كېتەركەن كىشى بىر كۈن(غوجامۇھەممەد قابىز)

HOJAKABIZ · ۋاقتى: 2012-6-14 19:23:48


	غوجامۇھەممەد قابىز كېتەركەن كىشى بىر كۈن كېتەركەن ھەركىشى بىر كۈن بۇ دۇنيا يۈكىنى تاشلاپ، ئۇرۇق- تۇققان قېرىنداشنىڭ ئەلەمدە كۆزىنى ياشلاپ. ئېلىپ ماڭسا ياغاچ ئاتتا شۇ ئان كەلكۈن كېلەر دەۋرەپ، جىمى يارۇ- بۇرادەرنىڭ يۈرەكى- باغرىنى ئاشلاپ. رەپىقەڭ ياتقىدەك چەتتە ئەشۇ يەڭلىغ كېتىپ ھۇشتىن، كۆزىنى ئاچسا "سەن نەدە،" دىبان مەجنۇن كەبى چاچلاپ. ئۇلۇغ-ئۇششاقلىرىڭ قالمىش دىلىدا مىڭ تۈمەن ھەسرەت، غېرىپلىقنىڭ كوچاسىدا ياقا يىرتىپ،بېشىن قاشلاپ، غىرىب قەبرە قاتارىغا، قوشۇلدى بىر يېڭى قەبرە، ياتارسەن قايسى ھالەتتە قارا تۇپراقنى باغاشلاپ . ئىگەم ئىنئام قىلىپ بەرسە ساڭا بېھىشنى گەر ئولۋاق، پەرىشتە، ھۆرى-غىلمانلار ماڭار ئالدىڭدا يول باشلاپ. 2009 يىل، 17- ماي _________________________________ بۇ يازمىنى ئاخىرىدا HOJAKABIZ تەھرىرلىگەن. ۋاقتى 2012-12-12 23:58

yadikar · ۋاقتى: 2012-6-14 19:41:04


	مەن ئوقۇپ باققان ئىككى مىسرانى ئۆزگەرتىپلا-دە! ماڭا ئاشۇ مىسرالاردا پەدە چاققاندەك بىلىنىپ ئۆزگەرتىپ ئوقۇپ باققان ئىدىم. ھازىر ئوبدانلا چۈشۈپتۇ ۋەزىنگە.

بۇغراخان · ۋاقتى: 2012-6-27 18:24:47


	شۇنداق ھەممىمىز كىتىمىز بىركۈن! كىتىشتىن بۇرۇن ھەربىرىمىز ھاياتىمىزنى مول مەنىلەرگە ئىگە قىلىشىمىز كىرەك. كىتىش ئالدىدا مىنىڭ ھاياتىم مول مەزمۇنلار بىلەن بىزەلگەن ،ھاياتىمدىن كىيىنكىلەرگە ئىبرەت ئەمەس بەلكى مىھنەت قالدى دەپ خاتىرجەم كىتەلەيمىز، بىز كەتكەندىن كىيىن كەينىمىزدىكىلەر سىغىنىش ئىچىدە ئەسلەيدىغان بولسۇن! بۇ يازمىنى ئاخىرىدا بۇغرا تەھرىرلىگەن. ۋاقتى 2012-6-27 18:26

بۇغراخان · ۋاقتى: 2012-7-24 15:17:41


	تارىم نىڭ 7-سانىدىكى غەزەللىرى بەك يارىدى ماڭا ئەشۇنداق غەزەللەر نى كۆپرەك يىزىپ تۇرغايلا!

تۈركزات · ۋاقتى: 2012-7-24 15:34:03


	شۇنداق،ھەممىمىز كېتىمىز.بۇ ئەل مىساقتا جاكارلانغان ئورتاق ھۆكۈمنامە.ئۇنىڭ قەرەلى،ئۆچرەتتىكى ئىلگىرى-كېيىنلىك تەرتىپىلا ئوخشىمايدۇ.كەچۈرۈم ئالغىلى،كېچىكتۈرۈپ ئىجرا قىلىش پۇرسىتىگە ئېرىشكىلى،بەدەل تۆلەپ قۇتۇلغىلى بولمايدۇ.ھممىمىزدە ماڭ دېسە،مانا دەپلا يولغا چىقلايدىغان تەييارلىق ھەر ۋاقىت ھازىرلانغان بولىشى كېرەك...بۇ ئەسەر بىز بىلىدىغان،ئەمما دائىم ئۇنتۇپ قېلىشقا ئاران تۇرىدىغان بىر سىگنالنى بېشارەتلەپتۇ.ئەجرىلىرىگە مېڭلارچە تەھسىن! بۇ يازمىنى ئاخىرىدا تۈركزات تەھرىرلىگەن. ۋاقتى 2012-7-24 15:42

دۇۋا · ۋاقتى: 2012-7-24 23:35:57


	سالام غوجا ئاكا! بۇغەزەللىرىمۇ ياخشى چىقىپتۇ.

