خەبەر    

                                (غەزەل )
ئەي ساباھ  كەلتۇر ماڭا ، يار- دىيارىمدىن خەبەر
تالىيىم- بەختىم ئانا ژۇرت ،ئىپتىخارىمدىن خەبەر
ياقا ئەللەر سارى ھىجران ،ئىچرە ئەيلەپمەن سەپەر
ھەسرەتۇ -ئارمانۇ -شاتلىق ،غەم فىراقىمدىن خەبەر
مەن ژىراقمەن ئۆز ماكاندىن ،دوس بۇرادەر بۇندا يوق
نا تىنىچ كۆڭلۈم بۈگۈن ئۇ، دىل خۇمارىمدىن خەبەر
ساز بۆلەك ،كۈيلەر بۆلەك ،بولدى ئەجەپ كۆڭلۈم بۆلەك
كىچىگىمدىن تىڭشىغان،تەمبۇر-دۇتارىمدىن خەبەر
ياقا ژۇرتتا مەن مۇساپىر ،ۋا دەرخ ! كۆڭلۈم يىرىم
ۋەتىنىم سەنسىز ئاشۇ كۆڭلى يېرىملەردىن خەبەر
جەينىمازدا مەن ئۈچۈن قىلغىن دۇئا جانىم ئانام
كەلمىدى ئەمدى كىلەر ،شېرىن كالامىڭدىن خەبەر
مەن غېرىپنى ياد قىلغانلەرگە يالقۇنلۇق سالام
باش ئىگەرمەن ھۆرمىتىگە ئىھتىرامىمىدىن خەبەر
غېرىبى ئەيىتتى سالام ،ئارماندا پۇرقەت ئىلكىدە
سېغىنىپ كۆزۈمگە ياش ئالغان ناھارىمدىن خەبەر

*********************************************
                   غەزەل

كېتەر بۇلبۇل خازان پەسلى ،چىمەنزار -لالىزارلاردىن
ئېچىلماس بەھرى دىللارنىڭ ،بۇ خىل لەيلى -ناھارلاردىن
بېسىپ كەتكەيمۇ خۇش كۈيلەر ،دۇتارنىڭ تارىغا تەڭكەش
پەلەكنى پەستە قالدۇرغان ،پىغانلىق ئاھۇ- زارلاردىن
تېرىكلىك غۇسسىسى چىرماپ ،خىيالنى دىل ئەلەمزادە
چېكىپ رەنجۇ -مۇشەققەتلەر ،نەچارە دىل ئازارلاردىن
بەخىتنىڭ مەنىسىن بىلمەي ،نىجاتلىق ئىزدىبان گاڭگىپ
ژۇرەركەن مىڭلىغان ئىنسان ،تىلەك تىلەپ مازارلاردىن
ئەشۇ يول بىلمىگەن كارۋان ،قاتارى بىركارۋاندۇرمەن
ژۇكۈم ھەسرەت ،تىپىلماي بىر خېرىدار ھەر بازارلاردىن
تۇتارمەن دىلدا دەردىمنى، نىھان ئەيلەپ دەردىمەنلەردىن
چىقامدۇ پارچە نان ھەرچاغ،گادايغا ناتىۋانلاردىن
ئەل ئەيتار :((ئەي غېرىپ ،نەزمىڭ -كۈيۈڭ،ھىجرانۇ -غەم -پەريات))
نىتەي ئۈمىت كۈتۈپ ئۆلدۈم،زىمىستاندا باھارلاردىن

مەنبە كۆڭۈل خاتىرلىرىمدىن
                                        2008-يىل  (ئىستانبۇل )