بۆرەككە سۇ چۈشۈش ۋە ئۇنى داۋالاش ئۇسۇلى

halisbay

بۆرەككە سۇ چۈشۈش ۋە ئۇنى داۋالاش ئۇسۇلى

                                                
    بۆرەك ئادەم بەدىنىدىكى نازۇك ئەزالارنىڭ بىرى بولۇپ، ئۇ ئاجرىتىش ۋە سۈيدۈك ئاجرىتىش سېستىمىسىدا مۇھىم رول ئوينايدۇ. بۆرەك ئاسانلا ئاجىزلايدىغان، ئاسانلا ياللۇغلىنىپ قالىدىغان ۋە سەل دىققەت قىلمىسا سۇ چۈشۈپ قالىدىغان ئەزا.
    بۆرەككە سۇ چۈشۈش داۋالىغىلى بولىدىغان كېسەللىك بولۇپ، ئۇنىڭ پەيدا بولىشى ئاساسلىقى بەدەننىڭ نەملىكى ئېشىپ كېتىشتىن (سوغۇق ئىچىملىك، ئىسسىقلىق ئېنىرگىيىسى تۆۋەن يىمەكلىكلەرنى كۆپ ئىستىمال قىلىش ۋە تاشقى بەدەننىڭ سۇ بىلەن كۆپ ئۇچرىشىشى سەۋەبلىك) پەيدا بولىدۇ.
ئۇنى داۋالاشتا: بۆرەكتىكى سۇنىڭ مىقدارى سەل كۆپ بولسا دوختۇرنىڭ كۆرسەتمىسى بويىچە داۋالىنىش كېرەك، ئەگەر بۆرەكتىكى سۇ ئازراق بولسا ئىمكان قەدەر ئىچكى - تاشقى مىزاجنى تەڭشەش ئارقىلىق ۋە يەرلىك ئۇسۇللارنى قوللىنىش ئارقىلىق داۋالانسا بولىدۇ.

        ئىچكى تەڭشەشتە؛
1. چاي دورىسىنى ئىسسىققا (بەدەندىكى نەملىكنى يوقىتىدىغان ۋە بەدەن ئاجىزلىققا پايدا قىلىدىغان) مايىل تەڭشىتىپ كۈندىلىك ئۇسسۇسلۇققا شۇنى ئىچىش.
2. قۈۋەتلىك تاماقلارنى (پولو، گۆش نان، پېتىر مانتا، ھالۋا، قازان كاۋىپى،،، قاتارلىق)، ماش تۈرىدىكى يىمەكلىكلەرنى ئىستىمال قىلىش، سوغۇق كېلىدىغان يىمەكلىك يىمەسلىك، ھەممىدىن بەك سوغۇق ئىچىملىكتىن قاتتىق پەرھىز تۇتۇش لازىم.
3. تەبىئىي خام ماتىرياللاردىن ياسالغان ياسالما ئوزۇقلۇقلاردىن قۇرۇت ئوت، ھەرە يىلىمى، مېھرىگىياھ، ئادەمگىياھ، قارغاي گۈل چېڭى قاتارلىقلارنى يەپ بېرىش لازىم.

         تاشقى تەڭشەشتە؛
1. ئىسسىقلىق دارا - دەرمان (كاۋاۋىچىن، خولىنجان، قەلەمپۇر، قوۋزاق دارچىن) قاينىتىپ ھەپتىدە ئىككى قېتىم يۇيۇنۇش.
2. تۇخۇم مېيى، قەلەمپۇر مېيى، قوينىڭ قۇيرۇق مېيى،،، قاتارلىقلاردىن قايسىسى بولسا شۇنىڭدا بۆرەك ئەتراپىنى مايلاش.
3. ناۋاتسىمان تۇزنى يۇمشاق سوقۇپ ئەگلەكتىن ئۆتكۈزۈپ، سۇڭپىيازنىڭ ئاق يېرىنى يۇمشاق چاناپ تەييارلانغان تۇزغا ئارلاشتۇرۇپ بۆرەك بار جايغا چېپىپ تېڭىش.
4. تەييار مەھسۇلاتلاردىن دېڭىز تۇزىنى كۈندە ئۈچ - تۆت قېتىم ئىلمان سۇدا ئېرىتىپ بۆرەك ئەتراپىغا سۈركەپ سىڭدۈرۈش.

يۇقۇرقى ئۇسۇللار تەجرىبىدىن ئۆتكەن، بىخەتەر، خاتىرجەم ئىشلىتىشكە بولىدۇ.
بۆرەكتىكى سۇنى ۋاقتىدا يوقاتمىسا ياللۇغلىنىش، ئاجىزلىشىش، يەنە سەل قارالسا بۆرەك زەئىپلىشىش قاتارلىق يامان كېسەللىكلەرنى پەيدا قىلىشى مۇمكىن، شۇڭا ھېچقانچە ئىش ئەمەسقۇ دەپ بىخۇت يۈرىۋەرمەسلىك لازىم.