ئامەت كۈلۈپ باقمايدۇ تىنىچلىقنى سۆيمىسەڭ

ھەسرەت1

	تىنىچلىقنى سۆيمىسەڭ نىمە ئۈچۈن تۇغۇلۇپ  نىمە  ئۈچۈن ياشايسەن؟ ئۆمۈر كۆرۈپ نەچچە يىل  ئاخىر نەگە بارىسەن؟ ئۆمرۈڭ تۈگەپ ئۆلگىچە  قايسى يولدا ماڭىسەن؟ سۇئال جاۋاپ تاپمايدۇ  تىنىچلىقنى سۆيمىسەڭ. تىرىك يۈرۈش ئىنساننىڭ  چوڭ ئارزۇسى غايىسى، مىڭ يىل ئۆمۈر كۆرسىمۇ كەلمەس ھەرگىز ئۆلگۈسى، بىلسەڭ ھايات قەدرىنى تىگەر چەكسىز پايدىسى، ھايات مەنا تاپمايدۇ  تىنىچلىقنى سۆيمىسەڭ. بۈگۈن مانا تۇغۇلۇپ ئەتە ئۆلۈپ كىتەمتىڭ؟ ياكى ياشاپ بىرئۆمۈر مۇرادىڭغا يىتەمتىڭ؟ شان-شەرەپكە ئىرىشمەي ئىز-دىرەكسىز كىتەمتىڭ؟ غەلبە قۇچاق ئاچمايدۇ تىنىچلىقنى سۆيمىسەڭ. قانائەت قىل بېرىغا ئارتۇقىنى ئىزدىمە، نەپسى دىگەن تويماستۇر يەنە يىسە ھە دىمە، قويۇپ بەرسەڭ مەيلىگە پۈتمەس ئاڭا كام نىمە، ھالاكەتكە باشلايدۇ تىنىچلىقنى سۆيمىسەڭ. سەن ئەقلىڭنى ئىشلىتىپ ياراتماقچى كەشپىيات، توپلاپ ئىلىم ،تەجرىبە ئېپ بارماقچى تەتقىقات، قۇرۇپ ئىلغار زاۋۇتنى چىقارماقچى مەھسۇلات، پىلان ئىشقا ئاشمايدۇ  تىنىچلىقنى سۆيمىسەڭ. بىرنى ئىككى قىلاي دەپ   پىلان تۈزەرسودىگەر، جىقراق ھۇسۇل چىقسا دەپ دىھقان يەرگە تەلمۈرەر، يەتمەك بۇلۇپ ئارزۇغا قىشتا يازدا تەرتۆكەر، ئامەت كۈلۈپ باقمايدۇ تىنىچلىقنى سۆيمىسەڭ. ئىسلام دىنى((تىنىچلىق  دىنى))دىگەن نامى بار، قەلىبلەرگە نۇر چېچىپ زۇلۇمەتتىن  قۇتقۇزار، چەكلەپ ئۇرۇش-جىدەلنى تىنىچلىققا يول ئاچار، ئىسلام نۇرىن چاچمايدۇ تىنىچلىقنى سۆيمىسەڭ. قولدىن كەتسە تىنىچلىق يىغلىغانغا كەلمەيدۇ، ئاھ ئۇرساڭمۇ يالۋۇرۇپ خۇدا ئاسان بەرمەيدۇ، گاڭگىرايسەن ھەيرەتتە بالا-قازا كەل دەيدۇ، ئاپەت سەندىن قاچمايدۇ   تىنىچلىقنى سۆيمىسەڭ. چۈچىرىنى  خام ساناپ  تىنىچلىقنى بۇزماڭلار! ئۇچلاپ قويغان قوزۇققا تىنىڭلارنى ئۇرماڭلار! تىنىچلىقنى كىم بۇزسا بۇتتەك قاراپ تۇرماڭلار! خەلق سىنى تاشلايدۇ  تىنىچلىقنى سۆيمىسەڭ. چىشنى بىلەپ ھالاكەت يېقىن يەردە يۈرمەكتە، بىزنى قانداق يىيشكە رەزىل پىلان  تۈزمەكتە، ئەقلى ھۇشى بار ئادەم ئۇرۇپ قوغلاپ  سۈرمەكتە، بالا-قازا يامرايدۇ تىنىچلىقنى سۆيمىسەڭ. تىنىچلىق يوق شۇ ئەللەر نىمە كۈننى كۆرۈشتى، تاشلاپ ئانا يۇرتىنى يات ئەللەردە يۈرۈشتى، ئۇرۇش ئاپەت ئوتىدا ئىز-دىرەكسىز ئۆلۈشتى، جاھان تىنىچ بولمايدۇ تىنىچلىقنى سۆيمىسەڭ.