مۇنبەر ئەزالىرىغا چاخچاق

arkan

مۇنبەر ئەزالىرىغا چاقچاق

ئەركان

  تورداشلارنىڭ پەخىرىدۇر «گۇما دىيارى مۇنبىرى»،
باش بولغاچقا يادىكار ئۆكسۈمەيدۇ گۈللىرى.

سەرخىللىققا يۈزلەندى مۇنبەردىكى تېمىلار،
مۇنبەر كۈلۈپ باقىدۇ خۇشخۇي ئۇستاز بولسىلا.

«ۋاي ئىسىت» دەپ ئاھ ئۇرۇپ پەريات چېكەر  تۈرۈكزات،
ئانچە-مۇنچە كۆرۈنۈپ تۇتۇق بەرمەس ئەركزات.

بەگتۈركنىڭ خىيالى «قۇم شەھەر»نىڭ كويىدا،
ئۇسۇل ئوينار مەشرەپجان كۇھىتامنىڭ تويىدا.

قاردا «قارلىق» تاشلاپتۇ تەبەسسۈمخان يارىغا،
كىرىپ قاپتۇ غ.قابىز مۇشائىرە غارىغا.

تۈڭلۈك ئىزدەپ چۈشىگە خوجا نەگە باراكىن؟،
ئىنكاسىغا شەھلانىڭ مامۇت قانداق قاراركىن؟

«دىل بايان» دەپ ھېكىمى شۇم نىيەتكە ئۈزدى ئوق،
قىلچە شەپقەت كۈتمىدى بولغاچ ئۇنىڭ  كوڭلى توق.

          ئابلەت ئەخمەت كەم دىدار،بىھۇشمىكىن «پىراق»تىن،
ئاراقۇمى «ۋاسالغۇ» سۇنار بىزگە يېراقتىن.

شەمشادىغا ياراشتى مۇكاپاتنىڭ زۇننارى ،
ئەھەدىنىڭ گۈللىرى بولدى دىلنىڭ خۇمارى.

تۇيغۇن بىلەن يانغىنمۇ نائىل بولدى شەرەپكە،
دىلقىزىمۇ يول ئالدى چاۋاك چالغان تەرەپكە.

رىغبەتلىنىپ ئامىنە شۇئان كەلدى كۈلگۈسى،
ئەمدى چۈشسە بەيگىگە ئەلنى ھەيران قىلغۇسى.

ئەسەر كۈتۈپ سامپۇلدىن ئېڭەك چۈشۈپ قالارمۇ؟
نۇرگۈل، ئايتۇغ، كۆك بۆرە بىزنى ئەسكە ئالارمۇ؟

نە سەۋەپكىن بۇغراخان ياڭراتمايدۇ گۈلدۈراس؟
ماششىنىغا ئالدىراپ قايتتىمىكىن قەدىناس ؟

ھەپتە بولدى مۇنبەردە كۆرۈنمەس ھىچ سەھەرمۇ؟
شىپايىنىڭ   قولىدا مەلھەم ئېدى زەھەرمۇ.

يېڭى خەۋەر يەتكۈزدى شەيدايىنىڭ ئۇچۇرى،
ياراملىقكەن يارىماس،يوقكەن ئېۋەن- قۇسۇرى.

ئىزدەپ بارساق ئاقتاشنى قايسى تاغدىن تاپارمىز ،
«شەمشى،كۆكيار قېنى»دەپ نەلەرگىچە چاپارمىز؟

ئەل قىزى نىڭ ئاۋازى ئەجەپ  تاتلىق زوق بەردى ،
پەرىدە نىڭ ئىنكاسى كۆڭۈللەرگە گۈل تەردى.

قوشتاغ، قارا، مىرزىبەگ دەرتكە داۋا ئەپ كەلدى،
يانچۇقىغا مەشرەپمۇ تاتلىق كەمپۈت سەپ كەلدى.