يۇلتۇز · ۋاقتى: 2012-7-25 19:22:42


	ئاھاڭغا سىلىپ ئوقۇپ باقتىم ، شۇنداق ياخشى كىلىدىكەن ، يەنە ماۋۇ ناخشا ئىسىمگە كىپ قالدى ئۆلۈپ كەتتىغۇ قانچە ئادەملەر، تىرىكلەنى قان - قان يىغلىتىپ . مۇرادىغا يەتتىمۇ ئىنسان ، تىرىك لىكتە شۈنچە قىلىىپ . ياش دىمىدى ۋە يا مويسىپىت ، ئىلىپ كەتتى ئەجەل تاللىماي ، قول قۇشتۇرۇپ يىغلاپ قىلىشتۇق ، بۇئۆلۈمگە چارە قىلالماي. بىر قىلىپ تىكى ئىسىل ئەسەرلەر ، ئىجادىيەتلىرىنى ئۆينىڭ تۆرىدە ساقلاۋەمەي يوللايلى مانداغ ھە ! ئەجىرلىرىق

يۇلتۇز · ۋاقتى: 2012-7-25 19:23:51

ئا.سەھرا · ۋاقتى: 2012-7-25 19:58:47


	سالام غوجا مۇھەممەت ئاكا. بۇ غەزەللىرى مىنى بىر ھازا خىيالغا پاتقۇزدى، ياراتقۇچى بولغان بۈيۈك زات ئۇلۇغ ئاللا ھەممىمىزنىڭ تىنىنى سالامەت قىلغاي. ھەم كەتكەندە ئېمان بىلەن كەتكىلى نىسىپ قىلغاي،

AMIRJAN · ۋاقتى: 2012-7-28 02:25:46


	...مەن ئۆمرىمدە20 يىلنىڭ ئالدىدا بىر قىتىم بىر روبائىغا مۇزىكا ئىشلەپ باققانتىم. بۇ تىكىسىت ماڭا تولىمۇ ياردى. سىزگە كۆپ تەشەككۈر. شېئىريەت گۇلزارىدىكى خۇشپۇراقلىرىڭىز تىخىمۇ تارىغاي. چامىمنىڭ يىتىشىچە بىر مۇزىكا ئىشلەپ باقاي. بىرىنچى بولۇپ ئۆزىڭىزنىڭ پىكىرىنى ئالىمەن.

ئاقتاش · ۋاقتى: 2012-8-7 18:10:42


	توغۇرا دەيسىز ھامان بىر كۈن كېتىمىز شۇنى بىلىمىز ھەم بۇ دۇنياغا تويماي ئۆتىمىز كەتمەيدىگاندەك كۆڭۈلەرگە ئازار بېرىشىمىز.بەك ياخشى يېزىپسىز.ھارمىغايسىز.

Dihan · ۋاقتى: 2012-8-12 01:44:32


	ئادەم ھەر بىر ئوقۇسا بىر ئويغا پاتىدۇ ،توغرا بۇ ھەر بىر ئىنسان قىچىپ قۇتۇلالمايدىغان قىسمەت.

م.ئابلەت · ۋاقتى: 2012-11-26 17:25:11


	ماڭىمۇ شۇنداق يارىدى ...ھايات داۋاملاشماقتا...! يۈرىكىدە چوغ لاۋۇلداپ تۇرغان شائىرلىرىمىز تىنىمسىز ھاياتنى يۈكسەك تىل بىلەن ئوبرازلىق شەرىھىلىمەكتە...ھارمىغايسىز...غۇجىمۇھەممەت ئاكا...!

mamutomar · ۋاقتى: 2012-11-29 00:48:26


	شۇنداق ،كىشى كىتىدۇ بىر كۈنى،بۇنى كىچىكىپ بىلمىگەن سىز -ھە؟

قوشتاغ · ۋاقتى: 2012-12-12 23:20:18


	ئۇلۇغ-ئۇششاقلىرىڭ قالمىش دىلىدا مىڭ تۈمەن ھەسرەت، غېرىپلىقنىڭ كوچاسىدا ياقا يىرتىپ،بېشىن قاشلاپ، غىرىب قەبرە قاتارىغا، قوشۇلدى بىر يەنە قەبرە، ياتارسەن قايسى ھالەتتە قارا تۇپراقنى باغاشلاپ . نەقەدەر ياخشى چىققان مىسرالار-ھە! شۇنداق،قەبرىلەر كۆپىيىدىكەن،بىزلەر ياقا يىرتىپ يىغلاپ قالىدىكەنمىز.

مىكروبلوگ[ يېڭى | 24 سائەت | 7 كۈن | 30 كۈن ]