ئۇيغۇرنىڭ مۇشتى
***********************
(ئۇيغۇر ئولىمپىك بوكىس ماھىرلىرىغا بېغىشلىما*)


ئوغۇزنىڭ روھى بار روھىڭغا يانداش،
قېنىڭنىڭ مەۋجىدە قاينام ئۆركىشى.
ئەجدادىڭ سادىر پالۋانغا قانداش،
ھەممىسى سەن ئۈچۈن ئەلنىڭ ھۆرمىتى.

سىنالدىڭ ئالەمنىڭ جەڭگاھلىرىدا،
زەربىگە چىدىغاچ كۆتۇرگىنىڭ باش.
يۇرمىدىڭ مەي ئوتلاپ ئارامگاھلاردا،
قىبلىگاھ بولغاچقا ئەركەكچە ياشاش.

قەلبىڭگە پۈككىنىڭ ئەڭ ئۇلۇغ ئارمان،
كۈتكىنىڭ قان-تەردىن ئۇيغۇر يىگىتى.
تارىخنى  يېڭىلار  باتۇرلا  ھامان ،
مۇقەددەس غەلبىنى يازىدۇ-تېخى........

كىمىكى شان قۇچتى ئاسماندا ئۇچتى،
قوينىنى كەڭ ئاچتى ئۇتقانغا دۇنيا.
تونۇتقاي ۋەتەننى ئۇيغۇرنىڭ مۇشتى،
كېلىڭلار مەدەتكە توۋلايلى ھۇررا- !!!.

كۈتكىنىڭ قان-تەردىن ئۇيغۇر يىگىتى،
تونۇتقاي ۋەتەننى ئۇيغۇرنىڭ مۇشتى.
كىمىكى شان قۇچتى ئاسماندا ئۇچتى،
ھەممىسى سەن ئۈچۈن ئەلنىڭ ھۆرمىتى.

ياخشى شىئىركەن . ئۇيغۇر مىللىتىنىڭ روھى !!!!!!!!!!!

ياخشى شېېركەن  رەخمەت

مەزمۇنى بەك ياخشىكەن.

بىزمۇ قاچان شۇنداق بولامىزھە!!!!قول قويدۇمs:123]

توغرا دەيسىز،شۇ جۇرئەتلىك مۇشتۇملار ئۇچۇن بىز قانچىلىك ئالقىش ياڭراتساق ئازلىق قىلىدۇ.

ياخشى شىئېر.................

ياخشىكەن، تېخىمۇ تىرىشىڭ

تورداشلارنىڭ ئەرزىمەس  مىسرالىرىمغا نەزەر كۆزىنى سالغانلىقىغاسەمىمى رەخمەت،
<<قۇياش ھەر كۈنى يېڭى،كۆرىدىغان كۆز مەڭگۇ ئۆزگەرمەيدۇ>>

ئوتقاش ئەجرىڭىزگە كوپ رەخمەت!...............
يازغان شېېرىڭىزمۇ خۇددى ئېسمىڭىزغا ئوخشاشلا شۇنداق ئوتقاشتەك ياخشى چىقىپتۇ........
ئاللا قەلىمىڭىزگە بەرىكەت ئاتا قىلسۇن.......
ئاشۇ باتۇر ئوغلانلىرىمىزغىمۇ كۈچ قۇۋۋەت بەرسۇن...............
ئۇلارنىڭ غەلىبە شاتلىغىنى كۇتەيلى...................