دىيارىم تورى خەۋىرى :
2008-يىلى 4- ئاينىڭ 27- كۈنى ( يەكشەنبە ) ئۈرۈمچى يىكەن كۆل گۈزەل - سەنئەت سارىيىدا ئاتاقلىق خەتتات نىياز كېرىم شەرقىنىڭ ھۆسىنخەت ئەسەرلىرى كۆرگەزمىسى داغدۇغلۇق ئېچىلدى . ئېچىلىش مۇراسىمىغا ئاپتونۇم رايۇننىڭ مۇناسىۋەتلىك رەھبەرلىرى ، ئاپتونوم رايۇنلۇق ئەدەبىيات - سەنئەتچىلەر بىرلەشمىسىنىڭ رەئىسى ھىيتەم ھۈسەيىن ھەر ساھە زاتلار ۋە سەنئەتكارلار ، خەتتاتلاردىن بولۇپ 300گە يېقىن ئادەم قاتناشتى .
بۇ قېتىمقى كۆرگەزمىگە ئاتاقلىق خەتتات نىياز كېرىم شەرقىنىڭ 50 يىللىق خەتتاتلىق ھاياتىدا ئىجاد قىلغان ئەسەرلىرىدىن 230 پارچە ئەسىرى قاتناشتۇرۇلغان بولۇپ ئەسەرلەرنىڭ يېزىلىش سەۋىيىسى ھازىرقى زامان ئۇيغۇر خەتتاتلىق سەنئىتىنىڭ يۇقۇرى پەللىسىگە ۋە سەۋىيسىگە ۋەكىللىك قىلىدۇ .
2008- يىلى 4- ئاينىڭ 29- كۈنى ( سەيشەنبە ) چۈشتىن كېيىن سائەت 2 دە ئۈرۈمچى ئۈزۈمزار رېستۇرانىدا ئاپتونوم رايۇنلۇق خەتتاتلار جەمئىيتى ۋە « شىنجاڭ سەنئىتى » ژورنىلى تەھرىراتىنىڭ ئورۇنلاشتۇرۇشى بىلەن « ئاتاقلىق خەتتات نىياز كېرىم شەرقى خەتتاتلىق سەنئىتى مۇھاكىمە يېغىنى » ئۆتكۈزۈلدى . يېغىنغا دىيارىمىزدىكى ئاتاقلىق سەنئەتكارلار ، يازغۇچى ، شائىرلار ۋە تەتقىقاتچى ئالىملار ۋە ھەر ساھە زىيالىلاردىن بولۇپ 300 گە يېقىن ئادەم قاتناشتى .
بۇ قېتىمقى ئىلمى مۇھاكىمە يېغىنىدا ئۇيغۇر ۋە خەنزۇ خەتتاتلار ۋە دىيارىمىزدىكى بىر قىسىم ئاتاقلىق ئەدىپ ۋە شائىرلار ، تەتقىقاتچىلار ماقالە ئوقۇپ ئاتاقلىق خەتتات نىياز كېرىم شەرىنىڭ خەتتاتلىق ئىجادىيتىنى ۋە ئۇيغۇر خەتتاتلىق سەنئىتىگە قوشقان تۆھپىسىنى مۇئەييەنلەشتۈردى ۋە مەدھىيلىدى .
يېغىن ئاخىرىدا ئاپتونۇم رايۇنلۇق ئەدەبىيات سەنئەتچىلەر بىرلەشمىسى ئاتاقلىق ئۇستاز خەتتات نىياز كىېرىم شەرقىگە تون كىيگۈزدى .
خەتتات نىياز كېرىم شەرقىنىڭ شاگىرتلىرىدىن قۇربانجان روزى شەيدائى ، ئابلىكىم زۇنۇن جەۋلانى ۋە دىلشاد پەرھاد لار ئۇستازىغا تون كىيدۈردى ۋە ئۇنىڭ بۇ قۇتلۇق كۈنىنى مۇبارەكلىدى . بۇ قېتىمقى مۇھاكىمە يېغىنى ئاتاقلىق خەتتات نىياز كېرەم شەرقىنىڭ 50 يىللىق خەتتاتلىق ھاياتىنى ئەسلەش ۋە مۇئەييەنلەشتۈرۈش بىلەن غەلبىلىك ئاخىرلاشتى .

دىيارىم تور بېكىتىمىز : ئۇيغۇر خەتتاتلىقى ئۈچۈن 50 يىل قان تەر ئاققۇزغان بۇ ئۇستاز خەتتاتنىڭ بۇندىن كېيىنكى ئۆمرىگە خاتىرجەملىك ، تېنىگە سالامەتلىك ئۇيغۇر خەتتاتلىق سەنئىتى يولىدىكى ئىزدىنىش ، تەتقىقاتلىرىغا تېخىمۇ زور ئۇتۇق تىلەيمىز .

بۇ قېتىمقى كۆرگەزمە ۋە مۇھاكىمە يېغىنىدىن كۆرۈنۈشلەر :













































سۈرەتلەرنىڭ ئىشلىتىش ھوقوقى « دىيارىم » تورىغا مەنسۇپ

مۇبارەك بولسۇن ! نىياز كېرىم ئەپەندىمگە ئۇتۇق تىلەيمەن !

