مۇزات دولقۇنلىرى مەخسۇس سەھىپىسى ھەققىدە

admin

ئەسسالاممۇ ئەلەيكۇم گۈزەل باي تورىنىڭ ئەزىز ئىشتىراكچىللىرى ھەممىڭلارغا گۈزەل باي تورى نامىدىن ئوتلۇق سالام يوللايمەن

مۇزات دولقۇنلىرى مەخسۇس سەھىپىسى ھەققىدە

توربىكىتىمىز ئەزالىرىنىڭ ۋە ناھىيمىزدىكى دوستلارنىڭ يېزىقچىلىق ئىشلىرى شۇنداقلا ناھىيىمىزنىڭ مەنىۋىي مەدەنىيلىك قۇرۇلۇشى ۋە ئىقتىسادىي، ئىجتىمائىي، ئىناقلىق قۇرۇلۇشى ئۈچۈن خىزمەتقىلۋاتقان «مۇزات دولقۇنلىرى» ژۇرنىلنى تېخىمۇ تەرەققى قىلدۇرۇش ئۈچۈن، «مۇزات دولقۇنلىرى» ژۇرنىلىنىڭ بىرقىسىم مەسئۇللىرى بىلەن مەسلىھەتلىشىش ئارقىلىق توربىكىتىمىزگە مۇزات دولقۇنلىرى مەخسۇس سەھىپىسىنى سىناق قىلىپ قۇرۇپ چىقتۇق.

ئەسلى بۇ سەھىپگە ئەڭ ئالدى بىلەن توربىكىتىمز ئەزاسى شۇنداقلا «مۇزات دولقۇنلىرى» ژۇرنىلىنىڭ مەسئۇلى ‹‹قەھىرمان رۇزى ئەرچىن›› ئەپەندىم «مۇزات دولقۇنلىرى» مەخسۇس سەھىپىسى توغىرسىدا ئۇقتۇرۇش يېزىپ بەرمەكچى ئىدى،خىزمەت ئالدىراشچىلىقى تۈپەيلى تازا ۋاقىت چىقمىغاچ يېزىپ بۇلالماي قالدى، دوستلارنىڭ بالدۇرراق خەۋەر تېپىشىنى ئويلاپ، مەن ‹‹يەنى مۇشۇ توربىكەت مەسئۇلى›› ئالدىراپلا بۇ ئۇقتۇرۇشنى يازدىم.

مىنىڭ ئويلىغانلىرى: ھازىر «مۇزات دولقۇنلىرى» مەخسۇس سەھىپىسىگە:
1-مۇزات دولقۇنلىرى يېڭىلىقلىرى(مۇزات دولقۇنلىرى ژۇرنىلىغا بېسىلغان ئەڭ يېڭى ئەسەرلەر يوللىنىدۇ)
2-مۇزات دولقۇلىرى ئۇقتۇرۇشى (مۇزات دولقۇنلىرى ژۇرنىلى توغىرسىدا ئۇقتۇرۇشلار يوللىندۇ)
3-مۇزات دولقۇنلىرى توپلىمى (دوستلار قۇلىدا بار بۇرۇنقى سانلاردىكى ئەسەرلەرنى يوللاپ مۇشۇ يەرگە توپلىساق بۇلىدۇ)
4-دوستلار يوللىغان ئەسەرلەر («مۇزات دولقۇنلىرى»ژۇرنىلىغا توربىكىتىمز ئارقىلىق ئەسەر ئەۋەتىدىغانلار مۇشۇ سەھىپىگە يوللىسا بۇلىدۇ، بۇ يەرگە يوللانغان تېمىلار چوقۇم مەتبۇئات تەلىپىگە ئۇيغۇن كىلىشى ئالدىنقى شەرت.)
5-مۇزات دولقۇنلىرىغا تاللانغان ئەسەرلەر (دوستلار يوللىغان ئەسەرلەردىن «مۇزات دولقۇنلىرى»ژۇرنىلىغا تاللانغانلىرى ژۇرنالغا بېسىلغاندىن كىيىن مۇشۇ سەھىپىگە ئايرىلىدۇ)
6-مۇزات دولقۇنلىرغا پىكىر تەلەپلەر (مۇزات دولقۇنلىرى ژۇرنىلى توغىرسىدا ھەمدا توربىكىتىمز مۇزات دولقۇنلىرى سەھىپىسى توغىرسىدا پىكىر-تەلەپ بولسا مۇشۇ سەھىپىگە يوللىسا بۇلىدۇ)

