ئەرلەر سەمىگە
ئەرلەرنىڭ ۋەدە قىلمىغىنى ياخشىراق. ناۋادا ئۇ ۋەدە قىلىپ قالسا ، ئايال دەرھال ئۇنىڭغا ۋاپاسىزلىق قىلىدۇ .
ئەرلەر ئۈچۈن ئېيتقاندا، ئايالنىڭ گۈزەل بولىشى مۇھىم ئەمەس، ئەقىللىق بولىشى مۇھىم.
ئەر-خوتۇنلۇق مۇھەببىتى ئىنساننى كۈچەيتىدۇ. دوستلۇق مۇھەببىتى بىر-بىرگە ياردەم بېرىدۇ . لېكىن شەھۋانى مۇھەببەت ئادەمنى چۈشكۈنلەشتۈرىدۇ. ۋەيران قىلىدۇ .
ئەر ۋە ئايال خۇددى ئىككى مۇلايىم ئاۋازكى، ئىنسان قەلبىدىكى تارىلار ئۇلارسىز ھەقىقى ۋە نۇرلۇق ئاھاڭ چىقىرالمايدۇ.
ئەرلەرنىڭ ئىشەنچىسىگە قارىغاندا ئاياللارنىڭ گۇمانى كۆپرەك توغرا بولۇپ چىقىدۇ .
- مال- دۇنيا توپلاشقا ئارتۇقچە بېرىلمە . چۈنكى ئارتۇقچە بېرىلسەڭ ئۇنىڭ خىيانىتى كۆپ بولىدۇ . بىر كۈنى سەمرىتسە بىر كۈنى يىغلىتىدۇ.
ئۆزى ھەققىدە كۆپرەك ئويلۇنۇپ ئۆزىنى ئەيىپلەپ تۇرۇش ، باشقىلارنى ئاز كۆزىتىپ ئەيىپلەش كېرەك .شۇنداق قىلغاندا ئۆچمەنلىك ، ۋە ئاغرىنىشتىن يىراق تۇرغىلى بولىدۇ.
ئەگەر ئۆزىنىڭ پەزىلىتى دۇرۇس بولسا، ئەلنى ئىدارە قىلماق تەس ئەمەس، ئەگەر ئۆزىنىڭ پەزىلىتىنى دۇرۇس قىلالمىسا ، باشقىلارنىڭ پەزىلىتىنى قانداقمۇ دۇرۇس قىلالىسۇن؟!
بىلىملىكلەرنىڭ سۆزىگە قۇلاق سال، ئۇلار بىرىنچى پەزىلەت تىلنى تىزگىنلەش دەيدۇ.
ئىنساننىڭ قەدىر-قىممىتى مەيلى ئۇ ياخشى ئەمەلنى ئاز قىلسۇن ياكى كۆپ قىلسۇن، گۈزەل ئەمىلىيىتىگە باغلىق.
ھەممىنىڭ مۇقەددەس مەقسىدى دەل بەخت ۋە پەزىلەتتىن ئىبارەت.
يالغان سۆزلىمەك ، چېقىمچىلىق ، ئەزمىلىك ، تەكەببۇرلۇق كىشىنىڭ ئابرويىنى تۆكۈر. ۋاپادارلىق، سەۋىر قىلماق، ئالدىراقسانلىقتىن ساقلانماق ۋە تەۋەزۇ كىشىنىڭ ئابرويىنى كۆتۈرۈر.
ئۈچ نەرسە ئۈچ ۋاقىتتا كېرەك بولىدۇ: قەھرى-غەزەپ ۋاقتىدا ئۆزىنى تۇتۇۋېلىش ، باشقا كۈلپەت چۈشكەندە سەۋىر قىلىش، خەيرىلىك ئىشلارغا ئالدىراش . .
.
ئەزىز ئاتاۋۇللا سارتېكىننىڭ<< قىز- ئاياللار ئەخلاقى>> ناملىق كىتاۋىدىن ئېلىندى
يېڭى يازمىلىق سەھىپە 
ئادەتتىكى سەھىپە 
مەخپىي سەھىپە 