مىستىرال:قىزىلگۈل

huxhuy

قىزىلگۈل
مىستىرال (چىلى)

قۇربانجان توختى ئازىق تەرجىمىسى

قىزىلگۈل كۆمۈلۈپ قالغاندەك گويا
ياتىدۇ سەن بىلەن قەلبىڭ قېتىدا .
ئېچىلغىن ، قىزىلگۈل ئېچىلغان كەبى
دىلنى غەش قىلمىسۇن ھەسرەت-قايغۇلار .

ئايلاندۇر ئۇنى بىر گۈزەل ناخشىغا
ۋەياكى ئايلانسۇن چوغلۇق سۆيگۈگە .
يۇشۇرۇپ قويمىغىن گۈلنى ئەمدى سەن
يالقۇنى كۆيدۈرسۈن ، يانسۇن ئىچىڭدە .

2013-يىلى 6-ئاينىڭ 11-كۈنى

سەھەر

ئەي ئىلاھىم!
كۆزلىرىمنى قويساڭچۇ يۇمۇپ،
لەۋلىرىمنى قويساڭچۇ جۈپلەپ
ۋاقت تېخى تۇرۇپتۇ شۈنچە
سۆزلىرىمىز كەتسىمۇ تۈگەپ.

بىر-بىرىمىزگە تۇرىمىز قاراپ
ئۇزاق-ئۇزاق سۈرمەستىن زۇۋان،
قېتىپ قالغان كۆزلەردە يوق جان،
تىترەپ تۇرغان چىرايلار سامان،
نېمە قالدۇردى بىزگە بۇ جاھان.

لەۋلىرى تىترەپ سۆزلەر ئۇ ماڭا،
قەلبىدىن ئۆرلەپ چەكسىز دەرت-پىغان،
مەنىسىنى بولمايدۇ بىلىپ.
دەيمەن ئاڭا تەقدىرلىرىمىز
قان بىلن گۆشتەك قوشۇلغان ھامان.
شۇندىن كىيىن
ھېچنىمە قالماپتۇ ماڭا!
گىرىملەرمۇ ياشقا قوشۇلۇپ
مەڭزىم بويلاپ ئاقماقتا مانا.

كالۋالاشتى تىللىرىم تامام،
قۇلىقىمغا كىرمەيدۇ سادا.
زەئىپ دالا پايانلىرىغا
تىكىلىمەن شۈنچە بىپەرۋە!
ئوتقاش كەبى گۈللەر بەرىبىر،
كولتۇك قارلار ئاڭلاتسىمۇ سىر!
ھېچ كىشىدىن كۆرمەيمەن زىنھار،
ئۆرتىسىمۇ دىلىمنى يارا.
تىلەيمەن ئاھ، تەقدىر ئاللادىن،
كىرپىكلىرىم يۇمۇلسۇن ئەبەد،
تومۇرۇمدا توختىسۇن سادا!

توختات، دەيمەن شاماللارنىمۇ،
شامال ئۇنىڭ ئاۋازلىرىنى
ئېلىپ كىتەر بەكمۇ يىراققا.
سايىۋەن بول دەيمەن قۇياشقا،
سىماسىنى شۇ ئۆتكۈر نۇرلار
قىلار ھامان يىنىمدىن جۇدا.
قوبۇل ئەيلە مېنى ئەي خۇدا،
دەرگاھىڭغا بارىمەن تەنھا-
ئېلىپ چەكسىز مۇھەببىتىمنى
قىيان باسقان زىمىندەك گويا!


بۇمۇ مىسترالنىڭ شىئېرىمىكىن دەيمەن.