EYNEK BLOG

Google özining jahannamisi《Chrome》ni chüshürüsh xewirini jakarlanghandin kéyin, shehermu-sheher yézimu-yézilarda ghul-ghullar kötürülüp ketti. Menmu küchlük hewisimini basalmay shuning chiqishini saqlap olturdum. Chrome chiqishi bilenla derhal ornutup ishlitip baqtim. Google Chrome ni bu yerdin chüshüwéling: Bésing

Birer sa'et ishletkendin kéyin töwendikidek xulasilerni chiqardim. Aldi bilen artuqchiliqidin bashlay:

1. Yumshaq détalni ortatqanda yaxshi yéri, sizdin FireFox diki sanliq melumatlarni yötkélip ekiremsiz dep soraydiken. Bu birinchi qedem manga bek yaqti :). Bu yene bir jehettin IE8 ni sirtqa qaqqanliq dep qaraymen, yaxshi qiptu :)!
2. Chrome ning qozghulush sür'iti xélila téz iken, nime digini bilen FireFox gha oxshash undaq jiq qisturma détallar yoq.
3. Chrome ning körünishi addi, chong süpet hem rahet. Xetchük betliri(标签页) sirtida, qural tallanmilirinimu yéyiwetmigen. Köprek ishlitidighan adristlarni adrist ramkisi astigha saqlighili bolidu. Bularni töwenki resimdin köriwiling:

4. Tor bet échilish sür'iti intayin téz! Bu bir jahannamige nisbeten muhim alahidilik.
5. Quruq betni achsingiz, sizning eng köp ishletken adristlarni tézip bergen.
6. Elwette üstidikilerdin bashqa yene köp artuqchiliqi bar, men asasliqlirini aldim.

Emdi manga yaqmighan yérini körsitey:

1. Hejimi chongraq bolup qaldi, ornutup bolghandin kéyin qarisam 60M din éship kétiptu.
2. Chrome xizmet waqtida 任务管理器 ning ichide köpligen shuning tizimliki bar. Qoshup kelgende xélila ichki saqlighuchqa bésim bop qalghudek.

3. Hazirche FireFox gha oxshash qisturma détal qoshush arqiliq özige mas nersilerni ishletkiki bolmaydiken. Mesilen FireFox da Adclock Plus ishlitish arqiliq tor bettiki kéreksiz resim we élanlarni yoqatqili bolidu, töwendiki resimge qarang, Bilik munbirining kéreksiz logosini we élanini yoqitiwetken idim, bundaq qilish arqiliq tor bet échish ünümini östürgili bolidu(töwenki resimni körüng). Google Chorome dahazirche bundaq qisturmilarni ishletkili bolmaydiken.

Eng axirda deydighinim, Google Chrome ge 70 numur béreleymen. Uning téximu mukemmel bolushini ümid qilimen! Hazirche FireFox yenila méning asasliq jahannamemdur. 

Google Blog 9-ayning 1-küni ularning intérnét jahannamisi mushu pat-arida élan qilmaqchiliqini jakarlidi. Bu yerni chékip ularning 38 betlik resimlik karton élanini körüwéling.  

Google Chrome töwendikidek alahidikke ige:

1. Google Chrome, Google ning 《open source browser project》, yeni uchuq kodluq jahanname pilani. Safari ge oxshash Webkit uchuq kodluq matorini qollanghan.
2. Jahannamining ichige V8 ning Javascript matori ortatqan, Javascript yürgüzdighangha yaxshi hem téz. 
3. Omnibox iqitidari bar, addi qilip éytqanda jahannamining adrist urush yéride teshebbus qilish iqtidarini körsitidu.
4. Opera ge oxshash Speed Dial téz xetchük échish yéri bar imish.
5. Uning échilghan tor betliri Firefox gha oxshash jahannamining ichide bolmay, sirtida bolidu. Buni resimlik kartonni körsingiz bilisiz.
6. IE8 InPrivate ning incognito namsiz torgha chiqish iqtidari bar.
7. Nachar we xeterlik tor betlerni qara tizimlikke tizip, bixeterlikni yuquri kötürgen.

Qarighanda xéli köp jahannamilarning alahidilikini öz ichige élip quruptu. Qarap baqmamduq, qandaqraq chiqarkin :) !

