كىنو« ئانا »لۇغەت

نەبيلە

3d
                                                                                       

  « ئانا »

! Y" f% q# z# o0 X$ V4 I6 _
- [4 L# P5 l  D/ p, g; V5 T! s  f      مەن ئۈچۈن قان-ياشلىرى تۆكۈلگەن،سۈتلىرى ئاققان يىگانە كىشى،مېنى باشقىلار ئۇنتۇپ كەتكەندە ئەسلەيدىغان، پۈتكۈل دۇنيا مەندىن يۈز ئۆرىسە ماڭا قۇچقىنى ئاچىدىغان،چوپ-چوڭ بۇلۇپ،قىرانلىق دەۋرىگە قەدەم قويساممۇ،يەنىلا  نەزىرىدە مېنى بىر كىچىك سەبي ھېسابلايدىغان زات دەل مېنىڭ ئانام.
_ ئى ئاللاھىم! ئانامنى ئۆز پاناھلىرىدا ساقلىغايلا!
      ئىھ ئانا! مەن مۇساپىرلىق قەدىمىنى ئېلىشقا تەمشەلگىنىمدە  مەڭزىلىرىڭىزنى قانچىلىغان ياشلار بويلاپ ئاققان ئىدى ھە! مەن يېنىڭىزدا بۇلالمىغان شۇ ۋاقىتتا قانچىلغان تۈنلەرنى بىدار ئۆتكۈزگەنسىز ھە! ئىلگىرى مەن كېسەل بۇلۇپ قالغان شۇ كۈنلەردە قانچە كېچىلەپ كىرپىك قاقماي  چىققان بولغىيتىڭىز ھە!  _ ئى ئاللاھىم! ئانامنى ئۆزلىرىگە تاپشۇردۇم.  
# f+ v9 g6 R2 X+ q: [6 P$ }5 h4 ~     سەپەردىن قايتىپ كەلگىنىمدە بولسا كۆزلىرىڭىزدىن  مەرۋايىت كەبى خۇشاللىق ياشلىرىڭىزنى تۆكۈپ، ئىشىك  ئالدىدا  قاراپ تۇرۇپ، مېنى قىزغىن قارشى ئالغان ئىدىڭىز، ئۆيدىنچىققىنىمدا بولسا قايغۇلار قەترە-قەترە تامچىلىغان قەلبىڭىز بىلەن ئۇزاتقان ئىدىڭىز.  _ ئى ئاللاھىم  ئانامغا خۇشاللىق ئاتا قىلغايلا !

; d; |5 ~" K' v. G7 n- a     ئەي ئانا!  نۇرغۇن ئازاپ ۋەئاچچىق ئەلەملەر بىلەن جاپا-مۇشەققەت ئۈستىدە  ماڭا ھامىلدار بۇلۇپ، مېنى قاتتىق تولغاق يەپ  باتۇرلۇق  بىلەن بۇ يۇرۇق دۇنياغا  كۆز ئاچقۇزدىڭىز،ۋە مىھىرلىك سۆيۈش ، ئىللىق تەبەسسۇم بىلەن مېنى باغرىڭىزغا باسقان ئىدىڭىز._ ئى ئاللاھ ئانامغا مەغپىرەت قىلغايلا !
) @; _! u' O0 a* V: s
     ئىھ ئانا! شېرىن ئۇيقۇ قوينىغا كىرگىنىمنى كۆرمىگىچە، چارچىغان كۆزلىرىڭىزگە قەتئىي ئۇيقۇ كەلمەيتتى.مېنىڭ خۇشال بولغىنىمنى كۆرگىنىڭىزدە بولسا،نىمە ئۈچۈنلىكىنى ئۆزىڭىزمۇ سەزمىگەن ھالدا خۇرسەن بۇلۇپ،تەبەسسۇم قىلاتتىڭىز.  كۆزلىرىمدىن غەم -  قايغۇ تۇمانلىرىنى كۆرسىڭىز،نىمە ئىش بولغىنىنى بىلمەيلا قايغۇراتتىڭىز، خاتالىق سادىر قىلىپ سالسام، شۇئانلا ئۆزرەمنى قۇبۇل قىلاتتىڭىز،خاتالىقىمنى تۇنۇمىساممۇ ئەپۇ قىلاتتىڭىز، كەچۈرۈم سورىمىساممۇ كەچۈرەتتىڭىز.

