩ ﺗﯧﺨﻨﯩﻜﯩﻨﻰ ﺑﯩﻠﻠﻪ ﺋﯧﻠﯩﭗ ﻛﯧﺘﯩﺸﻰ ﺑﯩﻠﻪﻥ ﺗﯧﺨﻨﯩﻜﯩﻼﺭﻧﯩﯔ ﺋﯜﺯﯛﻟﯜﭖ ﻗﯧﻠﯩﺸﻰ ﻛﯚﭖ. ﻳﯧﯖﯩﺪﯨﻦ ﻛﻪﻟﮕﻪﻧﻠﻪﺭ ﻳﻪﻧﻪ ﻳﯧﯖﯩﺪﯨﻦ ﺋﯩﺸﻠﻪﺷﻜﻪ ﺗﻮﻏﺮﺍ ﻛﯧﻠﯩﺪﯗ. ﺋﻪﯓ ﻣﯘﮬﯩﻤﻰ، ﺋﯘﻻﺭﻧﯩﯔ ﮬﺎﺯﯨﺮﻗﻰ ﯞﻩﺯﯨﭙﯩﺴﻰ ﺑﺎﺯﺍﺭ ﺋﯧﭽﯩﺶ ﯞﻩ ﻣﻪﮬﺴﯘﻻﺕ ﺋﯩﺸﻠﻪﺵ ﺑﻮﻟﻤﯩﻐﺎﻧﻠﯩﻘﺘﯩﻦ، ﭘﯘﻝ ﺧﻪﺟﻠﻪﭖ ﺋﺎﯞﺍﺯ ﺋﺎﻣﺒﯩﺮﯨﻨﻰ ﻗﯘﺭﯗﭖ ﻛﯧﺘﯩﺸﻰ ﻧﺎﺗﺎﻳﯩﻦ. ﺋﯘﻻﺭ ﭘﻪﻗﻪﺕ ﻧﻪﺯﻩﺭﯨﻴﯩﯟﻯ ﺗﻪﺗﻘﯩﻘﺎﺕ ﺑﯩﻠﻪﻥ ﺷﯘﻏﯘﻟﻼﻧﻐﺎﻧﻠﯩﻘﺘﯩﻦ، ﻧﻪﺯﻩﺭﯨﻴﯩﯟﻯ ﺋﺎﺳﺎﺱ ﻛﯜﭼﻠﯜﻙ ﺑﻮﻟﺴﯩﻼ ﺑﻮﻟﺪﻯ. ﺋﺎﺧﯩﺮﯨﺪﺍ ﭘﻪﻗﻪﺕ ﺑﯩﺮ-ﺋﯩﻜﻜﻰ ﺟﯜﻣﻠﻪ ﺳﯚﺯﻧﻰ ﺩﯗﺩﯗﻗﻠﯩﻤﺎﻱ ﺋﻮﻗﯘﭖ ﺑﻪﺭﺳﯩﻼ ﺗﻪﺗﻘﯩﻘﺎﺕ ﺗﺎﻣﺎﻣﻼﻧﻐﺎﻥ ﺑﻮﻟﯩﺪﯗ. ﺷﯘﻧﯩﯔ ﺑﯩﻠﻪﻥ ﺩﯙﻟﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺑﻮﺷﻠﯘﻗﻨﻰ ﺗﻮﻟﺪﯗﺭﻏﺎﻥ ﺑﻮﻟﯘﭖ ﺑﺎﮬﺎﻟﯩﻨﯩﺪﯗ ﯞﻩ ﺋﻪﻧﮕﻪ ﺋﯧﻠﯩﻨﯩﺪﯗ.

ﺷﯘﯕﺎ، ﺑﯘﻧﺪﺍﻕ ﺋﯩﺸﻼﺭﻧﻰ ﻗﯩﻠﯩﺸﺘﺎ ﻳﻪﻧﯩﻼ ﺷﯩﺮﻛﻪﺗﻠﻪﺭﻧﯩﯔ ﺭﻭﻟﯩﻐﺎ ﺳﻪﻝ ﻗﺎﺭﯨﻤﺎﺳﻠﯩﻖ ﻻﺯﯨﻢ. ﺑﯘ ﺗﯧﻤﯩﻨﻰ ﻳﻪﻧﯩﻼ ﺋﯘﻳﻐﯘﺭﺳﻮﻓﺘﻨﯩﯔ ﺋﻮﯕﯘﺷﻠﯘﻕ ﺗﺎﻣﺎﻣﻠﯩﻴﺎﻻﻳﺪﯨﻐﺎﻧﻠﯩﻘﯩﻐﺎ ﺋﯩﺸﻪﻧﭽﯩﻢ ﻛﺎﻣﯩﻞ.

ﺋﺎﺧﯩﺮﯨﺪﺍ ﻳﻪﮬﯘﺩﯨﻴﻼﺭﻧﯩﯔ ﺑﯩﺮ ﺋﯧﻐﯩﺰ ﺳﯚﺯﻯ ﺑﯩﻠﻪﻥ ﺋﺎﺧﯩﺮﻻﺷﺘﯘﺭﺍﻱ: \"ﺋﯩﻘﺘﯩﺴﺎﺩﻗﺎ (ﻳﻪﻧﻰ ﭘﯘﻟﻐﺎ ) ﺋﺎﻳﻼﻧﻤﯩﻐﺎﻥ ﺗﻪﺗﻘﯩﻘﺎﺕ ﮬﻪﻗﯩﻘﯩﻲ ﺗﻪﺗﻘﯩﻘﺎﺕ ﺋﻪﻣﻪﺱ\".

Alim_Ahat يوللانغان ۋاقتى 2006-9-13 10:58:36

ﺋﯘﻳﻐﯘﺭﺳﻮﻓﺖ، ﺋﻪﻟﯟﻩﺗﺘﻪ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﻩﻙ ﭼﻮﯓ ﺋﺎﻟﯩﻲ ﻣﻪﻛﺘﻪﭖ ﺑﯩﻠﻪﻥ ﺑﯩﺮﻟﯩﺸﯩﺸﻨﻰ ﺧﺎﻻﻳﺪﯗ. ﻣﻪﻧﻤﯘ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺧﯩﺰﻣﻪﺕ ﻗﯩﻠﯩﻤﻪﻥ. ﺷﯘﯕﺎ، ﺋﯘﻻﺭﻧﯩﯔ ﺑﯩﺮ ﻳﻪﺭﮔﻪ ﻛﯧﻠﯩﺸﻰ ﺋﻪﻟﯟﻩﺗﺘﻪ ﻣﯘﻣﻜﯩﻦ، ﺑﯩﺮ ﻧﻪﭼﭽﻪ ﻗﯧﺘﯩﻢ ﺋﺎﻏﺰﺍﻛﻰ ﯞﻩ ﻳﺎﺯﻣﺎ ﺷﻪﻛﯩﻠﺪﻩ ﺑﯩﺮﻟﯩﺸﯩﺶ ﺗﻮﻏﺮﯨﺴﯩﺪﺍ ﺳﯚﮬﺒﻪﺗﻤﯘ ﺋﯧﻠﯩﭗ ﺑﯧﺮﯨﻠﺪﻯ. ﻟﯧﻜﯩﻦ، ﺋﺎﺧﯩﺮﻯ ﺗﯧﺨﻰ ﺗﻮﻟﯘﻕ ﭼﯩﻘﻤﯩﺪﻯ.