«مۇزات دولقۇنلىرى» ژۇرنىلى ھەققىدە

         باي ناھىيەلىك پارتكوم، ناھىيەلىك خەلق ھۆكۈمىتىنىڭ قوشۇلۇپ تەستىقلاپ، مەخسۇس مەبلەغ، ئادەم كۈچى ئاجرىتىشى، ناھىيەلىك مەدەنىيەت تەنتەربىيە رادىيو تېلېۋىزىيە ئىدارىسىنىڭ بىۋاستە ئىجرا قىلىشى ئارقىلىق، نەشىر قىلىنىشتىن توختاپ قالغىلى 9 يىل بولغان «مۇزات دولقۇنلىرى»ئەدەبىي ژۇرنىلى 2010- يىلى  ئىچكى قىسىمدا قايتا نەشىر قىلىندى. قايتا نەشىر قىلىنغان 2 يىلدىن بۇيان باي ناھىيەسىدىكى كەڭ ئەدەبىي ئىجادىيەتچىلەرنىڭ ئىجادىيەت سورۇنىغا ئايلاندى، شۇنداقلا، ئاپتورلارنىڭ نادىر ئەدەبىي ئەسەرلىرى  بۇ ژۇرنالدا ئېلان قىلىنىپ،باي ناھىيەسىنىڭ مەنىۋىي مەدەنىيلىك قۇرۇلۇشى، ۋە ئىقتىسادىي، ئىجتىمائىي، ئىناقلىق قۇرۇلۇشى ئۈچۈن خىزمەت قىلدى. ژۇرنالنىڭ سۈپىتى ۋە سەۋىيەسى  ناھىيە ئىچى-سىرتىدىكى ئوقۇرمەنلەرنىڭ، مۇتەخەسىسلەرنىڭ ياخشى باھاسىغا ئېرىشتى.
       «مۇزات دولقۇنلىرى»  قايتا نەشر قىلىنغاندىن بۇيان چىققان 9 سان ژۇرنالدا ناھىيەلىك  4 رەھبەرلىك كوللىكتىپىدىكى  رەھبەرلەردىن تارتىپ دېھقانلارغىچە، ئالى  مەكتەپنىڭ ئاسپىرانتلىرىدىن تارتىپ ، تولۇقسىز ئوتتۇرا مەكتەپنىڭ ئوقۇغۇچىلىرىغىچە، ئاپتونوم رايون ئىچىدە بەلگۈلىك تەسىرگە ئىگە قەلەمكەشلەردىن  تارتىپ،  تۇنجى ئەسىرى ئېلان قىلىنغان ھەۋەسكارلارغىچە 300 دىن ئارتۇقراق ئاپتورنىڭ 1000 پارچىدىن ئارتۇق ئەسىرى  بۇ ژۇرنال سەھىپىسىدە ئېلان قىلىنىپ، قەلەمكەشلەرگە پۇرسەت، سورۇن، شارائىت ھازىرلاپ بەردى، ئىلھام، مەدەت بەردى. بۇ ژۇرنالنىڭ نەشر قىلىنىشى باي ناھىيەسىنىڭ مەدەنىيەت قۇرۇلۇشىنى تەتەققى قىلدۇرۇشتا تۈرتكىلىك رول ئوينىدى.
    17 -نۆۋەتلىك مەركىزى كومىتېتى 6- ئومۇمى يىغىنىنىڭ روھىنى ئەستايىدىل ئۆگۈنۈپ ۋە ئىزچىللاشتۇرۇش،  ئەدەبىي ئىجادىيەت تەرەققىياتى ئارقىلىق، سوتسىيالىستىك مەدەنىيەت چوڭ تەرەققىياتى، چوڭ گۈللىنىشىگە تۈرتكە بولۇپ، سوتسىيالىستىك مەدەنىيەت قۇرۇلۇشىنىڭ يېڭى يۇقىرى دولقۇنىنى يەنىمۇ قوزغاش، ئومۇميۈزلۈك ھاللىق جەمئىيەت بەرپا قىلىشنىڭ يېڭى غەلىبىسىنى قولغا كەلتۈرۈش، جۇڭگوچە سوتسىيالىزم ئىشلىرىدا يېڭى ۋەزىيەت يارىتىش، جۇڭخۇا  مىللەتلىرىنىڭ ئۇلۇغ گۈللىنىشىنى ئىشقا ئاشۇرۇشتا «مۇزات دولقۇنلىرى» نىڭ رولى تولۇق جارى قىلدۇرۇلدى.


