توختاملىق يازغۇچىلار يىغىنى ئېچىلدى

yadikar

شىنجاڭ يازغۇچىلار جەمئىيىتى ئاز سانلىق مىللەت توختاملىق يازغۇچىلىرى خىزمەت يىغىنى ئېچىلدى

شىنجاڭ يازغۇچىلار جەمئىيىتى ئاز سانلىق مىللەت توختاملىق يازغۇچىلىرى خىزمەت يىغىنى 2013-يىلى 7-ئاينىڭ 28-كۈنى چۈشتىن ئاۋال، ئۈرۈمچى كۆمۈر كان مېھمانسارىيىدا ئېچىلدى. يىغىننىڭ ئېچىلىش مۇراسىمىغا ئاپتونوم رايۇنلۇق ئەدەبىيات – سەنئەتچىلەر بىرلەشمىسى، يازغۇچىلار جەمئىيىتىنىڭ رەئىسى ئازات سۇلتان، مۇئاۋىن رەئىسلىرىدىن غەيرەت ئاسىم،ئېركىش قۇرمانبېك،دوڭ لىبو ۋە ئاپتونوم رايۇنلۇق پارتىكوم تەشۋىقات بۆلۈمى ئەدەبىيات – سەنئەت باشقارمىسىنىڭ باشلىقى نيۇ يۇەنفېڭ قاتارلىق رەھبەرلەر قاتناشتى. يىغىننىڭ ئېچىلىش مۇراسىمغا ئاپتونوم رايۇنلۇق ئەدەبىيات – سەنئەتچىلەر بىرلەشمىسى، يازغۇچىلار جەمئىيىتىنىڭ مۇئاۋىن رەئىسى غەيرەت ئاسىم رىياسەتچىلىك قىلدى.
   يىغىندا ئالدى بىلەن، ئاپتونوم رايۇنلۇق ئەدەبىيات – سەنئەتچىلەر بىرلەشمىسى، يازغۇچىلار جەمئىيىتىنىڭ مۇئاۋىن  رەئىسى، باش كاتىپ دوڭلىبو <<شىنجاڭ يازغۇچىلار جەمئىيىتىنىڭ توختاملىق يازغۇچىلارنى تەكلىپ قىلىش لاھىيەسىنى يولغا قويۇش چارىسى>>نى شەرھىلەپ ئۆتتى. ئاندىن رەئىس ئازات سۇلتان شىنجاڭ يازغۇچىلار جەمئىيىتى 2012-يىلىدىن 2014-يىلىغىچە تەكلىپ قىلىنغان توختاملىق يازغۇچىلارنىڭ ئىسىملىكىنى ئېلان قىلىپ، بۇ قېتىم تەكلىپ قىلىنغان ئۇيغۇر، قازاق، قىرغىز، موڭغۇل ۋە تاجىك قاتارلىق 37 نەپەر توختاملىق يازغۇچىمىزغا <<تەكلىپ گۇۋاھنامىسى>> تارقىتىپ بېرىلدى. ئاندىن يەنە يىغىننىڭ كۈنتەرتىپى بويىچە ئاپتونوم رايۇنلۇق ئەدەبىيات – سەنئەتچىلەر بىرلەشمىسى، يازغۇچىلار جەمئىيىتىنىڭ مۇئاۋىن رەئىسى ئېركېش قۇرمانبېك توختاملىق يازغۇچىلىرىمىزنىڭ 2012-يىلىدىكى ئىجادىيەت نەتىنجىلىرىنى تونۇشتۇرۇپ ئۆتتى. ئاخىردا ئاپتونوم رايۇنلۇق پارتىكوم تەشۋىقات بۆلۈمى ئەدەبىيات – سەنئەت باشقارمىسىنىڭ باشلىقى نيۇ يۇەنفېڭ، رەئىس ئازات سۇلتان قاتارلىقلار مۇھىم سۆز قىلىپ بۇ قېتىمقى توختاملىق يازغۇچىلارنى تەكلىپ قىلىش تۈزۈمىنىڭ ئەھمىيىتى، تەسىرى ۋە ئۇنىڭ نۆۋەتتىكى ئەدەبىياتىمىزدا تۇتىدىغان ئورنى، توختاملىق يازغۇچىلىرىمىزنىڭ تەربىيەلىنىشى، ئىجادىيەت ئالاھىدىلىكى، يۈزلىنىشى قاتارلىق كەسپىي ۋە ئىجادىيەت مەسىلىلىرىرى ھەققىدە يېتەكچى خارەكتىرلىك كونكىرىت، ئەمەلى تەلەپ ۋە ئۈمىدلەرنى ئوتتۇرغا قويدى.
    يىغىننىڭ ئېچىلىش مۇراسىمىدا يەنە ئەنىۋەر ھوشۇر، مەدەنىيەت مۇقاتاي قاتارلىق توختاملىق يازغۇچىلار ۋەكىللىرىمۇ مەخسۇس سۆزگە چىقىپ، ئۆزلىرىنىڭ بىر يىلدىن بۇيانقى  ئىجادىيەت مۇساپىسىنى ئەسلەپ ئۆتتى ۋە بۇندىن كېيىن تېخىمۇ ياخشى نەتىنجىلەرنى قولغا كەلتۈرۈش ئىرادىسىنى بايان قىلدى.
    يىغىنغا شىنجاڭنىڭ ھەرقايسى جايلىرىدىن كەلگەن ھەر مىللەت توختاملىق يازغۇچىلىرىمىز ۋە يازغۇچىلار جەمئىيىتى ئورگىنىدىكى خىزمەتچى خادىملاردىن بولۇپ 50تىن ئارتۇق كىشى قاتناشتى.  يىغىننى ئىككى كۈن ئېچىش پىلانلانغان بولۇپ، ئۇ يەنە مەخسۇس تېمىدىكى لېكسىيە ۋە مۇزاكىرە قاتارلىق كۈنتەرتىپلىرىنى تاماملاپ 29-كۈنى تاماملىنىدۇ.

2012-يىلى توختاملىق يازغۇچىلىرمىز نەشر قىلدۇرغان كىتاپلىرىدىن باشقا يەنە ئاشكارە تارقىتىلىدىغان ژۇرناللاردا جەمى بىر مىليۇن بىر يۈز توقسەن يەتتە مىڭ خەتلىك ئەسەر ئېلان قىلدى.

yadikar

خوتەندىن يازغۇچى،ژۇرنالىسىت تۇرسۇنجان مۇھەممەد،ئەدەبىي ئوبزۇرچى،پىداگۇك ئەنۋەر ھوشۇر،يازغۇچى ئالتۇنگۈل رەجەپلەر توختاملىق يازغۇچىلىققا تەكلىپ قىلىنىپتۇ. مۇبارەك بولسۇن!