ﺑﯩﺮﻩﺭ ﻳﯘﻣﺸﺎﻕ ﺩﯦﺘﺎﻟﻨﻰ ﭘﯘﺧﺘﺎ، ﺋﯚﻟﭽﻪﻣﻠﯩﻚ ﺗﯜﺯﯛﺵ ﺋﯘﻧﺪﺍﻕ ﺋﻮﯕﺎﻱ ﺋﻪﻣﻪﺱ. ﻟﯧﻜﯩﻦ، ﮬﺎﺯﯨﺮ ﺋﯘﻳﻐﯘﺭﭼﻪ ﻳﯘﻣﺸﺎﻕ ﺩﯦﺘﺎﻝ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻧﻼﺭﻧﯩﯔ ﺋﯩﭽﯩﺪﻩ ﺧﻪﻧﺰﯗ ﻳﻮﻟﺪﺍﺷﻼﺭﻧﯩﯔ ﺳﺎﻧﻰ ﻛﯚﭘﺮﻩﻙ. ﺋﯩﭽﻜﯩﺮﯨﺪﯨﻜﻰ ﻳﯘﻣﺸﺎﻕ ﺩﯦﺘﺎﻝ ﺷﯩﺮﻛﻪﺗﻠﯩﺮﻯ ﺷﯩﻨﺠﺎﯕﻐﺎ ﻳﯜﺭﯛﺵ ﻗﯩﻠﻤﺎﻗﺘﺎ. ﻣﻪﺳﯩﻠﻪﻥ: ﮬﺎﺯﯨﺮ ﺑﯧﻴﺠﯩﯖﺪﯨﻜﻰ ﻣﻪﻟﯘﻡ ﺷﯩﺮﻛﻪﺕ ﺗﯜﺯﯛﭖ ﭼﯩﻘﻘﺎﻥ \"ﻻﯞﺍ-ﻻﯞﺍ\" ﺩﻩﻳﺪﯨﻐﺎﻥ ﺗﻮﺭﺩﺍ ﭘﺎﺭﺍﯕﻠﯩﺸﯩﺶ ﻳﯘﻣﺸﺎﻕ ﺩﯦﺘﺎﻟﯩﻨﻰ ﺋﯘﻳﻐﯘﺭﭼﯩﻼﺷﺘﯘﺭﯗﭖ ﺑﯧﺮﯨﯟﺍﺗﯩﻤﯩﺰ. ﺑﯘﻧﯩﯔ ﺋﯩﻘﺘﯩﺪﺍﺭﻯ QQ ﺩﯨﻦ ﻗﯧﻠﯩﺸﻤﺎﻳﺪﯗ. ﺑﯘﻧﺪﺍﻕ ﻣﯩﺴﺎﻟﻼﺭ ﻳﻪﻧﯩﻼ ﻧﯘﺭﻏﯘﻥ.

ﺋﻪﯓ ﻳﺎﺧﺸﯩﺴﻰ ﺑﯘ ﺗﯧﻤﯩﺪﯨﻜﻰ ﺋﯩﻨﻜﺎﺳﻼﺭﻧﯩﯔ ﻣﻪﺯﻣﯘﻧﻰ ﺋﯚﺯﮔﯩﺮﯨﭗ ﻛﻪﺗﻤﯩﺴﯘﻥ، ﺗﯧﻤﺎ ﻣﻪﺯﻣﯘﻧﻰ ﺑﯘﻳﯩﭽﻪ ﭘﯩﻜﯩﺮ ﺋﺎﻟﻤﺎﺷﺘﯘﺭﺳﺎﻕ.

sarwan يوللانغان ۋاقتى 2006-9-13 12:48:38

ﺋﻪﺳﻠﻰ ﺗﺎﯞﯗﺵ ﺑﯩﺮﯨﻜﺘﯜﺭﯛﺵ ﺗﻮﻏﯘﺭﺳﯩﺪﯨﻤﯘ ﺋﯚﺯﻩﻣﻨﯩﯔ ﺋﻮﻳﻠﯩﻐﺎﻧﻠﺮﯨﻨﻰ ﻳﺎﺯﻣﺎﻗﭽﻰ ﺋﯩﺪﯨﻢ. ﻳﺎﺯﻣﯩﺴﺎﻣﻤﯘ ﺗﺎﯞﯗﺵ ﭘﻪﺭﯨﻘﻠﻪﻧﺪﯛﺭﯛﺷﺘﯩﻦ ﺗﺎﯞﯗﺵ ﺑﯩﺮﯨﻜﺘﯜﺭﯛﺷﻜﻪ ﺋﯚﺗﯜﭖ ﻛﯩﺘﯩﭙﺘﯘﻕ.
    ﻣﯩﻨﯩﯖﭽﻪ ﺗﺎﯞﯗﺵ ﺑﯩﺮﯨﻜﺘﯜﺭﯛﺷﻨﯩﯔ ﺗﯜﭘﻜﻰ ﺷﻪﺭﺗﻰ ﺑﯩﺮﯨﻜﺘﯜﺭﯛﻟﮕﻪﻥ ﺋﺎﯞﺍﺯ ﺗﻪﺑﯩﺌﻰ ﺋﺎﯞﺍﺯﻏﺎ ﺋﻪﯓ ﻳﯧﻘﯩﻦ ﺩﻩﺭﯨﺠﯩﺪﻩ ﻳﯧﻘﯩﻦ ﺑﻮﻟﯩﺸﻰ ﻛﯧﺮﻩﻙ.
ﺗﯩﻠﻨﻰ ﻳﯧﺰﯨﻘﺘﺎ ﺗﻮﻟﯘﻕ ﺋﯩﭙﺎﺩﯨﻠﻪﺵ ﻣﯘﻣﻜﯩﻦ ﺋﻪﻣﻪﺱ. ﺷﯘﯕﺎ ﻳﯧﺰﯨﻖ ﺷﻪﻛﻠﯩﺪﻩ ﺧﺎﺗﯩﺮﻟﻪﻧﮕﻪﻥ ﺋﯘﭼﯘﺭ ﺋﻪﺳﻠﻰ ﺗﯩﻠﺪﯨﻜﻰ ﺋﯘﭼﯘﺭﻏﺎ ﻧﯩﺴﺒﻪﺗﻪﻥ
\"ﺧﻮﺭﺍﭖ\"  ﻛﻪﺗﻜﻪﻥ ﺑﻮﻟﯩﺪﯗ. ﺋﺎﺩﻩﻡ ﺑﯘ ﺋﯘﭼﯘﺭﻧﻰ ﺑﯩﺮﻗﻪﺩﻩﺭ ﻳﺎﺧﺸﻰ ﮬﺎﻟﺪﺍ ﺋﻪﺳﻠﯩﮕﻪ ﻗﺎﻳﺘﯘﺭﯗﭖ ﺋﻮﻗﯘﻳﺎﻻﻳﺪﯗ. ﻳﺎﻛﻰ \"ﻳﺎﺧﺸﯩﻼﭖ\" ﺋﻮﻗﯘﻳﺎﻻﻳﺪﯗ. ﺋﻪﻣﻤﺎ ﻣﺎﺷﺸﯩﻨﺎ ﺋﯘﻧﺪﺍﻕ ﺋﻪﻣﻪﺱ. ﻧﻮﻗﯘﻝ ﻳﯧﺰﯨﻘﺘﯩﻜﻰ ﺑﻮﻏﯘﻣﻐﺎ ﺗﯩﻠﺪﯨﻜﻰ(ﺗﺎﯞﯗﺵ ﺋﺎﻣﺒﯩﺮﯨﺪﯨﻜﻰ)  ﺑﯘﻏﯘﻡ ﺗﻮﻏﯘﺭﻻﭖ ﻗﻮﻳﯘﻟﺴﺎ، ﺋﺎﯞﺍﺯ ﺗﻪﺑﯩﺌﻰ ﭼﯩﻘﻤﺎﻳﺪﯗ. ﺋﺎﮬﺎﯕﻨﯩﯔ ﻳﯘﻗﯘﺭﻯ ﺗﯚﯞﻩﻧﻠﯩﻜﻰ ﺳﯚﺯ ﺋﯩﭽﯩﺪﯨﻜﻰ ﺑﻮﻏﯘﻡ ﺋﺎﺭﯨﺴﯩﺪﯨﻼ ﻣﻪﯞﺟﯘﺕ ﺑﻮﻟﻤﺎﺳﺘﯩﻦ، ﺳﯚﺯ ﺑﯩﻠﻪﻥ ﺳﯚﺯ ﺋﺎﺭﯨﺴﯩﺪﯨﻤﯘ ﻣﻪﯞﺟﯘﺕ. ﺷﯘﻧﯩﯔ ﺋﯜﭼﯜﻥ ﺳﯚﺯﻧﻰ ﺑﯩﺮﻟﯩﻚ ﻗﯩﻠﯩﺶ ﺋﺎﺭﻗﯩﻠﯩﻘﻤﯘ ﺋﺎﯞﺍﺯﻧﯩﯔ ﺗﻪﺑﯩﺌﻰ ﺑﻮﻟﯘﺷﯩﻨﻰ ﺗﻮﻟﯘﻕ ﺋﻪﻣﻪﻟﮕﻪ ﺋﺎﺷﯘﺭﯗﭖ ﻛﻪﺗﻜﯩﻠﻰ ﺑﻮﻟﻤﺎﻳﺪﯗ. ﻳﻪﻧﻪ ﻛﯩﻠﯩﭗ ﻗﻮﺷﯘﻣﭽﯩﻼﺭ ﺋﯘﻳﻐﯘﺭ ﺗﯩﻠﯩﺪﯨﻜﻰ ﻛﻪﯞﺩﯨﻠﯩﻚ ﺑﯩﺮ ﺋﺎﻻﮬﯩﻴﺪﯨﻠﯩﻚ. ﻗﻮﺷﯘﻣﭽﯩﻼﺭ ﺑﯩﺰﻧﯩﯔ ﮬﯧﭻ ﺑﻮﻟﻤﯩﻐﺎﻧﺪﺍ ﺳﯚﺯﺩﯨﻦ ﻛﯩﭽﯩﻚ ﺑﯩﺮ ﺑﯩﺮﻟﯩﻜﻨﻰ ﺋﯩﺸﻠﯩﺘﯩﺸﯩﻤﯩﺰﻧﻰ ﺗﻪﻟﻪﭖ ﻗﯩﻠﯩﺪﯗ.
    ﺑﯘ ﻳﻪﺭﺩﻩ ﺑﯩﺰﮔﻪ ﻛﯩﺮﻩﻙ ﺑﻮﻟﻐﯩﻨﻰ ﺗﺎﯞﯗﺷﻼﺭﻧﯩﯔ ﺑﯩﺮﯨﻜﻜﻪﻥ ﯞﺍﻗﯩﺘﺘﯩﻜﻰ ﺋﺎﮬﺎﯓ ﺋﯚﺯﮔﯩﺮﯨﺸﯩﻨﯩﯔ ﻓﻮﺭﻣﯘﻻﻻﺷﻘﺎﻥ ﻗﺎﺋﯩﺪﯨﺴﻰ. ﺋﻪﻟﯟﻩﺗﺘﻪ ﺑﯘ ﺑﯩﺰﻧﯩﯔ ﺗﻪﺟﯩﺮﺑﻪ ﺋﯩﺸﻠﻪﭖ ﺗﻪﺗﻘﯩﻖ ﻗﯩﻠﯩﺸﯩﻤﯩﺰﻧﻰ ﻛﯜﺗﯩﯟﺍﺗﯩﺪﯗ.
   ﻣﯩﻨﯩﯖﭽﻪ ﺑﯘ ﻗﺎﺋﯩﺪﻩ ﻗﺎﻧﯘﻧﯩﻴﻪﺗﻠﻪﺭﻧﻰ ﺗﯧﭙﯩﺶ ﺋﯜﭼﯜﻥ ﺑﯩﺮ \"ﺗﻪﺟﯩﺮﺑﻪ ﻣﺎﺗﻮﺭﻯ\" ﻳﺎﺳﺎﺵ ﺯﯛﺭﯛﺭ. ﺑﯘ ﺗﻮﻏﯘﺭﺳﯩﺪا ﻛﯩﻴﻨﭽﻪ ﺗﻪﭘﺴﯩﻠﻰ ﺑﯩﺮ ﻧﻪﺭﺳﻪ ﻳﯧﺰﯨﺸﯩم ﻣﯘﻣﻜﯩﻦ.

