ھەسرەتا،چېقمىدى

yadikar

	چېقمىدى چاغرىتېكىن چىقتى روھ تەندىن بۇدەم،ھىجراندا بۇجان چىقمىدى. لالما ئىتتەك  تەلمۈرۈپ  يۈرگەندە  غەمخان چىقمىدى . دۈشمىنىم سالغان يارا ئاھ قانسىراپ بولدى چاقا، ئوينىشۇر چىۋىن قونۇپ ،ئەملەشكە لوقمان چىقمىدى. سۆيگۈنىڭ بۇ دەشتلىرىدە تىترىدىم ياپراق بولۇپ، تەمتىرەپ يۈردۈم لېكىن،توڭغاندا گۇلخان چىقمىدى. ھالسىراپ كەتسەممۇ گەر ماڭدىم ئۈمىددە نۇر تەرەپ، ئۆمىلەپ  قالدىم  مانا ، ئارمانغا  دەرمان  چىقمىدى. خەق كۈلۇر مەن قىينىلۇرمەن،ھەسرىتىڭدە دەمبەدەم، ئاڭا نىچە شۇنچە خەقتىن زەررىچە ھەيران چىقمىدى. ئامرىقىم ۋەسلىڭنى دەپ،باقتىم ئۈمىددە تاڭغا مەن، تۈننى چىللاپ سايرىغان ھوقۇشقا زىندان چىقمىدى. 2010.7.6 ھەسرەتا             ھەسرەتا باستى دىلىمنى دەردۇ ھىجراننىڭ تېغى. بۇلبۇلى كەتتى ئۇزاپ پەسلى غازان سۆيگۈم بېغى. مىڭ ئەسىرگە يەتكۈسىدۇر ئىشقىڭ ئۇتىدا كۆيگۈنۈم، لەھزىگە يەتمەس ئىرۇر دىل خۇشال كۈلگەن چېغى. ئەي سىتەمكار بولدى بەس يەتكەي بېشىمغا سالغىنىڭ، داتقا ئايلاندى نىتەي،ئشقىڭ تىگىپ قالغان دېغىى. بۇ بالالىغ كۈن كۆرۈش ئەسلا كۆڭۈلگە كەلمىگەن، لەختە–لەختە ئەيلىمەكتە باغرىمە ئىشقىڭ تىغى. ئەيلىدىڭ دەشتۇ–باياۋان  قالدى نەدە گۈلچىمەن، چۈشمۇ نىگار چاغرىنىڭ سەندىن ۋاپا تاپماقلىغى. 2006.10 ئىزدىنىش مۇنبىرى