تەڭرىتېغى ‹‹دۇنيا مىراسلىرى››نىڭ نامزاتلىرى

ھېكىمى

37-نۆۋەتلىك دۇنيا مىراسلىرى قۇرۇلتىيى كومىتېتى 16-ئىيۇن كامبودژا پايتەختى فنومپېندا ئاخبارات ئېلان قىلىش يىغىنى ئېچىپ ، مەزكۇر كومىتېتنىڭ دۇنيادىكى 27 دۆلەت ۋە رايوندىن كەلگەن 31 ئورۇندىكى مىراسنى بىرلەشكەن دۆلەتلەر تەشكىلاتى مائارىپ-پەن-مەدەنىيەت مەھكىمىسىنىڭ ‹‹دۇنيا مىراسلىرى تىزىملىكى ››گە كىرگۈزۈش ئىلتىماسىنى مۇزاكىرە قىلىدىغانلىقىنى رەسمىي جاكارلىدى .
    بىرلەشكەن دۆلەتلەر تەشكىلاتى مائارىپ-پەن-مەدەنىيەت مەھكىمىسى تەمىنلىگەن ئۇچۇرغا قارىغاندا، بۇ قېتىم 31 ئورۇندىكى تاللاش ئىچىدە تۇرۇۋاتقان مىراسلار ئىچىدە ، سەككىز ئورۇندىكىسى دۇنيا مىراسلىرىغا ئىلتىماس قىلىنغان ، 20 ئورۇندىكىسى دۇنيا مەدەنىيەت مىراسلىرىغا ئىلتىماس قىلىنغان ، ئۇنىڭدىن باشقا ئۈچ ئورۇندىكىسى دۇنيا مەدەنىيەت تەبىئىي مىراسلىرىغا ئىلتىماس قىلىنغان . جۇڭگو شىنجاڭنىڭ تەڭرىتېغى ، يۈننەننىڭ خانى پەلەمپەيسىمان ئېتىزلىرى (يۈەنياڭ پەلەمپەيسىمان ئېتىزلىرى)، شۇنداقلا ياپونىيەنىڭ فۇجى تېغى ، چاۋشيەننىڭ كائېسوڭ تارىخىي خارابىلىكى قاتارلىقلار نامزات تىزىملىككە ئىلتىماس قىلىندى .
مەنبە:http://uy.ts.cn/wenhua/content/2013-06/18/content_286447.htm

مەركىزى تېلىۋىزىيە ئىستانسىسى خەۋىرى«شىنجاڭ  تەڭرىتاغلىرى دۇنيا مىراسلىرى قاتارىغا كىرگۈزۈلدى»
بۈگۈن(6-ئاينىڭ 21-كۈنى) بېيجىڭ ۋاقتى سائەت 12 دىن 10 ئۆتكەندە، كامبودژانىڭ پىنومپىن شەھرىدە ئۆتكۈزۈلگەن 37-نۆۋەتلىك دۇنيا مىراسلىرى يىغىنىدا،  شىنجاڭ تەڭرىتاغلىرى دۇنيا مىراسلىرى قاتارىغا كىرگۈزۈلدى، بۇنىڭ بىلەن  مەملىكىتىمىزدە دۇنيا مىراسلىرىدىن 44 بولۇپ، ئىتالىيەدىن (ئىتالىيەنىڭ 46)قالسا ئىككىنچى  كۆپ ئورۇنغا ئۆتۈپ ، ئىسپانىيە بىلەن تەڭ ئورۇندا تۇردى.دۆلىتىمىزنىڭ يەنە بىر ئىلتىماس قىلغان تۈرى يۈننەننىڭ خۇڭخې خانى پەلەمپەيسىمان ئېتىزلىرى نۆۋەتتە يىغىندا ئاۋازغا قويۇلماقتا.
   تەڭرىتاغلىرى ئوتتۇرا ئاسىيانىڭ شەرقى قىسمىغا( كۆپ قىسمى جۇڭگو شىنجاڭ تەۋەسىدە) جايلاشقان چوڭ تاغ تىزمىسى بولۇپ، شىنجاڭنىڭ ئوتتۇرىسىنى كېسېپ ئۆتۈپ، قازاقىستان زىمىنلىرىغىچە سوزۇلىدۇ. قەدىمدە ئاقتاغ 白山،قىش-ياز قار بولغاچقا قارلىق تاغمۇ 雪山 دەپ ئاتالغان، ھونلار دەۋرىدە تەڭرىتېغى، تاڭ دەۋرىدە 折罗漫山 دەپمۇ ئاتالغان، ئېگىزلىكى 21مىڭ چى، ئۇزۇنلىقى،2500 كىلومېتىر، كەڭلىكى 250-300 كىلومېتىرغىچە، دېڭىز يۈزىدىن ئوتتۇرىچە ئىگىزلىكى 5000 مېتىر كېلىدۇ. ئەڭ ئېگىز چوققىسى تۆمۈر چوققىسى بولۇپ، دېڭىز يۈزىدىن 7435.3 مېتىر ئىگىزلىكتە، خانتەڭرى چوققىسىنىڭ ئىگىزلىكى دېڭىز يۈزىدىن6995 مېتىر ئىگىز. بۇ تاغلار جۇڭگو چىگرىسىدا بولۇپ، تاغ چوققىلىرى ئاق قار ، كۆك مۇز بىلەن قاپلانغان، سىر دەرياسى، چۇ دەرياسى، ئىلى دەريالىرىنىڭ باشلىنىش مەنبەسى تەڭرىتاغلىرىدۇر. تەڭرىتاغلىرى شىنجاڭنى ئىككىگە بۆلۈپ تۇرىدۇ، شىمالىدا جۇڭغار ئويمانلىقى، جەنوبىدا تارىم ئويمانلىقى بار.
مەنبە:http://news.ifeng.com/mainland/d ... 0.shtml?_newshao123