Alim_Ahat يوللانغان ۋاقتى 2006-9-14 13:13:21

\"ﺑﯩﺮﯨﻜﺘﯜﺭﮔﻪﻥ ﺋﺎﯞﺍﺯﻻﺭ ﺗﻪﺑﺌﯩﻲ ﺋﺎﯞﺍﺯﻏﺎ ﻳﯧﻘﯩﻦ ﺑﻮﻟﯘﺷﻰ ﻛﯧﺮﻩﻙ\". ﺑﯘ ﺋﻪﻟﯟﻩﺗﺘﻪ ﺋﺎﺧﯩﺮﯨﻘﻰ ﻧﯩﺸﺎﻥ. ﻟﯧﻜﯩﻦ، ﺑﯘ ﺗﯧﺨﻨﯩﻜﺎ ﺑﯩﺦ ﮬﺎﻟﻪﺗﺘﻪ ﺑﻮﻟﻐﺎﭼﻘﺎ، ﺋﯘﻧﯩﯔ ﺋﯜﺳﺘﯩﮕﻪ ﺋﯘﻧﯩﯖﺪﯨﻦ ﭼﯩﻘﻘﺎﻥ ﺋﺎﯞﺍﺯﻧﻰ ﺋﺎﺩﻩﻡ ﺋﺎﯕﻼﻳﺪﯨﻐﺎﻥ ﺑﻮﻟﻐﺎﭼﻘﺎ، ﺋﺎﺩﻩﻡ ﺋﯚﺯﻯ ﮬﯧﺲ ﻗﯩﻠﯩﭗ ﭼﯜﺷﯩﻨﻪﻟﯩﺴﯩﻼ ﺑﻮﻟﯩﺪﯗ.

ﻳﻪﻧﻰ ﺑﯘ ﺗﯧﻤﯩﻐﺎ ﻣﯘﻧﺎﺳﯩﯟﻩﺗﺴﯩﺰ ﺑﻮﻟﻐﺎﻥ، ﭼﯩﻤﻠﯩﻘﺘﺎ ﺋﻮﻳﻨﺎﯞﺍﺗﻘﺎﻥ ﻣﻪﻟﯘﻡ ﺑﯩﺮ 5-6 ﻳﺎﺷﻠﯩﻖ ﺑﯩﺮ ﻛﯩﭽﯩﻚ ﺑﺎﻟﯩﻨﻰ ﺋﯧﻠﯩﭗ ﻛﯧﻠﯩﭗ، ﻛﻮﻣﭙﻴﯘﺗﯧﺮﺩﺍ ﻧﯧﻤﻪ ﺩﻩﭖ ﺳﯚﺯﻟﻪﭖ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺳﻮﺭﺍﺵ ﻛﯧﺮﻩﻙ. ﻧﺎﯞﺍﺩﺍ، ﺋﯘ ﺑﺎﻻ ﻛﻮﻣﭙﻴﯘﺗﯧﺮ ﻣﯘﻧﺪﺍﻕ ﺳﯚﺯﻟﻪﭖ ﺑﯧﺮﯨﯟﺍﺗﯩﺪﯗ ﺩﻩﭖ ﺋﯧﻨﯩﻖ ﺟﺎﯞﺍﺏ ﺑﯧﺮﻩﻟﯩﺴﻪ، ﺑﯘ ﺗﯧﻤﯩﻨﻰ ﮬﻪﺭ ﮬﺎﻟﺪﺍ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺗﺎﻣﺎﻣﻼﻧﺪﻯ ﺩﯦﺴﻪﻙ ﺑﻮﻟﯩﯟﯦﺮﯨﺪﯗ.

