ئۈمىدجان قادىرى:ۋىسالدىن پەرلىگىن مەشئەل

تىمسال

ۋىسالدىن پەرلىگىن مەشئەل

ئۈمىدجان قادىرى

نىگارىم بىر كۈلۈپ باققىن،دىلىم ئاپتاپقا يار بولسۇن،
يۈرەكنى ئۆرتىگەن ھىجران ماكانى خەستە خار بولسۇن.

پىراقتا چوغدىكى قىلمەن،بەجايىك چۆلدە تەنھا قۇش،
يارالمىش قىسمىتىم قانداق،دېگەنمۇ ھەرنە زار بولسۇن!؟

قاراقتىن يامرىغان تۇز سۇ سىڭەر ياستۇققا يامغۇردەك،
قەدەم ئال خانە-ھوجرامغا،قۇرۇق ياستۇقمۇ بار بولسۇن.

ئۈمىد بەر روھقا رىغبەت بەر،ۋىسالدىن پەرلىگىن مەشئەل،
خالاس قىل يەككە تۇللۇقتىن،كېلىشكەن جۈپتى كار بولسۇن.

ئاناڭغا يالۋۇرۇپ ئېيتقىن،خۇشاللىق كۈيلىسۇن ئەلچىم،
ئۈمىدجان سازىدا شادلىق چېكىلگەن رىشتى تار بولسۇن.