ئايال ۋە بېلىق(خەيزى)

yadikar

ئايال ۋە بېلىق

خەيزى

قۇچاقلىدىم ئايالنى مەھكەم
قۇچاقلىغاندەك سۇ بېلىقنى
مەن بىر ياقتىن سوزۇپ قولۇمنى
سىيلاۋاتىمەن يامغۇر تامچىسى
لەۋ ئۈستىدە ئېچىلغان گۈلنى

بېلىق ئېھتىمال بىر گاچا قىز
دەريا ئىچرە كەتكەن ئۇيقۇغا
دائىم شۇنداق كۆرەر چۈشىنى
كەتكىنىدەك ئۆزى يالغۇزلا

مەن تېخىچە كۆرۈپ باقمىغان
ئازاپتەكلا يېپيىڭى سۇنى
ئالقان بىلەن بېلىقنى تۇتۇپ
شۇڭغۇتماقتا ئىچىمگە ئۇنى

بىرلىشىدۇ سۇلار ئاقىۋەت
مەن ئايالىمنى سۆيگەندەكلا
يامغۇردىن كېيىن يوقۇلار ئىز
بىر-بىرىگە قوشۇلۇپ سۇلار

يوقتۇر ئايالنى چۈشەنگۈدەك زات
ئۇ سۇ ئاستىدا ياشىغان بېلىق
يا سۇ ئۈستىدە يۈرگەن بېلىق
سۇ ئاستى بەرىبىر ئايالدۇر ئېنىق

ئايرىلىپ كەتتى ئايال مېنىڭدىن
ئۆزى يالغۇز بىر قېيىقتا ئولتۇرۇپ
يۈرۈپ كەتتى قۇرۇقلۇقتا ئۇ
يانچۇقىغا لىق سۇ تولدۇرۇپ

قۇربانجان توختى ئازىق تەرجىمىسى
مەنبە:يېشىل ئارال مۇنبىرى