«ئايرىلىش»تىن شەپە يوق نەگە كەتتى شەھرىزات.
سەزگۈر، دېخان، مىر قېنى ، دېگەنمىدۇ پەندىيات؟

مۇھاجىرنى كۆرمىدۇق ئۇچۇرىنى بېرىڭلار،
تاپالماپتۇ بادام گۈل  قايتا باشلاپ كېلىڭلار.

2013.1.27

مەنبەسى: ئۆز قەلىمىم

شەھلا

ۋۇجججججججججججججججججججۇن ھەمىمىز باكەنمىز-ھە!

قارا

مەنمۇ باكەنمەنيا ئەينا

دىلقىزى

مۇنبەر ئۈچۈن گۈل تەرگەن،
بىزگە ئېلھام كۈچ بەرگەن،
شېرىيەت بابىدامەرگەن،
ئەركان ئىكەن ئەسلىدە...

دىلقىزى

مۇنبەر ئۈچۈن گۈل تەرگەن،
بىزگە ئېلھام كۈچ بەرگەن،
شېرىيەت بابىدامەرگەن،
ئەركان ئىكەن ئەسلىدە...

شىپايى

كۆرۆنمىسە سەھەرخان ھەپتە ھەپتە ھەپتىلەپ،
مەلھەم بىرىپ ئەكىرمەن ئاستا ئاستا پەپىلەپ.

زەھەر سۇنماق خائىنلىق ئۆز دوستىغا،ئىلىگە،
ساپ دىل بىلەن ياسالغان ئۇشبۇ مەلھەم خەلقىمگە.

قۇياش چىللاپ سەھەرخان تاڭ سەھەردە كىلىدۇ،
ھەر كۈنى بار سەھەرخان سەھەر تۇرغان بىلىدۇ.

يوقاپ كەتتى دىمەڭلار سەھەرخاننى ئالدىراپ،
تاڭلا ئەتە كىلىدۇ گىرىم قىلىپ پاقىراپ.

ئەسسالام دەپ ئالدىغا چىققايسىزلەر سەھەردە،
سەھەرخاننى نا ئۆمىد قويمىغايسىزلەر سەپەردە.

HOJAKABIZ

ئەركان باشلاپ چاخچاقنى مۇنبەرگە ئوت يېقىپتۇ،
چىن كۆڭلىدىن تۇتقان چاي،ئەدىپلەرگە يېقىپتۇ.
نۆۋىتىدە مىسراغا،تىزغاندەك بىز سەھەرنى،
ئۇنتۇمايلى شائىرە-ئاقسۇدىكى گۆھەرنى.
ئاينى كۆرۈپ ئاسماندا،ئەسلەپ قالدىم يۇلتۇزنى،
سۆزى تىرەن كۆڭلى تۈز،قېشى قارا-قۇندۇزنى.
«ئەپەندى»دىن دىرەك يوق،يوقاپ كەتتى تاھىرمۇ،
قۇدۇقتىكى پاقىدەك،مۈكىۋالدى ئامىرمۇ.
مېھرىباننىڭ گۈل قولى مۇنبەرنى زەپ بېزىگەن،
تاۋۇز تاللاش ئىلمىنى خالىسبايدىن ئىزدىگەن.
تىزىپ كەلسەك دوستلارنىڭ تۆھپىسىگە سۆز يەتمەس،
سۈيى سۈزۈك ئېقىننىڭ پايانىغا كۆز يەتمەس.
خاتىمىسى نەزمەمنىڭ سالام بولسۇن ئەركانغا،
ئەجرىمىزدىن دىيارنى پۈركەيلى بىز زەركانغا!

تۈركزات

خوجا قابىز ئۇستازنىڭ تولۇقلىشى بىلەن تېخىمۇ مۇكەممەللىككە ئېگە بوپتۇ.

mehman

بەك ياخشى چىققان چاخچاقلاركەن،ئىلھامىڭلار زىيادە بولسۇن!

سەھەر

شىپايى يوللىغان ۋاقتى  2013-1-27 22:24
كۆرۆنمىسە سەھەرجان ھەپتە ھەپتە ھەپتىلەپ،
مەلھەم بىرىپ ...

مەن سەھەرخان، سەھەرجان ئەمەس.