ﮬﺎﺯﯨﺮﻗﻰ ﺷﺎﺭﺍﺋﯩﺘﺘﺎ، ﻣﺎﺷﯩﻨﯩﻨﯩﯔ ﺋﺎﺩﻩﻣﺪﻩﻙ ﺗﻪﺑﺌﯩﻲ ﯞﻩ ﮬﯧﺴﯩﻴﺎﺗﻠﯩﻖ ﺳﯚﺯﻟﻪﭖ ﺑﯧﺮﻩﻟﯩﺸﻰ، ﺋﻮﺧﺸﯩﻤﯩﻐﺎﻥ ﻣﯘﮬﯩﺖ ﯞﻩ ﺷﺎﺭﺍﺋﯩﺘﻼﺭﺩﺍ ﺧﯘﺩﺩﯨﻲ ﺋﺎﺩﻩﻣﺪﻩﻙ ﺳﯚﺯﻟﻪﭖ ﺑﯧﺮﯨﺸﻰ ﮬﺎﺯﯨﺮﭼﻪ ﻣﯘﻣﻜﯩﻦ ﺋﻪﻣﻪﺱ.  ﺋﯩﻨﮕﻠﯩﺰﭼﻪ، ﺧﻪﻧﺰﯗﭼﻪ ﺑﯘ ﺗﯜﺭﺩﯨﻜﻰ ﻳﯘﻣﺸﺎﻕ ﺩﯦﺘﺎﻟﻼﺭﻣﯘ ﺗﯧﺨﻰ ﺋﺎﺩﻩﻣﺪﻩﻙ ﺗﻪﺑﺌﯩﻲ، ﮬﯧﺴﯩﻴﺎﺗﻠﯩﻖ ﺳﯚﺯﻟﻪﭖ ﺑﯧﺮﻩﻟﻤﻪﻳﺪﯗ. ﻟﯧﻜﯩﻦ، ﺋﺎﺩﻩﻡ ﺋﯘﻧﻰ ﭼﯜﺷﯩﻨﻪﻟﻪﻳﺪﯗ. ﺷﯘﯕﺎ، ﺋﯘﻳﻐﯘﺭﭼﻪ ﺗﺎﯞﯗﺵ ﺑﯧﺮﯨﻜﺘﯜﺭﯛﺵ ﺳﯩﺴﺘﯧﻤﯩﺴﻰ ﺋﯜﭼﯜﻥ ﺩﻩﺳﻠﻪﭘﺘﻪ ﺋﯘﻧﺪﺍﻕ ﻳﯘﻗﯩﺮﻯ ﺗﻪﻟﻪﭖ ﻗﻮﻳﻤﺎﺳﻠﯩﻖ، ﭘﻪﻗﻪﺕ ﻛﯩﺸﯩﻠﻪﺭ ﺋﺎﯕﻼﭖ ﭼﯜﺷﯩﻨﻪﻟﯩﺴﯩﻼ ﺑﻮﻟﺪﻯ.

ﺷﯘﯕﺎ، ﺩﻩﺳﻠﻪﭘﻜﻰ ﺑﺎﺳﻘﯘﭼﺘﺎ، %90 ﻛﯚﭖ ﺋﯩﺸﻠﯩﺘﯩﺪﯨﻐﺎﻥ ﺳﯚﺯﻟﻪﺭﻧﻰ ﺳﯚﺯ ﺑﻮﻳﯩﭽﻪ ﺋﻮﻗﯘﭖ، ﻗﺎﻟﻐﺎﻥ %10 ﺳﯚﺯﻟﻪﺭﻧﻰ (ﺋﻪﻟﯟﻩﺗﺘﻪ ﻗﻮﺷﯘﻣﭽﯩﻼﺭﻧﯩﻤﯘ) ﺑﻮﻏﯘﻣﻐﺎ ﭘﺎﺭﭼﯩﻼﭖ ﺋﻮﻗﯘﭖ ﺑﯧﺮﯨﺪﯨﻐﺎﻥ ﻗﯩﻠﺴﺎﻗﻼ ﺑﻮﻟﺪﻯ.

ﺋﺎﯞﺍﺯﻧﻰ ﺗﻮﻧﯘﺗﯘﺵ ﻧﻪﻕ ﺋﯘﻧﯩﯔ ﺋﻪﻛﺴﻰ ﺑﻮﻟﯘﭖ، ﺋﯘﻧﯩﯖﺪﺍ ﺋﻮﺧﺸﺎﺵ ﺑﯩﺮ ﺧﯩﻞ ﺗﺎﯞﯗﺵ ﺑﯩﺮﻟﯩﻜﻰ ﻳﻪﻧﻰ ﺑﻮﻏﯘﻡ ﻳﺎﻛﻰ ﺳﯚﺯﻧﻰ ﻗﺎﻳﺘﺎ-ﻗﺎﻳﺘﺎ ﺋﻮﺧﺸﯩﻤﯩﻐﺎﻥ ﺋﺎﮬﺎﯕﺪﺍ ﺋﻮﻗﯘﻏﺎﻧﺪﺍ، ﺋﯘ ﯞﺍﻗﯩﺘﻘﺎ ﺋﻪﮔﯩﺸﯩﭗ ﺋﯚﺯﮔﯩﺮﯨﺪﯗ. ﺩﯦﻤﻪﻙ، ﺑﯘ ﻳﻪﺭﺩﻩ ﮬﻪﺭ ﺑﻮﻏﯘﻡ ﯞﻩ ﺳﯚﺯ ﺋﯜﭼﯜﻥ ﻓﯘﻧﻜﯩﺴﻴﯩﻠﯩﻚ ﻣﯘﻧﺎﺳﯩﯟﻩﺕ ﻣﻪﯞﺟﯜﺕ ﺑﻮﻟﯩﺪﯗ. ﻟﯧﻜﯩﻦ، ﺋﻮﺧﺸﯩﻤﯩﻐﺎﻥ ﺋﺎﺩﻩﻡ ﻳﺎﻛﻰ ﺑﯩﺮ ﺋﺎﺩﻩﻣﻨﯩﯔ ﻧﻪﭼﭽﻪ ﺧﯩﻞ ﺗﻪﻟﻪﭘﭙﯘﺯ ﺷﻪﻛﻠﯩﻨﻰ ﺗﻮﻧﯘﺗﯘﺵ ﺑﻪﻛﻼ ﻗﯧﻴﯩﻦ ﺋﯩﺶ. ﺑﯘﻧﯩﯖﺪﯨﻦ ﺋﺎﺩﻩﻣﻨﯩﯔ ﺋﺎﯕﻼﺵ ﺋﻪﺯﺍﺳﯩﻨﯩﯖﻤﯘ ﻧﺎﮬﺎﻳﯩﺘﻰ ﻣﯘﻛﻪﻣﻤﻪﻝ ﻳﺎﺭﯨﺘﯩﻠﻐﺎﻧﻠﯩﻘﯩﻨﻰ ﮬﯧﺲ ﻗﯩﻠﯩﺸﻘﺎ ﺑﻮﻟﯩﺪﯗ.

