ﻛﯩﺘﺎﺏ ﺑﯩﺮ ﻣﯩﻠﻠﻪﺗﻨﯩﯔ ﻣﻪﻧﯩﯟﻯ ﻗﯘﺩﺭﯨﺘﯩﻨﻰ ﺋﯚﻟﭽﻪﻳﺪﯨﻐﺎﻥ ﻣﯘﻫﯩﻢ ﺑﻪﻟﮕﻪ . ﻛﯩﺘﺎﺏ ﺑﯩﻠﯩﻢ ﺑﯘﻟﯩﻘﻰ ، ﻛﯩﺘﺎﺏ ﺩﯨﻠﻨﯩﯔ ﭼﯩﺮﯨﻘﻰ ، ﻛﯩﺘﺎﺏ ﺑﯩﺒﺎﻫﺎ. ﻛﯩﺘﺎﺏ ﺋﻮﻗﯘﺵ ﺋﯩﻨﺴﺎﻧﯩﻲ ﺳﺎﭘﺎ ﯞﻩ ﺋﯩﻠﻤﯩﻲ ﺭﻭﻫﻨﻰ ﻳﯧﺘﯩﻠﺪﯛﺭﯨﺪﯗ . ﻛﯩﺘﺎﺏ ﺋﻮﻗﯘﺵ --- ﻳﺎﺧﺸﻰ ﺋﺎﺩﻩﺕ .
ﻫﻪﺭ ﺧﯩﻞ ﺳﻪﯞﻩﺑﻠﻪﺭ ﯞﻩ ﺋﯧﻬﺘﯩﻴﺎﺟﻼﺭ ﺗﯜﭘﻪﻳﻠﻰ ﺋﺎﺭﯨﻤﯩﺰﺩﺍ ﻧﯘﺭﻏﯘﻥ ﻛﯩﺸﯩﻠﻪﺭ ﺑﻪﺯﻯ ﻛﯩﺘﺎﺑﻼﺭﻧﻰ ﺋﻮﻗﯘﺵ ﭘﯘﺭﺳﯩﺘﯩﮕﻪ ﺋﯩﮕﻪ ﺑﻮﻻﻟﻤﺎﻳﺪﯗ . ﺑﻮﻟﯘﭘﻤﯘ ﻛﻮﻧﺎ ، ﻛﯩﻼﺳﺴﯩﻚ ﺋﻪﺳﻪﺭﻟﻪﺭﻧﻰ ﯞﻩ ﺑﯩﺮ ﻗﯩﺴﯩﻢ ﺗﺎﺭﯨﺨﯩﻲ ﺗﯧﻤﯩﺪﯨﻜﻰ ﻛﯩﺘﺎﺑﻼﺭ ﺑﯩﻠﻪﻥ ﺗﻮﻧﯘﺷﯘﺵ ﭘﯘﺭﺳﯩﺘﯩﮕﻪ ﺗﻮﻟﯘﻕ ﺋﯩﮕﻪ ﺑﻮﻟﯘﭖ ﻛﯧﺘﻪﻟﻤﻪﻳﺪﯗ . ﺷﯘﯕﺎ، ﺩﯨﻴﺎﺭﯨﻢ ﻣﯘﻧﺒﯩﺮﻯ ﺋﺎﺭﻗﯩﻠﯩﻖ ~ ﻣﻪﻥ ﺑﯩﺮ ﻗﯩﺴﯩﻢ ﻛﻮﻧﺎ ﺗﺎﺭﯨﺨﯩﻲ ﻛﯩﺘﺎﺑﻼﺭﻧﻰ ﺗﻮﻧﯘﺷﺘﯘﺭﯗﭖ ﻳﻮﻟﻼﭖ ﻗﻮﻳﯘﺵ ﺋﯜﭼﯜﻥ ﺗﯚﯞﻩﻧﺪﯨﻜﯩﻠﻪﺭﻧﻰ ﻳﻮﻟﻼﭖ ﺋﻮﻟﺘﯘﯗﺭﭘﺘﯩﻤﻪﻥ .... ﺧﺎﺗﺎﻟﯩﻘﻨﯩﯔ ﺑﻮﻟﯘﺷﻰ ﺗﻪﺑﯩﺌﯩﻲ ، ﻳﻪﻧﯩﻼ ﺗﯜﺯﯨﺘﯩﭗ ﻛﯧﺘﻪﻟﯩﺸﯩﯖﻼﺭﻏﺎ ﺋﯩﺸﻪﻧﭽﯩﻢ ﺑﺎﺭ .

