ئارگېنتىنا زۇڭتۇڭىنىڭ ھوقۇق ھاسىسى سىرلىق ھالدا غايىب بولدى - huxhuy online----Sports|world News|it News|china News|Local News Business

   شىنخۇا تورى بوينىس ئايرىس 28-ئاپرىل تېلېگراممىسى:ئارگىنتىنا<<چاقىرىق گېزىتى>>نىڭ 28-ئاپرىلدىكى خەۋىرىگە ئاساسلانغاندا،ئارگىنتىنا زۇڭتۇڭى كىرىستىنا بۇلتۇر 12-ئايدا ۋەزىپىگە ئولتۇرغاندا ئىشلەتكەن زۇڭتۇڭلۇق ھوقۇقى ھاسىسى سىرلىق يوقاپ كەتكەن،نۆۋەتتە ئىز-دېرىكى بولمىغان.
   <<چاقىرىق گېزىتى>>نىڭ خەۋىرىدە مۇنداق دېيىلگەن:بۇ زۇڭتۇڭلۇق ھوقۇقى ھاسىسى بۇلتۇر 12-ئايدا كىرىستىنا ئۇدا ۋەزىپىگە ئولتۇرغاندىن كېيىن ۋەزىپىگە ئولتۇرۇش مۇراسىمىدا ئىشلىتىلگەندىن كېيىن ئىز-دېرىكى بولمىدى.بەلگىلىمە بويىچە بۇ زۇڭتۇڭلۇق ھوقۇق ھاسىسى ئەسلىدە ئارگىنتىنادىكى دۆلەت قۇرۇش ئىككى يۈز يىللىق مۇزىيىغا قويۇپ قويۇلۇشى كېرەك ئىدى.ئارگىنتىنادا ھەربىي ھۆكۈمەت ھوكۈمرانلىقى ئاياقلاشقاندىن كېيىنكى بىرىنچى نۆۋەت خەلق سايلىغان لاۋئىر ئافاڭچىندىن باشلاپ تارىختىكى زۇڭتۇڭلارنىڭ زۇڭتۇڭلۇق ھوقۇق ھاسىسى مۇشۇ مۇزىيىغا تىزىپ قويۇلۇپ كەلمەكتە ئىدى.
   ئەمما،2003-يىلى ئارگىنتىنا زۇڭتۇڭلۇقىغا سايلانغان كېشنىر ۋە كېيىن زۇڭتۇڭلۇققا سايلانغان ئۇنىڭ ئايالى كىرىستىنانىڭ ھوقۇق ھاسىلىرى بۇلارنىڭ ئىچىدە يوق.زۇڭتۇڭ مەھكىمىسى ئەمەلدارى مۇنداق دېدى:كىېشنىر 2010-يىلى تۇيۇقسىز ۋاپات بولغاندىن كېيىن كىرىستىنا كېشنىرنىڭ زۇڭتۇڭلۇق ھوقۇق ھاسىسىنى خاتىرە قىلىپ ساقلاشنى تەلەپ قىلغان،شۇنىڭ بىلەن بىر ۋاقىتتا ئۆزى ئىشلەتكەن زۇڭتۇڭلۇق ھوقۇق ھاسىسىنى مۇزىيىغا ساقلاشقا يەتكۈزۈپ بەرگەن،ئامما مۇزىيى تەرەپ كىرىستىنانىڭ زۇڭتۇڭلۇق ھوقۇق ھاسىسىنى تاپشۇرۋالمىغانلىقىنى ئېنىق بىلدۈرگەن.
   خەۋەرلەرگە ئاساسلانغاندا،نۆۋەتتە،ئارگىنتىنا زۇڭتۇڭ مەھكىمىسى ھەربىي ئىشلار ئىشخانىسى ۋە دۆلەت ئاخبارات كاتىباتلار باشقارمىسى بۇ ئىشقا قارىتا مەخسۇس تەكشۈرۈش گۇرۇپپىسى قۇرۇپ،زۇڭتۇڭلۇق ھوقۇق ھاسىسىنىڭ ئىز-دېرىكىنى قىلغان،نۆۋەتتە ھازىرىغا قەدەر ھېچقانداق نەتىجە ئىلان قىلىنمىغان.
   ئارگىنتىنادا ئالدىنقى ئەسىرنىڭ 80-يىللىرى ھەربىي ھۆكۈمەت ھۆكۈمرانلىقى ئاياقلىشىپ،دېمۇكراتىك تۈزۈم ئەسلىگە كەلگەندىن كېيىن،ھەر نۆۋەتلىك زۇڭتۇڭلار ۋەزىپىگە ئولتۇرۇش مۇراسىمىدا زۇڭتۇڭ ھوقۇقىغا سېمىۋۇل قىلىنىدىغان بىر دانە ھوقۇق ھاسىسىغا ئىگە بولۇپ كەلدى.ئارگىنتىنادىكى كۈمۈش بۇيۇملىرى ياساش ئۇستىسى خۇھان پايالۇس نەچچە نۆۋەتلىك زۇڭتۇڭلارنىڭ ھوقۇق ھاسىسىنى ياساپ كەلدى.