ﺩﻩﺳﻠﻪﭘﻜﻰ ﺑﺎﺳﻘﯘﭼﺘﺎ، ﻳﻪﻧﯩﻼ ﺑﯩﺮ ﺋﺎﺩﻩﻣﻨﯩﯔ ﺑﯩﺮ ﺧﯩﻞ ﺭﯨﺘﯩﻢ ﯞﻩ ﺑﯩﺮ ﺧﯩﻞ ﺗﻪﻟﻪﭘﭙﯘﺯﺩﺍ ﺑﻮﻏﯘﻡ ﺑﻮﻳﯩﭽﻪ ﺗﻮﻧﯘﺗﯘﺷﻨﻰ ﺋﻪﻣﻪﻟﮕﻪ ﺋﺎﺷﯘﺭﺳﺎﻗﻤﯘ ﭼﻮﯓ ﺋﯩﺶ ﺑﻮﻻﺭ ﺋﯩﺪﻯ. ﺋﻪﻣﻪﻟﯩﻴﻪﺗﺘﻪ، ﺑﯘ ﺗﯧﺨﻨﯩﻜﺎ 1994-ﻳﯩﻠﻰ ﺋﻪﻣﻪﻟﮕﻪ ﺋﺎﺷﻘﺎﻥ ﯞﻩ ﺧﯧﻠﻪ ﻳﺎﺧﺸﻰ ﺋﯜﻧﯜﻡ ﻳﺎﺭﯨﺘﯩﻠﻐﺎﻥ. ﺷﯘ ﯞﺍﻗﯩﺘﺘﺎ، ﺩﯨﻠﺸﺎﺕ ﮬﯧﯟﯨﺰﯗﻟﻼ IBM 386 ﻛﻮﻣﭙﻴﯘﺗﯧﺮﺩﺍ ﺧﯧﻠﻪ ﻳﺎﺧﺸﻰ ﺋﯜﻧﯜﻣﮕﻪ ﺋﯧﺮﯨﺸﻜﻪﻥ. ﺑﯘﻧﯩﯔ Turbo C 2.0  ﺩﺍ ﺗﯜﺯﯛﻟﮕﻪﻥ ﺑﺎﺭﻟﯩﻖ ﺋﻪﺳﻠﯩﻲ ﻛﻮﺩﻯ، ﺋﯩﻠﻤﯩﻲ ﻣﺎﻗﺎﻟﯩﺴﻰ، ﺗﻪﺟﺮﯨﺒﻪ ﯞﻩ ﺑﺎﮬﺎﻻﺵ ﺟﻪﺭﻳﺎﻧﻠﯩﺮﻯ ﺧﺎﺗﯩﺮﻟﻪﻧﮕﻪﻥ ﺳﯩﻨﺌﺎﻟﻐﯘ ﻓﯩﻠﯩﻤﻰ ﻣﻪﻧﺪﻩ ﺑﺎﺭ. ﺑﯘ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﮬﺎﺯﯨﺮﻏﺎ ﻗﻪﺩﻩﺭ ﺋﯧﺮﯨﺸﻜﻪﻥ ﺷﻪﺭﻩﭘﻠﯩﺮﻯ ﺋﯩﭽﯩﺪﻩ ﺋﻪﯓ ﻳﯘﻗﯩﺮﻯ ﺋﯩﻨﺎﯞﻩﺗﻜﻪ ﺋﯧﮕﻪ ﺩﯙﻟﻪﺕ ﺩﻩﺭﯨﺠﯩﻠﯩﻚ ﺗﻪﺗﻘﯩﻘﺎﺗﻰ ﺑﻮﻟﯘﭖ ، ﻳﯘﻗﯩﺮﯨﺪﯨﻦ ﮬﻪﺭ ﻗﺎﻧﺪﺍﻕ ﺑﯩﺮ ﺗﻪﻛﺸﯜﺭﯛﺵ ﻛﻪﻟﮕﻪﻥ ﮬﺎﻣﺎﻥ ﺑﯩﺮﯨﻨﭽﻰ ﺑﻮﻟﯘﭖ ﺗﯩﻠﻐﺎ ﺋﯧﻠﯩﻨﺪﯨﻐﺎﻥ ﭼﻮﯓ ﺗﻪﺗﻘﯩﻘﺎﺕ ﻧﻪﺗﯩﺠﯩﺴﻰ ﮬﯧﺴﺎﺑﻠﯩﻨﯩﺪﯗ.

ﺑﯘﻧﯩﯖﺪﯨﻤﯘ ﺋﯘﻳﻐﯘﺭﻻﺭ ﺋﯩﺸﻠﯩﺘﯩﯟﺍﺗﻘﺎﻥ 1200 ﺑﻮﻏﯘﻣﻼﺭﻧﻰ 3 ﮔﯘﺭﯗﭘﭙﯩﻐﺎ ﺋﺎﻳﺮﯨﭗ ﮬﻪﻝ ﻗﯩﻠﻐﺎﻥ. ﺑﯘﻧﻰ ﺋﯩﺸﻠﻪﺗﻜﻪﻥ ﻛﯩﺸﻰ ﺩﻩﺳﻠﻪﭘﻜﻰ 400 ﺑﻮﻏﯘﻣﻨﻰ 15 ﻣﯩﻨﯘﺕ ﺳﻪﺭﭖ ﻗﯩﻠﯩﭗ ﺋﻮﻗﯘﻏﺎﻧﺪﯨﻦ ﻛﯧﻴﯩﻦ، ﺋﯘﻧﯩﯔ ﺑﺎﺭﻟﯩﻖ ﺗﻪﻟﻪﭘﭙﯘﺯﻯ (ﭼﺎﺳﺘﻮﺗﺎﺳﻰ، ﺗﯧﺰﻟﯩﻜﻰ، ...ﺩﯦﮕﻪﻧﺪﻩﻙ ﭘﺎﺭﺍﻣﯧﺘﯧﺮﻻﺭ)ﻛﻮﻣﭙﻴﯘﺗﯧﺮﺩﺍ ﺳﺎﻗﻠﯩﻨﯩﺪﯗ ﯞﻩ ﻗﺎﻟﻐﺎﻥ 800  ﺑﻮﻏﯘﻣﻐﺎ ﺗﻪﻗﺴﯩﻢ ﻗﯩﻠﯩﻨﯩﭗ، 1200 ﺑﻮﻏﯘﻣﻨﯩﯔ ﺋﺎﯞﺍﺯ ﺋﺎﻣﺒﯩﺮﻯ ﺋﺎﭘﺘﻮﻣﺎﺗﯩﻚ ﻗﯘﺭﯗﻟﯩﺪﯗ. ﺷﯘ ﻛﯩﺸﻰ 1200 ﺩﺍﻧﻪ ﺑﻮﻏﯘﻡ ﺩﺍﺋﯩﺮﯨﺴﯩﺪﻩ ﺳﯚﺯﻟﯩﮕﻪﻧﺪﻩ، ﺋﯘﻧﯩﯔ ﺋﺎﯞﺍﺯﯨﻨﻰ ﺋﯩﺰﺩﻩﭖ ﺗﯧﭙﯩﭗ، ﺷﯘﻧﯩﯖﻐﺎ ﻣﺎﺱ ﻛﻪﻟﮕﻪﻥ ﻳﯧﺰﯨﻘﻨﻰ ﺋﯧﻜﺮﺍﻧﺪﺍ ﻛﯚﺭﺳﯩﺘﯩﺪﯗ.
ﺷﯘ ﯞﺍﻗﯩﺘﻼﺭﺩﺍ ﺗﯘﻧﺠﻰ ﻗﯧﺘﯩﻤﻠﯩﻖ ﺳﯩﻨﺎﻗﺘﺎ ﺑﯩﺮ ﺟﯜﻣﻠﻪ ﺋﺎﺧﯩﺮﯨﺴﯩﺪﯨﻜﻰ ﭼﯧﻜﯩﺖ ﺗﯩﻨﯩﺶ ﺑﻪﻟﮕﯩﺴﯩﻨﻰ \"ﭼﯧﻜﯩﺖ\" ﺩﻩﭖ ﺋﻮﻗﯘﺳﺎﻕ، ﺋﯧﻜﺮﺍﻧﺪﺍ \".\" ﻛﯚﺭﯛﻧﻤﻪﺳﺘﯩﻦ، \"ﭼﯧﻜﯩﺖ\" ﺩﻩﭖ ﭼﯩﻘﯩﯟﯦﻠﯩﭗ، ﺧﯧﻠﻪ ﻗﯩﺰﯨﻘﺎﺭﻟﯩﻖ ﺋﯩﺸﻼﺭ ﺑﻮﻟﻐﺎﻥ ﺋﯩﺪﻯ. ﻛﻮﻣﭙﻴﯘﺗﯧﺮﻧﻰ ﺗﯩﻠﻠﯩﺴﺎﻕ، ﺗﯩﻠﻠﯩﻐﺎﻥ ﺳﯚﺯﻟﻪﺭﻧﻰ ﺷﯘ ﭘﯧﺘﻰ ﺋﯧﻜﺮﺍﻧﺪﺍ ﻛﯚﺭﺳﯩﺘﯩﭗ ﺑﻪﺭﮔﻪﻥ ﺋﯩﺪﻯ.