     ئىھ ئانا! باشقىلار مېنى كىشلەرنىڭ ئۈلگىسى، ئايدىڭ كېچىدىكى تۇلۇنئاي دەپ ماختىسىمۇ ئىشەندىڭىز، ھەم ئادىل گۇۋاھلىق ، ئىشەنچىلىك پاكىتلار ئاستىدا ئەيىبلەنسەم  ئۇنىڭغا ئىشەنمەي،مېنىڭ ئىشلىرىم بىلەنلا بۇلۇپ، مەن ئۈچۈن قايغۇرغان يىگانە ئادىمىم سىز بولدېڭىز.
/ Z* z2 `8 Y7 l/ T9 a7 ]
     ئىھ ئانا! مەن سىزگە نىسبەتەن بۈيۈك بىر مەسىلە، سىزنىڭ چىرايلىق سۆزلىرىڭىز، شىرىن ئارزۇلىرىڭىز مېنى تېخىمۇ ياخشىلىق قىلشقا ئۈندەيدۇ. سىز بولسىڭىز" ھەققىمنى جايىدا ئادا قىلالمىدىم " دەپ ئۆزرىخاھلىق ئېيتتىڭىز. مېنى سېغىنغىنىڭىزدىن ھالىڭىزدىن كەتسىڭىزمۇ مېنى دەپ ئۇنىڭدىنمۇ ئارتۇق بۇلۇشقا بەرداشلىق بەردىڭىز، جېنىم ئانا . قەدەملىرىڭىزنى ۋاپادارلىق ياشلىرى بىلەن يۇيۇپ،كەشىڭىزنى ھاياتلىقتىكى گۈزەل مۇراسىىم ۋە بايراملاردا كۆتۈرۈپ  ماڭالىسامچۇ، كاشكى! ئۆلۈم سىزگە كەلمەي ماڭىلا كەلسىچۇ، كاشكى! سىزگە تەقدىر قىلىنغان كېسەل ۋە قىيىنچىلىقلار ماڭىلا چۈشكەن بولسىچۇ!