Yéqingdin buyan jahannamilarning riqabiti dehshet bolup ketti. Firefox3 ning resmi nusxisimu chiqti mana, Opera 9.50 chiqti. Lifehacker yéqinda 4 xil jahannamilerge sinaq élip bardi, ular Firefox 3 RC3, Opera 9.50, Safari 3.1.1 we IE 7.0.6. Sinaq netijisige qarighanda Safari 3.1.1 ning netijisi bir qeder yaxshi bolup chiqti. Lékin mushu arqiliqla Safari ni eng yaxshi dep ketkili bolmaydu. Shundaq, Safari heqiqeten tor béketlirini achidighangha tézraq, emma Firefox bilen Opera larning özige chüshluq artuqchiliqi Safari da yoq. Manga nisbaten yenila Firefox eng epchil, özemning ehwelimgha asasen qisturma détallarni qoshalaymen, tor bet échish sür'itimu tézrek, yalghandin ölüwélish ehwali intayin az. IE ghu eng nachiri boluliwerdi, buninggha artuq gep yoq. Töwende sinaq tepsilatlirini uqturay:

Sinaq élip barghan kompiyotér Windows Vista Home Premium (32) meshghulat séstimisi, 2GHz Intel Core 2 Duo, 2GB ichki saqlighuch.

1. Qozghutush sür'et
Ikki xil qozghutush élip bérildi, birsi "Soghuq qozghutush", yene birsi "Issiq qozghutush". "Soghuq qozghutush" diginimiz kompiyotér yéngi qozghulup, jahannamini yéngidin échish. "Issiq qozghutush" jahannamini aldida bir échilip baqqandin kéyin keynidin yene bir échishtur. Bash bet Google qilip békitilgen. Töwendiki resimde ularning qoghutush üchün ketken waqit di'agrammisi:

2. Tor bet échish sür'iti
Töwendiki birinchi resim tallanghan 8 tor betler, ikkinchi resim shu tor betlerni échish üchün ketken waqit di'agrammisi, netijide Safari eng téz bolup chiqti:

3. JavaScript bilen CSS
Bu sinaqta http://celtickane.com/webdesign/jsspeed2007.php bilen  http://www.howtocreate.co.uk/csstest.html ikkisini élip sinaq qilindi. Yene Safari eng téz bolup chiqti:

4. Ichki saqlighuchni ishlitish ehwali:
Töwendiki di'agrammidiki kök reng qisim qozghatqan chighidiki ichki saqlighuchni ishletken miqtadi. Qézil reng qisimi bolsa 8 tor bet échighandin kéyinki ichki saqlighuchni ishletken miqtari. Gerche IE ning ishletken miqtari eng az bolsimu, lékin 8 tor betni échilghandin kéyinki alghan ichki saqlighuch boshluqi eng chong. Firefox ning bu jehette intayin yaxshi bolup chiqti, emma hemmimiz bilimizki Firefox uzun muddet öchürmey ishletse ichki saqlighuchning bésimi yuqurlaydu.

Bu qétimqi sinaqning chimpiyoni Safari bolup chiqti. Tordashlarning inkasigha qarighanda bir qisim kishiler bu sinaqqa anche qol quyup kételmigen, sinaqning özi anche mukemmel emes dep pikir qilghan.  

Sleipnir yapunluqlarning ijadiyiti, köpligen bahalinishlarda A+ derijilik netijilerge érishken, u yapunluqlarning neziriyiside eng yaxshi jahanname bolup hésaplinidu. Bir hepte ishlitip baqtim, bekla amraq bolup qaldim, adette FireFox ni köprek ishlitimen, uningdin sirt Maxthon ni qoshumche qilip ishlitettim, hazir Maxthon ni tashliwitip Sleipnir ni qoshumche qilishqa békittim.

Sleipnir ikki xil matorda yüreleydu, birsi hemmimiz bilidighan IE matori, yene birsi Gerok matori. U ikkisini herwaq almashturghili bolidu, bundaq fonkisiyesi FireFox ning IE Tab qisturmisining roligha oxshap qalidiken. Sleipnir hem uchuq kodluq yumshaq détal, uni yaxshi köridighanlar öz rayigha asasen özgertse bolidu, xalisingiz uyghurchilashturup qoysingizmu bolidu, méning peqet buninggha waqtim chiqmidi :) ! 

Sleipnir ning artuqchiliqi, qozghilish téz, ichki saqlanmini(内存) yepketmeydu, Gerok matori bilen yürgüzsingiz tor bet échilish sür'iti FireFox bilen qilishmeydu, sirtqi körünyshni almashturghili bolidu, bixeterliki yoqiri, uchuq kod(开放源码), yene bir alahide fonkisiyesi shuki, tor bétige kérip USB nusxisini USB ringizge saqliwalsingiz, meyli qaysi kompiyoér bolsun herwaq bexiraman özingizning jahannamingizni ishlitiyeleysiz. Kemchili bolsa, qisturma détalliri azraq, yuqiri derijilik jahanname bolghachqa adettiki ammining ishlitishige belkim tesrek kélishi momkin, uni wayigha yetküzüp ishlitish üchün jiq nersilerni özingiz tengshisingizge toghra kélidu.

Sleipnir tor béti: http://www.fenrir.co.jp/en/sleipnir/