مەپتۇن بلوگى

 ياخشى ئادەم بىرلا ۋاقىتتا نامراتلىق ، قېرىلىققا بەرداشلىق بېرەلەيدۇ ، ئەلۋەتتە ، بۇ ئاسانغا چۈشمەيدۇ ، ناچار ئادەم پۇلى تۇرۇقلۇقمۇ قانائەتسىزلىك ۋە خاتىرجەمسىزلىك ھېس قىلىدۇ .

( 2 )

   مېنىڭچە بىر نۇقتا ناھايىتى ئېنىقكى ، بىراۋ مەيلى نېمە ئىش قىلسۇن ، پايدىلىق پۇرسەتنى قولدىن بېرىپ قويسا ، قازانماقچى بولغان مۇۋەپپەقىيىتىدىن ۋاز كەچكەن بولىدۇ .

( 3 )

   ئەخلاق – پەزىلەت ۋە ئەقىل – پاراسەت كىشىلىك ھاياتتىكى ھەقىقىي بەخىتتۇر .

( 4 )

   ئادالەت ھەمىشە بەخت بىلەن باغلانغان بولىدۇ . ئادالەتنى ياقلاش بەخت ، ئادالەتسىزلىك قىلىش بەخىتسىزلىكتۇر .

( 5 )

    پەقەت ئاز ساندىكى كىشىلەر —  ئاشۇ تۇغما قابىليىتى ئەڭ ياخشى بولغان ، ئەڭ ياخشى تەربىيە كۆرگەن كىشىلەر ئارىسىدىنلا ئاددىي ، لايىقىدا بولغان ئۈمىدنىڭ ئەقىل – ئىدراك ۋە توغرا ئەقىدىنىڭ ياردىمىدە ئادەمنىڭ تەپەككۇرىغا يېتەكچىلىك قىلىدىغان نەرسە ئىكەنلىكىنى كۆرگىلى بولىدۇ .

( 6 )

   ھەر قانداق ئادەمنىڭ خۇسۇسىي تۇرمۇشى ياكى ئاممىۋى تۇرمۇشتىكى ئىش – ھەرىكەتلىرى ئەقلىيلىككە ئۇيغۇن بولۇشى ، ئۇنىڭدىن جەزمەن ياخشىلىق ئۇقۇمىنى كۆرگىلى بولۇشى كېرەك .

( 7 )

   جىسمانىي ئەۋزەللىككە بولغان ھۆرمەت لايىقىدا بولۇشى كېرەك . چۈنكى ، چەكتىن ئاشۇرىۋېتىش ھەم پۇل ، بايلىق تىپىدىكى نەرسىلەر روھنى مەنمەنچى قىلىپ قويىدۇ .

 ( 8 )

    چەكتىن ئېشىپ كەتكەن خوشاللىق خۇددى چەكتىن ئاشقان ئازابتەك ئادەمنى قىلىقسىز قىلىپ قويىدۇ .

( 9 )

   بىر ئادەم شان – شەرەپ ، غەلبە ياكى مىجەز – خاراكتېر توغرىسىدا ئەقلىي رەۋىشتە ئويلانمىسا ئۇنىڭ شان – شەرەپ ، غەلبە ، ۋە مىجەز – خاراكتېرنى سۆيۈشتىكى قانائەتچانلىقى ئىچى تارلىق ، زورلۇق ۋە نەپرەت پەيدا قىلىدۇ .

( 10 )

   شان – شەرەپ مەسىلىسىدە ئادەم تۆۋەندىكى پرىنسىپقا ھۆرمەت قىلىشى لازىم : شان – شەرەپ ئۇنىڭ خاراكتېرىنى ياخشىلىسا ئۇنى خوشاللىق بىلەن قوبۇل قىلىشى كېرەك . شان – شەرەپنىڭ ئۇ يېتىلدۈرگەن توغرا ئادەتنى بۇزۇش ئېھتىماللىقى بولسا ، ئاۋامنىڭ ياكى ئۆزىنىڭ بولۇشىدىن قەتئىينەزەر بۇنداق شان – شەرەپتىن يىراق تۇرۇش كېرەك .

( 11 )

   ياخشى سۆز ، ياخشى ئىستىل ، ياخشى رېتىم ، ياخشى روھىي ھالەتتىن كېلىدۇ ، ياخشى روھىي ھالەت دېگىنىمىز بىزنىڭ نەپىسىمىزنى قىسىپ تۇرۇپ ياۋاشلىق بىلەن تۇرۇشىمىزنى  كۆرسەتمەستىن ، ئەقىل – ئىدراكلىق ، پەزىلەتلىك ياخشى كىشىلەرنىڭ ھەقىقىي ياخشى روھىي ھالىتىنى كۆرسىتىدۇ .

( 12 )

    ئاۋام ياخشىلىق خوشاللىقتۇر ، دەپ قارايدۇ ، دانىشمەنلەر ياخشىلىق بىلىمدۇر ، دەپ قارايدۇ .

( 13 )

   ياخشىلىق ئۇقۇمى بىلىم مەسىلىسىدۇر ، ھەقىقەت قاتارلىقلار توغرىسىدىكى بىلىم پەقەت ئۇنىڭدىن مەنتىقىي يوللار ئارقىلىق خۇلاسىلىنىپ چىققان كېرەكلىك ۋە پايدىلىق نەرسىدۇر .

( 14 )

   ياخشى تەلىم – تەربىيە ياخشى تەن ساپاسىنى شەكىللەندۈرىدۇ ، ياخشى تەن ساپاسى يەنە ياخشى تەلىم – تەربىيە قوبۇل قىلسا ، ئەسلىدىكىدىمۇ ساپالىق تەن ۋۇجۇدقا چىقىدۇ ، بۇ شەخسنىڭ مەقسىتىگە پايدىلىق بولغاندىن سىرت يەنە  ئۇنىڭ ئىلگىرىلىشىگىمۇ پايدىلىق بولىدۇ ، خۇددى باشقا بارلىق جانلىقلارغا ئوخشاش .

( 15 )

   شۇنى بىلىشىمىز كېرەككى ، تەننىڭ مۇكەممەللىكى پەزىلەتنى مۇكەممەللەشتۇرەلمەيدۇ ، بىراق ئالىيجاناپ پەزىلەت تەننى مۇكەممەللەشتۈرەلەيدۇ .

( 16 )

   ئەگەر نامۇۋاپىق تەربىيىنى قوبۇل قىلىدىغان بولسا ، ئەڭ ياخشى تۇغما تالانتمۇ ناچار تۇغما تالانت ئېرىشكەندىنمۇ يامان نەتىجىگە ئېرىشىدۇ .

  ( 17 )

   گۈزەل ئەخلاقنىڭ يېتىشىپ چىقىشى ئۈچۈن بالىلار دەسلەپتە چوقۇم ئەڭ ئالىيجاناپ پەزىلەتلەر سۆزلەنگەن ھېكايىلەرنى ئاڭلىشى لازىم .

( 18 )

  جىسمانىي جەھەتتىكى مەجبۇرلىنىش تەنگە زىيانسىز ، بىراق ، مەجبۇرلىنىش ئاستىدا ئېلىپ بېرىلغان ئۆگىنىش ئادەمنىڭ قەلبىدە چوڭقۇر يىلتىز تارتالمايدۇ .