باشقۇرغۇچى ئورۇن:
باي ناھىيەلىك پارتكوم تەشۋىقات بۆلۈمى
باي ناھىيەلىك مەدەنىيەت-تەنتەربىيە-رادىيو-كىنو-تېلېۋىزىيە ئىدارىسى
«مۇزات دولقۇنلىرى» ژۇرنىلى تەھرىر بۆلۈمى
ئېلخەت: muzatdolkunliri@163.com
763126417@qq.com

قۇربان

       «گۈزەل باي» مۇنبىرىنىڭ «مۇززات دولقۇنلىرى» مەخسۇس سەھىپىسىنىڭ يولغا قويغانلىقىنى قىزغىن قارشى ئالىمەن. ئىشىنىمەنكى  «گۈزەل باي»مۇنبىرى ۋە «مۇززات دولقۇنلىرى» ژورنىلى  بىر بىرى ئۈچۈن خىزمەت قىلىپ، بىر بىرنى تولۇقلاپ، مۇكەممەللەشتۈرۈپ، زامانىۋى مەدەنىيەتنى يېتەكچى قىلىپ، ناھىيىمىزنىڭ مەنىۋى مەدەنىيىلىك قۇرۇلۇشىنىڭ جۇش ئۇرۇپ راۋاجلىنىشى ئۈچۈن تېخىمۇ ياخشى خىزمەت قىلىدۇ.

جەسسۇر2

‹‹مۇزات دولقۇنلىرى››مەخسۇس سەھىپىسىنىڭ مۇنبىرىمىزدە يولغا قۇيۇلىدىغانلىقىدىن ئىنتايىن خۇرسەن بولدۇم،قۇربان ئەپەندىم ئىيتقاندەك بۇ ئىككىسى بىر-بىرىنى تۇلۇقلاپ بىر گەۋدىگە ئايلىنىپ،مۇنبىرىمىز ئەزالىرى ۋە يۇرتىمىز خەلقى ئۈچۈن قىممەتلىك،ئەھمىيەتلىك،نادىر ئەسەرلەرنى روياپقا چىقىرىپ ھەممەيلەنگە مەنىۋى ئوزۇق ئاتا قىلالىسا بۇ ئەلۋەتتە كۆپچىلىكىنڭ ئارزۇسى ۋە خوشاللىقى،بۇ ھەم كەلگۈسىدە ناھىيىمىزدىن نۇرغۇنلىغان ئەدەبىيات ھەۋەسكارلىرىنىڭ ۋە يازغۇچىلارنىڭ چىقىشىغا ئاساس سېلىشىمۇ مۇمكىن.


  مەن تېمىنىڭ ‹‹مۇزات دولقۇنلىرى››مەخسۇس سەھىپىسىدىكى كىچىك سەھىپە( يەنى 4-سەھىپە دوستلار يوللىغان ئەسەرلەر)دىگەن جۈملىگە ئازراق قىستۇرۇش قىلىپ قويسام:دوستلار ژورنالغا ئەۋەتىشنى ئويلىغان تېمىلىرىنى بۇ يەرگە يوللايدۇ،شۇڭا بۇ يەرگە يوللانغان تېمىلار چوقۇم مەتبۇئات تەلىپىگە ئۇيغۇن كىلىشى ئالدىنقى شەرت.

ئەرتۇغ

ئوبدان ئىش بوپتۇ.بۇنىڭ زورنال سۈپىتىنى ئۆستۈرۈشتە ،شۇنداقلا يېڭى كۈچلەرنى بايقاش ئۇلارغا ئىجادىيەت سورۇنى تەمىن ئېتىپ بېرىشتە رولى ئىنتايىن چوڭ

ئاتامان

بۇ ناھايتى ياخشى خەۋەركەن ،ئاللا خالىسا بۇ ژۇرنالغا مەنمۇ ئەسەر ئەۋەتىمەن.
مەن ھازىرغىچە ‹‹مۇزات دولقۇنلىرى›› دەپ ژۇرنالنىڭ بارلىقىنى بىلمەيدىكەنمەن،يېقىندىلا مۇشۇ مۇنبەردىن ئاڭلىدىم.
ئۈستىدىكى ژورنالنىڭ مۇقاۋىسى ئوخشايدۇ.بىرىنچى بولۇپ مۇقاۋىسىغا كۆزۈم چۈشتى.ژورنال مۇقاۋىسى بەك ياخشى چىقىپتۇ.
ژورنال مۇقاۋىسىنىڭ ئەنە شۇنداق ناھيىمىز تەۋەسىدىكى فۇتۇگىراف ۋە رەسساملارنىڭ ئىجادى ئەسەرلىرى  ناھيىمىزنىڭ ساياھەت مەنزىرە نوقتىلىرى ۋە سەھرا تۇرمۇشى ئەكىس ئەتكەن ھەم شۇنداقلا ناھيىمىزدىكى كۆزگە كۆرۈنگەن رەسساملارنىڭ ماي بۇياق رەسىملىرى بىلەن زىننەتلىنىشىنى ئۈمۈد قىلىمەن.

