ياڭاقنىڭ شىپالىق رولى

halisbay

ياڭاقنىڭ شىپالىق رولى

ئۆسۈش ئورنى: جەنۇبىي شىنجاڭنىڭ ھەممە جايلىرىدا ئۆستۈرۈلىدۇ. ئائىلدىمۇ تەشتەك بىلەن ئۆستۈرۈشكە بولىدۇ. دورىلىق ئۈچۈن مېغىزى، پاسىلى، كۆك پوستى ۋە يۇمران نوتا شاخلىرى ئىشلىتىلىدۇ.

تەبىئىيتى: مېغىزىنىڭ تەمى تاتلىق، تەبىئىيتى ئىسسىققا مايىل، زەھەرسىز، بۆرەكنى قۇۋۋەتلەش، ئۆپكىنى قورۇپ، ئۈچەينى نەملەشتۈرۈش رولىغا ئىگە.

ئىشلىتىلىشى: بەدەن ئاجىزلىققا، سوزۇلما خاراكتىرلىك كاناي ياللۇغىغا، يۆتىلىپ دىمى سىقىلىشقا، قەۋزىيەتكە، ياڭاق مېغىزىدىن تۆت سەر، تاتلىق ئۆرۈك مېغىزىدىن بىر سەر ئېلىپ، سوقۇپ خىمىردەك قىلىپ، بۇنىڭغا مۇۋاپىق مىقداردا ھەسەل ۋە خام زەنجىۋىل سۈيى قوشۇپ، تەكشى ئېزىپ كۈنىگە ئۈچ مىسقالدىن بەش مىسقالغىچە ئۇخلاش ئالدىدا يىيىلىدۇ.

ئاشقازان يارىسى ئۈچۈن: كۆيدۈرۈپ پىشۇرۇلغان ياڭاق يۈز دانە، قارا شىكەر ۋە ئاق شىكەرنىڭ ھەر بىرىدىن تۆت مىسقال، سىرىق موم ئىككى سەر، كۆمۈرلەنگەن چىلاندىن يىگىرمە دانە ئېلىپ سوقۇپ خىمىردەك قىلىپ، كومۇلاچ ياساپ كۈنىگە ئىككى قېتىم، ھەر قېتىمدە بەش مىسقالدىن قايناقسۇ بىلەن ئىچىلىدۇ.

ھەر خىل ئاشقازان ئاغرىشلاردا: ئالتە جىڭ پىشمىغان ياڭاق يەنى 6-،7- ئايلاردا ئۈزۈلگەن ياڭاقنى سوقۇپ ئېزىپ، ئون جىڭ ئاتمىش پىرسەنتىلىك ئاق ھاراققا بىر ئاي ئەتراپىدا چىلاپ قويۇپ، كۈنىگە ئۈچ قېتىم ھەر قىتىمدا ئوندىن ئونبەش مىللىلىتىر ئىچىلىدۇ.

قىزىلئۆڭگەچ راكى ۋە ئاشقازان راكى ئۈچۈن: ياڭاق شىخىدىن يېرىم جىڭ، توخو تۇخۇمىدىن ئالتە دانە ئېلىپ، ساپال قاچىدا قاينىتىپ، تۇخۇم چالا پىشقاندا شاكىلىنى چىقىرىۋېتىپ يەنە داۋاملىق پىشۇرۇپ، تۇخۇمنىڭ رەڭگى رەسمىي ھالدا جاڭيۇ رەڭگىگە كىرگەندە ئاندىن قاينىتىشنى توختىتىپ يىيىلىدۇ. ئادەتتە كۈنىگە ئۈچ قېتىم، ھەر قېتىمدا بىردىن تۇخۇمنى ئۇدا يېرىم ئاي يىيىش بىر داۋالاش مۇددىتى بولىدۇ.

توغرى ئۈچەي راكى ئۈچۈن: ئىككى جىڭ ياڭاق شىخىغا بىر لىتىر سۇ قويۇپ، 50 مىللىلىتىر قالغىچە قاينىتىپ، كۈنىگە ئۈچ قېتىم، ھەر قېتىمدا بىردىن ئىككى مىللىلىتىر ئىچىلىدۇ، ئەگەر يامان تەسىر كۆرسەتسە كۆكماش شورپىسى ئىچىش بىلەن كېسىلىدۇ.

سۈيدۈك يوللىرىغا ياش پەيدا بولۇپ قىلىش كېسىلى ئۈچۈن: ياڭاق مېغىزى ۋە ناۋاتنىڭ ھەر بىرىدىن ئىككى سەردىن ئېلىپ، ئالدى بىلەن ياڭاقنى قورۇپ ئالغاندىن كېيىن، ناۋات قوشۇپ، يۇمشاق سوقۇپ بىر قېتىمدىلا يىيىلىدۇ.

باش تەمرەتكىسىدە: ھۆل كۆك ياڭاق پوستىنى سوقۇپ ئۇماچتەك قىلىپ، باشنى ئىسسىق سۇ بىلەن پاكىز يۇغاندىن كىيىن سۈركىلىدۇ.

تەڭگىسىمان تەمرەتكە، نېرۋا خاراكتىرلىك تېرە ياللۇغى، تازلىق كېسىلىدە: ھۆل كۆك ياڭاق پوستى كۈنىگە ئۈچ قېتىم سۈركىلىدۇ