ﺩﺍﯞﺍﻣﻰ ........ ﺋﯘﭘﯘﻗﻘﺎ ﺗﯘﺗﺎﺷﻘﺎﻥ ﻳﻮﻝ ( ﺋﻪﺳﻠﯩﻨﻰ ﺋﯘﻧﺘﯩﻐﺎﻥ ﺯﯨﻤﯩﻦ )
ﻛﯚﯕﻠﯜﻡ ﮔﯜﺯﻩﻟﻠﯩﻜﻜﻪ ﻗﺎﻧﺎﻟﻤﺎﻱ ﻗﺎﺗﺘﯩﻖ ﭼﺎﯕﻘﯩﻐﺎﻥ ، ﺋﯩﺰﺗﯩﺮﺍﭖ ﺋﯩﭽﯩﺪﻩ ﺋﯧﭽﯩﺮﻗﯩﻐﺎﻥ ﮬﺎﻟﺪﺍ ﺋﯘﭘﯘﻗﻘﺎ ﺗﯘﺗﺎﺷﻘﺎﻥ ﺑﯩﺮ ﻛﯩﭽﯩﻚ ﭼﯩﻐﯩﺮ ﻳﻮﻟﺪﺍ ﻛﯧﺘﯩﯟﺍﺗﯩﻤﻪﻥ ................
ﺑﯘﻟﯘﺗﻼﺭ ﺋﺎﺭﯨﺴﯩﺪﯨﻦ ﻣﺎﺭﻻﯞﺍﺗﻘﺎﻥ ﺋﺎﻱ ﻣﺎﯕﺎ ﻗﺎﺭﺍﭖ ﺋﯩﯩﻠﻠﯩﻖ ﻛﯜﻟﯜﻣﺴﯩﺮﯨﻤﻪﻛﺘﻪ . ﻟﯩﻜﯩﻦ ﺋﯘﻧﯩﯔ ﻛﯚﺯﻟﯩﺮﯨﺪﯨﻦ ﻳﯩﻨﯩﯟﺍﺗﻘﯩﻨﻰ ﺋﺎﺯﺍﭘﻨﯩﯔ ﻏﻪﺯﻩﭘﻠﯩﻚ ﺋﯘﭼﻘﯘﻧﻰ ، ﺋﺎﺭﺗﯩﯟﺍﻟﻐﯩﻨﻰ ﮬﯧﺠﯩﺮﺍﻧﻨﯩﯔ ﺳﯩﺮﻟﯩﻖ ﺭﻭﻣﺎﻟﻰ ﺋﯩﺪﻯ . ﺋﯘ ﺋﯚﺯﯨﮕﻪ ﺋﯚﺗﻤﯜﺷﻨﯩﯔ ﺗﺎﻻﻱ ﺳﯩﺮﻟﯩﺮﯨﻨﻰ ﻣﯘﺟﻪﺳﺴﻪﻣﻠﯩﮕﻪﻥ ، ﺋﯘﻧﯩﯔ ﻛﯚﮔﯜﻝ ﺳﯩﺮﻟﯩﺮﯨﺪﯨﻦ ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﻛﯜﺗﯜﭘﺨﺎﻧﺎ ﻛﯩﺘﺎﺑﻘﺎ ﻟﯩﻖ ﺗﻮﻟﯩﺪﯗ . ﻛﯚﺯ - ﻳﺎﺷﻠﯩﺮﯨﺪﯨﻦ ﺗﺎﺭﯨﻤﻨﯩﯔ ﻗﺎﻏﺠﯩﺮﯨﻐﺎﻥ ﻗﯩﺮﻏﺎﻗﻠﯩﺮﯨﻐﺎ ﻣﻪﯞﯨﺞ ﺋﯘﺭﯗﭖ ﺋﯚﺭﻛﻪﺷﻜﻪ ﺗﻮﻟﯩﺪﯗ . ﮬﻪﺭﺑﯩﺮ ﺑﯧﺘﻰ ﻗﺎﻥ - ﻳﺎﺷﻘﺎ ﺗﻮﻟﻐﺎﻥ ﺗﺎﺭﯨﺨﻨﯩﯔ ﺷﺎﮬﯩﺪﻯ ﭘﻪﻗﻪﺕ ، ﭘﻪﻗﻪﺗﻼ ﺋﺎﺳﻤﺎﻧﺪﺍ ، ﺋﯘ ﮬﺎﺯﯨﺮﭼﻪ ﺋﯜﻥ - ﺗﯩﻨﺴﯩﺰ ، ﻟﯩﻜﯩﻦ ﺳﺎﯕﺎ ﮬﺎﻣﺎﻥ ﺑﯩﺮ ﻛﯜﻧﻰ ﺗﯩﻞ ﭼﯩﻘﯩﺪﯨﻐﯩﻨﯩﻐﺎ ﺋﯩﺸﯩﻨﯩﻤﻪﻥ ..........