* * * * * * * * * * * * * * *
<< ﻫﯘﺩﯗﺩﯗﻟﺌﺎﻟﻪﻡ >>
ﺑﯘ ﻛﯩﺘﺎﺑﻨﯩﯔ ﭘﺎﺭﺳﭽﻪ ﺋﻪﺳﻠﻰ ﻧﺎﻣﻰ --Alam-Hududul ﺑﻮﻟﯘﭖ ، "ﺩﯗﻧﻴﺎﻧﯩﯔ ﭼﯧﮕﺮﺍ -ﭘﺎﺳﯩﻠﻠﯩﺮﻯ" ﺩﯦﮕﻪﻥ ﻣﻪﻧﯩﺪﻩ . ﺑﯘ ﻛﯩﺘﺎﺑﻨﻰ ﺭﻭﺳﯩﻴﯩﻠﯩﻚ ﺷﻪﺭﻗﺸﯘﻧﺎﺱ ﺗﯘﻣﺎﻧﯩﺴﻜﯩﻲ ﺑﯜﮔﯜﻧﻜﻰ ﺋﯚﺯﺑﯧﻜﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﺗﻪﯞﻩﻟﯩﻜﯩﺪﯨﻜﻰ ﺑﯘﺧﺎﺭﺍﺩﯨﻦ ﻛﻮﻧﺎ ﻛﯩﺘﺎﺑﻼﺭ ﺋﯩﭽﯩﺪﯨﻦ ﺗﺎﭘﻘﺎﻧﯩﻜﻪﻥ . ﺷﯘﻧﯩﯔ ﺋﯜﭼﯜﻥ ﺑﯘ ﻧﯘﺳﺨﯩﺴﻰ ﺗﯘﻣﺎﻧﯩﺴﻜﯩﻲ ﻧﯘﺳﺨﯩﺴﻰ ﺩﻩﭘﻤﯘ ﺋﺎﺗﯩﻠﯩﺪﯨﻜﻪﻥ . X ﺋﻪﺳﯩﺮﺩﯨﻜﻰ ﻧﺎﻣﻪﻟﯘﻡ ﺋﺎﭘﺘﻮﺭ ﺗﻪﺭﯨﭙﯩﺪﯨﻦ ﻣﯩﻼﺩﯨﻴﻪ 982 - ﻳﯩﻠﻰ ﻳﯧﺰﯨﻠﻐﺎﻥ ﺑﻮﻟﯘﭖ ، ﺋﻪﻳﻨﻰ ﺩﻩﯞﺭﻧﯩﯔ ﺑﯧﮕﻰ ﺋﯘﺑﯘﻝ ﺧﺎﻟﯩﺲ ﻣﯘﻫﻪﻣﻤﻪﺕ ﺑﯩﻨﻨﻰ ﺋﻪﻫﻤﻪﺩﻛﻪ ﺳﻮﯞﻏﺎ ﻗﯩﻠﻐﺎﻥ . ﺑﯘ ﻛﯩﺘﺎﺏ ﺋﺎﻟﺪﯨﻨﻘﻰ ﺩﻩﯞﺭﻟﻪﺭﺩﯨﻜﻰ ﺋﻪﺭﻩﺏ ﺟﯘﻏﺮﺍﭘﯩﻴﻮﻧﻠﯩﺮﯨﻨﯩﯔ ﺋﯘﺗﯘﻗﻠﯩﺮﯨﺪﯨﻦ ﭘﺎﻳﺪﯨﻠﯩﻨﯩﻠﻐﺎﻥ ﺑﻮﻟﯘﭖ ، ﺋﯘﻧﯩﯖﺪﺍ ﺗﯜﺭﻛﯩﻲ ﺗﯩﻠﻠﯩﻖ ﻫﻪﺭﻗﺎﻳﺴﻰ ﻗﻮﯞﻣﻼﺭﻧﯩﯔ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﻣﯘﺳﯘﻟﻤﺎﻧﻼﺭ ﺭﺍﻳﻮﻧﻠﯩﺮﯨﻨﯩﯔ ﺋﻪﻫﯟﺍﻟﻰ ﺗﻮﻧﯘﺷﺘﯘﺭﯗﻟﻐﺎﻥ . ﺋﻪﻧﮕﯩﻠﯩﻴﯩﻠﯩﻚ ﻣﯧﻠﻮﺭﻭﺳﻜﯩﻲ ﺋﯩﻨﮕﯩﻠﯩﺰﭼﯩﻐﺎ ﺗﻪﺭﺟﯩﻤﻪ ﻗﯩﻠﯩﭗ ، 1937 - ﻳﯩﻠﻰ ﺗﯘﻧﺠﻰ ﻗﯧﺘﯩﻢ ﻧﻪﺷﺮﺩﯨﻦ ﭼﯩﻘﻘﺎﻥ . 1970 - ﻳﯩﻠﻰ ﺑﻮﺳﻮﯞﻭﺱ ﻗﺎﻳﺘﺎ ﺗﻪﻫﺮﯨﺮﻟﻪﭖ ﻧﻪﺷﺮ ﻗﯩﻠﻐﺎﻥ .ﻛﯧﻴﯩﻦ ﯞﺍﯓ ﺟﯩﻠﻪﻱ ﻗﺎﺗﺎﺭﻟﯩﻘﻼﺭ ﺧﻪﻧﺰﯗﭼﯩﻐﺎ ﺗﻪﺭﺟﯩﻤﻪ ﻗﯩﻠﯩﭗ ، ﺷﯩﻨﺠﺎﯓ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﯩﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎ ﺗﻪﺗﻘﯩﻘﺎﺕ ﺋﻮﺭﻧﯩﻨﯩﯔ ﺋﯩﭽﻜﻰ ﮊﻭﺭﻧﯩﻠﯩﺪﺍ ﺋﯧﻼﻥ ﻗﯩﻠﻐﺎﻥ . ﺑﯘ ﻛﯩﺘﺎﺑﻨﯩﯔ ﻫﺎﺯﯨﺮ ﺋﯘﻳﻐﯘﺭﭼﻪ ﻧﻪﺷﺮﻯ ﻧﯘﺳﺨﯩﺴﯩﻤﯘ ﺑﺎﺭ ﺑﻮﻟﯘﭖ ، ﻫﻪﺭﻗﺎﻳﺴﻰ ﻳﯘﺭﺕ ﺷﯩﻨﺨﯘﺍ ﻛﯩﺘﺎﺑﺨﺎﻧﯩﻠﯩﺮﯨﺪﺍ ﺑﯩﺮ ﺗﯘﺗﺎﺵ ﺳﯧﺘﯩﻠﻤﺎﻗﺘﺎ .
* * * * * * * * * * * * * * *
<< ﺗﺎﺭﯨﺨﯩﻲ ﺟﺎﻫﺎﻥ ﻛﯘﺷﺎﻱ >>
ﺋﯩﺮﺍﻧﻠﯩﻖ ﺟﯘﯞﻩﻳﻨﻰ (1226-1283- ﻳﯩﻠﻼﺭ Juwaini) ﻳﺎﺯﻏﺎﻥ ﺗﺎﺭﯨﺨﯩﻲ ﺋﻪﺳﻪﺭ .XIII ﺋﻪﺳﯩﺮﻧﯩﯔ 50 - ﻳﯩﻠﻠﯩﺮﯨﺪﺍ ﻳﯧﺰﯨﻠﯩﭗ ﺗﺎﻣﺎﻣﻼﻧﻤﯩﻐﺎﻥ ﺋﻪﺳﻪﺭ . ﺋﯘﻧﯩﯔ ﺗﺎﺭﻗﯩﻠﯩﭗ ﻳﯜﺭﮔﻪﻥ 10 ﻧﻪﭼﭽﻪ ﺧﯩﻞ ﻧﯘﺳﺨﯩﺴﻰ ﺑﺎﺭ . ﺋﻪﯓ ﺑﯘﺭﯗﻧﻘﻰ ﯞﻩ ﺋﻪﯓ ﻣﯘﻛﻪﻣﻤﻪﻝ ﻧﯘﺳﺨﯩﺴﻰ 1290 - ﻳﯩﻠﻰ ﻛﯚﭼﯜﺭﯛﻟﮕﻪﻥ ﻧﯘﺳﺨﯩﺴﻰ ﺑﻮﻟﯘﭖ ، ﺋﯘ ﻫﺎﺯﯨﺮ ﻓﯩﺮﺍﻧﺴﯩﻴﻪ ﭘﺎﺭﯨﮋ ﺩﯙﻟﻪﺗﻠﯩﻚ ﻛﯜﺗﯜﭘﺨﺎﻧﯩﺪﺍ ﺳﺎﻗﻼﻧﻤﺎﻗﺘﺎ . ﻫﺎﺯﯨﺮ ﺋﯘﻧﯩﯔ ﺋﻪﯓ ﻣﯘﻛﻪﻣﻤﻪﻝ ﻣﻪﺗﺒﻪﺋﻪ ﻧﯘﺳﺨﯩﺴﻰ ﺋﯩﺮﺍﻧﻠﯩﻖ ﻛﺎﺯﯞﯨﻨﻰ M.M.Qazwini ﺗﻪﻫﯩﺮﻟﯩﮕﻪﻥ ﻧﯘﺳﺨﯩﺴﯩﺪﯗﺭ . ﺋﯘ ﺟﻪﻣﺌﯩﻲ ﺋﯜﭺ ﺗﻮﻡ ﺑﻮﻟﯘﭖ ، ﺋﺎﻳﺮﯨﻢ - ﺋﺎﻳﺮﯨﻢ ﻫﺎﻟﺪﺍ 1912 - ، 1916- ، 1937 - ﻳﯩﻠﻠﯩﺮﻯ ﮔﻮﻟﻼﻧﺪﯨﻴﯩﻨﯩﯔ ﺭﻩﻳﺪﯗﻧﺪﺍ ﻧﻪﺷﺮ ﻗﯩﻠﯩﻨﻐﺎﻥ . ﺑﯩﺮﯨﻨﭽﻰ ﺗﻮﭘﻼﻣﺪﺍ ﭼﯩﯖﮕﯩﺰﺧﺎﻥ ﯞﻩ ﮔﻮﺭﺧﺎﻧﻨﯩﯔ ﻫﻪﻣﺪﻩ ﺟﯚﺟﻰ ،  ﭼﺎﻏﺎﺗﺎﻳﻼﺭﻧﯩﯔ ﺋﯩﺶ - ﺋﯩﺰﻟﯩﺮﻯ ﺧﺎﺗﯩﺮﻟﻪﻧﮕﻪﻥ ﺑﻮﻟﯘﭖ ، ﺋﺎﺳﺎﺳﻠﯩﻘﻰ ﻏﻪﺭﭘﻜﻪ ﻗﯩﻠﯩﻨﻐﺎﻥ ﻫﻪﺭﺑﺒﻲ ﻳﯜﺭﯛﺷﻠﻪﺭ ﺑﺎﻳﺎﻥ ﻗﯩﻠﯩﻨﻐﺎﻥ . ﺋﯘﻳﻐﯘﺭ ﺗﺎﺭﯨﺨﻰ ، ﻛﯩﺪﺍﻥ ﺗﺎﺭﯨﺨﯩﻤﯘ ﻗﯩﺴﺘﯘﺭﯗﻟﻐﺎﻥ ﺑﻮﻟﯘﭖ ، ﺗﺎﺭﯨﺦ ﺗﻪﺗﻘﯩﻘﺎﺗﭽﯩﻠﯩﺮﯨﻨﯩﯔ ﭘﺎﻳﺪﯨﻠﯩﻨﯩﺸﯩﻐﺎ ﺯﻭﺭ ﺋﺎﺳﺎﺱ ﺳﺎﻟﻐﺎﻥ ﺗﺎﺭﯨﺨﯩﻲ ﻛﯩﺘﺎﺑﻼﺭﻧﯩﯔ ﺑﯩﺮﻯ . ﺋﯩﻜﻜﯩﻨﭽﻰ ﺗﻮﭘﻼﻣﺪﺍ ﺧﺎﺭﻩﺯﻡ ﺧﺎﻧﺪﺍﻧﻠﯩﻘﻰ ﺗﺎﺭﯨﺨﻰ ﻫﻪﻣﺪﻩ ﻣﻮﯕﻐﯘﻝ ﺋﯩﻤﭙﯩﺮﺍﺗﻮﺭﻟﯩﺮﯨﻨﯩﯔ ﺋﯩﺮﺍﻧﺪﺍ ﻫﺎﻛﯩﻤﯩﻴﻪﺕ ﻳﯜﺭﮔﯜﺯﮔﻪﻥ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﺋﯩﺶ - ﺋﯩﺰﻟﯩﺮﻯ ﺑﺎﻳﺎﻥ ﻗﯩﻠﯩﻨﻐﺎﻥ ، ﺑﯘﻧﯩﯖﻐﯩﻤﯘ ﺋﺎﻟﺪﯨﻨﻘﻰ ﺗﻮﭘﻼﻣﺪﯨﻜﻰ ﻛﯩﺪﺍﻧﻼﺭﻧﯩﯔ ﺗﺎﺭﯨﺨﻰ ﻗﯩﺴﺘﯘﺭﯗﻟﻐﺎﻥ . ﺋﯜﭼﻨﭽﻰ ﺗﻮﭘﻼﻣﺪﺍ ﺑﻮﻟﺴﺎ ~ ﻣﯜﯕﻜﻪ ﺧﺎﻧﻨﯩﯔ ﺗﻪﺧﺘﻨﻰ ﻣﯘﺳﺘﻪﻫﻜﻪﻣﻠﯩﺸﻰ ، ﻫﯩﻼﻛﻮﻧﯩﯔ ﻏﻪﺭﺑﻜﻪ ﻳﯜﺭﯛﺵ ﻗﯩﻠﯩﺸﻰ ﻫﻪﻣﺪﻩ ﺋﯩﺴﻤﺎﻳﯩﻠﯩﻴﻪ ﻣﻪﺯﻫﯩﭙﯩﺪﯨﻜﻰ ﺧﺎﻧﻠﯩﻘﯩﻨﯩﯔ ﺗﺎﺭﯨﺨﯩﻲ ﻗﺎﺗﺎﺭﻟﯩﻘﻼﺭ ﻳﯧﺰﯨﻠﻐﺎﻥ . ﺋﻪﺳﻪﺭﺩﯨﻜﻰ ﻧﯘﺭﻏﯘﻥ ﻣﺎﺗﯩﺮﯨﻴﺎﻟﻼﺭ ﺋﺎﭘﺘﻮﺭ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻥ - ﺋﺎﯕﻠﯩﻐﺎﻥ ﯞﻩﻗﻪﻟﻪﺭ ﺑﻮﻟﯘﭖ ، ﺑﯩﺮﯨﻨﭽﻰ ﻗﻮﻝ ﻣﺎﺗﯩﺮﯨﻴﺎﻟﻼﺭﺩﯗﺭ . ﺑﯘ ﻛﯩﺘﺎﺏ ﺋﯩﻨﺘﺎﻳﯩﻦ ﻳﯘﻗﯘﺭﻯ ﻗﯩﻤﻤﻪﺗﻜﻪ ﺋﯩﮕﻪ ﺗﺎﺭﯨﺨﯩﻲ ﺋﻪﺳﻪﺭ . ﺑﯘﻧﯩﯔ ﺑﻪﺯﻯ ﺑﺎﻳﺎﻧﻠﯩﺮﻯ ﺗﻮﻏﺮﯨﻠﯩﻖ ﻛﯧﻴﯩﻦ ﺗﻮﺧﺘﯩﻠﯩﻤﯩﺰ .
* * * * * * * * * * * * * * *
<< ﺟﺎﻣﯩﺌﯘﻝ ﺗﺎﯞﺍﺭﯨﺦ >>
ﺋﯩﻠﯩﻜﺨﺎﻥ ﺧﺎﻧﻠﯩﻘﯩﻨﯩﯔ ﯞﻩﺯﯨﺮﻯ ﺭﺍﺷﯩﺪﯨﻦRashidal.din ﻏﺎﺯﺍﻥ ﺧﺎﻧﻨﯩﯔ ﭘﻪﺭﻣﺎﻧﻰ ﺑﻮﻳﯩﭽﻪ ﺗﯜﺯﯛﭖ ﭼﯩﻘﻘﺎﻥ ﺗﺎﺭﯨﺨﯩﻲ ﻛﯩﺘﺎﺏ .
ﺭﺍﺷﯩﺪﯨﻦ ﻫﻪﻗﻘﯩﺪﻩ ﻣﯘﻧﯘ ﺋﺎﺩﺭﯨﺴﺘﯩﻦ ﻛﯚﺭﯛﯓ ﺗﻪﭘﺴﯩﻼﺗﯩﻨﻰ :
./read.php?tid=2495&keyword=
ﺑﯘ ﻛﯩﺘﺎﺑﻨﯩﯔ ﻳﯧﺰﯨﻠﻐﺎﻥ ﯞﺍﻗﺘﻰ ﻫﯩﺠﯩﺮﯨﻴﻪ 710 ﻳﯩﻠﻰ ﻳﻪﻧﻰ ﻣﯩﻼﺩﯨﻴﻪ 1311~1310 - ﻳﯩﻠﻼﺭ ﺋﻪﺗﺮﺍﭘﯩﻐﺎ ﺗﻮﻏﺮﺍ ﻛﯧﻠﯩﺪﯗ . ﺑﯘ ﺋﻪﺳﻪﺭ ﺋﯜﭺ ﻗﯩﺴﯩﻤﻐﺎ ﺑﯚﻟﯜﻧﮕﻪﻥ :
ﺑﯩﺮﯨﻨﭽﻰ ﺑﯚﻟﯜﻣﻰ : ﻣﻮﯕﻐﯘﻝ ﺗﺎﺭﯨﺨﻰ ؛ ﺋﯩﻜﻜﯩﻨﭽﻰ ﺑﯚﻟﯜﻣﻰ : ﺩﯗﻧﻴﺎ ﺗﺎﺭﯨﺨﻰ ؛ ﺋﯜﭼﯩﻨﭽﻰ ﺑﯚﻟﯜﻣﻰ : ﺩﯗﻧﻴﺎ ﺗﻪﺯﻛﯩﺮﯨﺴﯩﺪﯨﻦ ﺋﯩﺒﺎﺭﻩﺕ . ﻫﺎﺯﯨﺮﻏﯩﭽﻪ ﺳﺎﻗﻠﯩﻨﯩﭗ ﻛﯧﻠﯩﯟﺍﺗﻘﯩﻨﻰ ﺋﺎﻟﺪﯨﻨﻘﻰ ﺋﯩﻜﻜﻰ ﺑﯚﻟﯜﻣﻰ . ﺑﯘ ﺋﻪﺳﻪﺭﻧﯩﯔ ﺳﻪﻝ ﺗﻮﻟﯘﻗﺮﺍﻗﻰ ﺋﯩﺴﺘﺎﻣﺒﯘﻟﺪﺍ 1317 - ﻳﯩﻠﻰ ﺗﯧﭙﯩﻠﻐﺎﻥ ﻧﯘﺳﺨﯩﺴﯩﻜﻪﻥ . ﺑﯘ ﻧﯘﺳﺨﺎ ﺋﯜﭺ ﺟﯩﻠﺪﻟﯩﻖ ﺑﻮﻟﯘﭖ ، ﺋﺎﻳﺮﯨﻢ - ﺋﺎﻳﺮﯨﻢ ﻫﺎﻟﺪﺍ ﺗﯜﺭﻙ - ﻣﻮﯕﻐﯘﻝ ﻗﻪﺑﯩﻠﯩﻠﯩﺮﯨﻨﯩﯔ ﺗﻪﺯﻛﯩﺮﯨﺴﻰ ، ﭼﯩﯖﮕﯩﺰﺧﺎﻧﻨﯩﯔ ﻧﻪﺳﻪﺑﻠﯩﺮﻯ ، ﺋﯩﺶ - ﭘﺎﺋﺎﻟﯩﻴﻪﺗﻠﯩﺮﻯ ، ﭘﺎﺭﺳﻼﺭﻧﯩﯔ ﺋﯩﻠﯩﻜﺨﺎﻥ ﺧﺎﻧﻠﯩﻘﯩﻨﯩﯔ ﺳﯩﺮﺗﯩﺪﯨﻜﻰ ﻣﻮﯕﻐﯘﻝ ﺋﻪﯞﻻﺩﻟﯩﺮﯨﻨﯩﯔ ﺗﺎﺭﯨﺨﻰ ، ﻫﯩﻼﻛﻮ ﻫﻪﻣﺪﻩ ﻏﺎﺯﺍﻥ ﺧﺎﻧﻠﯩﻘﯩﺪﯨﻜﻰ ﺋﯩﻠﯩﻜﺨﺎﻧﻼﺭﻧﯩﯔ ﺋﯘﺗﯘﻗﻠﯩﺮﻯ ﻗﺎﺗﺎﺭﻟﯩﻘﻼﺭ ﺑﺎﻳﺎﻥ ﻗﯩﻠﯩﻨﻐﺎﻥ . ﺋﯩﻜﻜﯩﻨﭽﻰ ﺟﯩﻠﺪﻧﯩﯔ 4- ﺑﯚﻟﯩﻜﯩﺪﻩ ﺋﺎﻳﺮﯨﻢ - ﺋﺎﻳﺮﯨﻢ ﻫﺎﻟﺪﺍ ﭘﺎﺭﺱ ﺋﯧﻠﯩﺪﯨﻜﻰ ﺧﺎﻧﺪﺍﻧﻠﯩﻘﻼﺭﻧﯩﯔ ﺗﺎﺭﯨﺨﻰ ، ﻣﯘﻫﻪﻣﻤﻪﺩ ﭘﻪﻳﻐﻪﻣﺒﻪﺭﻧﯩﯔ ﺗﻪﺯﻛﯩﺮﯨﺴﻰ ﯞﻩ ﺧﻪﻟﯩﭙﯩﻠﻪﺭ ﺗﺎﺭﯨﺨﻰ ، ﺋﻮﻧﯩﻨﭽﻰ ﺋﻪﺳﯩﺮﺩﯨﻦ ﺋﻮﻥ ﺋﯜﭼﯩﻨﭽﻰ ﺋﻪﺳﯩﺮﮔﯩﭽﻪ ﺑﻮﻟﻐﺎﻥ ﺋﯩﺴﻼﻡ ﺧﺎﻧﺪﺍﻧﻠﯩﻘﻠﯩﺮﯨﻨﯩﯔ ﺗﺎﺭﯨﺨﻰ ﯞﻩ ﺗﯜﺭﻛﻠﻪﺭ ، ﻳﻪﻫﯘﺩﯨﻴﻼﺭ ، ﭘﻪﺭﻩﯕﻠﻪﺭ ، ﻫﯩﻨﺪﯨﻼﺭ ﻗﺎﺗﺎﺭﻟﯩﻘﻼﺭ ﺑﺎﻳﺎﻥ ﻗﯩﻠﯩﻨﻐﺎﻥ .ﺑﯘ ﺋﻪﺳﻪﺭﻧﯩﯔ ﺋﻪﯓ ﺩﻩﺳﻠﻪﭘﻜﻰ ﻧﯘﺳﺨﯩﺴﻰ ﺭﯗﺳﯩﻴﯩﻠﯩﻚ ﻣﯘﺗﻪﺧﻪﺳﯩﺴﻠﻪﺭﻧﯩﯔ ﻳﻪﺗﺘﻪ ﻗﻮﻟﻴﺎﺯﻣﯩﻨﻰ ﺳﯧﻠﯩﺸﺘﯘﺭﯗﭖ ﺗﯘﺭﯗﭖ ﺗﻪﺭﺟﯩﻤﻪ ﻗﯩﻠﯩﭗ ﻧﻪﺷﺮ ﻗﯩﻠﻐﺎﻥ ﻧﯘﺳﺨﯩﺴﻰ ﺑﻮﻟﯘﭖ ، 1946 - ﻳﯩﻠﯩﺪﯨﻦ 1960 - ﻳﯩﻠﯩﻐﯩﭽﻪ ﻛﻪﻳﻨﻰ - ﻛﻪﻳﻨﯩﺪﯨﻦ ﻧﻪﺷﺮ ﻗﯩﻠﯩﻨﻐﺎﻥ ﺋﯩﻜﻪﻥ .
ﺑﯘ ﻛﯩﺘﺎﺑﻨﯩﯔ ﺋﯘﻳﻐﯘﺭﭼﻪ ﺗﻪﺭﺟﯩﻤﯩﺴﯩﮕﻪ ﻛﻪﻟﺴﻪﻙ ~ ﺑﻪﺯﻯ ﺗﺎﺭﯨﺨﻲ ﻣﺎﺗﯩﺮﯨﻴﺎﻟﻼﺭﺩﺍ ﻧﻪﻗﯩﻞ ﻗﯩﻠﯩﻨﻐﺎﻧﻠﯩﺮﯨﻤﯘ ، ﺳﻪﻝ ﺗﻪﭘﺴﯩﻠﯩﻴﺮﻩﻙ ﺗﻮﺧﺘﺎﻟﻐﺎﻧﻠﯩﺮﯨﻤﯘ ﺑﺎﺭ . ﺑﯩﺰ ﺑﯘ ﻫﻪﻗﺘﻪ ﻛﯧﻴﯩﻨﭽﻪ ﺋﺎﻳﺮﯨﻢ ﺗﻮﺧﺘﯩﻠﯩﭗ ، ﺋﻪﻳﻨﻰ ﭼﺎﻏﺪﯨﻜﻰ ﻣﻮﯕﻐﯘﻟﻼﺭﻧﯩﯔ ﺗﺎﺭﯨﺨﯩﻲ ﺑﯩﻠﻪﻥ ﺋﺎﺯﻏﯩﻨﻪ ﺗﻮﻧﯘﺷﯘﺵ ﭘﯘﺭﺳﯩﺘﯩﮕﻪ ﺋﯩﮕﻪ ﺑﻮﻟﯩﻤﯩﺰ . ﺟﯜﻣﻠﯩﺪﯨﻦ " ﻣﻮﯕﻐﯘﻟﻼﺭﻧﯩﯔ ﻣﻪﺧﭙﯩﻲ ﺗﺎﺭﯨﺨﻰ" ﻣﯘ ﻣﯘﺷﯘ ﺋﻪﺳﻪﺭﺩﯨﻦ ﺗﻮﻟﯘﻕ ﭘﺎﻳﺪﯨﻠﯩﻨﯩﻠﻐﺎﻥ ﺩﯦﻴﯩﺸﻜﻪ ﺑﻮﻟﯩﺪﯗ .
* * * * * * * * * * * * * * *
<<ﺳﯘﺭﺭﺍﻫ ﻟﯘﻏﯩﺘﯩﮕﻪ ﺗﻮﻟﯘﻗﻠﯩﻤﺎ >>
ﻟﻴﯘ ﺯﯤ ﺷﻴﺎﯞﻧﯩﯔ " ﺋﯘﻳﻐﯘﺭﻻﺭ ﺗﺎﺭﯨﺨﻰ" ﻧﻰ ﺋﻮﻗﯘﻏﺎﻥ ﻫﻪﺭ ﺑﯩﺮ ﻛﯩﺸﻰ ~ ﺑﯘ ﻛﯩﺘﺎﺑﺘﺎ ﺋﺎﻻﻫﯧﺪﻩ ﻧﻪﻗﯩﻞ ﻗﯩﻠﯩﻨﯩﭗ ﺋﯚﺗﻜﻪﻥ " ﺳﯘﺭﺭﺍﻫ ﻟﯘﻏﯩﺘﯩﮕﻪ ﺗﻮﻟﯘﻗﻠﯩﻤﺎ" ﻧﻰ ﺋﻮﻗﯘﻣﺎﻱ ﻗﺎﻟﻤﺎﻳﺪﯗ- ﺋﻪﻟﯟﻩﺗﺘﻪ . ﻛﻮﻧﺎ ﻣﯘﻧﺒﻪﺭﺩﻩ ﻣﯘﺷﯘ ﺋﻪﺳﻪﺭ ﺗﻮﻏﺮﯨﻠﯩﻖ ﻳﯜﺯﻩﻛﻰ ﺗﻮﺧﺘﺎﻟﻐﺎﻥ ﺋﯩﺪﯨﻢ ، ﺋﻪﻣﺪﻯ ﺑﯜﮔﯜﻥ ﺑﯩﺰ ﺑﯘ ﻳﻪﺭﺩﻩ " ﺳﯘﺭﺭﺍﻫ ﻟﯘﻏﯩﺘﯩﮕﻪ ﺗﻮﻟﯘﻗﻠﯩﻤﺎ" ﻫﻪﻗﻘﯩﺪﻩ ﺋﺎﺯﻏﯩﻨﻪ ﺳﺎﯞﺍﺗﻘﺎ ﺋﯧﺮﯨﺸﻤﻪﻛﭽﻰ .
ﺟﺎﻣﺎﻝ ﻗﺎﺭﺷﻰ ﮔﯚﻫﻪﺭﯨﻨﯩﯔ ﺋﻪﺭﻩﺑﭽﻪ ﻟﯘﻏﯩﺘﻰ " ﺗﯩﻠﻼﺭ ﺷﺎﻫﻰ ﯞﻩ ﺋﻪﺭﻩﺑﭽﻪ ﻳﯧﺰﯨﻘﯩﻨﯩﯔ ﻫﯚﺳﻨﻰ" ﮔﻪ ﺋﺎﺳﺎﺳﻪﻥ ﺗﻪﺭﺟﯩﻤﻪ ﻗﯩﻠﯩﻨﯩﭗ ، ﭘﺎﺭﺳﭽﻪ " ﺳﯘﺭﺭﺍﻫ ﻟﯘﻏﯩﺘﻰ" ﻧﻰ ﺗﯜﺯﯛﭖ ﭼﯩﻘﻘﺎﻥ . XIV - XIII ﺋﻪﺳﯩﺮﻟﻪﺭ ﺋﺎﺭﯨﻠﯩﻘﯩﺪﺍ ﻳﻪﻧﻪ ﺗﻮﻟﯘﻗﻠﯩﻤﺎ ﺋﯩﻼﯞﯨﺴﯩﻨﻰ ﻳﺎﺯﻏﺎﻥ . ﺋﯘﻧﯩﯖﺪﺍ ﺋﻮﺗﺘﯘﺭﺍ ﺋﺎﺳﯩﻴﺎ ﺧﺎﻧﻠﯩﻘﻠﯩﺮﻯ ﺗﺎﺭﯨﺨﻰ ﻫﻪﻣﺪﻩ ﺩﯨﻨﯩﻲ ﺋﻪﺭﺑﺎﺑﻼﺭﻏﺎ ﺩﺍﺋﯩﺮ ﻗﯩﻤﻤﻪﺗﻠﯩﻚ ﻣﺎﺗﯧﺮﯨﻴﺎﻟﻼﺭ ﺳﺎﻗﻼﻧﻐﺎﻥ ﺑﻮﻟﯘﭖ ، ﺷﻪﺭﻗﺸﯘﻧﺎﺳﻼﺭﻧﯩﯔ ﺩﯨﻘﻘﯩﺘﯩﻨﻰ ﺋﺎﻻﻫﯧﺪﻩ ﺗﺎﺭﺗﻘﺎﻥ . ﻗﺎﺭﺍﺧﺎﻧﯩﻴﻼﺭ ﺳﯘﻻﻟﯩﺴﯩﻨﯩﯔ ﺩﻩﺳﻠﻪﭘﻜﻰ ﻣﻪﺯﮔﯩﻠﻠﯩﺮﯨﺪﯨﻜﻰ ﺗﺎﺭﯨﺦ ﻫﻪﻗﻘﯩﺪﯨﺪﯨﻜﻰ ﺭﯨﯟﺍﻳﻪﺕ -- ﺋﺎﻟﻤﺎﺋﯩﻨﯩﯔ " ﻗﻪﺷﻘﻪﺭ ﺗﺎﺭﯨﺨﻰ" ﺩﯨﻜﻰ ﺑﻪﺯﻯ ﻣﻪﺯﻣﯘﻧﻼﺭ " ﺳﯘﺭﺭﺍﻫ ﻟﯘﻏﯩﺘﯩﮕﻪ ﺋﯩﻼﯞﻩ " ﺩﻩ ﺳﺎﻗﻠﯩﻨﯩﭗ ﻗﺎﻟﻐﺎﻥ . ﺟﺎﻣﺎﻝ ﻗﺎﺭﺷﻰ ﺋﺎﻟﻤﺎﻟﯩﻘﺘﺎ ﺗﯘﻏﯘﻟﻐﺎﻥ ، 30 ﻳﺎﺷﺘﯩﻦ ﺋﺎﺷﻘﺎﻧﺪﺍ ﻗﻪﺷﻘﻪﺭﮔﻪ ﻛﯚﭼﯜﭖ ﻛﯧﻠﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﻫﻪﻡ ﺋﻮﺭﺩﺍ ﺋﻪﻣﻪﻟﺪﺍﺭﻯ ﺑﻮﻟﻐﺎﻥ.  .... ( ﺟﺎﻣﺎﻝ ﻗﺎﺭﺷﻰ ﻫﻪﻗﻘﯩﺪﻩ ﻛﻮﻧﺎ ﻣﯘﻧﺒﻪﺭﺩﻩ " ﻣﻪﺷﻬﯘﺭ ﺷﻪﺧﺴﻠﻪﺭ" ﺳﻪﻫﯩﭙﯩﺴﯩﺪﻩ ﺗﻪﺭﺟﯩﻤﯩﻬﺎﻟﻰ ﺑﺎﺭ ، ﺷﯘ ﻳﻪﺭﺩﯨﻦ ﻛﯚﺭﯛﯓ -- ﺋﺎﻳﭽﯩﯟﻩﺭ )
* * * * * * * * * * * * * * *
<< ﺋﻪﺗﻪﺑﻪﺗﯘﻝ ﻫﺎﻗﺎﻳﯩﻖ >>
ﻗﻪﺩﯨﻤﻜﻰ ﺋﯘﻳﻐﯘﺭ ﺗﯩﻠﯩﺪﺍ ﻳﯧﺰﯨﻠﻐﺎﻥ ﭘﻪﻧﺪﻯ - ﻧﻪﺳﯩﻬﻪﺕ ﺩﺍﺳﺘﺎﻧﻰ ﺑﻮﻟﯘﭖ ، ﺑﯘ " ﻫﻪﻗﯩﻘﻪﺗﻠﻪﺭ ﺑﻮﺳﯘﻏﯘﺳﯩﺪﺍ" ﺩﻩﭘﻤﯘ ﺋﺎﺗﯩﻠﯩﺪﯗ . ﺑﯘ ﺋﻪﺳﻪﺭﻧﯩﯔ ﺗﻪﭘﺴﯩﻼﺗﻰ ﺩﯨﻴﺎﺭﯨﻢ ﻣﯘﻧﺒﯩﺮﯨﺪﻩ ﺑﺎﺭ ، ﻣﺎﻧﺎ ﺋﯘﻟﯩﻨﯩﺶ ﺋﺎﺩﺭﯨﺴﻰ ، ﺑﯩﺮ ﻛﯚﺭﯛﭖ ﭼﯩﻘﯩﺸﻘﺎ ﺋﻪﺭﺯﯨﻴﺪﯗ :
./read.php?tid=3511&keyword=
XIII ﺋﻪﺳﯩﺮﻧﯩﯔ ﺑﺎﺷﻠﯩﺮﻯ ﻳﺎﻛﻰ XII  ﺋﻪﺳﯩﺮﻧﯩﯔ ﺋﺎﺧﯩﺮﻟﯩﺮﯨﺪﺍ ﻳﯧﺰﯨﻠﻐﺎﻥ . ﺋﺎﭘﺘﻮﺭﻯ :  ﺋﻪﻣﺎ ﺷﺎﺋﯩﺮ ، ﺋﻪﺩﯨﺐ . ﺋﻪﺧﻤﻪﺕ ﻳﯜﻛﻨﻪﻛﻰ ﺑﻮﻟﯘﭖ ، ﺑﯘ ﺋﻪﺳﯩﺮﯨﻨﻰ ﻗﺎﺭﺍﺧﺎﻧﯩﻴﻼﺭ ﺳﯘﻻﻟﯩﺴﯩﻨﯩﯔ ﺧﺎﻗﺎﻧﻰ ﺋﻪﻣﯩﺮ ﻣﯘﻫﻪﻣﻤﻪﺗﻜﻪ ﺗﻪﻗﺪﯨﻢ ﻗﯩﻠﻐﺎﻥ . ﺋﻪﺳﻪﺭ 14 ﺑﺎﭖ ، 500 ﻣﯩﺴﺮﺍﻟﯩﻖ ﺑﯧﻴﯩﺖ ﺑﻮﻟﯘﭖ ، ﺋﺎﺳﺎﺳﯩﻲ ﺗﯧﻤﯩﺴﻰ ﺋﯩﺴﻼﻡ ﭘﻪﻟﺴﻪﭘﻪ ﺋﯩﺪﯨﻴﯩﺴﯩﺪﯨﻦ ﺋﯩﺒﺎﺭﻩﺕ . ﻳﯧﺰﯨﻠﻐﺎﻥ ﯞﺍﻗﺘﻰ ﻗﺎﺭﺍﺧﺎﻧﯩﻴﻼﺭ ﺳﯘﻻﻟﯩﺴﯩﻨﯩﯔ ﺯﺍﯞﺍﻟﯩﻘﻘﺎ ﻳﯜﺯﻟﻪﻧﮕﻪﻥ ﯞﺍﻗﺘﯩﻐﺎ ﺗﻮﻏﺮﺍ ﻛﯧﻠﯩﺪﯗ .
* * * * * * * * * * * * * * *
<< ﺗﺎﺭﯨﺨﯩﻲ ﺋﻮﻣﯘﻣﯩﻴﻪ >>
ﺑﯘ ﺋﻪﺳﻪﺭ -- ﺋﻪﺭﻩﺑﻠﻪﺭﻧﯩﯔ ﺋﻮﻣﯘﻣﯩﻲ ﺗﺎﺭﯨﺨﻰ ﺑﻮﻟﯘﭖ ، ﺋﺎﭘﺘﻮﺭﻯ -- ﺋﯩﺒﯩﻦ ﺋﺎﺗﻬﯧﺮﻯ . ﺋﯩﺒﯩﻦ ﺋﺎﺗﻬﯧﺮﻯ ﺋﻪﺭﻩﺏ ﺗﺎﺭﯨﺨﭽﯩﺴﻰ . ﺋﺎﺳﺎﺳﯩﻲ ﻣﻪﺯﻣﯘﻧﻰ : ﻗﺎﺭﺍﺧﺎﻧﯩﻴﻼﺭ ﺳﯘﻻﻟﯩﺴﯩﻨﯩﯔ ﺗﺎﺭﯨﺨﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﻣﺎﺗﯧﺮﯨﻴﺎﻟﻼﺭ ﺑﻮﻟﯘﭖ ، ﺳﯧﺴﺘﯩﻤﯩﻠﯩﻖ ﻫﻪﻡ ﺗﻪﭘﺴﯩﻠﯩﻴﺮﻩﻙ ﺑﺎﻳﺎﻥ ﻗﯩﻠﯩﻨﻐﺎﻥ . ﻗﯩﺘﺎﻧﻼﺭﻏﺎ ﯞﻩ ﻣﻮﯕﻐﯘﻟﻼﺭﻧﯩﯔ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﺩﺍﺋﯩﺮ ﺗﻪﭘﺴﯩﻠﯩﻲ ﻣﺎﺗﯧﺮﯨﻴﺎﻟﻼﺭﻣﯘ ﺑﺎﺭ . XIX ﺋﻪﺳﯩﺮﻟﻪﺭﻧﯩﯔ ﺋﻮﺗﺘﯘﺭﯨﻠﯩﺮﯨﺪﺍ ﺗﻪﻫﯩﺮﯨﻠﯩﻨﯩﭗ ، 14 ﭘﺎﺭﭼﻪ ﻛﯩﺘﺎﺏ ﻗﯩﻠﯩﭗ ﻧﻪﺷﺮ ﻗﯩﻠﯩﻨﻐﺎﻧﯩﻜﻪﻥ . ﺋﯘﻳﻐﯘﺭﭼﻪ ﻧﯘﺳﺨﯩﺴﻰ ﺑﺎﺭﻣﯘ- ﻳﻮﻕ~ ﺑﯘﻧﯩﺴﯩﻨﻰ ﺑﯩﻠﻤﻪﻳﺪﯨﻜﻪﻧﻤﻪﻥ ، ﻟﯧﻜﯩﻦ ﺑﻪﺯﻯ ﺗﺎﺭﯨﺦ ﻣﺎﺗﯩﺮﯨﻴﺎﻟﻠﯩﺮﯨﺪﺍ ﻧﻪﻗﯩﻞ ﺋﯧﻠﯩﻨﻐﺎﻥ ﺋﯩﺰﺍﻫﺎﺗﻠﯩﺮﻯ ﺑﺎﺭ . ﺑﻮﻟﯘﭘﻤﯘ ﻗﯩﺘﺎﻧﻼﺭﻏﺎ ﺩﺍﺋﯩﺮ ﻣﻪﺯﻣﯘﻧﻠﯩﺮﻯ ﻗﻪﺩﯨﻤﻜﻰ ﺋﯘﻳﻐﯘﺭ ﺗﺎﺭﯨﺨﯩﺪﺍ ﻛﯚﭖ ﺋﯘﭼﺮﺍﻳﺪﯗ .
----------------------------------
ﻫﻪﺭ ﺧﯩﻞ ﻧﺎﺩﯨﺮ ﻛﯩﺘﺎﺑﻼﺭ ﻣﯘﺷﯘ ﺗﯧﻤﺎ ﺋﺎﺳﺘﯩﻐﺎ ﺩﺍﯞﺍﻣﻠﯩﻖ ﻗﯧﺘﯩﻠﯩﭗ ﺗﻪﻫﺮﯨﺮﻟﯩﻨﯩﭗ ﻣﺎﯕﯩﺪﯗ ﻳﺎﻛﻰ ﺋﯩﻨﻜﺎﺱ ﺷﻪﻛﻠﯩﺪﻩ ﻳﻮﻟﻠﯘﻧﯩﺪﯗ . ﻗﯩﺰﯨﻘﺎﻣﺴﯩﺰ ؟ ﺋﺎﯕﻠﯩﻐﺎﻧﻤﯘ ؟ " ﻏﻪﺭﺑﯩﻲ ﻳﯘﺭﺗﺘﯩﻜﻰ 24 ﺗﺎﺭﯨﺦ " ﻏﺎ ﺩﺍﺋﯩﺮ ﻛﯩﺘﺎﺑﻼﺭﻧﻰ ؟ ﻗﯩﺰﯨﻘﺴﯩﯖﯩﺰ ﺑﯘ ﺗﯧﻤﯩﻨﻰ ﻳﯜﺗﺘﯜﺭﯛﭖ ﻗﻮﻳﻤﺎﯓ .... ﭼﯜﺷﯩﻨﻪﻟﻤﯩﺴﯩﯖﯩﺰﻣﯘ ﺑﯩﻠﯩﯟﯦﻠﯩﯔ . ﻛﯚﺭﮔﯜﯕﯩﺰ ﻛﻪﻟﻤﯩﺴﯩﻤﯘ ﺋﯩﺴﻤﯩﻨﻰ ﺑﯩﻠﯩﯟﯦﻠﯩﯔ ~ ﻛﯩﺘﺎﺏ ﺋﻮﻗﯘﺷﻨﻰ ﻳﺎﻗﺘﯘﺭﻣﯩﺴﯩﯖﯩﺰﻣﯘ ﻛﯩﺘﺎﺏ ﺋﯩﺴﻤﯩﻨﻰ ﺑﻮﻟﺴﯩﻤﯘ ﺑﯩﻠﯩﯟﯦﻠﯩﯔ ! ﺳﯩﺰﻧﻰ ﺯﯦﺮﯨﻜﺘﯜﺭﯛﭖ ﻗﻮﻳﻤﺎﺳﻠﯩﻖ ﺋﯜﭼﯜﻥ ﺑﯜﮔﯜﻥ ﻣﯘﺷﯘ ﻳﻪﺭﮔﯩﭽﻪ ﺑﻮﻟﺴﯘﻥ .
--------------------
ﺗﻪﻳﻴﺎﺭﻟﯩﻐﯘﭼﻰ : ﺋﺎﻳﭽﯩﯟﻩﺭ