ئۇيغۇر ھازىرقى زامان خەتتاتلىقىدا بۇ ئۇستازنىڭ تۆھپىسى خېلىلا چوڭ. خەلقئارادا ئۇيغۇر خەتتاتلىقىنىڭ تەسىر دائىرىسىنى كېڭەيتىش ئىشلىرىدا ئىشلىگەن خىزمەتلىرىنىمۇ تولۇق مۇئەييەنلەشتۈرۈشكە بولىدۇ.
بۇ قېتىمقى مۇھاكىمە يىغىنىدا ئوقۇلغان ئۇيغۇر خەتتاتلىقى ۋە خەتتات نىياز كېرىم شەرقى توغرىسىدىكى ماقالىلەرنى <دىيارىم> تورىدا كۆرۈش نېسىپ بولسا بەكمۇ ياخشى بولاتتى. مېنىڭچە ئاتامان بۇ تەكلىپنى ئورۇنداشقا كۈچەپ باقسا...
<دىيارىم> تورى ئىشلىگەن يالقۇن روزى، زاھىر بۇرھانلارنىڭ سىن پروگراممىلىرى تولىمۇ ياخشى چىققان. مۈمكىن بولسا نىياز كېرىم ئاكىمىزنى بىر زىيارەت قىلىۋەتسەڭلار، ئېكراندا بولسىمۇ بۇ ئۇستازنىڭ يۈرەك سۆزلىرىنى ئاڭلاپ باقساق...
ئاڭلىسام ئاتامانمۇ شىنجاڭ خەتتاتلار جەمئىيىتىنىڭ ئەزاسى ئىكەن. شەيدائى، جەۋلانىلار يېقىن دوستلىرى ئىكەن. مۇشۇ ساھەدە بولۇپمۇ خەتتاتلار جەمئىيىتىدە تىزىمغا ئېلىنغان ياش خەتتاتلىرىمىزدىن كىملەر بار؟ خەلقئارا، جۇڭگو ۋە ئاپتونوم رايونىمىز تەۋەسىدە قانداق نەتىجىلەرگە ئېرىشتى؟ ئۇلارنىڭمۇ ئەجىر-ئەمگەكلىرىمۇ قىسقا بولىسمۇ سىن پروگراممىسى، بەك بولمىسا ماقالە سۈپىتىدە بىر توپلىنىپ، مۇنبەر ئەمگىكىگە بىر گۈل قوشقان بولسا تولىمۇ ياخشى ئىشلار بولارئىدى. 

مۇبارەك بولسۇن

مۇبارەك بولسۇن مەنمۇ سىزنى تەبىركلەيمەن .     

خەتتات نىياز كېرىم شەرقىنىڭ شاگىرتلىرىدىن قۇربانجان روزى شەيدائى ، ئابلىكىم زۇنۇن جەۋلانى ۋە دىلشاد پەرھاد لار ئۇستازىغا تون كىيدۈردى ۋە ئۇنىڭ بۇ قۇتلۇق كۈنىنى مۇبارەكلىدى .
-------------
دىيارىمدا خېلى خەتتاتلار باركەن 

 
مۇبارەك بولسۇن ! نىياز كېرىم ئەپەندىمگە ئۇتۇق تىلەيمەن !  نىياز كېرىم ئەپەندىمنېڭ ياش خەتتلارنى تېخمۇ  كۈپلەپ يېتشتۈرۈپ
چېقشېنى ئۈمۈت قېلمەن!

نىياز كېرىم شەرقىينىڭ ھۆسنىخەت كۆرگەزمىسىنى ئۆتكۈزىدىغانلىقىنى ئاڭلىماپتىكەنمەن،بالدۇراق بىلگەن بولسام مەنمۇ بېرىپ كۆرۈپ كىللەتىم ئەمەسمۇ؟ ئىسسىت.    

      بۇ يىغىن ھەقىقەتەن ئەھمىيەتلىك ئۆتكۈزۈلۈپتۇ، ئۇيغۇر خەتتاتلىقىمىزنىڭ تەرەققىياتى ئۈچۈن بىر ئۆمۈر قان - تەرىنى تۆككەن نىياز كىرىم ئاكىمىزنىڭ تېنىگە سالامەتلىك، كۈنلىرىگە خۇشاللىق تىلەيمەن. ئۆمرى ئۇزۇن بولسۇن!!!
      ئاتامان ئەپەندى، مۇشۇنداق ياخشى خەۋەرلەردىن بىزنى نېمىشقا بالدۇرراق خەۋەرلەندۈرۈپ قويمايسىز؟ يەنە بىر قېتىم دىدارلىشىدىغان پۇرسەتتىن مەھرۇم قاپتىمەن ئەمەسمۇ؟

مۇبارەك بولسۇن ! نىياز كېرىم ئەپەندىمگە ئۇتۇق تىلەيمەن !

مۇبارەك بولسۇن ! نىياز كېرىم ئاكا مىنىڭ ئۇستازىم. مەن خەتتاتلىقنى مۇشۇ ئۇستازىم تۈزىگەن كىتاپنى كۆرۈپ ئۆگەنگەن ئىدىم. مەن بۇ ئۇستازىمدىن پەخىرىنىمەن.

قاراڭلار توننى بىزنىڭ ئاتامانمۇ كىيگۈزۈپتۇ . 

.[دىيارىم] ئەھلىنىڭ مۇشۇىداق ئەھمىيەتلىك پائالىيەتلەرنى دىققىتىمىزگە سۇنغانلىقىغا كۆپتىن -كوپ رەھمەت. شۇنىڭ بىلەن بىر ۋاقىتتا بۇ ئۇستاز خەتتاتنىڭ ئېجادىيىتىگە زور ئۇتۇقلار تىلەيمەن .