ﺧﯩﻴﺎﻟﻠﯩﺮﯨﻢ ﺗﻮﺯﻏﺎﻗﺘﻪﻙ ﭼﯧﭽﯩﻠﻤﺎﻗﺘﺎ . ﺋﺎﺯﻏﯘﻥ ﻧﯘﺭﻻﺭ ﻣﯩﻨﻰ ﺋﺎﺯﺩﯗﺭﯗﺷﻘﺎ ﺗﻪﻣﺸﻪﻟﻤﻪﻛﺘﻪ ...... ﺑﯜﮔﯜﻥ ﯞﺍﻗﯩﺖ ﺩﯗﻟﺪﯗﻟﯩﻐﺎ ﻳﻪﻧﻪ ﺑﯩﺮ ﺟﯜﭖ ﻗﺎﻧﺎﺕ ﭼﯩﻘﻘﺎﻧﺪﻯ . ﻛﯚﺯﻧﻰ ﻳﯘﻣﯘﭖ ﺋﺎﭼﻘﯘﭼﻪ ﺗﺎﯕﻤﯘ ﺋﺎﺗﺘﻰ . ﻳﯘﻟﺘﯘﺯﻻﺭ ﺑﯘﻏﭽﯩﺴﯩﻨﻰ ﺋﯧﺴﯩﭗ ﺑﯩﺮ - ﺑﯩﺮﺩﯨﻦ ﻣﻪﻛﺘﻪﭘﻜﻪ ﭼﺎﭘﻤﺎﻗﺘﺎ . ﺋﺎﻳﻤﯘ ﺋﯜﻥ - ﺗﯩﻨﺴﯩﺰ ﺋﯚﺯ ﮬﻮﺟﯩﺮﺳﯩﻐﺎ ﻗﺎﻳﯩﺘﺘﻰ .....
- ﺋﺎﻛﺎ ، ﻗﺎﺭﺍ ﺋﺎﻟﺪﯨﻤﯩﺰﺩﺍ ﺑﯩﺮ ﺷﻪﮬﻪﺭ ﺑﺎﺭ ﺋﯩﻜﻪﻥ .