ﺩﺍﯞﺍﻣﻰ ...
<< ﺗﺎﺭﯨﺨﻰ ﺭﻩﺷﯩﺪﻯ >>
ﺷﻪﺭﻗﯩﻲ ﭼﺎﻏﺎﺗﺎﻱ ﺧﺎﻧﻠﯩﻘﻰ ﯞﻩ ﻳﻪﻛﻪﻥ ﺳﻪﺋﯩﺪﯨﻴﻪ ﺧﺎﻧﻠﯩﻘﯩﻨﯩﯔ ﺩﻩﺳﻠﻪﭘﻜﻰ ﺗﺎﺭﯨﺨﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺗﺎﺭﯨﺨﯩﻲ ﺋﻪﺳﻪﺭ .ﻣﯩﺮﺯﺍ ﻣﯘﻫﻪﻣﻤﻪﺕ ﻫﻪﻳﺪﻩﺭ ﻛﻪﺷﻤﯩﺮﺩﻩ ﺗﯘﺭﯗﯞﺍﺗﻘﺎﻥ ﻣﻪﺯﮔﯩﻠﺪﻩ ﭘﺎﺭﺳﭽﻪ ﻳﺎﺯﻏﺎﻥ ﺋﻪﺳﻪﺭ . ﭘﯜﺗﯜﻥ ﻛﯩﺘﺎﺏ ﺋﯩﻜﻜﻰ ﺑﯚﻟﯜﻣﮕﻪ ﺑﯚﻟﯜﻧﮕﻪﻥ . ﺑﯩﺮﯨﻨﭽﻰ ﺑﯚﻟﯜﻣﻰ ﻫﻪﻗﯩﻘﯩﻲ ﺗﺎﺭﯨﺦ ﺑﻮﻟﯘﭖ ، ﭼﺎﻏﺎﺗﺎﻱ ﺧﺎﻧﻠﯩﻘﯩﻨﯩﯔ ﺗﺎﺭﯨﺨﻰ ﺑﺎﻳﺎﻥ ﻗﯩﻠﯩﻨﻐﺎﻥ . ﻗﯘﺑﻼﻱ ﻳﯩﻠﻠﯩﺮﯨﻨﯩﯔ 7 - ﻳﯩﻠﻰ ﻳﻪﻧﻰ ﻣﯩﻼﺩﻯ 1347 - ﻳﯩﻠﯩﻐﺎ ﺗﻮﻏﺮﺍ ﻛﻪﻟﺴﻪ ﻛﯧﺮﻩﻙ~ ، ﺗﯘﻏﻠﯘﻕ ﺗﯚﻣﯜﺭ ﺗﻪﺧﺘﻜﻪ ﭼﯩﻘﻘﺎﻧﺪﯨﻦ  ﺗﺎﺭﺗﯩﭗ ﺗﺎﻛﻰ ﻣﯩﯔ ﺳﯘﻻﻟﯩﺴﯩﻨﯩﯔ ﻳﻪﻧﻰ ﻣﯩﻼﺩﻯ 1533 - ﻳﯩﻠﯩﺪﯨﻜﻰ ﺭﻩﺷﯩﺪ ﺧﺎﻧﻨﯩﯔ ﻣﯘﺋﻪﻟﻠﯩﭙﻨﯩﯔ ﺗﺎﻏﯩﺴﻰ ﺳﻪﻳﻴﯩﺪ ﻣﯘﻫﻪﻣﻤﻪﺩﻧﻰ ﻗﻪﺗﻠﻰ ﻗﯩﻠﻐﺎﻧﻐﯩﭽﻪ ﻗﻪﺩﻩﺭ ﻫﻪﻡ ﺷﯘ ﺩﻩﯞﺭﮔﻪ ﺗﻪﯞﻩ ﺑﻮﻟﻐﺎﻥ ﯞﻩﻗﻪﻟﯩﻜﻠﻪﺭ ﻳﯧﺰﯨﻠﻐﺎﻥ . ﺋﯩﻜﻜﯩﻨﭽﻰ ﺑﯚﻟﯜﻣﻰ ﺋﺎﺳﺎﺳﻪﻥ ﺑﯩﺮﯨﻨﭽﻰ ﺑﯚﻟﯜﻣﯩﺪﯨﻜﻰ ﻣﺎﺗﯩﺮﯨﻴﺎﻟﻼﺭﺩﯨﻦ  ﭘﺎﻳﺪﯨﻠﯩﻨﯩﻠﻐﺎﻥ ﺑﻮﻟﯘﭖ ، ﺋﯘﻧﯩﯖﺪﺍ ﺳﺎﻗﻼﻧﻐﺎﻥ ﺳﯩﻴﺎﺳﯩﻲ ﻛﯜﺭﻩﺷﻠﻪﺭ ، ﺋﯩﺠﺘﯩﻤﺎﺋﯩﻲ ﺗﯘﺭﻣﯘﺵ ، ﺳﯩﻴﺎﺳﯩﻲ ﻛﯜﺭﻩﺷﻠﻪﺭ ، ﺋﯘﺭﯗﺵ ﭘﺎﺋﺎﻟﯩﻴﻪﺗﻠﯩﺮﻯ ﺟﺎﻧﻠﯩﻖ ﺗﻪﺳﯟﯨﺮﻟﻪﻧﮕﻪﻥ ﺑﻮﻟﯘﭖ ﺗﺎﺭﯨﺦ ﺗﻪﺗﻘﯩﻘﺎﺗﭽﯩﻠﯩﺮﯨﻨﻰ ﻣﯘﻫﯩﻢ ﻣﺎﺗﯧﺮﯨﻴﺎﻝ ﺑﯩﻠﻪﻥ ﺗﻪﻣﯩﻦ ﺋﯧﺘﯩﺸﺘﻪ ﺭﻭﻟﻰ ﭼﻮﯓ ﺑﻮﻟﻐﺎﻥ . ﺑﯘ ﺋﻪﺳﻪﺭﻧﯩﯔ ﺋﯩﻨﮕﯩﻠﯩﺰﭼﻪ ﺋﻪﺳﻠﻰ ﻧﯘﺳﺨﯩﺴﯩﻨﯩﯔ ﺗﻮﻟﯘﻕ ﺋﯩﺴﻤﻰ " ﺋﻮﺗﺘﯘﺭﺍ ﺋﺎﺳﯩﻴﺎ ﻣﻮﯕﻐﯘﻝ ﺗﺎﺭﯨﺨﻰ " ﺩﻩﭖ ﺋﯧﻠﯩﻨﯩﭙﺘﯩﻜﻪﻥ ، ﻛﯧﻴﯩﻨﭽﻪ ﺑﯘ ﺧﻪﻧﺰﯗﭼﯩﻐﺎ ﯞﺍﯓ ﺟﯩﻠﻪﻳﻨﯩﯔ ﺗﻪﻫﺮﯨﺮﻟﯩﻜﯩﺪﻩ 1983 - ﻳﯩﻠﻰ ﻧﻪﺷﺮ ﻗﯩﻠﯩﻨﯩﭗ " ﺗﺎﺭﯨﺨﯩﻲ ﺭﻩﺷﯩﺪﻯ" ﺩﻩﭖ ﺋﯧﻠﯩﻨﻐﺎﻧﯩﻜﻪﻥ . " ﺗﺎﺭﯨﺨﯩﻲ ﺭﻩﺷﯩﺪﻯ" ﺋﻪﺳﻠﻰ ﺑﯘ ﺋﻪﺳﻪﺭﻧﯩﯔ ﻗﻮﺷﯘﻣﭽﻪ ﺋﯩﺴﻤﻰ ﺑﻮﻟﯘﭖ ، ﺑﯩﺰﮔﻪ ﻫﺎﺯﯨﺮﻏﺎ ﻗﻪﺩﻩﺭ ﻳﯧﺘﯩﭗ ﻛﻪﻟﮕﯩﻨﯩﻤﯘ ﻣﯘﺷﯘ ﺋﯩﺴﯩﻤﺪﺍ .
" ﺗﺎﺭﯨﺨﻲ ﺭﻩﺷﯩﺪﻯ " ﺷﯩﻨﺠﺎﯓ ﺧﻪﻟﻖ ﻧﻪﺷﺮﯨﻴﺎﺗﻰ ﺗﻪﺭﯨﭙﯩﺪﯨﻦ ﻧﻪﺷﺮ ﻗﯩﻠﯩﻨﯩﭗ ، ﻫﻪﺭﻗﺎﻳﺴﻰ ﻛﯩﺘﺎﺑﺨﺎﻧﯩﻼﺭﺩﺍ ﻛﻪﯓ ﻛﯚﻟﻪﻣﺪﻩ ﺳﯧﺘﯩﻠﻤﺎﻗﺘﺎ . ﺩﯨﻴﺎﺭﯨﻢ ﻣﯘﻧﺒﯩﺮﯨﺪﯨﻤﯘ ﺩﯨﻴﺎﺭﯨﻢ ﺋﺎﻛﺘﯩﭗ ﺋﻪﺯﺍﺳﻰ TELISKOP ﺑﯘ ﺋﻪﺳﻪﺭﻧﯩﯔ ﺋﺎﺯ ﻗﯩﺴﻤﯩﻨﻰ ﻳﻮﻟﻠﯩﻐﺎﻥ . ﺑﯘ ﺋﺎﺩﺭﯨﺴﺘﯩﻦ ﻛﯩﺮﯨﭗ ﻛﯚﺭﺳﯩﯖﯩﺰ ﺑﻮﻟﯩﺪﯗ :
./read.php?tid=3555&keyword=
-----------------------------------------------------

<< ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ >>
ﺟﯘﯕﮕﻮ ﺑﻮﻳﯩﭽﻪ ﺗﯘﻧﺠﻰ ﻗﯧﺘﯩﻢ ﺋﻪﺭﻩﺏ ﺗﯩﻠﯩﺪﺍ ﭼﯜﺷﻪﻧﺪﯛﺭﯛﻟﮕﻪﻥ ﺗﯜﻛﭽﻪ ﻟﯘﻏﻪﺕ. ﻣﻪﻫﻤﯘﺩ ﻗﻪﺷﻘﯩﺮﻯ ﺑﺎﻏﺪﺍﺗﻘﺎ ﺑﺎﺭﻏﺎﻧﺪﺍ ﻳﯧﺰﯨﭗ ﺗﺎﻣﺎﻣﻠﯩﻐﺎﻥ ﻛﺎﺗﺘﺎ ﺋﻪﺳﻪﺭ . ﺑﯘ ﻛﯩﺘﺎﺑﻨﻰ ﺋﺎﺑﺒﺎﺳﯩﻴﻼﺭ ﺳﯘﻻﻟﯩﺴﯩﻨﯩﯔ ﺧﻪﻟﯩﭙﯩﺴﻰ ﺋﯘﺑﯘﻝ ﻗﺎﺳﯩﻢ ﺋﺎﺑﺪﯗﻟﻼ ﻣﯘﻗﺘﻪﺩﻯ ﺑﯩﻠﻼﻏﺎ ﺗﻪﻗﺪﯨﻢ ﻗﯩﻠﻐﺎﻥ . ﺑﯘ ﻛﯩﺘﺎﺏ 8 ﺟﯩﻠﺪﻟﯩﻖ ﺑﻮﻟﯘﭖ ﻫﻪﺭ ﺑﯩﺮ ﺟﯩﻠﺪﻯ ﻳﻪﻧﻪ 2 ﻗﯩﺴﯩﻤﻐﺎ ﺑﯚﻟﯜﻧﮕﻪﻥ . ﻫﻪﺭ ﺑﯩﺮﻯ ﺳﯚﺯﻟﻪﺭﻧﯩﯔ ﻓﻮﻧﺘﯧﻜﯩﺴﻰ ﺑﻮﻳﯩﭽﻪ ﺗﯜﺭﻟﻪﺭﮔﻪ ﺋﺎﻳﺮﯨﻠﯩﺸﻰ ، ﺗﯩﻞ ﺋﺎﻻﻫﯧﺪﯨﻠﯩﻜﻰ ، ﺗﯜﺭﻟﯩﻨﯩﺸﻰ ، ﻗﻮﺷﯘﻣﭽﯩﻼﺭ ﺑﻮﻳﯩﭽﻪ ﺭﻩﺗﻜﻪ ﺗﯘﺭﻏﯘﺯﯗﻟﻐﺎﻥ . ﻛﯩﺘﺎﺑﻨﯩﯔ ﻗﯘﺭﯗﻟﻤﯩﺴﻰ ﻣﯘﻛﻪﻣﻤﻪﻝ ، ﺳﯧﺴﺘﯩﻤﯩﻠﯩﺮﻯ ﺭﻭﺷﻪﻥ ، ﺳﯚﺯﻟﻪﺭﻧﯩﯔ ﻣﻪﻧﻪ ﺩﺍﺋﯩﺮﯨﺴﻰ ﻛﻪﯓ ﺑﻮﻟﯘﭖ ، ﺋﺎﺳﺘﺮﻭﻧﻮﻣﯩﻴﻪ ، ﺟﯘﻏﺮﺍﭘﯩﻴﻪ ، ﺋﺎﺩﻩﻡ ﺗﯧﻨﯩﺪﯨﻜﻰ ﺋﻪﺯﺍﻻﺭ ، ﻳﯧﻤﻪﻙ - ﺋﯩﭽﻤﻪﻙ ، ﻛﯩﻴﯩﻢ - ﻛﯧﭽﻪﻙ ، ﻗﻮﺭﺍﻝ- ﺳﺎﻳﻤﺎﻥ ، ﺋﯘﭼﺎﺭ ﻗﯘﺷﻼﺭ ، ﻗﯘﺭﯗﺕ - ﻗﻮﯕﻐﯘﺯﻻﺭ ، ﻣﻪﺩﻩﻥ - ﺗﺎﺷﻼﺭ ، ﺋﯚﺭﭖ- ﺋﺎﺩﻩﺗﻠﻪﺭ ، ﻗﻪﺑﯩﻠﻪ - ﻗﻮﯞﯗﻣﻼﺭ ، ﺳﯩﻴﺎﺳﯩﻲ ﺗﯜﺯﯛﻣﻠﻪﺭ ﻗﺎﺗﺎﺭﻟﯩﻖ ﺳﺎﻫﻪﻟﻪﺭﻧﯩﯔ ﻫﻪﻣﻤﯩﺴﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ .  ﺋﯘﻧﯩﯖﺪﺍ ﺋﯘﻳﻐﯘﺭ ﺗﯩﻠﻰ ﯞﻩ ﺗﯜﺭﻙ ﺗﯩﻠﯩﺪﯨﻜﻰ ﺋﺎﺳﺎﺳﻠﯩﻖ ﺳﯚﺯﻟﯜﻛﻠﻪﺭ ﯞﻩ ﮔﯩﺮﺍﻣﺎﺗﯩﻜﯩﻠﯩﻖ ﺋﺎﻻﻫﯧﺪﯨﻜﯩﻜﻠﻪﺭ ﺳﺎﻗﻼﻧﻐﺎﻥ . ﻗﺎﺭﺍﺧﺎﻧﯩﻴﻼﺭ ﺳﯘﻻﻟﯩﺴﯩﻨﯩﯔ ﺳﯩﻴﺎﺳﯩﻲ ﺗﯜﺯﯛﻣﻠﯩﺮﻯ ، ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﯩﺮﻯ ، ﺋﯚﺭﭖ- ﺋﺎﺩﻩﺗﻠﯩﺮﻯ ، ﺩﯨﻨﯩﻲ ﺋﯧﺘﯩﻘﺎﺩﻯ ، ﻗﻮﯞﻣﻼﺭﻧﯩﯔ ﻛﯧﻠﯩﭗ ﭼﯩﻘﯩﺸﻰ ، ﻳﻪﺭ- ﺟﺎﻱ ﻧﺎﻣﻠﯩﺮﻯ ﯞﻩ ﺋﻪﺩﻩﺑﯩﻴﺎﺕ - ﺳﻪﻧﺌﯩﺘﯩﮕﻪ ﺩﺍﺋﯩﺮ ﻣﻪﺯﻣﯘﻧﻼﺭ ﺳﺎﻗﻼﻧﻐﺎﻥ . ﺑﯘ ﺋﻮﻥ ﺑﯩﺮﯨﻨﭽﻰ ﺋﻪﺳﯩﺮﺩﯨﻜﻰ ﺋﻮﺗﺘﯘﺭﺍ ﺋﺎﺳﯩﻴﺎ ﺟﻪﻣﯩﺌﯩﻴﯩﺘﯩﻨﯩﯔ ﻗﺎﻣﯘﺳﻰ ﺩﻩﭖ ﺗﻪﺭﯨﭙﻠﻪﻧﮕﻪﻥ .

-------------------------------------

<< ﻗﯘﺗﺎﺩﻏﯘ ﺑﯩﻠﯩﻚ >>
ﻗﺎﺭﺍﺧﺎﻧﯩﻴﻼﺭ ﺳﯘﻻﻟﯩﺴﻰ ﺩﻩﯞﺭﯨﺪﯨﻜﻰ ﻗﻪﺩﯨﻤﯩﻲ ﺋﯘﻳﻐﯘﺭ ﺗﯩﻠﯩﺪﺍ ﻳﯧﺰﯨﻠﻐﺎﻥ ﺩﯨﺪﺍﻛﺘﯩﻚ ﺋﻪﺳﻪﺭ . ﺑﯘ ﺋﻪﺳﻪﺭﻧﻰ ﻳﯜﺳﯜﭖ ﺧﺎﺱ ﻫﺎﺟﯩﭗ ﻗﻪﺷﻘﻪﺭﺩﻩ ﻳﯧﺰﯨﭗ ﺗﺎﻣﺎﻣﻠﯩﻐﺎﻥ .
ﺑﯘ ﺋﻪﺳﻪﺭﻧﻰ ﺗﻮﻧﯘﺷﺘﯘﺭﯗﺵ ﯞﻩ ﻫﻪﻡ ﺋﻪﺳﻪﺭﺩﯨﻜﻰ ﺋﺎﺳﺎﺳﯩﻲ ﻣﻪﺯﻣﯘﻧﻼﺭ ﺋﺎﺳﺎﺳﻪﻥ ﻫﻪﺭﻗﺎﻳﺴﻰ ﻣﯘﻧﺎﺯﯨﺮﻩ ﻣﯘﻧﺒﻪﺭﻟﯩﺮﯨﺪﻩ ﺑﺎﺭ ﻫﻪﻡ ﺑﯩﺰﮔﻪ ﺗﻮﻟﯩﻤﯘ ﺗﻮﻧﯘﺵ. ﺷﯘﯕﺎ ﺗﻪﭘﺴﯩﻠﯩﻲ ﺗﻮﻧﯘﺷﺘﯘﺭﯗﻟﻤﯩﺪﻯ .

--------------------------
<< ﻣﻮﯕﻐﯘﻟﻼﺭﻧﯩﯔ ﻣﻪﺧﭙﯩﻲ ﺗﺎﺭﯨﺨﻰ >>

«ﻣﻮﯕﻐﯘﻟﻼﺭﻧﯩﯔ ﻣﻪﺧﭙﯩﻲ ﺗﺎﺭﯨﺨﻰ » ﻨﻰ ﺋﻮﻗﯘﺩﯨﯖﯩﺰﻣﯘ ؟ ﻣﻮﯕﻐﯘﻟﻼﺭ ﺗﺎﺭﯨﺨﯩﻐﺎ ﻗﯩﺰﯨﻘﺎﻣﺴﯩﺰ ؟ ﭼﯩﯖﮕﯩﺰﺧﺎﻥ ﯞﻩ ﺋﯘﻧﯩﯔ ﺋﻪﯞﻻﺩﻟﯩﺮﯨﻐﯩﭽﯘ ؟ ﺋﯘﻧﺪﺍﻕ ﺑﻮﻟﺴﺎ ﮔﻪﭘﻨﻰ "ﻣﻮﯕﻐﯘﻟﻼﺭﻧﯩﯔ ﻣﻪﺧﭙﯩﻲ ﺗﺎﺭﯨﺨﻰ" ﻧﺎﻣﻠﯩﻖ ﻛﯩﺘﺎﺑﺘﺎ ﻧﯧﻤﯩﻠﻪﺭ ﺳﯚﺯﻟﻪﻧﮕﻪﻧﻠﯩﻜﻰ ﻫﻪﻗﻘﯩﺪﻩ ﻗﯩﺴﻘﯩﭽﻪ ﺗﻮﻧﯘﺷﯘﭖ ﭼﯩﻘﺎﻳﻠﻰ :

1 . ﭼﯩﯖﮕﯩﺰﺧﺎﻧﻨﯩﯔ ﻧﻪﺳﯩﻞ -ﺯﺍﺗﻰ : ﺑﯘﻧﯩﯖﺪﺍ ﺑﯩﺮﯨﻨﭽﻰ ﺑﺎﭘﺘﯩﻦ ﺑﺎﺷﻼﭖ ، ﭼﯩﯖﮕﯩﺰﺧﺎﻧﻨﯩﯔ ﺗﯘﻏﯘﻟﯘﺷﺘﯩﻦ ﺋﯩﻠﮕﯩﺮﯨﻜﻰ ﺋﻪﺟﺪﺍﺩﻟﯩﺮﯨﻨﯩﯔ ﺗﺎﺭﯨﺨﻰ ﺭﯨﯟﺍﻳﻪﺕ ﺷﻪﻛﻠﯩﺪﻩ ﺳﯚﺯﻟﯩﻨﯩﺪﯗ .

2 . ﭼﯩﯖﮕﯩﺰﺧﺎﻧﻨﯩﯔ ﺋﯚﺳﻤﯜﺭﻟﯜﻙ ﺩﻩﯞﺭﻯ : ﺑﯘﻧﯩﯖﺪﺍ ﭼﯩﯖﮕﯩﺰﺧﺎﻧﻨﯩﯔ ﺗﯘﻏﯘﻟﻐﺎﻧﺪﯨﻦ ﺑﺎﺷﻼﭖ ﺗﻮﻱ ﻗﯩﻠﯩﺸﺘﯩﻦ ﺋﯩﻠﮕﯩﺮﯨﻜﻰ ﺗﺎﺭﯨﺨﻰ ﺳﯚﺯﻟﯩﻨﯩﺪﯗ .

3 . ﭼﯩﯖﮕﯩﺰﺧﺎﻧﻨﯩﯔ ﺗﻮﻱ ﻗﯩﻠﻐﺎﻧﺪﯨﻦ ﻛﯧﻴﯩﻦ ﯞﺍﯓ ﺧﺎﻥ ﯞﻩ ﺟﺎﻣﯘﻗﺎ ﺑﯩﻠﻪﻥ ﺑﯩﺮﻟﯩﺸﯩﺶ ؛ ﺑﯘﻧﯩﯖﺪﺍ ﭼﯩﯖﮕﯩﺰﺧﺎﻧﻨﯩﯔ ﺗﻮﻱ ﻗﯩﻠﻐﺎﻧﺪﯨﻦ ﺑﺎﺷﻼﭖ ، ﺋﺎﺭﯨﻠﯩﻘﺘﺎ ﯞﺍﯓ ﺧﺎﻥ ﯞﻩ ﺟﺎﻣﯘﻗﺎ ﺑﯩﻠﻪﻥ ﺑﯩﺮﻟﯩﺸﯩﺸﯩﺪﯨﻦ ﺟﺎﻣﯘﻗﺎ ﺑﯩﻠﻪﻥ ﺑﯚﻟﯜﻧﯜﭖ ﻛﯧﺘﯩﺶ ﺟﻪﺭﻳﺎﻧﻰ ﺳﯚﺯﻟﯩﻨﯩﺪﯗ .