ئاتامان

جەسسۇر2 يوللىغان ۋاقتى  2012-7-13 22:55
‹‹مۇزات دولقۇنلىرى››مەخسۇس سەھىپىسىنىڭ مۇنبىرىمىزدە  ...

گېپىڭىز ئورۇنلۇق.باشقۇرغۇچىلارمۇ شۇ سەھىپىگە يوللانغان ئەسەرلەرنىڭ سۈپىتىگە ئالاھىدە ئەھمىيەت بېرىپ تەستىقلىشى كېرەك.ئەگەر مەتبۇئاتلاردا ئېلان قىلىشقا مۇناسىپ كەلمىدى دەپ قارالسا يۇمشاق قوللۇق قىلماي،شۇ ئەسەرنىڭ يوللانغان سەھىپىسىنى يۆتكىۋېتىشى كېرەك.

خەنجەر731

مىنىڭ ئارتۇق پىكرىم يوق.‹‹مۇزات دولقۇنلىرى››نىڭ بىز بىلەن بالدۇرراق يۈز كۈرۈشىشىنى ئۈمۈت قىلىمەن.

مەزمۇت

مەنمۇ خۇشال بولدۇم، مەن  مۇزات دولقۇنلىرى ژورنىلنىڭ  2010يىلدىكى  1چى2چى سانلىرىنى ئۇقۇغان ھەم ئۆزيۇرتۇمدىن چىقان ژورنالنى كۈرۈپ خۇرسەن بولغان ئىدىم،

چىمەن007

مېنىڭمۇ تۈنجى ئاڭلىشىمكەن بۇ  ژورنالنى .‹‹مۇزات دولقۇنلىرى››مەخسۇس سەھىپىسىنىڭ مۇنبەردە  يولغا قۇيۇلىدىغانلىقىدىن ئىنتايىن خۇرسەن بولدۇم، قابىللارنىڭ قەلەم تولپارى تازا چاپىدىغان بولدى دىسە .

ئەرتۇغ

«مۇزات دولقۇنلىرى» ژورنىلى 80-يىللاردىن باشلاپلا ناھىيەمىز تەۋەسىدىكى ئەدەبىيات ھەۋەسكارلىرىنىڭ قەلەم پىشۇرۇش سورۇنى بولۇپ كەلگەن.مەزكۇر ژورنالنىڭ ئەينى ۋاقىتتىكى شۆھرىتىمۇ ناھايىتى يۇقۇرى ئىدى(گەرچە شافگىراپتا بېسىلىپ تارقىتىلغان بولسىمۇ).ئەسەر قوبۇللاش دائىرسى ناھىيە سىرتى ھەتتا ئۈرۈمچىگىچە كېڭەيگەن. مەن ئاڭلىغان خەۋەردە ئەينى ۋاقىتتا ناھىيەمىزگە قەدەم تەشرىپ قىلغان بىرقىسىم داڭلىق ئەدىپلەر ژورنال نامىدىن سۆيۈنۈپ، ئاغزى-ئاغزىغا تەگمەي ماختىشىپ كەتكەن ئىكەن.ھازىر ئەشۇ ژورنالغا قان-تەر ئاققۇزغان بىرقىسىم ئىجتىھاتلىق ئەدىپلەر ياشىنىپ، مويسىپىتلەرگە ئايلاندى ،بىر قىسىملىرى قەلىمىنىڭ تازا ئۆتكۈرلەشكەن ۋاقتىدا بۇ يورۇق دۇنيا بىلەن ۋاقىتسىز ۋىدالاشتى.مەنمۇ ئوتتۇرا مەكتەپتە ئوقۇۋاتقان ۋاقتىمدا ژورنالنىڭ قوللىشىغا ئېرىشىپ، ماددى ۋە مەنىۋى جەھەتلەردىن كۆپ رىغبەتلەرگە نائىل بولغان.ھازىرقى ئەدىپ،داڭلىق شائىر، ئۇستاز ئىمىن ئەھمىدى بىلەن ژورنال ئۇيۇشتۇرغان مەلۇم بىر پائالىيەتتە يۈز كۆرۈشۈش ۋە شېئىر ئوقۇش پۇرسىتىگە ئىگە بولغان. ھازىر ئوقۇغۇچىلىق ھاياقىمدىكى ئەشۇ ئۇنتۇلماس مىنۇتلارنى ئەسلىسەم ژورنالدىكىلەردىن تولىمۇ مىننەتتار بولىمەن!...