ﺋﯩﻨﯩﻤﻨﯩﯔ ﮔﯧﭙﻰ ﺑﯩﻠﻪﻥ ﺧﯩﻴﺎﻝ ﻛﻪﭘﺘﯩﺮﯨﻢ ﺟﯩﺴﻤﯩﻤﻐﺎ ﺋﯘﭼﯘﭖ ﻛﯩﺮﺩﻯ . ﻳﯩﺮﺍﻗﺘﺎ ﺑﯩﺮ ﺷﻪﮬﻪﺭ ﻗﻪﺩ ﻛﯚﺗﯜﺭﯛﭖ ﺗﯘﺭﺍﺗﺘﻰ . ﺷﻪﮬﻪﺭ ﺋﻪﺗﯩﺮﺍﭘﯩﻨﻰ ﺋﺎﻳﻠﯩﻨﯩﯟﺍﺗﻘﺎﻥ ﻛﯚﺯﻧﻰ ﺋﻪﺳﻨﯩﺘﯩﺪﯨﻐﺎﻥ ﺗﯘﻣﺎﻧﻼﺭ ﺑﯘ ﺷﻪﮬﻪﺭﮔﻪ ﺋﺎﺟﺎﻳﯩﭗ ﺳﯩﻠﯩﻖ ﺗﯜﺱ ﺋﺎﺗﺎ ﻗﯩﻠﻐﺎﻧﺪﻯ . ﻛﯜﻥ ﭼﯩﻘﯩﺸﻰ ﺑﯩﻠﻪﻥ ﺗﻪﯓ ﺑﯘ " ﺟﻪﻟﯩﭙﻜﺎﺭ " ﺷﻪﮬﻪﺭ ﻗﻮﯞﯗﻗﯩﻐﺎ ﻳﯩﺘﯩﭗ ﻛﻪﻟﺪﯗﻕ . ﺷﻪﮬﻪﺭ ﺳﯧﭙﯩﻠﯩﻐﺎ ( ﺑﯧﻐﻪﻣﻠﻪﺭ ﺷﻪﮬﯩﺮﻯ 2995 - ﻳﻠﻰ 2 - ﺋﺎﻳﻨﯩﯔ 27 - ﻛﯜﻧﻰ ) ﺩﻩﭖ ﻳﯩﺰﯨﻠﻐﺎﻥ ﺋﯩﺪﻯ . ﺗﻪﺋﻪﺟﺠﯜﭘﻠﻪﻧﺪﯨﻢ . ﻛﯩﺮﻩﻳﻤﯘ ؟ ، ﻛﯩﺮﻣﻪﻳﻤﯘ ؟ ﺋﺎﻟﺪﯨﻤﺪﺍ ﺑﯩﺮ - ﺑﯩﺮﮔﻪ ﺯﯨﺖ ﺋﯩﻜﻜﻰ ﺗﺎﻟﻼﺵ ﮬﻪﻳﻴﺎﺭﻻﺭﭼﻪ ﺗﯘﺭﺍﺗﺘﻰ . ﺋﯩﻜﻜﯩﻠﯩﻨﯩﭗ ﻗﺎﻟﺪﯨﻢ . ﻟﯩﻜﯩﻦ ﺷﻪﮬﻪﺭﻧﻰ ﻛﯚﺭﯛﭖ ﺑﯧﻘﯩﺶ ﺋﯩﺴﺘﯩﻜﻰ ﻣﯩﻨﻰ ﻛﯜﺷﻜﯜﺭﯛﺗﻤﻪﻛﺘﻪ ﺋﯩﺪﻯ . ﺷﻪﮬﻪﺭﮔﻪ ﻗﻪﺩﻩﻡ ﺋﺎﻟﺪﯨﻢ . ﺑﺎﻳﺎﻣﻘﻰ ﭘﺎﺭﻻﭖ ﺗﯘﺭﻏﺎﻥ ﻗﯘﻳﺎﺵ ﻧﻪﻟﻪﺭﮔﯩﻐﯘ ﻳﯜﺗﻜﻪﻥ ﺋﯩﺪﻯ . ﻛﯚﺯﻟﯩﺮﯨﻤﮕﻪ ﺋﯩﺸﻪﻧﻤﻪﻳﻼ ﻗﺎﻟﺪﯨﻢ ، ﻳﯩﺮﯨﻢ ﺑﻪﺭﻩﮬﻨﻪ ﮬﺎﻟﻪﺗﺘﻪ ﻛﯚﺯﻟﯩﺮﻯ ﺧﯘﻣﺎﺭﻻﺷﻘﺎﻥ ﺋﺎﺩﻩﻣﻠﻪﺭ ، ﺗﯘﯓ - ﺗﯘﯕﻼﺭﻏﺎ ﺗﯩﺰﯨﯟﻩﺗﻜﻪﻥ ، ﺗﻮﺧﺘﯩﻤﺎﻱ ﺗﻮﺷﯩﻠﯩﯟﺍﺗﻘﺎﻥ ﺷﺎﺭﺍﺑﻼﺭ ، ﺋﯚﻱ- ﺋﯚﻳﻠﻪﺭﺩﯨﻦ ﭼﯩﻘﯩﯟﺍﺗﻘﺎﻥ ﺷﻪﻳﺘﺎﻧﻨﯩﯔ ﺋﺎﺯﻏﯘﻥ ﻛﯜﻟﻜﯩﻠﯩﺮﻯ ، ﺷﻪﮬﻪﺭ ﺋﺎﺳﻤﯩﻨﯩﺪﺍ ﻟﻪﻳﻠﻪﭖ ﻳﯜﺭﮔﻪﻥ ﺋﺎﺩﻩﻣﻨﻰ ﻛﻪﻳﯩﭗ ﻗﯩﻠﻐﯘﺩﻩﻙ ﺗﯘﻣﺎﻧﻼﺭ .............. ﺑﯘ ﻣﻪﻥ ﺑﯩﻠﯩﺪﯨﻐﺎﻥ ( ﺑﯧﻐﻪﻣﻠﻪﺭ ﺷﻪﮬﯩﺮﻯ ) ﺋﻪﻣﻪﺱ ﺋﯩﺪﻯ . ﺋﺎﻟﺪﯨﻤﺪﯨﻦ ﻳﯜﮔﯜﺭﯛﭖ ﺋﯚﺗﯜﭖ ﻛﯧﺘﯩﯟﺍﺗﻘﺎﻥ ﺑﯩﺮ ﻛﯩﭽﯩﻚ ﺑﺎﻟﯩﻨﻰ ﺗﯘﺗﯩﯟﯨﻠﯩﭗ ﺳﻮﺭﯨﺪﯨﻢ :
- ﺋﯘﻛﺎﻡ ، ﺑﯘ ﺷﻪﮬﻪﺭﻧﯩﯔ ﮬﻪﻗﯩﻘﻰ ﺋﯩﺴﻤﻰ ﻧﯩﻤﻪ ؟
ﺋﯘ ﺑﺎﻻ ﺋﯜﭺ - ﺗﯚﺕ ﺧﯩﻞ ﺗﯩﻠﻨﻰ ﺋﺎﺭﻻﺷﺘﯘﺭﯗﭖ ﺳﯚﺯﻟﻪﯞﺍﺗﺎﺗﺘﻰ . ﺗﺎﺯﺍ ﭼﯜﺷﯩﻨﻪﻟﻤﻪﻱ ﻗﺎﻳﺘﺎ ﺳﻮﺭﯨﺪﯨﻢ . ﺋﯘﻣﯘ ﻣﻪﻗﺴﯩﺪﯨﻨﻰ ﭼﯜﺷﻪﻧﺪﯛﺭﯛﺷﻜﻪ ﺋﺎﻣﺎﻟﺴﯩﺰ ﻗﯧﻠﯩﭗ ﻳﯩﮕﯩﺮﻣﻪ ﻗﻪﺩﻩﻡ ﻳﯩﺮﺍﻗﺘﯩﻜﻰ ﻳﺎﻏﺎﭺ ﺋﻮﺭﯗﻧﺪﯗﻗﺘﺎ ﺋﻮﻟﺘﯘﺭﻏﺎﻥ ﺑﯩﺮ ﺑﯘﯞﺍﻳﻨﻰ ﻛﯚﺭﺳﯩﺘﯩﭗ ﻗﻮﻳﯘﭖ ﻛﯧﺘﯩﭗ ﻗﺎﻟﺪﻯ . ﺑﯘﯞﺍﻳﻨﯩﯔ ﺋﺎﻟﺪﯨﻐﺎ ﻛﻪﻟﺪﯨﻢ :
- ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ !
ﺑﯘﯞﺍﻱ ﺑﯧﺸﯩﻨﻰ ﺋﺎﺭﺍﻧﻼ ﻟﯩﯖﯩﺸﯩﺘﯩﭗ ﺳﺎﻟﯩﻤﯩﻤﻐﺎ ﺟﺎﯞﺍﭖ ﻗﺎﻳﺘﯘﺭﺩﻯ . ﺑﺎﻳﺎﻣﻘﻰ ﺳﻮﺋﺎﻟﻨﯩﻨﯩﯔ ﺟﺎﯞﺍﺑﯩﻨﻰ ﺑﯘﯞﺍﻳﺪﯨﻦ ﺑﯩﻠﯩﺶ ﺋﯜﭼﯜﻥ ﺗﻪﻛﺮﺍﺭﻟﯩﺪﯨﻢ . ﺑﯘﯞﺍﻱ ﺑﯧﺸﯩﻨﻰ ﻛﯚﺗﯜﺭﯛﭖ ﻣﺎﯕﺎ ﺑﯩﺮ ﮬﺎﺯﺍ ﻗﺎﺭﺍﭖ ﺗﯘﺭﯗﭖ ﻛﻪﺗﺘﻰ ﺩﻩ - ، ﺋﯚﺯﯨﻨﻰ ﻛﯚﺭﺳﯩﺘﯩﭗ ﺋﺎﺳﻤﺎﻧﻨﻰ ﺋﯩﺸﺎﺭﻩﺕ ﻗﯩﻠﺪﻯ ، ﻧﯧﺮﯨﺪﯨﻜﻰ ﺗﯘﯕﻼﺭﻧﻰ ﻛﯚﺭﺳﯩﺘﯩﭗ ﻳﻪﺭﻧﻰ ﺋﯩﺸﺎﺭﻩﺕ ﻗﯩﻠﺪﻯ ، ﺗﯩﻠﯩﻨﻰ ﻛﯚﺭﺳﯩﺘﯩﭗ ﮔﯧﻠﯩﻨﻰ ﺋﯩﺸﺎﺭﻩﺕ ﻗﯩﻠﺪﻯ ، ﻛﯚﺯﯨﻨﻰ ﻛﯚﺭﺳﯩﺘﯩﭗ ﻳﻪﺩﯨﻜﻰ ﺋﯚﻟﯜﻙ ﻳﺎﺗﻘﺎﻥ ﺋﯩﺘﻨﻰ ﻛﯚﺭﺳﻪﺗﺘﻰ ........... ﻛﯚﺯﻟﯩﺮﯨﻢ ﻗﺎﺭﺍﯕﻐﯘﻟﯩﺸﯩﭗ ، ﺟﯩﺴﻤﯩﻢ ﻗﺎﺗﺘﯩﻖ ﺳﯩﻠﻜﻪﻧﺪﻯ . ﻗﺎﻧﻠﯩﺮﯨﻢ ﺗﻮﻣﯘﺭﻟﯩﺮﯨﻤﻐﺎ ﭘﺎﺗﻤﺎﻱ ﻛﯚﯞﻩﺟﻪﺷﻜﻪ ﺑﺎﺷﻠﯩﺪﻯ . ﻛﯚﯕﻠﯜﻣﻨﻰ ﺑﺎﺳﻘﺎﻥ ﺋﯧﻐﯩﺮ ﺋﯩﺰﺗﯩﺮﺍﭖ ﺋﻪﺳﻪﺑﯩﻴﻠﯩﺸﯩﭗ ﯞﻭﻟﻘﺎﻥ ﺑﻮﻟﯘﭖ ﺋﯧﺘﯩﻠﻤﺎﻗﺘﺎ . ﺭﻭﮬﯩﻢ ﺟﯩﺴﻤﯩﻤﻨﻰ ﺗﺎﺷﻼﭖ ﺗﯘﻣﺎﻧﻼ ﺋﯩﭽﯩﮕﻪ ﻗﺎﺭﺍﭖ ﻗﺎﭼﻤﺎﻗﺘﺎ ........ ﺯﯨﻤﯩﻨﻨﻰ ﮔﻮﻳﺎ ﺗﻮﭘﺎﻥ ﺑﺎﺳﻘﺎﻧﺪﻯ ........ ﺋﯩﻨﯩﻢ ﻣﺎﯕﺎ ﮬﻪﻳﺮﺍﻥ ﺑﻮﻟﯘﭖ ﻗﺎﺭﺍﭖ ﻗﻮﻳﺪﻯ . ﺑﯘ ﺋﺎﺟﺎﻳﯩﭗ ﺑﯩﺮ ﺋﯘﻟﯘﻍ ﻣﯩﻠﻠﻪﺗﻨﯩﯔ ﻏﻪﭘﻠﻪﺗﻜﻪ ﭘﺎﺗﻘﺎﻥ ﺋﺎﺧﯩﺮﻗﻰ ﺋﻪﯞﻻﺗﻠﯩﺮﻯ ﺋﯩﺪﻯ . ﺗﯘﻣﺎﻥ ﺋﯩﭽﯩﺪﻩ ﺷﻪﮬﻪﺭﻧﯩﯔ ﭼﯩﻘﯩﺶ ﺋﯩﺸﯩﻜﯩﮕﻪ ﻗﺎﺭﺍﭖ ﻣﺎﯕﻤﺎﻗﺘﯩﻤﻪﻥ ﭼﯩﮕﯩﺶ ﺧﯩﻴﺎﻟﻼﺭ ﻣﯩﻨﻰ ﺗﻮﭘﺎﻥ ﺋﯩﭽﯩﮕﻪ ﺳﯚﺭﻩﻳﯩﺘﺘﻰ . ﺟﯩﺴﻤﯩﻢ ﻳﻮﻟﺪﺍ ﺑﯧﺸﯩﺪﯨﻦ ﺋﺎﻳﺮﯨﻠﻐﺎﻥ ﺋﯩﻼﻧﺪﻩﻙ ﺗﻮﻟﻐﺎﻧﻤﺎﻗﺘﺎ . ﺋﺎﺧﯩﺮﻗﻰ ﻗﯧﺘﯩﻢ ﺑﯘ ﺷﻪﮬﻪﺭﮔﻪ ﺳﻮﻏﯘﻗﻼ ﻗﺎﺭﺍﭖ ﻗﻮﻳﺪﯗﻡ ﺩﻩ ﺷﻪﮬﻪﺭﺩﯨﻦ ﭼﯩﻘﯩﭗ ﻛﻪﺗﺘﯩﻢ ............. ﺷﻪﮬﻪﺭ ﺳﯩﺮﺗﻰ ﻛﻪﺗﻜﻪﻥ ﭼﯚﻟﻠﯜﻙ ﺋﯩﺪﻯ ، ﻟﯩﻜﯩﻦ ﮬﺎﯞﺍﺳﻰ ﺷﻪﮬﻪﺭ ﺑﯩﻠﻪﻥ ﺋﺎﺳﻤﺎﻥ - ﺯﯨﻤﯩﻦ ﭘﻪﺭﯨﻘﻠﯩﻨﻪﺗﺘﻰ . ﺳﺎﭖ ﮬﺎﯞﺍﺩﯨﻦ ﻗﯧﻨﯩﭗ - ﻗﯧﻨﯩﭗ ﭼﻮﯕﻘﯘﺭ ﻧﻪﭘﻪﺱ ﺋﺎﻟﺪﯨﻢ . ﺷﻪﮬﻪﺭ ﺩﻩﺭﯞﺍﺯﯨﺴﯩﺪﯨﻦ ﺋﻮﻥ ﻗﻪﺩﻩﻡ ﻳﯩﺮﺍﻗﻠﯩﻘﺘﺎ ﺋﻪﻣﺪﻯ ﺋﯘﭼﯘﺷﻘﺎ ﺗﻪﻣﺸﻪﻟﮕﻪﻥ ﺑﯩﺮ ﺋﺎﻕ ﻛﻪﭘﺘﻪﺭﻧﯩﯔ ﺋﻮﯓ ﻗﺎﻧﯩﺘﯩﻐﺎ ﻣﯘﻧﯘ ﻣﯩﺴﺮﺍﻻﺭ ﺋﻮﻳﯘﻟﻐﺎﻥ ﺋﯩﺪﻯ :