7 P% K4 d+ Y% C6 q/ K; X      ئىھ ئانا! قوينىڭىزنى ماڭا پاناھگاھ، كۆكسىڭىزنى تۇلۇم، قۇچقىڭىزنى بولساماڭا يېپىنچا قىلغان تۇرسىڭىز،سىزنىڭ  بۇ گۈزەل خېسلەتلىرىڭىزنى قانداقمۇ ئاجىز تىلىم  بىلەن تەسۋىرلەپ بۇلالايمەن؟!مېنىڭ بەخىتلىك بۇلۇشۇم، راھەتكە چىقىشىم  ۋە خۇشال تۇرمۇش كەچۈرىشىم ئۈچۈن چاچلىرىڭىز ئاقىرىپ،پۇت-قوللىرىڭىز بوشاپ،بەللىرىڭىز ئېگىلگەن تۇرسا،سىزنىڭ بۇ ياخشىلىقىڭىزغا قانداقمۇ جاۋاپ قايتۇرۇپ بۇلاي؟!
    قەدىرلىك ئانا.مېنىڭ خۇشاللانغان ياكى قايغۇرغان ۋاقتىمدابىر مەرتەم خوشاللىقتىن بولسا،يەنە بىر مەرتەم قايغۇدىن بولغان، مۇبارەك مەڭزىلىرىڭىزگە شىددەت بىلەن تۆكۈلگەن چىن ياشلىرىڭىزنىڭ ھەققىنى قانداقمۇ ئادا قىلىپ بۇلاي ؟!
, T0 f# J7 n: S1 e! u
     جېنىم ئانا، يۈزىڭىزگە باقسام،گوياكى ئۇ مەن ئۈچۈن بىرىلگەن بىر جاپالىق قىسسە دەۋرى ۋە مەن ئۈچۈنلا قۇربانلىق بىرىدىغان قىيىنچىلىق ۋە مۇشەققەت ئەسىرى يېزىلغان سەھىيپىلەرنىڭ ۋاراقچىلىرىدەكلا  كۆرنىدۇ..
      سۈيۈملۈك ئانا! ھەرقېتىم سىزگە باققىنىمدا؛ سىزنىڭ مويسىپىتلىق پەلەمپەيلىرىدە،ئۆزۈمنىڭ بولسا، بۈك-باراقسان ياشلىق باھارىدا سەكرەپ_ تاقلاپ يۈرگىنىمنى ئويلىساملا پۈتكۈل ۋۇجۇدۇمدىن ھالقىپ چىققان ھايا- نۇمۇس ۋە خېجىللىق ئىلكىدە بىئارام بۇلىمەن. دوستلىرىم مۇناسىۋىتىنى ئۈزۈپ،ۋاپادارلىرىم خىيانەت قىلپ، سىرداشلىرىم ئالدىغان كۈنلەردە مېنىڭ دۇنيادىكى بىردىن-  بىر ۋاپادارىم سىز بولدىڭىز جېنىم ئانا.

( @2 f: m! ^9 N     كۆيۈمچانلىقىڭىز قاتتىق ئاھلىرىڭىزغا ،ئېسسىق ياش-تامچىلىرىڭىز  لاۋۇلداۋاتقان نەپەسلىرىڭىزغا  قوشۇلغان ھالدا مېنى باغرىڭىزغا مەھكەم بېسىپ،سۆيۈپ تۇرۇپ مەن ئۈچۈن قايغۇرغان،ۋە مېنى سەۋىرچان بۇلۇشقا ئۈندەپ، چىرايلىق سۆزلەر بىلەن قايغۇلىرىمنى يوقۇتۇپ، تەسەللى بىرىپ،ماڭا  قايغۇدا ئورتاقلىشىپ،دۇئالىرىڭىز ئارقىلىق  مىسكىن كۆڭلۈمنى تەسكىن تاپقۇزغان ئىدىڭىز جېنىم ئانا.
( h$ G6 K5 n3 r+ K4 e( i. q8 ^
, R1 e- r; d0 ?# b0 C) c, O      ئىھ ئانا! سىزنىڭ مەن ئۈچۈن تارتقان جاپالىرىڭىزنى ئويلاپ سىزگە ھەر  بىر باققىنىمدا قانداقتۇر بىر خىل قايغۇرۇش مېنى ئىسكەنجىسىگە ئېلىۋالىدۇ. جېنىم ئانا، سىزگە شۇنداق دېققەت قىلسام يىللار ۋۇجۇدىڭىزنى زەئىپلەشتۈرۈپ،ئاساسى كۈچ -قۇۋۋېتىڭىزگە  تەھدىد ئېلىپ كىلىۋاتقاندەك  ھېس قىلىمەن.   شۇنداق ۋاقىتلاردا ئەسلەپ قالىمەنكى،مەندىن تەشەككۈر ۋە ئەجىر تەلەپ قىلماستىن رازىمەنلىك بىلەن بويسۇنۇپ، قورغان كەبى  مۇستەھكەم قىلغان قەدەملەر بىلەن سىزنى باغرىمغا بېسىش، مېھرىبانلارچە سۆيۈش،سىز ئۈچۈن قايغۇرۇپ،ياش تۆكۈشلەرنى قانچە قېتىم  قىلالىدىم؟.  مەن پەقەت ئاددىغىنە ئاتا قىلغانلىرىم بىلەن سىز ئۈچۈن مۇھەببەت ۋە ھۆرمەت تۇيغۇسىنى ئاشۇرالدىم ،خالاس .
   
        سىزگە نەزەر سالغان شۇ دەملەردە  ھىس قىلىپ يەتتىمكى؛مەن قارشى ئېلىۋاتقان ھاياتلىقتىن خوشلىشىشقا ۋە مەن باشلىغان ئۆمۈرنى ئاخىرلاشتۇرۇشقا تەييارلىنىۋېتىپسىز، مەن بولسام ماڭا كۈچ-قۇۋۋەت ئاتا قىلش ئۈچۈن سەرپ قىلغان كۈچىڭىز ۋە ياشلىقىم ئۈچۈن نوتا قىلىپ چىقارغان ياشلىقىڭىزنى قايتۇرۇپ ئەكىلىشكە كۈچۈم يەتمەي توختاپلا قاپتىمەن.
& N& n6 G% k: ?( W! I2 i$ H    بارلىق ئەزايىم سىزنىڭ   ئاپئاق سۈتلىرىڭىز بىلەن ۋۇجۇدقا كەلتۈرۈلۈپ، گۆشلىرىم سىزنىڭ گۆشلىرىڭىز بىلەن يۇغۇرلۇپ، مەڭزىلىرىم  ياشلىرىڭىز بىلەن سۇغۇرلۇپ،بېشىم بولسا سىزنىڭ شىرىن سۈيۈشلىرىڭىزدىن ئۆسۈپ يىتىلدى. بارچە ئۇتۇقلىرىم  مۇبارەك دۇئالىرىڭىز بىلەن تاماملانغاندا ئۆزەمنى  سىزنىڭ گۈزەللىكىڭىزنىڭ ئورۇۋالغىنىنى ھېس قىلىمەن.
    شۇنىڭ بىلەن ئالدىڭىزدا گوياكى كىچىك بىر خىزمەتكاردەك غەلبە ۋە ئۈستۈنلۈك قازانغانلىرىم،ئىجادىيتىم ۋە قابىلىيتىمنى ئەسلىيەلمەي ئولتۇرۇپ قالىمەن.
      مۇبارەك قەدەملىرىڭىزنىڭ ئالدىدا تۇرغىنىمدا مەن يەنىلا سىزنىڭ كىچىك بالىڭىزغۇ؟!ئالدىڭىزداگۈزەل ناملارنى بىكارچى قىلىپ،شۆھرەت،مال-دۇنيانى يۇيۇپ تاشلاپ، مەدھىيە-ماختاشلارنى ئۇنتۇپ،قورقماستىن مېنى چۇلغۇۋالغان خېجىللىقلارنى يوقاتقان ئەركە بالىڭىزغۇ؟! قەدەملىرىڭىزگە سۈيۈشۈمگە رۇخسەت قىلىڭ، چۈنكى سىز ئانا  مەن بولسام بالا،سىز خۇجايىن  مەن خىزمەتكار،سىز ئۇستاز مەن شاگىرت، سىز دەرەخ مەن بولسام مېۋە، ھەم شۇنداقلا سىز ھاياتىمدىكى بارلىقىمسىز،جېنىم ئانا.      
ھەرقانداق ئۈستۈنلۈك بۈگۈن سىزگە خاس،بىر قېتىم بولسىمۇ كەمتەرلىك بىلەن رۇخسەت قىلسىڭىز،لەۋلىرىم بىلەن قەدەملىرىڭىزنى باسقان  چاڭ-تۇزانلارنى سۈرتسەم دەيمەن.                                                                                                                                                                                                                                                                                                                                       
/ m5 c7 g; ?! C/ R: n# |$ B      ئى رەببىم! ئاتا-ئانامنىڭ گۇناھلىرىنى مەغپىرت قىلىپ،ئۇلار مېنى كىچىكلىكىمدە تەربىيلىگىنىدەك ئۇلارغا مەرھەمەت قىلغىن..  ئامىن!

