چىن گۈزەللىك نېمىدە؟

halisbay

چىن گۈزەللىك  نېمىدە؟

      گۈزەللك تاشقى گۈزەللىك (ھۆسىن گۈزەللىكى) ئىچكى  گۈزەللىك (قەلىپ گۈزەللىكى)دەپ ئىككى تۈرلۇك بولىدۇ . ئەگەر بۇ ئىككى گۈزەللىك بىرلىزىپ كەتسە كامالەتكە يەتكەن گۈزەللىك بولىدۇ ، ئەمما بۇنىڭ ئىچىدە يەنىلا ئىچكى گۈزەللىك ھەممىدىن مۇھىم ، ئۇ بىر ئادەمنىڭ نىيەت - ئىقبالىنى بەلگىلەيدۇ ، قىلمىش - ئەتمىشلىرىگە يېتەكچىلىك قىلىدۇ . شۇڭا ،  كىم قەلىپ گۈزەللىكىگە ئىگە بولسا شۇ ئاق كۆڭۇل، ساپ نىيەت ، غورورلۇق ، ۋىجدانلىق ،ئار - نۇمۇسلۇق بولىدۇ . ئۇلارنىڭ بۇ گۈزەللىكىدىن جاھان ئىللىپ كېتىدۇ . ھالبۇكى ،
  سىرىتقى قىياپىتى گۈزەل بولۇپ ، ئىچكى دۇنياسى گۈزەل بولمىسا ، بۇنداق كىشىنى گۈزەل دەپ ئېيتىشقا بولمايدۇ . بۇنداق كىشىلەرنىڭ نىيتى قارا ،رەھىمسىز ، ۋەھشي ، رەزىل ۋە كىشىلەرگە يامانلىق قىلىشنىئ ئۆ زىگە  كەسىپ قىلىۋالىدۇ  . ئۇلارنىڭ تەسىرى بىلەن باشقىلار زىيانغا ئۇچىرايدۇ ، ئالەمنى قاراڭغۇلۇق باسىدۇ .شۇڭا گۈزەللىكلەر ئىچىدە قەلىپ گۈزەللىكى ھەممىدىن بەك مۇھىمدۇر.
      ئادەم  ئۆزىدە ياخشى خۇيلارنى قانچە كۆپ يېتىلدۇرسە ، گۈزەللىككە شۇنچە يېقىنلىشالايدۇ ، ئەكىسچە يامان خۇيلارنى قانچە كۆپ يۇقتۇرغانچە ، سەتلىك ، خۇنۇكلىككە  شۇنچە كۆپ يېقىنلىشىدۇ . شۇنىڭ ئۇچۇن ياخشى خۇي ، يېقىملىق ئاۋاز ، شىرىن تىل ساڭا ھەمراھ  بۇلۇشى ، باشقىلاردا ياخشى تەسىرات قوزغىيالايدىغان ئىقدىدار ۋە ساپا ھازىرلىنىش كېرەك . ئەنە شۇنداق بولغاندىلا ، ھەقىقىي
گۈزەللىك مەنزىلىگە يەتكىلى بولىدۇ .

                                                                    مەنبە : پەرزەنىت تەربىيلەش دەستۇرى