تۈركىيە بىخەتەرلىك قىسىملىرى 9 نەپەر كۇرد قوراللىق ئۇنسۇرىنى

مەلىكەم

شىنخۇا تورىنىڭ 9-فېۋرال خەۋىرى: تۈركىيەنىڭ شەرقىي قىسىمىدىكى بىنگول ۋىلايىتى ھۆكۈمىتى 2-ئاينىڭ 9-كۈنى بايانات ئېلان قىلىپ، تۈركىيە بىخەتەرلىك قىسىملىرىنىڭ 9-فېۋال مەزكۇر ۋىلايەتتە كۇردىستان ئىشچىلار پارتىيىسىنىڭ 9 نەپەر قوراللىق خادىمىنى ئېتىپ تاشلىغانلىقىنى ئېيتقان.

باياناتتا دېيىلىشىچە، تۈركىيە ئارمىيىسى ئۇچۇرغا ئېرىشكەندىن كېيىن، 2-ئاينىڭ 9-كۈنى سەھەردە بىنگول ۋىلايىتىدىكى بىر ئۆينى قورشىۋالغان، 9 نەپەر كۇردىستان ئىشچىلار پارتىيىسى قوراللىق خادىمى ئېتىپ تاشلانغان، 3 ئادەم قولغا ئېلىنغان. تۈركىيە بىخەتەرلىك قىسىملىرى يەنە نۇرغۇن قورال-ياراغ ۋە ئوق-دورىلارنى قولغا چۈشۈرگەن.

تۈركىيەنىڭ شەرقىي جەنۇبىدىكى ھاككارى ۋىلايىتىنىڭ باشلىقى تۈركەل 2-ئاينىڭ 9-كۈنى ئاخباراتلارغا دېيىشىچە، بىر توپ كۇردىستان ئىشچىلار پارتىيىسى قوراللىق خادىملىرى 9-فېۋرال سەھەردە ھاككارى ۋىلايىتىدىكى بىر بىخەتەرلىك قىسىملىرى قاراۋۇلخانىسىغا تۇيۇقسىز ھۇجۇم قىلغان، تۈركىيەنىڭ بىر ئەسكىرى قازا قىلغان، 6 ئەسكىرى يارىدار بولغان. تۈركىيە بىخەتەرلىك قىسىملىرى دەرھال قايتۇرما ھۇجۇم قىلغان، ئىككى تەرەپ بىر يېرىم سائەت ئېتىشقان، 4 نەپەر كۇردىستان ئىشچىلار پارتىيىسى قوراللىق خادىمى ئېتىپ تاشلانغان، باشقىلار قېچىپ كەتكەن.

(نەپرەت)