4 . ﭼﯩﯖﮕﯩﺰﺧﺎﻧﻨﯩﯔ ﻣﻮﯕﻐﯘﻟﻼﺭﻧﯩﯖﻨﯩﯔ ﺋﯚﺯ ﻗﻪﺑﯩﻠﯩﺴﯩﻨﯩﯔ ﺧﺎﻧﻠﯩﻘﯩﻐﺎ ﺳﺎﻳﻠﯩﻨﯩﭗ ، ﺩﻩﺳﻠﻪﭘﻜﻰ ﺗﻪﺷﻜﯩﻠﻠﯩﺸﻰ ﯞﻩ ﻗﻮﺷﻨﺎ ﺋﯘﺭﯗﻕ - ﻗﻪﺑﯩﻠﯩﻠﻪﺭﻧﻰ ﻗﻮﺷﯘﯞﯦﻠﯩﺸﻰ : ﺑﯘﻧﯩﯖﺪﺍ ﭼﯩﯖﮕﯩﺰﺧﺎﻧﻨﯩﯔ ﻫﻪﺭﻗﺎﻳﺴﻰ ﺋﯘﺭﯗﻕ - ﻗﻪﺑﯩﻠﯩﻠﻪﺭﻧﯩﯔ ﺋﺎﻗﺴﺎﻗﺎﻟﻠﯩﺮﯨﻨﻰ ﻳﯧﻨﯩﻐﺎ ﺗﺎﺭﺗﯩﺸﺘﯩﻦ ﻣﻮﯕﻐﯘﻟﻼﺭﻧﯩﯔ ﺋﯚﺯ ﻗﻪﺑﯩﻠﯩﺴﯩﻨﯩﯔ ﺧﺎﻧﻠﯩﻘﯩﻐﺎ ﺳﺎﻳﻠﯩﻨﯩﺶ ﻫﻪﻣﺪﻩ ﺑﯜﺭﻯ ﺑﯚﻛﻪﻧﻰ ﺋﯚﻟﺘﯜﺭﯛﯞﯦﺘﯩﺶ ﺟﻪﺭﻳﺎﻧﻰ ﺳﯚﺯﻟﯩﻨﯩﺪﯗ .

5 . ﺑﯘﻧﯩﯖﺪﺍ 1201 - ﻳﯩﻠﯩﺪﯨﻦ ﺑﺎﺷﻼﭖ ، ﺟﺎﻣﯘﻗﺎﻧﯩﯔ ﺋﯩﮕﯩﻠﯩﻚ ﺗﯩﻜﻠﯩﺸﯩﺪﯨﻦ ﭼﯩﯖﮕﯩﺰﺧﺎﻧﻨﯩﯔ ﺗﺎﻳﭽﯩﻐﯘﺗﻼﺭﻧﻰ ﻳﻮﻗﯘﺗﯘﺵ ﺟﻪﺭﻳﺎﻧﻰ ﺳﯚﺯﻟﯩﻨﯩﺪﯗ .

6 . ﭼﯩﯖﮕﯩﺰﺧﺎﻧﻨﯩﯔ ﯞﺍﯓ ﺧﺎﻥ ﺑﯩﻠﻪﻥ ﺩﻭﺳﺘﻠﯘﻗﺘﯩﻦ ﺩﯛﺷﻤﻪﻧﻠﯩﺸﯩﭗ ﻗﯧﻠﯩﭗ ، ﺋﯘﻧﻰ ﻳﻮﻗﯘﺗﯘﺵ ﺟﻪﺭﻳﺎﻧﻰ ﺳﯚﺯﻟﯩﻨﯩﺪﯗ .

7 . ﭼﯩﯖﮕﯩﺰﺧﺎﻧﻨﯩﯔ ﺷﯘ ﭼﺎﻏﺪﯨﻜﻰ ﻛﯚﭼﻤﻪﻥ ﭼﺎﺭﯞﯨﭽﯩﻼﺭ ﺋﯩﭽﯩﺪﯨﻜﻰ ﻛﯜﭼﻠﯜﻙ ﺳﺎﻧﯩﻠﯩﺪﯨﻐﺎﻥ ﻧﺎﻳﻤﺎﻧﻼﺭﻧﻰ ﺑﻮﻳﺴﯘﻧﺪﯗﺭﯗﺵ ، ﻛﯜﭼﻠﯜﻙ ﺧﺎﻧﻨﯩﯔ ﻣﻪﻏﻠﯘﺏ ﺑﻮﻟﯘﭖ ﻳﺎﺕ ﻳﯘﺭﺗﻘﺎ ﻗﯧﭽﯩﭗ ﻛﯧﺘﯩﺶ ﯞﻩ ﺟﺎﻣﯘﻗﺎﻳﻨﯩﯔ ﭘﺎﺋﺎﻟﯩﻴﻪﺗﻠﯩﺮﻯ ﻫﻪﻣﺪﻩ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺟﻪﺭﻳﺎﻧﻰ ﻧﺎﻫﺎﻳﯩﺘﻰ ﺗﻪﭘﺴﯩﻠﯩﻲ ﺳﯚﺯﻟﯩﻨﯩﺪﯗ .

8 . ﭼﯩﯖﮕﯩﺰﺧﺎﻧﻨﯩﯔ "ﭼﯩﯖﮕﯩﺰﺧﺎﻥ" ﺩﯦﮕﻪﻥ ﻧﺎﻡ ﺑﯩﻠﻪﻥ ﺋﺎﺗﺎﻟﻐﺎﻧﺪﯨﻦ ﻛﯧﻴﯩﻦ ، ﺋﻮﻟﯘﺳﻨﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﺷﺘﻪ ﻫﻪﺳﺴﻪ ﻗﻮﺷﻘﺎﻥ ﺗﯚﻫﭙﯩﻜﺎﺭﻻﺭﻧﻰ ﺗﺎﺭﺗﯘﻗﻼﺵ ، ﺗﻮﻗﺴﺎﻧﺒﻪﺵ ﻣﯧﯖﺒﯧﺸﯩﻨﯩﯔ ﺋﯩﺴﻤﯩﻨﻰ ﺋﺎﺗﺎﭖ ﺗﯘﺭﯗﭖ ﯞﻩﺯﯨﭙﯩﮕﻪ ﻗﻮﻳﯘﺵ ، ﻛﯚﺭﺳﻪﺗﻜﻪﻥ ﺧﯩﺰﻣﻪﺗﻠﯩﺮﯨﻨﻰ ﻣﻪﺩﻫﯩﻴﯩﻠﻪﺵ ، ﻛﯧﺰﻩﻛﭽﯩﻠﻪﺭﻧﻰ ﻗﺎﻳﺘﯩﯩﺪﯨﻦ ﺭﻩﺗﻠﻪﭖ ﻛﯧﯖﻪﻳﺘﯩﭗ ، ﺋﯘﻻﺭﻧﻰ 14 ﻣﯩﯖﻐﺎ ﻳﻪﺗﻜﯜﺯﯛﭖ ، ﻗﺎﺗﺘﯩﻖ ﺗﯜﺯﯛﻡ ﺑﻪﻟﮕﯩﻠﻪﺵ ﺟﻪﺭﻳﺎﻧﻰ ﺳﯚﺯﻟﯩﻨﯩﺪﯗ . ﺑﯘ ﺑﻪﻟﮕﯩﻠﯩﻤﻪ ﯞﻩ ﺗﯜﺯﯛﻣﻠﻪﺭ ﺋﯧﻠﯩﻤﯩﺰ ﺗﺎﺭﯨﺨﯩﺪﺍ ﺋﯩﻨﺘﺎﻳﯩﻦ ﻣﯘﻫﯩﻢ ﺗﺎﺭﯨﺨﯩﻲ ﻗﯩﻤﻤﻪﺗﻜﻪ ﺋﯩﮕﻪ .

9 . ﺑﯘﻧﯩﯖﺪﺍ ﭼﯩﯖﮕﯩﺰﺧﺎﻧﻨﯩﯔ ﺋﻮﺭﻣﺎﻧﺪﯨﻜﻰ ﻫﻪﺭﻗﺎﻳﺴﻰ ﻗﻪﺑﯩﻠﯩﻠﻪﺭﻧﻰ ﺑﻮﻳﺴﯘﻧﺪﯗﺭﯗﭖ ، ﻗﺎﺭﻣﯩﻘﯩﻐﺎ ﺋﯚﺗﻜﯜﺯﯛﯞﺍﻟﻐﺎﻧﺪﯨﻦ ﻛﯧﻴﯩﻦ ، ﺋﻪﻟﻨﻰ ﻗﺎﻳﻤﯘﻗﺘﯘﺭﯗﭖ ، ﺳﯘﺧﻪﻧﭽﯩﻠﯩﻚ ﻗﯩﻠﻐﺎﻥ ﺷﺎﻣﺎﻥ ﺩﯨﻨﻰ ﺑﺎﺧﺸﯩﺴﻰ ﻛﯚﻛﭽﯘ (ﺗﻪﺏ ﺗﻪﯕﺮﻯ) ﻧﯩﯔ ﺋﯩﻤﺘﯩﻴﺎﺯﯨﻨﻰ ﺑﯩﻜﺎﺭ ﻗﯩﻠﯩﭗ ، ﺋﯘﻧﻰ ﺋﯚﻟﺘﯜﺭﯛﯞﯦﺘﯩﺶ ﺟﻪﺭﻳﺎﻧﻰ ﺳﯚﺯﻟﯩﻨﯩﺪﯗ .

10 . ﭼﯩﯖﮕﯩﺰﺧﺎﻥ ﺟﯩﻦ ﺧﺎﻧﻠﯩﻘﻰ ، ﻏﻪﺭﺑﯩﻲ ﺷﻴﺎﻻﺭﻧﻰ ﺑﯧﻘﯩﻨﺪﯗﺭﯗﭖ ، ﺋﯚﺯﯨﻨﻰ ﻛﯜﭼﻠﻪﻧﺪﯛﺭﮔﻪﻧﺪﯨﻦ ﻛﯧﻴﯩﻦ ، ﺋﻮﻏﻼﻥ ﺗﯧﻜﯩﻨﻠﯩﺮﻯ ﺑﯩﻠﻪﻥ ﺧﺎﺭﻩﺯﻣﻨﻰ ﺑﻮﻳﺴﯘﻧﺪﯗﺭﯗﺵ ﯞﻩ ﺳﻪﻟﺘﻪﻧﻪﺕ ﺑﯩﻠﻪﻥ ﻳﺎﯞﺭﻭﭘﺎﻏﺎ ﻳﯜﺭﯛﺵ ﻗﯩﻠﯩﭗ ، ﺋﯘ ﻳﻪﺭﻟﻪﺭﺩﯨﻜﻰ ﻛﯜﭼﻠﯜﻙ ﺋﻪﻟﻠﻪﺭﻧﻰ ﺑﯧﻘﯩﻨﺪﯗﺭﯗﺵ ﺟﻪﺭﻳﺎﻧﻰ ﺳﯚﺯﻟﯩﻨﯩﺪﯗ .

11 . ﺑﯘﻧﯩﯖﺪﺍ ﭼﯩﯖﮕﯩﺰﺧﺎﻧﻨﯩﯔ ﻏﻪﺭﺑﯩﻲ ﺷﻴﺎﻧﻰ ﻳﻮﻗﯩﺘﯩﺸﻘﺎ ﻗﺎﻳﺘﺎ ﻳﯜﺭﯛﺵ ﻗﯩﻠﯩﺶ ﯞﻩ ﺋﺎﺗﺘﯩﻦ ﻳﯩﻘﯩﻠﯩﭗ ﭼﯜﺷﯜﭖ ﺋﺎﻏﺮﯨﭗ ﻗﯧﻠﯩﺸﻰ ﺑﯩﻠﻪﻥ ﻗﺎﺯﺍ ﺗﯧﭙﯩﺶ ﺟﻪﺭﻳﺎﻧﻰ ﺳﯚﺯﻟﯩﻨﯩﺪﯗ .

12 . ﺋﻮﮔﺪﺍﻳﻨﯩﯔ ~ ﺩﺍﺩﯨﺴﻰ ﭼﯩﯖﮕﯩﺰ ﺧﺎﻧﻨﯩﯔ ﯞﻩﺳﯩﻴﯩﺘﻰ ﺑﻮﻳﯩﭽﻪ ﺧﺎﻧﻠﯩﻖ ﺗﻪﺧﺘﯩﮕﻪ ﭼﯩﻘﯩﭗ ، ﺟﯩﻦ ﺧﺎﻧﻠﯩﻘﯩﻨﻰ ﻳﻮﻗﯘﺗﯘﺵ ، ﭼﻮﯓ ﺋﻮﻏﻠﯩﻨﻰ ﻏﻪﺭﺑﻜﻪ ﺋﯘﺭﯗﺷﻘﺎ ﺋﻪﯞﻩﺗﯩﺶ ﻫﻪﻣﺪﻩ ﺧﺎﻥ ﺑﻮﻟﻐﺎﻧﺪﯨﻦ ﻛﯧﻴﯩﻦ ﻗﯩﻠﻐﺎﻥ ﺗﯚﺕ ﻳﺎﺧﺸﻰ ﺋﯩﺸﻰ ﯞﻩ ﺋﯚﺗﻜﯜﺯﮔﻪﻥ ﺗﯚﺕ ﺧﺎﺗﺎﻟﯩﻘﻰ ﺋﯜﺳﺘﯩﺪﻩ ﺗﻮﺧﺘﺎﻟﻐﺎﻧﻠﯩﻖ ﺟﻪﺭﻳﺎﻧﻰ ﺳﯚﺯﻟﯩﻨﯩﺪﯗ .ﺋﻮﮔﺪﺍﻱ ﺧﺎﻥ ﺑﻮﻟﻐﺎﻧﺪﯨﻦ ﻛﯧﻴﯩﻦ ﻗﺎﻧﺪﺍﻕ ﻳﺎﯨﺸﻰ ﺋﯩﺸﻼﺭﻧﻰ ﻗﯩﻠﺪﻯ ؟ ﺑﯘﻧﯩﯖﺪﺍ ﺋﺎﺳﺎﺳﻪﻥ ﺋﯘﺭﯗﺷﺘﺎ ﻏﻪﻟﯩﺒﻪ ﻗﯩﻠﺪﻯ ، ﻟﯧﻜﯩﻦ ﻛﻪﻣﭽﯩﻠﯩﻜﻠﯩﻤﯘ ﺑﺎﺭ ، ﺋﯘ ﺑﻮﻟﺴﯩﻤﯘ ﻛﻪﭖ- ﺳﺎﭘﺎﻏﺎ ، ﻫﺎﺭﺍﻕ - ﺷﺎﺭﺍﭘﻘﺎ ﺑﯧﺮﯨﻠﯩﭗ ﻛﻪﺗﻜﻪﻥ .............

ﺩﺍﯞﺍﻣﻰ ﺑﺎﺭ ...

ﺩﺍﯞﺍﻣﻰ ...
<< ﺗﺎﺭﯨﺨﻰ ﻫﻪﻣﯩﺪﻯ >>  ﯞﻩ << ﺗﺎﺭﯨﺨﻰ ﺋﻪﻣﯩﻨﯩﻴﻪ >>
ﺑﯘ ﻛﺎﺗﺘﺎ ﻛﯩﺘﺎﺑﻨﯩﯔ ﻣﯘﺋﻪﻟﻠﯩﭙﻰ -- ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ﺑﻮﻟﯩﺪﯗ . ﺋﺎﯞﯞﺍﻝ ﺑﯘ ﺗﺎﺭﯨﺨﭽﯩﻨﯩﯔ ﻫﺎﻳﺎﺗﯩﻲ ﭘﺎﺋﺎﻟﯩﻴﯩﺘﻰ ﺑﯩﻠﻪﻥ ﺗﻮﻧﺸﯘﺷﯘﭖ ﭼﯩﻘﺎﻳﻠﻰ :


ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ﻳﻪﻧﻰ ﻣﻮﻟﻼ ﻣﯘﺳﺎﺑﯩﻨﻨﻰ ﻣﻮﻟﻼ ﺋﻪﻳﺴﺎ ﺧﻮﺟﺎ ﺳﺎﻳﺮﺍﻣﻰ ( ﻣﯩﻼﺩﻯ 1836 - 1917 - ﻳﯩﻠﻼﺭ ) ﻳﯧﻘﯩﻨﻘﻰ ﺯﺍﻣﺎﻥ ﺋﯘﻳﻐﯘﺭ ﺗﺎﺭﯨﺦ ﺋﺎﻟﯩﻤﻰ ﯞﻩ ﺷﺎﺋﯩﺮﻯ ؛ ﺋﯘ ﺋﯚﺯ ﺋﯚﻣﺮﯨﺪﻩ ﺑﯩﺮﻣﯘﻧﭽﻪ ﻗﯩﻤﻤﻪﺗﻠﯩﻚ ﺋﻪﺳﻪﺭﻟﻪﺭﻧﻰ ﻳﯧﺰﯨﭗ ، ﺋﯚﺯ ﺩﻩﯞﺭﯨﺪﯨﻜﻰ ﺋﯘﻳﻐﯘﺭ ﻣﻪﺩﯨﻨﯩﻴﯩﺘﯩﮕﻪ ﻣﯘﮬﯩﻢ ﺗﯚﮬﭙﻪ ﻗﻮﺷﻘﺎﻥ .ﺋﯘ ﮬﯩﺠﺮﻯ 1252 - ﻳﯩﻠﻰ ﻣﺎﮬﻰ ﺟﻪﻣﺎﺩﻯ ﺋﻪﯞﯞﻩﻟﻨﯩﯔ 10 - ﻛﯜﻧﻰ ( ﻣﯩﻼﺩﻯ 1836 - ﻳﯩﻞ 8 - ﺋﺎﻳﻨﯩﯔ 23 - ﻛﯜﻧﻰ ) ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﻰ ﺑﺎﻱ ﻧﺎﮬﯩﻴﯩﺴﯩﮕﻪ ﻗﺎﺭﺍﺷﻠﯩﻖ ﺳﺎﻳﺮﺍﻡ ﺭﺍﻳﻮﻧﯩﻨﯩﯔ ﺋﺎﻧﺎﻗﯩﺰ ﻳﯧﺰﯨﺴﯩﺪﺍ ( ﮬﺎﺯﯨﺮﻗﻰ ﺑﺎﻱ ﻧﺎﮬﯩﻴﻪ ﺗﻮﺧﺴﯘﻥ ﻳﯧﺰﯨﺴﻰ ﺋﺎﻧﺎﻗﯩﺰ ﻛﻪﻧﺘﻰ ﺗﻮﻏﺎﻳﻼ ﻣﻪﮬﻪﻟﻠﯩﺴﯩﺪﻩ ) ﺩﯗﻧﻴﺎﻏﺎ ﻛﻪﻟﮕﻪﻥ . ﻣﻮﻟﻼ ﻣﯘﺳﺎ ﺳﺎﻳﺮﺍﻣﯩﻨﯩﯔ ﺩﺍﺩﯨﺴﻰ ﻣﻮﻟﻼ ﺋﻪﻳﺴﺎ ﺧﻮﺟﺎﺑﯩﻨﻨﻰ ﻣﻮﻟﻼ ﺋﻪﺯﯨﺰﺧﺎﻥ ﺧﻮﺟﺎ ﺋﻪﻳﻨﻰ ﺯﺍﻣﺎﻧﺪﺍ ﺑﺎﻱ ﻧﺎﮬﯩﻴﯩﺴﻰ ﺗﻪﯞﻩﺳﯩﮕﻪ ﺗﯘﻧﯘﻟﻐﺎﻥ ﺋﯩﻠﻤﯩﻲ ﯞﻩ ﺩﯨﻨﯩﻲ ﺯﺍﺕ ﺑﻮﻟﯘﭖ ، ﺋﻮﻏﻠﻰ ﻣﯘﺳﺎﻧﯩﯔ ﺋﯩﻠﯩﻢ ﯞﻩ ﺩﯨﻨﯩﻲ ﺟﻪﮬﻪﺗﺘﯩﻜﻰ ﺗﻪﺭﺑﯩﻴﯩﺴﯩﮕﻪ ﺋﯘﻧﯩﯔ ﮔﯚﺩﻩﻙ ﯞﺍﻗﺘﯩﺪﯨﻦ ﺑﺎﺷﻼﭘﻼ ﻧﺎﮬﺎﻳﯩﺘﻰ ﺋﻪﮬﻤﯩﻴﻪﺕ ﺑﻪﺭﮔﻪﻥ . ﺷﯘﯕﻼﺷﻘﺎ ﺋﯘﻧﻰ ﻳﻪﺗﺘﻪ ﻳﯧﺸﯩﺪﯨﻦ ﺑﺎﺷﻼﭘﻼ ﺋﯚﺯﻯ ﻣﯘﺩﻩﺭﺭﯨﺴﻠﯩﻚ ﻗﯩﻠﻐﺎﻥ ﺳﺎﻳﺮﺍﻡ ﻣﻪﺩﺭﯨﺴﯩﺪﻩ ﺋﻮﻗﯘﺗﯘﭖ ، ﺑﺎﺷﻼﻧﻐﯘﭺ ﻣﻪﻟﯘﻣﺎﺗﯩﻐﺎ ﺋﯩﮕﻪ ﻗﯩﻠﻐﺎﻥ ﯞﻩ ﮬﯩﺠﺮﻯ 1263 - ﻳﯩﻠﻰ ﻣﺎﮬﻰ ﺷﻪﯞﯞﺍﻟﺪﺍ ( ﻣﯩﻼﺩﻯ 1847 - ﻳﯩﻠﻰ 9 - ﺋﺎﻳﺪﺍ ) ﺋﻪﻳﻨﻰ ﺯﺍﻣﺎﻧﺪﺍ ﺟﻪﻧﯘﺑﯩﻲ ﺗﯩﻴﺎﻧﺸﺎﻥ ﺭﺍﻳﻮﻧﻰ ﺑﻮﻳﯩﭽﻪ ﻣﻪﺷﮭﯘﺭ ﺑﻮﻟﻐﺎﻥ ﻛﯘﭼﺎﺩﯨﻜﻰ "ﺳﺎﻗﺴﺎﻕ" ﻣﻪﺩﺭﯨﺴﯩﮕﻪ ﺋﻮﻗﯘﺷﻘﺎ ﺋﻪﯞﻩﺗﻜﻪﻥ . ﺑﯘ ﻣﻪﺩﺭﯨﺴﻨﯩﯔ ﺋﺎﺳﺎﺳﻠﯩﻖ ﻣﯘﺩﻩﺭﺭﯨﺴﻰ ﺷﯘ ﺯﺍﻣﺎﻧﺪﯨﻜﻰ ﺋﯘﻳﻐﯘﺭ ﺋﺎﻟﯩﻤﻰ ﻣﻮﻟﻼ ﺋﻮﺳﻤﺎﻥ ﺋﺎﺧﯘﻥ ﺧﻪﻟﭙﻪﺕ ﺩﯦﮕﻪﻥ ﺯﺍﺕ ﺑﻮﻟﯘﭖ ، ﺋﯘ ﻣﻮﻟﻼ ﻣﯘﺳﺎﻧﯩﯔ ﺩﺍﺩﯨﺴﻰ ﻣﻮﻟﻼ ﺋﻪﻳﺴﺎ ﺧﻮﺟﺎ ﺑﯩﻠﻪﻥ ﮬﻪﻣﺴﯚﮬﺒﻪﺕ ﺋﯩﺪﻯ . ﻣﻮﻟﻼ ﻣﯘﺳﺎ ﺋﯚﺯﯨﻨﯩﯔ ﺗﯩﺮﯨﺸﭽﺎﻧﻠﯩﻘﻰ ﯞﻩ ﻣﻮﻟﻼ ﺋﻮﺳﻤﺎﻥ ﺋﺎﺧﯘﻥ ﺧﻪﻟﭙﻪﺗﻨﯩﯔ ﭼﻮﯓ ﻏﻪﻣﺨﻮﺭﻟﯘﻗﻰ ﺋﺎﺳﺘﯩﺪﺍ ، ﻗﯘﺭﺋﺎﻥ ، ﮬﻪﺩﯨﺲ ، ﺗﺎﺭﯨﺦ ، ﺋﻪﺩﻩﺑﯩﻴﺎﺕ ، ﺗﻪﻗﯟﯨﻢ ( ﻛﺎﻟﯩﻨﺪﺍﺭﺷﯘﻧﺎﺳﻠﯩﻖ ) ، ﺋﯩﻠﻤﯩﻲ ﻧﯘﺟﯘﻡ ، ﻧﺎﺑﺎﺗﺎﺕ ( ﺋﺎﮔﺮﻭ ﺑﯩﺌﻮﻟﻮﮔﯩﻴﻪ ) ، ﺟﯘﻏﺮﺍﭘﯩﻴﻪ ، ﺋﻪﺭﻩﺏ ﯞﻩ ﭘﺎﺭﯨﺲ ﺗﯩﻠﻰ ﻗﺎﺗﺎﺭﻟﯩﻘﻼﺭﺩﯨﻦ ﻧﺎﮬﺎﻳﯩﺘﻰ ﻳﯘﻗﯘﺭﻯ ﻧﻪﺗﯩﺠﻪ ﻗﺎﺯﯨﻨﯩﭗ ، ﻧﺎﮬﺎﻳﯩﺘﻰ ﺗﯧﺰﻻ "ﻣﻮﻟﻼ ﻣﯘﺳﺎ " ، "ﺑﺎﻻ ﻣﻮﻟﻼ" ، "ﻣﻮﻟﻼ ﺋﻪﺑﺠﻪﺩ" (ﻛﺎﻟﯩﻨﺪﺍﺭﺷﯘﻧﺎﺱ ) ﺩﯦﮕﻪﻥ ﻧﺎﻣﻼﺭ ﺑﯩﻠﻪﻥ ﺷﯚﮬﺮﻩﺕ ﻗﺎﺯﺍﻧﻐﺎﻥ ﺋﯩﺪﻯ . ﻣﻮﻟﻼ ﻣﯘﺳﺎ ﺑﯘ ﺟﻪﺭﻳﺎﻧﺪﺍ ﻣﻮﻟﻼ ﺋﻮﺳﻤﺎﻥ ﺋﺎﺧﯘﻥ ﺧﻪﻟﭙﻪﺗﻨﯩﯔ ﺋﯩﻠﻤﯩﻨﻰ ﺋﯜﮔﯜﻧﯜﭘﻼ ﻗﺎﻟﻤﺎﺳﺘﯩﻦ ، ﺑﻪﻟﻜﻰ ﺋﯘﻧﯩﯔ ﺧﻪﻟﻘﭙﻪﺭﯞﻩﺭﻟﯩﻚ ، ﯞﻩﺗﻪﻧﭙﻪﺭﯞﻩﺭﻟﯩﻚ ﺋﯩﺪﯨﻴﯩﺴﯩﻨﯩﻤﯘ ﺗﯩﺮﯨﺸﯩﭗ ﺋﯜﮔﻪﻧﮕﻪﻥ ﺋﯩﺪﻯ . 1270 - ﻳﯩﻠﻰ ( ﻣﯩﻼﺩﻯ 1857 - ﻳﯩﻠﻰ ) ﻣﻮﻟﻼ ﻣﯘﺳﺎ ﺳﺎﻗﺴﺎﻕ ﻣﻪﺩﺭﯨﺴﯩﻨﻰ ﺋﻪﻻ ﻧﻪﺗﯩﺠﻪ ﺑﯩﻠﻪﻥ ﺗﯜﮔﯩﺘﯩﭗ ، ﺋﯚﺯ ﺋﺎﻧﺎ ﻣﻪﻛﺘﯩﯟﻯ ﺳﺎﻳﺮﺍﻡ ﻣﻪﺩﺭﯨﺴﯩﺴﯩﮕﻪ ﻛﯧﻠﯩﭗ ﻣﯘﺩﻩﺭﺭﯨﺴﻠﯩﻚ ﻗﯩﻠﻐﺎﻥ . ﺋﯘﺯﯗﻥ ﺋﯚﺗﻤﻪﻱ ﺋﯘﻧﯩﯔ ﺩﺍﺩﯨﺴﻰ ﻣﻮﻟﻼ ﺋﻪﻳﺴﺎ ﺧﻮﺟﺎ ﯞﺍﭘﺎﺕ ﺑﻮﻟﯩﺪﯗ . ﻣﻮﻟﻼ ﻣﯘﺳﺎ ﺳﺎﻳﺮﺍﻡ ﻣﻪﺩﯨﺮﯨﯩﺴﯩﻨﯩﯔ ﺑﺎﺵ ﻣﯘﺩﻩﺭﺭﯨﺴﻰ ﺑﻮﻟﯘﭖ ﺗﻪﻳﯩﻨﻠﯩﻨﯩﺶ ﺑﯩﻠﻪﻥ ﺑﯩﻠﻠﻪ ، ﭘﯜﺗﯜﻥ ﺋﺎﺋﯩﻠﯩﺴﻰ ﯞﻩ ﺋﯘﺭﯗﻕ - ﺗﯘﻗﻘﺎﻧﻠﯩﺮﯨﻨﯩﯔ ﺋﯧﻐﯩﺮﭼﯩﻠﯩﻐﻰ ﺗﺎﻣﺎﻣﻪﻥ ﺋﯘﻧﯩﯔ ﺯﯦﻤﻤﯩﺴﯩﮕﻪ ﭼﯜﺷﯩﺪﯗ . ﺑﯘ ﭼﺎﻏﺪﺍ ﺋﯘﻧﯩﯔ ﺑﯩﺮ ﺗﯘﻗﻘﺎﻥ ﺋﯩﻨﯩﻠﯩﺮﯨﺪﯨﻦ ﺑﻮﻟﻐﺎﻥ ﺋﯩﺴﻼﻡ ﺋﺎﺧﯘﻥ ، ﻗﺎﺳﯩﻢ ﺋﺎﺧﯘﻥ ﯞﻩ ﮬﯩﻼﺧﯘﻧﻼﺭ ﺗﯧﺨﻰ ﮔﯚﺩﻩﻙ ﺋﯩﺪﻯ .
ﮬﯩﺠﺮﻯ 1281 - ﻳﯩﻠﻰ ﻣﺎﮬﻰ ﻣﯘﮬﻪﺭﺭﻩﻣﻨﯩﯔ 1 - ﻛﯜﻧﻰ ( ﻣﯩﻼﺩﻯ 1864 - ﻳﯩﻠﻰ 6 - ﺋﺎﻳﻨﯩﯔ 6 - ﻛﯜﻧﻰ ) ﻛﯘﭼﺎﺭ ﺭﺍﻳﻮﻧﯩﺪﺍ ﺋﯘﻳﻐﯘﺭ ، ﺧﯘﻳﺰﯗ ﺩﯨﺨﺎﻧﻠﯩﺮﻯ ﺑﯩﻠﻪﻥ ﻗﻮﻝ ﮬﯜﻧﻪﺭﯞﻩﻧﻠﯩﺮﯨﻨﯩﯔ ﭼﯩﯔ ﺳﯘﻻﻟﯩﺴﻰ ﮬﯚﻛﯜﻣﯩﺘﻰ ﯞﻩ ﻳﻪﺭﻟﯩﻚ ﻓﯩﺌﻮﺩﺍﻟﻼﺭﻧﯩﯔ ﺯﯗﻟﻤﯩﻐﺎ ﻗﺎﺭﺷﻰ ﻛﻪﯓ ﻛﯚﻟﻪﻣﻠﯩﻚ ﺋﯩﻨﻘﯩﻼﯞﯨﻲ ﻗﻮﺯﻏﯩﻠﯩﯖﻰ ﭘﺎﺭﺗﻼﭖ ، ﺋﻪﺳﻠﯩﺪﻩ ﻣﻪﯞﻻﻧﻪ ﺋﻪﺭﺷﯩﺪﯨﻦ ﯞﻩﻟﯩﻠﯘﻟﻼﻧﯩﯔ ﻣﺎﺯﯨﺮﯨﺪﺍ ﺗﺎﯞﺍﭖ ﻗﯩﻠﯩﭗ ﻛﯜﻥ ﺋﯚﺗﻜﯜﺯﯨﺪﯨﻐﺎﻥ ﺋﯩﺴﻼﻡ ﺩﯨﻨﻰ ﺗﻪﺭﯨﻘﻪﺕ ﺋﻪﮬﻠﯩﻨﯩﯔ ﻗﺎﺩﯨﺮﯨﻴﻪ ﮔﯘﺭﯗﮬﯩﻐﺎ ﻣﻪﻧﺴﯘﺏ ﺳﻮﭘﯩﻼﺭﻧﯩﯔ ﭘﯩﺮﻯ ﺭﺍﺷﯩﺪﯨﻦ ﺧﻮﺟﯩﻨﻰ ﺧﺎﻥ ﻗﯩﻠﯩﭗ ﺳﺎﻳﻼﻳﺪﯗ . ﻗﻮﺯﻏﯩﻼﯕﭽﻰ ﻗﻮﺷﯘﻧﻼﺭ ﺗﻪﺭﻩﭖ - ﺗﻪﺭﻩﭘﻜﻪ ﻳﯜﺭﯛﺵ ﻗﯩﻠﯩﭗ ، ﺋﯩﻨﻘﯩﻼﺏ ﺋﻮﺗﯩﻨﻰ ﺗﯧﺨﯩﻤﯘ ﻛﯜﭼﻪﻳﺘﯩﺸﻜﻪ ﺑﺎﺷﻼﻳﺪﯗ . ﻣﻮﻟﻼ ﻣﯘﺳﺎ ﺳﺎﻳﺮﺍﻣﯩﻨﯩﯔ ﺋﯘﺳﺘﺎﺯﻯ ﻣﻮﻟﻼ ﺋﻮﺳﻤﺎﻥ ﺋﺎﺧﯘﻥ ﺧﻪﻟﭙﻪﺕ ﻛﯘﭼﺎﺭ ﻗﻮﺯﻏﯩﻼﯕﭽﻰ ﻗﻮﺷﯘﻧﻠﯩﺮﯨﻨﯩﯔ ﻏﻪﺭﺑﻜﻪ ﻳﯜﺭﯛﺵ ﻗﯩﻠﻐﺎﻥ ﺟﻪﯕﮕﯩﯟﺍﺭﻟﯩﺮﯨﻨﯩﯔ ﺑﺎﺵ ﻗﺎﺯﯨﺴﻰ ﺑﻮﻟﯘﭖ ﺗﻪﻳﯩﻨﻠﯩﻨﯩﺪﯗ . ﻗﻮﺯﻏﯩﻼﯕﭽﻰ ﻗﻮﺷﯘﻧﻼﺭ ﺋﯘﺯﯗﻥ ﺋﯚﺗﻤﻪﻱ ﺋﺎﻗﺴﯘ ﯞﻩ ﻗﻪﺷﻘﻪﺭ ﺭﺍﻳﻮﻧﯩﻐﺎ ﻗﺎﺭﺍﭖ ﻳﯜﺭﯛﺵ ﻗﯩﻠﯩﭗ ، ﺳﺎﻳﺮﺍﻣﻐﺎ ﻳﯧﻘﯩﻦ ﻗﯩﺰﯨﻞ ﺩﯦﮕﻪﻥ ﺟﺎﻳﻨﻰ ﺋﯩﮕﻪﻟﻠﻪﻳﺪﯗ . ﺑﯘ ﭼﺎﻏﺪﺍ ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ﺑﯘ ﻗﻮﺯﻏﯩﻼﯕﻨﻰ ﻧﺎﮬﺎﻳﯩﺘﻰ ﻗﯩﺰﻏﯩﻦ ﻗﻮﻟﻼﺵ ﺑﯩﻠﻪﻥ ﺗﻪﯓ ، ﺋﯚﺯﯨﻨﯩﯔ ﺑﺎﺭﻟﯩﻖ ﺗﺎﻟﯩﭙﻠﯩﺮﯨﻨﻰ ، ﺟﯜﻣﻠﯩﺪﯨﻦ ﺑﯩﺮﻗﺎﻧﭽﻪ ﻳﯜﺯ ﻧﻪﭘﻪﺭ ﺳﺎﻳﺮﺍﻣﻠﯩﻖ ﻳﯩﮕﯩﺘﻠﻪﺭﻧﻰ ﺑﺎﺷﻼﭖ ﺳﺎﻳﺮﺍﻣﻐﺎ ﻛﯧﻠﯩﭗ ، ﻳﻪﺭﻟﯩﻚ ﺋﻪﻣﮕﻪﻛﭽﯩﻠﻪﺭ ﺑﯩﻠﻪﻥ ﺑﯩﻠﻠﻪ ﻗﻮﺯﻏﯩﻼﯕﭽﻰ ﻗﻮﺷﯘﻧﻼﺭﻧﻰ ﻗﺎﺭﺷﻰ ﺋﺎﻟﯩﺪﯗ ﮬﻪﻡ ﻗﻮﺯﻏﯩﻼﯕﭽﻰ ﻗﻮﺷﯘﻧﻼﺭﻧﯩﯔ ﺗﻪﺭﻛﯩﯟﯨﮕﻪ ﻗﻮﺷﯘﻟﯘﭖ ، ﻗﯩﺰﯨﻞ ، ﺳﺎﻳﺮﺍﻡ ، ﺑﺎﻱ ، ﻳﺎﻗﯧﺮﯨﻖ ، ﺋﺎﺭﺍﺷﻮﺭ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﭼﯩﯔ ﺳﯘﻻﻟﯩﺴﯩﻨﯩﯔ ﺋﻪﻣﻪﻟﺪﺍﺭﻟﯩﺮﯨﻨﻰ ، ﻳﻪﺭﻟﯩﻚ ﻓﯩﺌﻮﺩﺍﻟﻼﺭﻧﻰ ﺑﺎﺳﺘﯘﺭﯗﺵ ﻛﯜﺭﻩﺷﻠﯩﺮﯨﮕﻪ ﭘﺎﺋﺎﻝ ﻗﺎﺗﻨﯩﺸﯩﺪﯗ . ﻣﻮﻟﻼ ﻣﯘﺳﺎ ﺳﺎﻳﺮﺍﻣﯩﻨﯩﯔ ﺋﯚﺯ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ ، ﺑﯘ ﭼﺎﻏﺪﺍ ﭘﯜﺗﯜﻥ ﺑﺎﻱ ﻧﺎﮬﯩﻴﯩﺴﻰ ﺗﻪﯞﻩﺳﯩﺪﯨﻦ ﻳﻪﺗﺘﻪ ﻣﯩﯖﺪﯨﻦ ﺋﺎﺭﺗﯘﻕ ﺩﯨﺨﺎﻥ ﯞﻩ ﻗﻮﻝ ﮬﯜﻧﻪﺭﯞﻩﻥ ﺋﯚﺯ ﺋﯩﺨﺘﯩﻴﺎﺭﻯ ﺑﯩﻠﻪﻥ ﻏﻪﺭﺑﻜﻪ ﻳﯜﺭﯛﺵ ﻗﯩﻠﻐﺎﻥ ﻗﻮﺯﻏﯩﻼﯕﭽﻰ ﻗﻮﺷﯘﻧﻐﺎ ﻗﺎﺗﻨﺎﺷﻘﺎﻥ .
ﻏﻪﺭﭘﻜﻪ ﻳﯜﺭﯛﺵ ﻗﯩﻠﻐﺎﻥ ﻗﻮﺯﻏﯩﻼﯕﭽﻰ ﻗﻮﺷﯘﻧﻼﺭ ﺑﯩﺮ ﻗﯧﺘﯩﻤﻠﯩﻖ ﺋﯧﻐﯩﺮ ﻣﻪﻏﻠﯘﺑﯩﻴﻪﺗﺘﯩﻦ ﻛﯧﻴﯩﻦ ، ﺋﺎﻗﯩﯟﻩﺕ ﻗﺎﺭﺍ ﻳﯘﻟﻐﯘﻥ ، ﺟﺎﻡ ، ﺋﺎﻗﺴﯘ ﯞﻩ ﺋﯜﭼﺘﯘﺭﭘﺎﻥ ﻗﺎﺗﺎﺭﻟﯩﻖ ﺟﺎﻳﻼﺭﻧﻰ ﺋﯩﮕﻪﻟﻠﻪﭖ ، ﻗﻪﺷﻘﻪﺭ ﯞﻩ ﻳﻪﺭﻛﻪﻧﻨﻰ ﺋﯧﻠﯩﺸﻘﺎ ﺟﯩﺪﺩﻯ ﺗﻪﻳﻴﺎﺭﻟﯩﻖ ﻗﯩﻠﯩﺪﯗ . ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ﺑﯘ ﻛﯜﺭﻩﺷﻠﻪﺭﮔﻪ ﭘﺎﺋﺎﻝ ﻗﺎﺗﻨﯩﺸﯩﭗ ، ﻏﻪﺭﺑﻜﺎ ﻳﯜﺭﯛﺵ ﻗﯩﻠﻐﺎﻥ ﻗﻮﺷﯘﻧﻼﺭﻧﯩﯔ ﺋﯜﭼﺘﯘﺭﭘﺎﻧﺪﺍ ﺗﯘﺭﯗﺷﻠﯘﻕ ﺳﻪﺭﻛﻪﺭﺩﯨﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﻣﺎﺧﻤﯘﺩﯨﻦ ﺧﻮﺟﯩﻨﯩﯔ ﻣﯚﮬﯜﺭﭼﯩﺴﻰ ﯞﻩ ﺋﻮﻣﯘﻣﯩﻲ ﯞﻩﺯﯨﭙﯩﻠﯩﺮﯨﻨﻰ ﺋﯚﺗﻪﻳﺪﯗ . ﺑﯘ ﭼﺎﻏﺪﺍ ، ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ﺋﯚﺯﯨﻨﯩﯔ ﺧﯩﺰﻣﻪﺕ ﺟﻪﮬﻪﺗﺘﯩﻜﻰ ﻧﺎﮬﺎﻳﯩﺘﻰ ﺯﻭﺭ ﻣﻪﺳﺌﯘﻟﯩﻴﻪﺗﭽﺎﻧﻠﯩﻘﻰ ، ﺑﯩﻠﯩﻢ ﺩﺍﺋﯩﺮﯨﺴﯩﻨﯩﯔ ﭼﻮﯕﻘﯘﺭ ﯞﻩ ﻛﻪﯕﻠﯩﻜﮕﻰ ، ﻣﯘﺋﺎﻣﯩﻠﻪ ﺟﻪﮬﻪﺗﺘﯩﻜﻰ ﻛﻪﻣﺘﻪﺭﻟﯩﻜﻰ ، ﺋﻪﻗﯩﻞ ﺟﻪﮬﻪﺗﺘﯩﻜﻰ ﺋﻜﺘﻜﯜﺭﻟﯜﻛﻰ ﺑﯩﻠﻪﻥ ﭘﯜﺗﯜﻥ ﻗﻮﺯﻏﯩﻼﯕﭽﻰ ﯨﻮﺷﯘﻥ ﮬﻪﻡ ﺋﯜﭼﺘﯘﺭﭘﺎﻥ ﻳﻪﺭﻟﯩﻚ ﺧﻪﻟﻘﯩﻨﯩﯔ ﺋﯩﭽﯩﺪﻩ ﺯﻭﺭ ﺋﺎﺑﺮﻭﻳﻐﺎ ﺋﯩﮕﻪ ﺑﻮﻟﯩﺪﯗ . ﺑﯘ ﭼﺎﻏﺪﺍ ، ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ﺗﯧﺨﻰ ﺋﻪﻣﺪﯨﻼ 28 ﻳﺎﺷﺘﯩﻦ ﮬﺎﻟﻘﯩﻐﺎﻥ ﺋﯩﺪﻯ . ﻣﯩﻼﺩﻯ 1865 - ﻳﯩﻠﻰ ﻣﯘﮬﻪﻣﻤﻪﺕ ﻳﺎﻗﯘﭖ ﺑﻪﮒ ( ﺑﻪﺩﻩﯞﻟﻪﺕ ) ﻗﻮﻗﺎﻥ ﺧﺎﻧﻠﯩﻐﯩﻨﯩﯔ ﻳﺎﺭﺩﯨﻤﻰ ﺋﺎﺳﺘﯩﺪﺍ ﺟﻪﻧﯘﺑﯩﻲ ﺷﯩﻨﺠﺎﯕﻨﯩﯔ ﻏﻪﺭﺑﯩﻲ ﺭﺍﻳﻮﻧﻠﯩﺮﯨﺪﯨﻜﻰ ﺗﺎﺟﺎﯞﯗﺯﭼﯩﻠﯩﻖ ﺋﯘﺭﯗﺷﯩﻨﻰ ﻛﯧﯖﻪﻳﺘﯩﯟﺍﺗﻘﺎﻥ ﭼﺎﻏﺪﺍ ، ﺳﺎﺑﯩﻖ ﺋﯜﭼﺘﯘﺭﭘﺎﻥ ﮬﺎﻛﯩﻢ ﺑﯧﮕﻰ ﺗﻮﺧﺘﻰ ﺑﻪﮒ ﻗﺎﺗﺎﺭﻟﯩﻖ ﻳﻪﺭﻟﯩﻚ ﻓﯩﺌﻮﺩﺍﻟﻼﺭ ﺑﻪﺩﻩﯞﻟﻪﺗﻨﯩﯔ ﺗﺎﺟﺎﯞﯗﺯﭼﯩﻠﯩﻖ ﺋﯘﺭﯗﺷﯩﻐﺎ ﻣﺎﺳﻠﯩﺸﯩﭗ ، ﺗﻮﭘﯩﻼﯓ ﻗﻮﺯﻏﺎﭖ ، ﻗﻮﺯﻏﯩﻼﯕﭽﻰ ﻗﻮﺷﯘﻧﻼﺭﻏﺎ ﻗﺎﺭﺷﻰ ﺗﯘﺭﯨﺪﯗ . ﺑﯘ ﭼﺎﻏﺪﺍ ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ﻗﻮﺯﻏﯩﻼﯕﭽﯩﻼﺭﻧﯩﯔ ﺗﻮﻟﯘﻕ ﮬﻮﻗﯘﻗﻠﯘﻕ ﯞﻩﻛﯩﻠﻰ ﺳﯜﭘﯩﺘﯩﺪﻩ ﺗﻮﭘﯩﻼﯕﭽﯩﻼﺭﻧﯩﯔ ﺋﯘﯞﯨﺴﯩﻐﺎ ﻛﯩﺮﯨﭗ ، ﺋﯚﺯ ﺋﺎﺑﺮﻭﻳﯩﺪﯨﻦ ﭘﺎﻳﺪﯨﻠﯩﻨﯩﭗ ، ﺋﯘﻻﺭﻧﻰ ﭘﺎﺭﭼﯩﻼﭖ ، ﺗﻮﭘﯩﻼﯕﻨﯩﯔ ﺑﯧﺴﯩﻘﺘﯘﺭﯗﻟﯘﺷﻰ ﺋﯜﭼﯜﻥ ﺯﻭﺭ ﺗﯚﮬﭙﻪ ﻗﻮﺷﯩﺪﯗ .
ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ﺋﺎﻗﺴﯘﺩﺍ ﺋﻮﻣﯘﻣﻪﻥ 40 ﻳﯩﻠﻐﺎ ﻳﯧﻘﯩﻦ ﯞﺍﻗﯩﺖ ﺗﻪﺗﻘﯩﻘﺎﺕ ﯞﻩ ﻳﯧﺰﯨﻘﭽﯩﻠﯩﻖ ﺋﯩﺸﻠﯩﺮﻯ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯗ . ﺑﯘ ﻣﻪﺯﮔﯩﻞ ﻣﻮﻟﻼ ﻣﯘﺳﺎ ﺳﺎﻳﺮﺍﻣﯩﻨﯩﯔ ﮬﺎﻳﺎﺗﯩﺪﯨﻜﻰ ﻧﺎﮬﺎﻳﯩﺘﻰ ﺋﯧﻐﯩﺮ ﺑﯩﺮ ﻳﯩﻠﻼﺭ ﺑﻮﻟﯘﭖ ، ﺋﯘ ﺗﺎﻣﺎﻣﻪﻥ ﭘﯧﻘﯩﺮﻟﯩﻖ - ﻧﺎﻣﺮﺍﺗﻠﯩﻖ ﮬﺎﻳﺎﺗﯩﻨﻰ ﻛﻪﭼﯜﺭﯛﺷﻜﻪ ﻣﻪﺟﺒﯘﺭ ﺑﻮﻟﯩﺪﯗ . ﺋﺎﺧﯩﺮﻯ ﮬﯩﺠﺮﻯ 1335 - ﻳﯩﻠﻰ ﻣﺎﮬﻰ ﺟﺎﻣﻪﺩﻯ ﺋﻪﯞﯞﻩﻝ ﺋﺎﻳﻠﯩﺮﯨﺪﺍ ( ﻣﯩﻼﺩﻯ 1917 - ﻳﯩﻠﻰ 3 - ﺋﺎﻳﺪﺍ ) 81 ﻳﺎﺷﻘﺎ ﻛﯩﺮﮔﻪﻥ ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ﺋﯧﻐﯩﯥ ﻛﯧﺴﻪﻟﮕﻪ ﮔﯩﺮﯨﭙﺘﺎﺭ ﺑﻮﻟﯘﭖ ، ﺋﯚﺯ ﻳﯘﺭﺗﻰ ﺳﺎﻳﺮﺍﻣﻐﺎ ﻗﺎﻳﺘﯩﺸﻨﻰ ﺗﻪﻟﻪﭖ ﻗﯩﻠﯩﭗ ، ﺗﯘﻗﻘﺎﻧﻠﯩﺮﯨﻐﺎ ﺧﻪﺕ ﻳﺎﺯﯨﺪﯗ . ﻣﻮﻟﻼ ﻣﯘﺳﺎ ﺳﺎﻳﺮﺍﻣﯩﻨﯩﯔ ﭼﻮﯓ ﺋﯩﻨﯩﺴﻰ ﺋﯩﺴﻼﻡ ﺋﺎﺧﯘﻧﻨﯩﯔ ﺋﻮﻏﻠﻰ ﮬﯘﺷﯘﺭ ﺋﺎﺧﯘﻥ ﺧﻪﻟﭙﻪﺕ ﺋﯘﻧﻰ ﺋﺎﻗﺴﯘﺩﯨﻦ ﺳﺎﻳﺮﺍﻣﻐﺎ ﮬﺎﺭﯞﺍ ﺑﯩﻠﻪﻥ ﺋﯧﻠﯩﭗ ﻗﺎﻳﺘﯩﺪﯗ . ﺑﯘ ﭼﺎﻏﺪﺍ ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ﺗﺎﻣﺎﻣﻪﻥ ﺋﻮﺭﯗﻥ ﺗﯘﺗﯘﭖ ﻳﯧﺘﯩﭗ ﻗﺎﻟﻐﺎﻥ ﺋﯩﺪﻯ . ﮬﯩﺠﺮﻯ 1335 - ﻳﯩﻠﻰ ﻣﺎﮬﻰ ﺟﺎﻣﻪﺩﻯ ﺋﺎﺧﯩﺮﯨﺪﺍ ( ﻣﯩﻼﺩﻯ 1917 - ﻳﯩﻠﻰ 4 - ﺋﺎﻳﺪﺍ ) ، ﺑﯘ ﺋﻪﻳﻨﻰ ﺯﺍﻣﺎﻧﺪﯨﻜﻰ ﺋﯘﻳﻐﯘﺭ ﺋﺎﻟﯩﻤﻠﯩﺮﯨﻨﯩﯔ ﺑﯩﺮﻯ ، ﺗﺎﺭﯨﺦ ﺋﻪﮬﻠﯩﻨﯩﯔ ﻣﻪﺷﺌﻪﻝ ﭼﯩﺮﯨﻐﻰ ﺑﻮﻟﻐﺎﻥ ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ﻣﻪﯕﮕﯜﻟﯜﻙ ﺋﯘﻳﻘﯘﻏﺎ ﺳﻪﭘﻪﺭ ﻗﯩﻠﯩﺪﯗ . ﺷﯘ ﻳﯩﻠﻰ ﻣﺎﮬﻰ ﺷﻪﯞﯞﺍﻟﺪﺍ ﺋﯘﻧﯩﯔ ﺗﯘﻗﻘﺎﻧﻠﯩﺮﻯ ﯞﻩ ﻳﯘﺭﺗﺪﺍﺷﻠﯩﺮﻯ ﻗﻪﺷﻘﻪﺭﻟﯩﻖ ﻣﻪﺷﮭﯘﺭ ﻧﻪﻗﻘﺎﺵ ﯞﻩ ﺗﺎﻣﭽﻰ ﻳﯜﺳﯜﭖ ﺋﯘﺳﺘﺎﻡ ﺩﯦﮕﻪﻥ ﻛﯩﺸﯩﻨﻰ ﺗﻪﻛﻠﯩﭗ ﻗﯩﻠﯩﭗ ، ﮬﺎﺯﯨﺮﻗﻰ ﺋﺎﻧﺎﻗﯩﺰ ﺋﯚﺳﺘﯩﯖﯩﻨﯩﯔ ﺑﻮﻳﯩﺪﺍ ﻣﻮﻟﻼ ﻣﯘﺳﺎ ﺳﺎﻳﺮﺍﻣﯩﻨﯩﯔ ﺋﯩﮕﯩﺰ ﮔﯜﻣﺒﯩﺰﯨﻨﻰ ﻗﺎﺗﯘﺭﯨﺪﯗ ﮬﻪﻡ ﺋﯘﻧﯩﯔ ﻳﯩﻨﯩﻐﺎ ﻳﯜﺯ ﻛﯩﺸﻠﯩﻚ ﺑﯩﺮ ﻣﻪﺳﭽﯩﺖ ﺑﯩﻨﺎ ﻗﯩﻠﯩﺪﯗ . ( ﺑﯘ ﮔﯜﻣﺒﻪﺯ ﺋﺎﺗﺎﻟﻤﯩﺶ ﻣﻪﺩﯨﻨﯩﻴﻪﺕ ﺋﯩﻨﻘﯩﻼﺑﯩﺪﺍ 1967 - ﻳﯩﻠﻰ ﺑﯘﺯﯗﻟﯘﭖ ﻛﻪﺗﻜﻪﻥ ) .
ﻣﻮﻟﻼ ﻣﯘﺳﺎ ﺳﺎﻳﺮﺍﻣﯩﻨﯩﯔ ﺋﻪﺳﻪﺭﻟﯩﺮﯨﺪﯨﻦ << ﺗﻪﺯﻛﯩﺮﻩ ﺗﯘﻝ ﺋﺎﯞﻟﯩﻴﺎ >> ، << ﺩﻩﺭ ﺑﺎﻳﺎﻥ ﺋﻪﺳﮭﺎﺑﯘﻝ ﻛﻪﮬﻪﺏ >> ، << ﺗﺎﺭﯨﺨﻰ ﺋﻪﻣﯩﻨﯩﻴﻪ >> ، << ﺍﺭﯨﺨﻰ ﮬﻪﻣﯩﺪﻯ >> ، << ﺩﯨﯟﺍﻥ ﻣﻪﺳﻨﯩﯟﻯ >. ، << ﺳﺎﻻﻧﻤﺎﻧﻪ >. ﻗﺎﺗﺎﺭﻟﯩﻘﻼﺭﺩﯗﺭ . ﮬﺎﺯﯨﺮ ﺋﯘﻧﯩﯔ ﻳﻪﻧﻪ ﭘﺎﺭﯨﺲ ﺗﯩﻠﯩﺪﺍ ﻳﺎﺯﻏﺎﻥ ﺑﯩﺮﻣﯘﻧﭽﻪ ﺷﯧﺌﯩﺮﻟﯩﺮﻯ ﺑﻮﻟﯘﭖ ، ﺳﺎﻗﻠﯩﻨﯩﭗ ﻛﻪﻟﻤﻪﻛﺘﻪ .

ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ << ﺗﺎﺭﯨﺨﯩﻲ ﻫﻪﻣﯩﺪﻯ >> ﻧﻰ ، ﺋﯚﺯﯨﻨﯩﯔ ﺋﯩﻠﮕﯩﺮﯨﻜﻰ ﺋﻪﺳﯩﺮﻯ << ﺗﺎﺭﯨﺨﻰ ﺋﻪﻣﯩﻨﯩﻴﻪ >> ﺩﯦﮕﻪﻥ ﺋﻪﺳﯩﺮﻯ ﺋﺎﺳﺎﺳﯩﺪﺍ ، ﻣﯩﻼﺩﻯ 1908 - ﻳﯩﻠﻰ 7 - ﺋﺎﻳﻨﯩﯔ 10 - ﻛﯜﻧﻰ ﻳﯧﺰﯨﭗ ﺗﺎﻣﺎﻣﻠﯩﻐﺎﻥ . ﻣﯩﻼﺩﻯ 1911 - ﻳﯩﻠﻰ 7 - ﺋﺎﻳﻨﯩﯔ 7 - ﻛﯜﻧﻰ ﺋﯚﺯ ﻗﻪﻟﯩﻤﻰ ﺑﯩﻠﻪﻥ ﻛﯚﭼﯜﺭﯛﭖ ﭼﯩﻘﻘﺎﻥ ﻗﻮﻟﻴﺎﺯﻣﯩﺴﻰ ﻫﺎﺯﯨﺮﻣﯘ ﺳﺎﻗﻼﻧﻤﺎﻗﺘﯩﻜﻪﻥ .
<< ﺗﺎﺭﯨﺨﺨﻲ ﻫﻪﻣﯩﺪﻯ >> ﻧﯩﯔ ﻣﯘﻫﯩﻢ ﻣﻪﺯﻣﯘﻧﻠﯩﺮﻯ :