ﺩﯦﻤﻪﻙ، ﺑﯘﻧﺪﺍﻕ ﺗﻪﺗﻘﯩﻘﺎﺗﻼﺭﻧﻰ ﮬﺎﺯﯨﺮﻗﻰ ﺷﺎﺭﺍﺋﯩﺘﻼﺭﺩﺍ ﺋﯧﻠﯩﭗ ﺑﯧﺮﯨﺸﻘﺎ ﺑﻮﻟﯩﺪﯗ. ﻟﯧﻜﯩﻦ، ﻻﻳﯩﮭﻪ ﺗﻮﻏﺮﺍ ﺑﻮﻟﯘﺷﻰ، ﺋﻪﻣﻤﺎ، ﺩﻩﺳﻠﻪﭘﺘﻪ ﺑﯘ ﻛﻮﻣﭙﻴﯘﺗﯧﺮ(ﻳﻪﻧﻰ ﺋﺎﺩﻩﻡ ﻳﺎﺳﯩﻐﺎﻥ ﺗﯚﻣﯜﺭ-ﺗﯧﺰﻩﻙ) ﺋﯜﭼﯜﻥ، ﭼﻮﻗﯘﻡ ﺋﺎﺩﻩﻣﺪﻩﻙ(ﻳﻪﻧﻰ ﺧﯘﺩﺍ ﻳﺎﺭﺍﺗﻘﺎﻥ ﺋﯩﻨﺴﺎﻧﺪﻩﻙ) ﺳﯚﺯﻟﻪﭖ ﺑﯧﺮﯨﺸﻰ ﻳﺎﻛﻰ ﺗﻮﻧﯘﭖ ﺑﯧﺮﯨﺸﻰ ﻻﺯﯨﻢ ﺩﻩﭖ ﻳﯘﻗﯩﺮﻯ ﺗﻪﻟﻪﭖ ﻗﻮﻳﯘﯞﺍﻟﺴﺎﻕ، ﺑﻪﻙ ﺯﯨﻴﺎﺩﻩ ﺋﻮﻳﻼﭖ ﻛﯧﺘﯩﭗ ﺗﻪﺗﻘﯩﻘﺎﺕ ﺋﯜﭼﯜﻥ ﭘﺎﻳﺪﯨﺴﯩﺰ ﺋﺎﻣﯩﻠﻼﺭ ﻛﯚﭘﯩﻴﯩﭗ ﻛﯧﺘﯩﺸﻰ، ﮬﻪﺗﺘﺎ ﻣﻪﻏﻠﯘﭖ ﺑﻮﻟﯘﺷﯩﻤﯩﺰ ﻣﯘﻣﻜﯩﻦ.


sarwan يوللانغان ۋاقتى 2006-9-15 08:32:20

ﺋﻪﻟﯟﻩﺗﺘﻪ ﺗﯧﺨﻨﯩﻜﺎ ﺗﻪﺩﺭﯨﺠﻰ ﭘﯩﺸﯩﭗ ﻳﯩﺘﯩﻠﯩﺪﯗ. ﺗﻪﺟﯩﺮﺑﯩﻠﻪﺭ ﺗﻪﺩﺭﯨﺠﻰ ﺗﻮﭘﻠﯩﻨﯩﺪﯗ. ﺩﻩﺳﻠﻪﭘﻜﻰ ﻗﻪﺩﻩﻣﺪﻩ ﺗﻪﺑﯩﺌﻰ ﺋﺎﯞﺍﺯ ﺋﯜﻧﯜﻣﻰ ﺗﯚﯞﻩﻧﺮﺍﻕ ﺑﻮﻟﺴﯩﻤﯘ ﺑﻮﻟﯩﺪﯗ. ﻟﯩﻜﯩﻦ ﺗﻪﺑﯩﺌﻰ ﺋﺎﯞﺍﺯ ﺋﯜﻧﯜﻣﻰ ﻗﺎﻧﭽﻪ ﺗﯜﯞﻩﻥ ﺑﻮﻟﺴﺎ ﺋﯩﺸﻠﯩﺘﯩﻠﯩﺸﭽﺎﻧﻠﯩﻘﯩﻤﯘ ﺷﯘﻧﭽﻪ ﺗﯚﯞﻩﻥ ﺑﻮﻟﯩﺪﯗ.
    ﻧﺎﯞﺍﺩﺍ ﺩﻩﺳﻠﯩﭙﯩﺪﻩ ﺋﯩﺸﻠﯩﺘﯩﻠﯩﺸﭽﺎﻧﻠﯩﻘﻰ ﺑﻪﻙ ﺗﯚﯞﻩﻥ TTS ﻳﺎﺳﯩﻠﯩﭗ ﻗﺎﻟﺴﺎ، ﺑﺎﺷﻘﯩﻼﺭﻏﺎ ﺳﻪﻟﺒﻰ ﺗﻪﺳﯩﺮ ﺑﯧﺮﯨﭗ ﻗﯘﻳﯘﭖ، ﺩﺍﯞﺍﻣﻠﯩﻖ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﻘﺎ ﭘﺎﺳﺴﯩﭗ ﺗﻪﺳﯩﺮﻯ ﺑﻮﻟﯩﺸﻰ ﻣﯘﻣﻜﯩﻦ.
   ﻣﻪﻥ ﺋﻮﻳﻼﻳﻤﻪﻥ. ﺋﯘﻳﻐﯘﺭﭼﻪ  TTS ﻧﻰ ﺗﯩﻞ ﺋﯚﮔﯜﻧﯜﺵ، ﺋﻮﻗﯘﺗﯘﺷﻼﺭﻏﺎ ﺋﯩﺸﻠﻪﺗﻜﯩﻠﻰ ﺑﻮﻟﺴﯩﻜﻪﻥ. portabl

