كۈلكە خۇرۇچلىرى

udun

كۈلكە خۇرۇچلىرى

قاچقۇننىڭ بارماق ئىزى

ساقچى باشلىقى: سىلەر تۆتەيلەن بىر قاچقۇننى تۇتالماپسىلەر، ھەممىڭلار نان قېپى.
ساقچى: باشلىق ئەپەندىم، ئۇنچىلا دەپ كەتمەڭ، قاچقۇننى تۇتالمىغىنىمىز بىلەن،بارماق ئىزىنى ئېلىۋالدۇق.
ساقچى باشلىقى: بارماق ئىزى قەيەردە؟
ساقچىلار: مانا، يۈزىمىزدە...

ئىگىسى...

مۇئەللىم بىر ئوقۇغۇچىدىن سورىدى:
_« ھورۇن ئاچلىقتىن ئۆلۈپ كەتتى» دېگەن جۈملىنىڭ ئىگىسى نەدە؟
ئوقۇغۇچى ئويلانمايلا جاۋاپ بېرىپتۇ:
_ شۇنىمۇ بىلمەمسىز، ئىگىسى مازاردا بولمامدۇ.

بالىنىڭ جاۋابى

كىچىسى سىيىپ ياتىدىغان بىر بالىنى دادىسى نا ئۇستا تېۋىپقا كۆرسىتىپتىكەن، تېۋىپنىڭ دورىسىنى يىگەن بالىنىڭ ئاشقازىنى بۇزۇلۇپ، دائىم ياندۇرىدىغان بولۇپ قاپتۇ.
_ قانداقراق بالام؟ _ دەپ سوراپتۇ دادىسى،_ دورا مەنپەئەت قىلغاندەكمۇ؟
_  قالتىس مەنپەئەت قىلدى، _ دەپتۇ بالىسى،_ سىيىپ ياتىدىغان ئادەمنى قۇسۇپ ياتىدىغان قىلىپ قويدىڭىز.

ھەق تۆلەش

تاقىر باش بىرەيلەن ساتىراچخانىغا كىرىپ بېشىنى چۈشۈرتۈپ، پۇلمۇ تۆلىمەي سىرتقا مېڭىپتۇ.
_ پۇلنى تۆلىمەمسىز؟_ دەپتۇ ساتىراچ ھەيران بولۇپ.
_ نىمە پۇل؟_ دەپتۇ تاقىر باش ئۇنىڭدىن بەتتەر ھەيران بولۇپ،_ گال ئۇستۇراڭنى بېشىمدا بىلىۋالغىنىڭغا سەن پۇل بەرسسەڭ بولامدىكىن تېخى!

ھۇجۇم

ئەر-خوتۇن ئىككىسى تاكالىشىپ قالدى، ئايالى ھۇجۇمغا ئۆتۈپ ۋاقىرىدى:
_ سەن ئاڭلاپ تۇر، مەن ئۆمرۈمنىڭ ئەڭ گۈزەل چاغلىرىنى ساڭا بېغىشلىغانمەن.
_ سەن ھەرگىز ئۇنداق دىمە،_ دېدى ئېرى،_ مەن ھازىر بۇنداق پالاكەتلىك كۈنلەر يەنە داۋاملىشارمۇ دەپ قورقىۋاتىمەن