ساغلاملىق ھەققىدىكى 4 خىل خاتا قاراش

udun

ساغلاملىق ھەققىدىكى خاتا كۆز قاراشلار

1.ئاچ قورساق ھەرىكەت قىلىش بەدەن ساغلاملىقىغا زىيانلىق

كىشىلەر ھەر ۋاقىت ئاچ قورساق بەدەن چېنىقتۇرۇشنى ناھايىتى خەتەرلىك دەپ قارايدۇ. چۈنكى ئاچ قورساق ھەرىكەت قىلغاندا، بەدەندە ساقلىنىپ قالغان قەنت تەركىبى كۆپ مىقداردا خوراپ، قان قەنتىنىڭ تۆۋەنلىكىنى كەلتۈرۈپ چىقىرىدۇ، بەدەن ئورۇقلىتىشقا ماس كەلمەيدۇ دەپ قارايدۇ.
  ئەمەلىيەت: ئامېرىكا دالاسى ساغلام گۈزەللىك تەنھەرىكەت مەركىزىنىڭ تەتقىقاتىدا بايقىلىشىچە، ساغلام كىشىلەر تاماق يېيىشتىن 1-2 سائەت بۇرۇن (يەنى ئاچ قورساق) نورمال ھەرىكەت ئېلىپ بارسا، مەسىلەن بەلگىلەنگەن مىقداردا مېڭىش، ئۇسۇل ئويناش، ئاستا يۈگۈرەش، ۋېلىسپىت مىنىش قاتارلىق ھەرىكەتلەرنى قىلغاندا ئورۇقلاشقا پايدىسى بار ئىكەن. چۈنكى بۇ ۋاقىتتا بەدەندىكى ياغ ھۈجەيرىسىگە كىرىدىغان يېڭى ياغ كېسلاتاسى بولمىغاچقا، بار بولغان ياغلارنى پارچىلاش ئاسان بولۇپ، ئورۇقلاش ئۈنۈمى كۆرۈنەرلىك بولىدىكەن.

  2. ۋېتامىن C زۇكامنى داۋالايدۇ

  قاچاندىن بۇيانكى، ۋېتامىن C كىشىلەرنىڭ زۇكامنىڭ ئالدىنى ئالىدىغان بىر خىل كۈندىلىكى مەھسۇلاتى بولۇپ قالدى. شۇنداقلا ناھايىتى قارشى ئېلىنىدىغان «ھازىرقى زامان ئوزۇقلۇق مەھسۇلاتى» بولۇپمۇ قىش پەسلىدە نۇرغۇن كىشى بۇ ماددىنى تولۇقلايدۇ. كىشىلار ۋېتامىن C زۇكامنى ساقايتىدىغىنىغا بەكمۇ ئىشىنىدۇ.
  ئەمەلىيەت: ئاۋىستىرالىيە ۋە فىنلاندىيىنىڭ تەتقىقاتچىلىرى 55 تۈرلۈك يېڭى تەتقىقاتىدا ئىپادىلىنىشىچە، بۇ خىل كۆز قاراشنىڭ قەتئىي ئىلمىي ئاساسى يوق ئىكەن. كۈندە 2 گرام ۋېتامىن C ئىستىمال قىلساقمۇ، زۇكامنى داۋالاشتا ھېچقانداق ئۈنۈمى يوق ئىكەن. ئاز مىقداردا ۋېتامىن C ئىستىمال قىلىش زۇكام بولۇشنىڭ ۋاقتىنى قىسقارتىدىكەن. لېكىن بۇنىڭ ئۈنۈمى كىچىك بولغانلىقتىن ھېس قىلماق تەس بولىدىكەن. ئەڭ يېڭى تەتقىقاتتا بايقىلىشىچە، مەلۇم دورىلار بىلەن داۋالىنىۋاتقانلار مەسىلەن خىمىيىلىك دورا بىلەن داۋالىنىۋاتقان راك كېسەل بىمارلىرى، ئەگەر بىرلا ۋاقىتتا ۋېتامىن C نى ئىستىمال قىلسا، داۋالاشنىڭ ئۈنۈمىگە تەسىر يېتىدىكەن.

  3. بادام بەزنى كېسىۋېتىش ياللۇغلىنىشنىڭ ئالدىنى ئالىدۇ

  بۇرۇنقى كىشىلەر ئۈچۈن بادام بەزنى ئېلىۋېتىش ناھايىتى ئادەتتىكى ئىشلار ئىدى. چۈنكى كىشىلەر ئۇنى ئېلىۋەتكەندە قايتا قوزغىلىدىغان گەل ئاغرىق ۋە قۇلاق ياللۇغلىنىشنىڭ ئالدىنى ئالغىلى بولىدۇ دەپ قارايتتى.
  ئەمەلىيەت: لېكىن ھازىرغىچە بۇ خىل داۋالاشنىڭ كىشىنى قايىل قىلارلىق ئىلمىي ئاساسىي ئىسپاتلانمىدى. شۇنىڭ ئۈچۈن بۇ خىل ئەھۋالغا يولۇققاندا دىققەت قىلىش كېرەك.

4. كۆپ تالالىق يېمەكلىك ئۈچەي راكىنىڭ ئالدىنى ئالىدۇ

  نۇرغۇن «مۇتەخەسسىسلەر» نىڭ قارىشىچە كۆپ تالالىق يېمەكلىك ئۈچەي راكىنىڭ ئالدىنى ئالىدىكەن. ئۇلارنىڭ ئاساسلىق ئىسپاتى بولسا، ئافرىقىلىقلارنىڭ ئۈچەي راك بولۇشى ناھايىتى ئاز بولۇپ، بۇنىڭ سەۋەبى ئۇلار داۋاملىق كۆپ تالالىق يېمەكلىك يەيدىكەن.
  ئەمەلىيەت: لېكىن ھازىرغا قەدەر ھەرقايسى دۆلەتلەرنىڭ داڭلىق ئالىملىرى كۆپ تالالىق يېمەكلىكلەرنىڭ ئۈچەي راكىنىڭ ئالدىنى ئالىدىغانلىقىغا ئىسپات تاپالمىدى.