ﻗﯧﻨﻰ ﺋﻪﻣﺪﻯ ﻣﯩﺴﺮﺍﻥ ﺗﯘﺗﯘﭖ ﺗﺎﯞﻻﻧﻐﺎﻥ ﻗﻮﻟﻼﺭ ؟
ﻗﯧﻨﻰ ﺋﻪﻣﺪﻯ ﺟﻪﯕﮕﺎﮬ ﻛﯧﺰﯨﭗ ﭼﺎﭘﻘﺎﻥ ﺩﯗﻟﺪﯗﻟﻼﺭ ؟
ﮬﻪﺳﺮﻩﺕ ، ﻛﯚﺯﻳﺎﺵ ، ﻧﺎﺩﺍﻣﻪﺗﺘﻪ ﻗﺎﻟﺪﻯ ﺋﻪﺳﻠﯩﻤﻪ ،
ﻗﯧﻨﻰ ﺋﻪﻣﺪﻯ ( ﺋﯘﻳﺎﺕ - ﻏﯘﺭﯗﺭ ) ﺑﺎﺵ ﺑﻮﻟﻐﺎﻥ ﻳﯩﻠﻼﺭ ؟ .........
ﺋﯧﻐﯩﺮ ﺗﯩﻨﯩﻘﻼﺭﺩﺍ ﻳﻮﻟﯘﻡ ﺩﺍﯞﺍﻡ ﺋﻪﺗﻤﻪﻛﺘﻪ . ﻣﻪﻥ ﺋﯘﭘﯘﻗﻨﻰ ﻗﻮﻏﻼﯞﺍﺗﯩﻤﻪﻥ . ﻟﯩﻜﯩﻦ ﺋﯘﭘﯘﻕ ﻣﺎﯕﺎ ﺑﻮﻱ ﺑﻪﺭﻣﻪﻳﯟﺍﺗﺎﺗﺘﻰ . ﺋﺎﺷﯘ ﮔﯩﺮﯨﻤﺴﻪﻧﮕﻪ ﻳﻪﺗﻜﯜﭼﻪ ﻳﻪﻧﻪ ﻗﺎﻧﭽﻪ ﻗﯩﺴﻤﻪﺗﻠﻪﺭ ﻣﯩﻨﻰ ﻛﯜﺗﯩﯟﺍﻟﯩﺪﯗ ﺑﯘﻧﯩﺴﻰ ﺗﯧﺨﻰ ﻧﺎﻣﻪﻟﯜﻡ . ﻟﯩﻜﯩﻦ ﻣﻪﻥ ﮬﻪﺭﮔﯩﺰ ﺑﻮﺷﺎﺷﻤﺎﻳﻤﻪﻥ . ﺑﯩﺮ ﺟﯜﭖ ﻗﺎﻧﯩﺘﯩﻤﻐﺎ ﺗﺎﻳﯩﻨﯩﻤﻪﻥ ........... ﺋﺎﺧﯩﺮﻯ ﺩﺍﯞﺍﻣﻠﯩﻖ ﻳﻮﻟﻠﯩﻨﯩﺪﯗ ............[ بۇ يازما atabora تەرپىدىن 2007-12-18 20:21 دە قايت ]