sarwan يوللانغان ۋاقتى 2006-9-15 08:44:03

ﺋﻪﻟﯟﻩﺗﺘﻪ ﺗﯧﺨﻨﯩﻜﺎ ﺗﻪﺩﺭﯨﺠﻰ ﭘﯩﺸﯩﭗ ﻳﯩﺘﯩﻠﯩﺪﯗ. ﺗﻪﺟﯩﺮﺑﯩﻠﻪﺭ ﺗﻪﺩﺭﯨﺠﻰ ﺗﻮﭘﻠﯩﻨﯩﺪﯗ. ﺩﻩﺳﻠﻪﭘﻜﻰ ﻗﻪﺩﻩﻣﺪﻩ ﺗﻪﺑﯩﺌﻰ ﺋﺎﯞﺍﺯ ﺋﯜﻧﯜﻣﻰ ﺗﯚﯞﻩﻧﺮﺍﻕ ﺑﻮﻟﺴﯩﻤﯘ ﺑﻮﻟﯩﺪﯗ. ﻟﯩﻜﯩﻦ ﺗﻪﺑﯩﺌﻰ ﺋﺎﯞﺍﺯ ﺋﯜﻧﯜﻣﻰ ﻗﺎﻧﭽﻪ ﺗﯜﯞﻩﻥ ﺑﻮﻟﺴﺎ ﺋﯩﺸﻠﯩﺘﯩﻠﯩﺸﭽﺎﻧﻠﯩﻘﯩﻤﯘ ﺷﯘﻧﭽﻪ ﺗﯚﯞﻩﻥ ﺑﻮﻟﯩﺪﯗ.
    ﻧﺎﯞﺍﺩﺍ ﺩﻩﺳﻠﯩﭙﯩﺪﻩ ﺋﯩﺸﻠﯩﺘﯩﻠﯩﺸﭽﺎﻧﻠﯩﻘﻰ ﺑﻪﻙ ﺗﯚﯞﻩﻥ TTS ﻳﺎﺳﯩﻠﯩﭗ ﻗﺎﻟﺴﺎ، ﺑﺎﺷﻘﯩﻼﺭﻏﺎ ﺳﻪﻟﺒﻰ ﺗﻪﺳﯩﺮ ﺑﯧﺮﯨﭗ ﻗﯘﻳﯘﭖ، ﺩﺍﯞﺍﻣﻠﯩﻖ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﻘﺎ ﭘﺎﺳﺴﯩﭗ ﺗﻪﺳﯩﺮﻯ ﺑﻮﻟﯩﺸﻰ ﻣﯘﻣﻜﯩﻦ.
   ﻣﻪﻥ ﺋﻮﻳﻼﻳﻤﻪﻥ. ﺋﯘﻳﻐﯘﺭﭼﻪ  TTS ﻧﻰ ﺗﯩﻞ ﺋﯚﮔﯜﻧﯜﺵ، ﺋﻮﻗﯘﺗﯘﺷﻼﺭﻏﺎ ﺋﯩﺸﻠﻪﺗﻜﯩﻠﻰ ﺑﻮﻟﺴﯩﻜﻪﻥ. ﻛﯩﺘﺎﺏ ﺋﻮﻗﯘﻏﯘﭺ ( )ﻻﺭ ﻳﺎﺳﯩﻠﯩﭗ ﺳﺎﯞﺍﺗﺴﯩﺰﻻﺭﻣﯘ ﻛﯩﺘﺎﭖ \"ﺋﻮﻗﯘﻳﺎﻟﯩﺴﺎ\" ﺋﯩﻜﻪﻥ ﺩﻩﭖ.
   ﺋﯩﻨﮕﯩﺰﭼﻪ  TTS ﻟﻪﺭﻧﯩﯔ ﺗﻪﺑﯩﺌﻰ ﺋﺎﯞﺍﺯ ﺋﯜﻧﯜﻣﻰ ﺑﯩﺮﯨﺪﯨﻐﺎﻧﻠﯩﺮﻯ ﺑﺎﺭ ﺋﯩﻜﻪﻥ. ﺗﯚﯞﻩﻧﺪﯨﻜﯩﺴﻰ ﺋﺎﻣﯧﺮﻛﺎ ﺗﯧﻠﯩﻔﯘﻥ، ﺗﯩﻠﮕﯩﺮﺍﻑ ﺷﯩﺮﻛﯩﺘﯩﻨﯩﯔ \"ﺗﻪﺑﯩﺌﻰ ﺋﺎﯞﺍﺯ\" ﺗﺎﯞﯗﺵ ﺑﯩﺮﯨﻜﺘﯜﺭﯛﺵ ﭘﯩﺮﻭﮔﺮﺍﻣﻤﯩﺴﯩﻨﯩﯔ ﻛﯚﺭﺳﻪﺗﻤﻪ ﺑﯧﺘﻰ. ﺗﻮﺭﺩﺍ ﺑﯩﯟﺍﺳﺘﻪ ﺳﯩﻨﺎﺷﻘﺎ ﺑﻮﻟﯩﺪﯨﻜﻪﻥ.
http://www.naturalvoices.att.com/demos/

Baqka يوللانغان ۋاقتى 2006-9-20 09:39:25

ﻣﯘﺷﯘﻧﯩﯔ ﺋﻪﻣﻪﻟﮕﻪ ﺋﯧﺸﯩﺸﯩﻐﺎ ﺋﯩﻨﺘﯩﺰﺍﺭﻣﯩﺰ ﺟﯘﻣﯘ ، ﻳﺎﻧﻔﯘﻧﺪﺍ ﺋﯩﺴﯩﻢ ﺑﯩﻠﻪﻥ ﺗﯧﻠﯩﻔﯘﻥ ﺋﯘﺭﯗﺵ ﻗﺎﻧﺪﺍﻕ ﭘﻪﺭﻗﻠﻪﻧﺪﯛﺭﯛﺷﻜﻪ ﮬﯧﺴﺎﭖ؟

alxir يوللانغان ۋاقتى 2006-9-28 13:38:31

ﺋﻮﻳﻐﯘﺭ ﺳﻮﻓﯩﺖ ﺋﻪﭘﻪﻧﺪﯨﻨﯩﯔ ﺳﯜﺯﻟﯩﺮﯨﻨﻰ ﺋﺎﯕﻼﭖ ﮬﻪﻳﺮﺍﻥ ﻗﯩﻠﯟﺍﺗﯩﻤﻪﻥ
ﺳﯩﺰ ﺑﯩﺮﺋﺎﺩﻩﻡ ﺑﻮﻟﻐﯩﻨﯩﯖﯩﺰ ﺑﯩﻠﻪﻥ ﺋﻮﻧﻤﯩﯔ ﺋﺎﺩﻩﻡ ﺋﻮﻳﻠﯩﻐﺎﻥ ﺋﯩﺸﻨﻰ ﺋ.ﻮﻳﻼﻳﺪﯨﻜﻪﻧﺴﯩﺰﺋﻪﻣﻪﺳﻤﯘ
ﺳﯩﺰﮔﻪ ﺋﺎﭘﯩﺮﯨﻦ.ﻣﻪﻥ ﺳﯩﺰﮔﻪ ﻗﻮﻝ ﻗﻮﻳﺪﯗﻡ،
ﺋﻪﮔﻪﺭ ﻣﻮﺷﯘ ﺧﺎﺳﯩﻴﻪﺗﻠﯩﻚ ﺋﯩﺸﻼﺭ ﺋﻪﻣﻪﻟﮕﻪ ﺋﺎﺷﯩﺪﯨﻐﺎﻧﻼ ﺑﻮﻟﺴﺎ
ﻣﻪﻧﻤﯘ ﺋﺎﺯﺭﺍﻕ ﺋﯩﻘﺘﯩﺴﺎﺩ ﻳﺎﺭﺩﻩﻡ ﻗﯩﻠﯩﻤﻪﻥ.

afrasiyaf يوللانغان ۋاقتى 2006-10-3 00:22:47

ﺗﺎﯞﯗﺷﻨﻰ ﻳﯧﺰﯨﻘﻘﺎ،ﻳﯧﺰﯨﻘﻨﻰ ﺗﺎﯞﯗﺷﻘﺎ ﺋﺎﻳﻼﻧﺪﯗﺭﯗﺵ،ﺑﯩﺮ ﺑﯩﺮﯨﻨﯩﯔ ﺋﻪﻛﺴﻰ ﻣﻪﺷﻐﯘﻻﺗﻰ ﺑﻮﻟﯘﭖ،ﻗﯩﻴﯩﻨﻠﯩﻖ ﺩﻩﺭﯨﺠﯩﺴﻰ ﻳﯘﻗﯘﺭﯨﺮﺍﻕ،ﭼﯧﺘﯩﻠﯩﺶ ﺩﺍﺋﯩﺮﯨﺴﻰ ﻛﻪﯕﺮﻯ،ﺋﯜﻧﯟﯦﺮﺳﺎﻟﻠﯩﻘﻰ ﻳﯘﻗﯘﺭﻯ ﺑﻮﻟﻐﺎﻥ،ﺋﯩﺸﻠﻪﺗﻜﯜﭼﯩﻠﻪﺭﮔﻪ ﺩﻩﯞﯨﺮ ﺑﯚﻟﮕﯜﭺ ﻗﻮﻻﻳﻠﯩﻘﻼﺭﻧﻰ ﺋﯧﻠﯩﭗ ﻛﯧﻠﻪﻟﻪﻳﺪﯨﻐﺎﻥ ﺳﺎﺧﺎﯞﻩﺗﻠﯩﻚ ﺋﯩﺸﺘﯘﺭ.ﺑﯘ ﺋﻪﻣﮕﻪﻛﻨﯩﯔ ﺋﯘﻳﻐﯘﺭﺩﺍ ﺑﺎﺷﻼﻧﻐﺎﻧﻠﯩﻘﯩﻨﻰ ،ﯞﻩ ﺑﺎﺷﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯨﭗ ﺧﯘﺭﺳﻪﻥ ﺑﻮﻟﺪﯗﻡ.ﻳﯘﻗﯘﺭﯨﺪﺍ ﺗﻮﺭﺩﺍﺷﻼﺭ ﺑﺎﻳﺎﻥ ﺋﻪﻳﻠﯩﮕﻪﻧﺪﻩﻙ،ﺑﯘ ﺧﯩﺰﻣﻪﺕ ﺑﯩﺮ ﻳﺎﺧﺸﻰ ﺑﺎﺵ ﺑﻮﻟﻐﯩﭽﻰ ﺋﻪﺗﺮﺍﭘﯩﻐﺎ ﺋﯘﻳﯘﺷﻘﺎﻥ ﺑﯘﻧﯩﯖﻐﺎ (ﭼﯧﺘﯩﺸﻠﯩﻖ)ﮬﻪﺭ ﺳﺎﮬﻪﺩﯨﻜﻰ ﻛﯩﺸﯩﻠﻪﺭﻧﯩﯔ ﮔﻮﺭﯗﭖ ﺑﻮﻟﯘﭖ ﺋﯘﻳﯘﺷﯩﺸﻰ ﻧﻪﺗﯩﺠﯩﺴﯩﺪﻩ ﻳﯘﻗﯘﺭﻯ ﺳﻪﯞﯨﻴﯩﺪﻩ ﯞﯗﺟﯘﺗﻘﺎ ﭼﯩﻘﯩﺸﯩﻐﺎ ﺋﯩﺸﯩﻨﯩﻤﻪﻥ.