                                                  دوكتور : ئائىزئەلقەرنى ( تەرجىمە قىلغۇچى  : نەبيلە )
8 y/ W' Y( _9 [

  P4 w0 x! y" `2 b2 t
1 W0 Z' q4 C5 }             _ ئاللاھ نىڭ ياردىمى ئارقىلىق ئۇشبۇ ماقالىنى تەرجىمە قىلىش مۇناسىۋىتى بىلەن، تۈۋەندە مەن قەدىردان ئاتا- ئانامغا يۈرەك سۆزلىرىمنى دىمەكچى.. _
9 S( @0 |% u4 U) ?/ `+ w

قەدىردان ئاتا- ئانامغا
% l! h5 _: b1 e1 O, T) P' U9 X7 \/ a, V

                                       
        ئىللىق دۇنياغا كىلىشىىمنىڭ ۋاستىسى بولغان،تۇنجى بۇلۇپ ئۆزۈمنى ئۇلارنىڭ باغرىدا خاتىرجەم ھېس قىلغان، توغرا يول تېپىشىمغا ئۇل سالغان،ئاللاھ ۋە ئۇنىڭ پەيغەمبىرى مۇھەممەد ئەلەيھىسسالامدىن قالسا مەن ئۈچۈن ئەڭ سۈيۈملۈك قەدىردانلىرىم : مەن سىلەرگە قەلبىمنىڭ قەترە-قەترە چوڭقۇرىدىن تەشەككۈرلەر بىلدۈرىمەن.

      يۇقارقى ماقالىنى تەرجىمە قىلشدىن ئىبارەت ئاددىيغىنە ئەمگىكىم ئارقىلىق، سىلەرگە قەلبىمدىكى ئۈنچىلەرنى تۆكۈپ، تىزىق- تىزىق مارجان قىلىپ ئاساي دېدىم.  سىلەرنىڭ مۇبارەك دۇئالىرىڭلار بىلەن ھەردەم،ھەريەردە ئۇلۇغ ئاللاھنىڭ ئىزنى بىلەن ئۇتۇقلارغا ئىرىشىپ، ياخشىلىق ئەلچىلىرى ماڭا ھەمراھ بۇلۇپ كەلدى..

      ئىھ مىھرىبان، كۈيۈمچان دادا، ئانا : " سىلەر نىڭ مەن ئۈچۈن سىڭدۈرگەن ئەجرىڭلارنى قانچە قىلساممۇ بۇ دۇنيادا قايتۇرۇپ بۇلالمايمەن.ئۇلۇغ ئاللاھ خالىسا قىيامەت كۈنى بېشىڭلارغا نۇر تاجى كەيدۈرۈش ئارقىلىق ئەجرىڭلارنى قايتۇرىمەن. ( ئاللاھىم نېسىىپ قىلسۇن . ئامىن )
( m: h$ Q  z* b3 A  |0 V! w. b     
        ئاللاھنىڭ بىزنى فىردەۋىس جەننىتىدە بىرگە جەم قىلىشىنى تىلەيمەن. ئاللاھ سىلەردىن رازى بولسۇن.  دۇنيا-ئاخىرەتنىڭ بەخىت- سائادىتىگە مۇيەسسەر قىلسۇن. ئامىن! "  _
                                                   -نەبيلە قەلىب خاتىرىسى -      

                    رەسىم

 

                                                   كىرگۈزگۈچ ئايال بالا پەن ئىللىق

توردھش

تېخمۇ تىرىشىڭ！  

ۇغلان

ئىنكاس يېزىپ قوللاپ قويايلى！

نەبيلە

ۇغلان يوللىغان ۋاقتى  2014-1-14 10:36
ئىنكاس يېزىپ قوللاپ قويايلى！

رەھمەت قېرىنداشلىرىم  قوللىغىنىڭلارغا .. ئىنشائاللاھ تېخىمۇ تىرىشىمەن..