ئۇيغۇرلاردا شىپاھلىق تائاملار

halisbay

ئۇيغۇرلاردا شىپاھلىق تائاملار
گۆشلۈك پولو
          (ئەخمەتجان ئىسمائىل)

  گۈرۈچنى پاكىز يۇيۇپ،سەۋزىنى قەلەمچە قىلىپ،پىياز ۋە گۆشنى توغرىۋالىمىز.ئاندىن ياغنى
ياخشى تاۋلىغاندىن كېيىن گۆشنى سالىمىز.سەل ئۆتكەندىن كېيىن پىيازنى سېلىپ،سارغيغۇچە
قورۇلغاندىن كېيىن ئازراق تۇز سېلىپ داۋاملىق قورۇيمىز.سەۋزە قورۇلۇپ توق سېرىق رەڭگە
كىرگەندە ئۆزىمىز ياخشى كۆرۈدىغان تەم تەڭشىگۈچلەرنى سېلىپ ئارلاشتۇرۇپ ئالىمىز.

    ئالاھىدىلىكى:ئىشتىھانى قوزغايدۇ،پۇراقلىق.
    تەبىئىتى:1-دەرىجىلىك قۇرۇق ئىسسىق.
    مەنپەئەتى:يىلىك پەيدا قىلىدۇ.سەمىرتىدۇ.
    زىيانلىق تەسىرى:ئۆت جىگەر كېسەللىكلىرىگە زىيانلىق.
    تۈزەتكۈچىسى:بېھى،خام سەي،قېتىق.
ماش گۈرۈچ پولو

       ئاۋۋال ماش ياكى نوقۇتنى بىر قېتىم قاينىتىپ،يۇمشىتىپ سۇزۇۋالىمىز.گۈرۈچنى تۇزلۇق
سۇ بىلەن 3~4قېتىم يۇيۇۋېتىپ،ئىسسىق سۇغا بىر سائەت چىلايمىز.گۆش سەۋزە ۋە پىيازنى
توغراپ تەييارلىۋالىمىز.ئاندىن ياغنى ئوبدان قىزىتىپ گۆشنى سېلىپ قورۇپ پىيازنى سالىمىز
پىياز قىزارغاندا سەۋزىنى سېلىپ،خۇرۇچلار يېرىم پىشقاندا تۇز قۇيۇپ قورۇپ بولۇپ،قايناق
سۇ قۇيۇپ قۇيۇپ 15~20 مىنۇت قاينىتىپ،تەم تەڭشىگۈچلەرنى سېلىپ بولۇپ،سەۋزە ياخشى
پىقاندا ماش ياكى نوقۇتنى سېلىپ ئۈستىگە گۈرۈچ سالىمىز.گۈرۈچ پىشقاندا 20~25 مىنۇت
دۈملەپ پىشۇرىمىز.

      ئالاھىدىلىكى:كۆركەم،تەملىك،يېيىشلىك.
      تەبىئىتى:مۆتىدىل.
      مەنپەئىتى:ياخشى قانپەيدا قىلىدۇ،مەستلىكنى يېشىدۇ.
      زىيانلىق تەسىرى:يەلپەيدا قىلىدۇ.
      تۈزەتكۈچىسى:لاچىندانە،زىرە.