EYNEK BLOG

Shundaq, qérip qalghinimgha baqmay karton filim körimen ;-P . GUNDAM méning bir qeder yaxshi köridighan filimlerning birsi. Yéqinqi zaman ishlen'gen GUNDAM filimliri chonglargha layiq, chünki uning ichige chongqur bolghan siyasi qaranghuluqini hékaye qilip ishligen, Shuning bilen teng, filimning qanliq körünishi köprek. Bu yerde GUNDAM ni uqmaydighan dostlargha addi chüshenche bérey.

GUNDAM, kélechektiki iqtidari tuluq bolghan, hujumi küchlük bolghan chong tiptiki mashina ademdur. Uni kontérol qilghuchi, yeni GUNDAM ning ichide olturup ularni heydeydighan ademlermu adettiki ademlerdin emes, inkasi téz, her qaysi jehettiki iqtidari yuquri bolush kérek. GUNDAM toghurluq karton filimler nurghun, herbir GUNDAM filimining hékayiliri öz'ara munasiwetsiz bolidu, oxshimighan tiptiki GUNDAM bolidu, ichidiki pirsunazhlarmu oxshimaydu. GUNDAM hékayiliri asasi jehettin shularni heydeydighan yashlarning kechürmishlirini sözlen'gen, ularning adilliq, dostluq, muhebbet we siyasi özgirishlerge bolghan köz qarashliri yézilghan. Men eng yaxshi köridighan GUNDAM hékayiliridin 08MS Etriti, Seed we 00.

Hazir GUNDAM 00 ni körüp 14-qisimige keldim. Bu qisimda tuyuqsiz bir yerde 《Teklimakan》tilgha élinidu. Filim toghurluq jiq sözligim yoq, 00 intayin nadir ishlengen, özingiz körüwéling. BT arqiliq chüshersingizmu bolidu, yaki manga oxshash PPStream ning 点播 ichidin tapsingizmu bolidu. Körsingiz armanda qalmaysiz, mezmuni heqiqeten chongqur, men bek amraq bolup qaldim!