Bahadir515 يوللانغان ۋاقتى 2006-11-19 02:52:48

ﺋﯘﻧﺪﺍﻗﺘﺎ ﺑﯘ ﺋﯧﻐﯩﺮ ﯞﻩﺯﯨﭙﯩﻤﯘ ﺋﯘﻳﻐﯘﺭﺳﻮﻓﺖ ﻳﺎﻛﻰ ﺷﯩﻨﺠﺎﯓ ﺋﯘﻧﯟﯦﺮﺳﯩﺘﯧﺘﯩﻤﯩﺰﻧﯩﯔ ﺯﯨﻤﻤﯩﺴﯩﺪﻩ ﺋﯩﻜﻪﻥ - ﺩﻩ...      

ﺋﺎﻟﯩﻢ ﺋﺎﻛﺎ(ﻣﯘﺋﻪﻟﻠﯩﻢ) :

       ﻣﯘﻣﻜﯩﻦ ﺑﻮﻟﺴﺎ  ORCﺗﯧﺨﻨﯩﻜﯩﺴﻰ ﺗﻮﻏﺮﯨﺴﯩﺪﯨﻤﯘ ﭼﯜﺷﻪﻧﭽﻪ ﺑﻪﺭﺳﯩﯖﯩﺰ

ﺑﻮﭘﺘﯩﻜﻪﻥ ... ﺋﯘﻳﻐﯘﺭﻻﺭﺩﺍ ﺑﯘ ﮬﻪﻗﺘﻪ ﻗﺎﻧﺪﺍﻕ ﺗﻪﺗﻘﯩﻘﺎﺗﻼﺭ ﺑﻮﻟﺪﻯ ﯞﻩ ﺑﻮﻟﯘﯞﺍﺗﯩﺪﯗ ؟...

ﺳﯩﺰﻧﻰ  ﺑﯘ ﺗﻮﻏﺮﯨﺪﺍ ﺗﻪﺗﻘﯩﻘﺎﺕ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﯩﺪﯗ ﺩﻩﭖ ﺋﺎﯕﻠﯩﻐﺎﻧﯩﺪﯨﻢ .

ﻣﻪﻥ ﻣﯘﺷﯘ ﺗﻮﻏﺮﯨﺪﺍ ﺑﯩﺮ ﺗﯧﻤﺎ ﻳﺎﺯﻏﺎﻥ (ﮔﻪﺭﭼﻪ ﺗﻮﻟﯘﻕ ﺑﻮﻟﻤﯩﺴﯩﻤﯘ) ... ﺷﯘ ﺗﯧﻤﯩﺪﺍ ﺑﻮﻟﺴﯩﻤﯘ

ﺑﻮﻟﯩﺪﯗ ... ﺑﯩﻠﻤﯩﮕﻪﻧﻠﻪﺭ ﺑﯩﻠﯩﯟﺍﻟﺴﺎﻕ ... ﺭﻩﮬﻤﻪﺕ!

Bahadir515 يوللانغان ۋاقتى 2006-11-19 02:54:31

ﺋﺎﺩﺭﯦﺴﻰ : http://www.izdinix.com/munbar/forum.php?mod=viewthread&tid=21397

tursun12 يوللانغان ۋاقتى 2006-11-20 13:47:25

ﺑﯘ ﻣﯘﻧﺎﺯﯨﺮﻩ ﻳﺎﺧﺸﻰ ﺩﺍﯞﺍﻣﻠﯩﺸﯩﯟﺍﺗﯩﺪﯗ.... ﻣﯩﻨﯩﯖﭽﻪ ﮬﻪﺭ ﺑﯩﺮ ﻛﻮﻣﭙﯩﻴﻮﺗﯩﺮ  ﮬﻪﯞﻩﺳﻜﺎﺭﻟﯩﺮﻯ ﺋﺎﯞﺍﺯ ﺋﺎﺭﻗﯩﻠﯩﻖ ﺧﻪﺕ ﮬﺎﺳﯩﻞ ﻗﯩﻠﯩﺶ ﮬﻪﻡ ﺧﻪﺗﻨﻰ ﺋﺎﯞﺍﺯﻏﺎ ﺋﺎﻳﻼﻧﺪﯗﺭﯗﺵ ﺋﺎﺭﺯﯗﺳﯩﻨﻰ ﻗﯩﻠﻤﺎﻱ ﺗﯘﺭﺍﻟﻤﺎﻳﺪﯗ..... ﺑﺎﺷﻘﺎ ﺗﯩﻠﻼﺭﺩﺍ ﺋﻪﻣﻪﻟﮕﻪ ﺋﯧﺸﯩﭗ ﺑﻮﻟﺪﯨﻐﯘ........

iz_007 يوللانغان ۋاقتى 2006-11-27 13:38:42

ﺑﯘ ﺗﻪﺗﻘﯩﻘﺎﺗﻨﯩﯔ ﭘﯘﻟﻰ ﺑﻪﻟﻜﯩﻢ ﺧﻪﺟﻠﯩﻨﯩﭗ ﺑﻮﻟﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﺑﻮﻟﻤﯩﺴﺎ ﺋﺎﻟﻠﯩﺒﯘﺭﯗﻥ ﺑﺎﺯﺍﺭﻏﺎ ﭼﯩﻘﯩﭗ ﺑﻮﻻﺭ ﺋﯩﺪﻯ. ﭼﯜﻧﻜﻰ ﻣﻪﻧﻤﯘ ﺑﯘ ﺧﻪﯞﻩﺭﻧﻰ ﺋﺎﯕﻠﯩﻐﯩﻠﻰ 6-7 ﻳﯩﻞ ﺑﻮﻟﯘﭖ ﻗﺎﻟﺪﻯ.

hezret يوللانغان ۋاقتى 2007-2-19 19:10:12

ﻳﺎﺧﺸﻰ ﺑﻮﭘﺘﯘ!
بەت: [1] 2
: ﺋﯘﻳﻐﯘﺭﭼﻪ ﺗﺎﯞﯗﺵ پەرىقلەندۈرۈش ﺗﯧﺨﻨﯩﻜﯩﺴﻰ ﺗﻮﻏﯘﺭﺳﯩﺪﺍ