ﺑﯩﺮﯨﻨﭽﻰ ، 1864 - ﻳﯩﻠﯩﺪﯨﻜﻰ ﭘﯜﺗﯜﻥ ﺷﯩﻨﺠﺎﯓ ﺭﺍﻳﻮﻧﯩﻨﻰ ﻗﺎﭘﻠﯩﻐﺎﻥ ﺩﯦﻬﻘﺎﻧﻼﺭ ﻗﻮﺯﻏﯩﻠﯩﯖﯩﻨﯩﯔ ، ﻛﯘﭼﺎﺭ ﺩﯦﻬﻘﺎﻧﻼﺭ ﻗﻮﺯﻏﯩﻠﯩﯖﻰ ﻫﻪﻡ ﺑﻪﺩﯙﻟﻪﺗﻨﯩﯔ ﺑﯘ ﺩﯦﻬﻘﺎﻧﻼﺭ ﻗﻮﺯﻏﯩﻠﯩﯖﯩﻐﺎ ﻗﺎﺭﺷﻰ ﺟﺎﺯﺍﺳﯩﻨﻰ، ﺩﯦﻬﻘﺎﻧﻼﺭﻧﯩﯔ ﺑﺎﺗﯘﺭﻟﯘﻗﻠﯩﺮﯨﻨﻰ ﻳﺎﺯﻏﺎﻥ .
ﺋﯩﻜﻜﯩﻨﭽﻰ ، ﺋﻪﻳﻨﻰ ﺯﺍﻣﺎﻧﺪﺍ ﺟﯘﯕﮕﻮﺩﯨﻜﻰ ﻣﯩﻠﻠﻪﺗﻠﻪﺭ ﺯﯨﻨﺪﺍﻧﻰ ﺑﻮﻟﻐﺎﻥ ﭼﯩﯔ ﺳﯘﻻﻟﯩﺴﻰ ﻫﯚﻛﯜﻣﯩﺘﯩﻨﯩﯔ ﺋﻪﺷﻪﺩﺩﻯ ﻣﯩﻠﻠﯩﻲ ﺯﯗﻟﯘﻡ ﺳﯩﻴﺎﺳﯩﺘﻰ ﯞﻩ ﻳﻪﺭﻟﯩﻚ ﺋﺎﻗﺴﯚﯕﻪﻛﻠﻪﺭﻧﯩﯔ ﻓﯧﺌﻮﺩﺍﻟﻠﯩﻖ ﺯﯗﻟﻤﯩﻨﻰ ﻗﺎﺗﺘﯩﻖ ﭘﺎﺵ ﻗﯩﻠﯩﭗ ﻳﺎﺯﻏﺎﻥ .
ﺋﯜﭼﯩﻨﭽﻰ ، ﺩﯦﻬﻘﺎﻧﻼﺭ ﻗﻮﺯﻏﯩﻠﯩﯖﯩﻨﯩﯔ ﻣﻪﻏﻠﯘﺏ ﺑﻮﻟﯘﺷﯩﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺑﻠﻪﺭﻧﻰ ﻳﺎﺯﻏﺎﻥ .
ﺗﯚﺗﯩﻨﭽﻰ ، ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ ~ ﻣﯩﺮﺯﺍ ﺑﺎﺑﺎﺑﻪﻙ ﻫﯩﺴﺎﺭﯨﻨﯩﯔ ﻗﻮﻝ ﺋﺎﺳﺘﯩﺪﺍ ﺋﯩﺸﻠﯩﮕﻪﻥ ﺑﻮﻟﺴﯩﻤﯘ ﻟﯧﻜﯩﻦ ﻳﻪﻧﯩﻼ ﺑﻪﺩﯙﯞﻟﻪﺕ ﯞﻩ ﺋﯘﻧﯩﯔ ﻫﯚﻛﯜﻣﺮﺍﻧﻠﯩﺮﯨﻐﺎ ﻗﺎﺗﺘﯩﻖ ﺋﯚﭼﻤﻪﻧﻠﯩﻚ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﺎﺷﻜﺎﺭﺍ ﻳﺎﺯﻏﺎﻥ .
ﺩﯦﻤﻪﻙ ، ﺑﯘ ﺋﻪﺳﻪﺭ ﻳﯧﻘﯩﻨﻘﻰ ﺯﺍﻣﺎﻥ ﺗﺎﺭﯨﺨﯩﺪﺍ ﺋﺎﺯ ﺋﯘﭼﺮﺍﻳﺪﯨﻐﺎﻥ ﻣﯘﻫﯩﻢ ﻣﺎﺗﯧﺮﯨﻴﺎﻝ ﺑﻮﻟﯘﭖ ، ﺋﺎﭘﺘﻮﺭﻧﯩﯔ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻧﻠﯩﺮﻯ ﺋﺎﺳﺎﺳﻰ ﻣﺎﺗﯧﺮﯨﻴﺎﻝ ﻗﯩﻠﯩﻨﻐﺎﭼﻘﺎ ، ﺋﻪﺳﻪﺭﻧﯩﯔ ﺗﺎﺭﯨﺨﻰ ﭼﯩﻨﻠﯩﻘﻰ ﻳﯘﻗﯘﺭﻯ ، ﻗﺎﻳﯩﻞ ﻗﯩﻠﯩﺶ ﻛﯜﭼﻰ ﺯﻭﺭ . ﺑﯘ ﻛﯩﺘﺎﺏ  ﺋﻪﻧﯟﻩﺭ ﺑﺎﻳﺘﻮﺭ ﺗﻪﺭﯨﭙﯩﺪﯨﻦ ﻗﺎﻳﺘﺎ ﺗﻪﻫﯩﺮﯨﻠﯩﻨﯩﭗ ﻧﻪﺷﺮ ﻗﯩﻠﯩﻨﻐﺎﻥ . ﻫﺎﺯﯨﺮ ﻫﻪﺭﻗﺎﻳﺴﻰ ﻛﯩﺘﺎﺑﺨﺎﻧﯩﻼﺭﺩﯨﻦ ﺑﯘ ﻛﯩﺘﺎﺑﻨﻰ ﺗﺎﭘﻘﯩﻠﻰ ﺑﻮﻟﯩﺪﯗ .
-----------------------

<< ﺗﺎﺭﯨﺨﯩﻲ ﺋﻪﻣﯩﻨﯩﻴﻪ >>
ﺋﺎﭘﺘﻮﺭﻯ --- ﻣﻮﻟﻼ ﻣﯘﺳﺎ ﺳﺎﻳﺮﺍﻣﻰ . 1903 - ﻳﯩﻠﻰ ﻳﯧﺰﯨﻠﻐﺎﻥ . 1904 - ﻳﯩﻠﻰ ﺭﻭﺳﯩﻴﯩﻨﯩﯔ ﻗﺎﺯﺍﻥ ﺷﻪﻫﯩﺮﯨﺪﯨﻜﻰ " ﻣﻪﺩﺭﯨﺴﻪﺋﯩﻲ ﺋﯚﻟﯜﻡ " ﻣﻪﺗﺒﻪﺋﻪﺳﯩﺪﻩ ﺑﯧﺴﯩﻠﻐﺎﻥ . ﺑﯘ ﻛﯩﺘﺎﺏ " ﺳﯚﺯ ﺑﯧﺸﻰ " ، " ﻣﯘﻗﻪﺩﺩﯨﻤﻪ" ، " ﺩﺍﺳﺘﺎﻥ " ﯞﻩ " ﺧﺎﺗﯩﻤﻪ" ﺩﯦﮕﻪﻥ ﻗﯩﺴﯩﻤﻼﺭﻏﺎ ﺑﯚﻟﯜﻧﯜﭖ ﻳﯧﺰﯨﻠﻐﺎﻥ . ﺑﯘ ﺋﻪﺳﻪﺭﻧﯩﯔ " ﺗﺎﺭﯨﺨﯩﻲ ﺋﻪﻣﯩﻨﯩﻴﻪ" ﺩﻩﭖ ﺋﺎﺗﯩﻠﯩﺸﯩﺪﺍ ~ ﺋﺎﭘﺘﻮﺭ : << ﺑﯘ ﻛﯩﺘﺎﺑﻨﻰ ﻳﯧﺰﯨﺸﻘﺎ ﻛﯩﺮﯨﺸﻜﻪﻥ ﯞﺍﻗﺘﯩﻤﺪﺍ ﺑﯘ ﻳﯘﺭﺗﻼﺭﺩﺍ ﺩﯛﺷﻤﻪﻧﻠﯩﻚ ، ﺋﺎﺩﺍﯞﻩﺕ ، ﭘﺎﺭﺍﻛﻪﻧﺪﯨﭽﯩﻠﯩﻚ ﺗﯜﮔﻪﭖ ، ﺗﯧﻨﭽﻠﯩﻖ ، ﺧﺎﺗﯩﺮﺟﻪﻣﻠﯩﻚ ﺑﻮﻟﻐﺎﻧﻠﯩﻘﯩﻨﻰ ، ﺷﯘﻧﯩﯔ ﺋﯜﭼﯜﻥ ، ﺑﯘ ﻛﯩﺘﺎﺑﻨﻰ " ﺗﺎﺭﯨﺨﯩﻲ ﺋﻪﻣﯩﻨﯩﻴﻪ " ﺩﻩﭖ ﺋﺎﺗﯩﺪﯨﻢ >> --- ﺩﻩﭖ ﺋﺎﻻﻫﯧﺪﻩ ﺋﯩﺰﺍﻫﺎﺗﻠﯩﻐﺎﻥ .
<< ﺗﺎﺭﯨﺨﻰ ﺋﻪﻣﯩﻨﯩﻴﻪ >> ﺩﻩ ، ﺋﺎﭘﺘﻮﺭ ﺷﯩﻨﺠﺎﯕﻨﯩﯔ ﻳﯧﻘﯩﻨﻘﻰ ﺯﺍﻣﺎﻥ ﺗﺎﺭﯨﺨﯩﺪﯨﻜﻰ ﺯﻭﺭ ﯞﻩﻗﻪﻟﻪﺭﻧﻰ ﺭﻩﺕ - ﺭﯦﺘﻰ ﺑﯩﻠﻪﻥ ﻳﯧﺰﯨﭗ ، ﺋﯚﺯﯨﻨﯩﯔ ﺑﯘ ﯞﻩﻗﻪﻟﯩﻜﻠﻪﺭﮔﻪ ﺑﻮﻟﻐﺎﻥ ﻛﯚﺯ ﻗﺎﺭﯨﺸﯩﻨﻰ ، ﻣﯘﻻﻫﯩﺰﯨﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ ﻣﺎﯕﻐﺎﻥ . 1864 - ﻳﯩﻠﯩﺪﯨﻦ ﻛﯧﻴﯩﻦ ، ﺷﯩﻨﺠﺎﯕﻨﯩﯔ ﺟﻪﻧﯘﺑﯩﺪﺍ ﻳﯜﺯ ﺑﻪﺭﮔﻪﻥ ﺯﻭﺭ ﯞﻩﻗﻪﻟﻪﺭﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﭘﺘﻮﺭﻧﯩﯔ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﯛﭖ ﻳﺎﻛﻰ ﺋﺎﯕﻼﭖ ﻳﯧﺰﯨﻠﻐﺎﻥ ﺑﻮﻟﯘﭘﻤﯘ ﻳﺎﻗﯘﭘﺒﻪﮒ ﻫﺎﻛﯩﻤﯩﻴﯩﺘﯩﻨﯩﯔ ﺋﯩﭽﻜﻰ - ﺗﺎﺷﻘﻰ ﺳﯩﻴﺎﺳﯩﺘﯩﻨﻰ ﺗﻪﺗﻘﯩﻖ ﻗﯩﻠﯩﺸﺘﺎ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ .
ﻟﻴﯘ ﺯﯦﺸﻴﺎﯞ ﺋﯚﺯﯨﻨﯩﯔ " ﺋﯘﻳﻐﯘﺭﻻﺭ ﺗﺎﺭﯨﺨﻰ " ﺩﯨﻤﯘ ، ﻣﻮﻟﻼ ﻣﯘﺳﺎ ﺳﺎﻳﺮﺍﻣﯩﻨﻰ ﺋﺎﻻﻫﯧﺪﻩ ﺗﯩﻠﻐﺎ ﺋﯚﺗﯜﭖ ، ﻳﺎﻗﯘﭘﺒﻪﮔﻜﻪ ﺩﺍﺋﯩﺮ ﻣﻪﺯﻣﯘﻧﻼﺭﺩﯨﻦ ﺑﯘ ﻛﯩﺘﺎﺑﺘﯩﻦ ﻧﯘﺭﻏﯘﻥ ﻛﯚﭖ ﺟﺎﻳﻠﯩﺮﯨﺪﺍ ﻧﻪﻗﯩﻞ ﺋﺎﻟﻐﺎﻥ .
ﺩﺍﯞﺍﻣﻰ ﺑﺎﺭ ....

ﺩﺍﯞﺍﻣﻰ ...
<< ﺗﻪﺯﻛﯩﺮﻩﺋﻰ ﺧﻮﺟﯩﮕﺎﻥ >>
ﻣﯘﻫﻪﻣﻤﻪﺩ ﺳﺎﺩﯨﻖ ﻗﻪﺷﻘﻪﺭﯨﻲ ﻳﺎﺯﻏﺎﻥ ﺗﺎﺭﯨﺨﻰ ﻛﯩﺘﺎﺏ . ﻣﯩﻼﺩﻯ 1768 - 1769 - ﻳﯩﻠﻠﯩﺮﻯ ﺗﺎﻣﺎﻣﻼﻧﻐﺎﻥ . ﺋﺎﺳﺎﺳﻠﯩﻘﻰ XVII~XVIII ﺋﻪﺳﯩﺮﻟﻪﺭﺩﯨﻜﻰ ﻗﻪﺷﻘﻪﺭ ﺋﯩﺴﻼﻡ ﺋﺎﻗﺴﯚﯕﻪﻛﻠﯩﺮﯨﺪﯨﻦ ﺑﻮﻟﻐﺎﻥ ﺧﻮﺟﯩﻼﺭ ﻗﻪﻣﻪﺗﯩﻨﯩﯔ ﺗﺎﺭﯨﺨﻰ ﻫﻪﻡ ﺋﯘﻻﺭﻧﯩﯔ ﺋﻪﻧﺌﻪﻧﯩﯟﻯ ﻫﺎﻛﯩﻤﯩﻴﻪﺕ ﻛﯜﭼﻠﯩﺮﻯ ، ﺳﯩﺮﺗﻘﻰ ﺭﺍﻳﻮﻥ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯦﺘﻰ ﺑﺎﻳﺎﻥ ﻗﯩﻠﯩﻨﻐﺎﻥ . ﻣﯩﯔ ﺳﯘﻻﻟﯩﺴﯩﻨﯩﯔ ﺋﺎﺧﯩﺮﻯ ﭼﯩﯔ ﺳﯘﻻﻟﯩﺴﯩﻨﯩﯔ ﺑﺎﺷﻠﯩﺮﯨﺪﯨﻜﻰ ﺷﯩﻨﺠﺎﯓ ﺭﺍﻳﻮﻧﯩﻨﯩﯔ ﺳﯩﻴﺎﺳﯩﻲ -ﺋﯩﻘﺘﯩﺴﺎﺩﯨﻲ ، ﺩﯨﻨﯩﻲ ، ﻣﯩﻠﻠﻪﺗﻠﻪﺭ ﻣﯘﻧﺎﺳﯧﯟﯨﺘﻰ ﻗﺎﺗﺎﺭﻟﯩﻖ ﺟﻪﻫﻪﺗﻠﻪﺭﺩﻩ ﭘﺎﻳﺪﯨﻠﯩﻨﯩﺸﺘﺎ ﻣﯘﻫﯩﻢ ﻣﺎﺗﯧﺮﯨﻴﺎﻝ ﺑﯩﻠﻪﻥ ﺗﻪﻣﯩﻨﻠﯩﻴﻪﻟﻪﻳﺪﯨﻐﺎﻥ ﺋﻪﺳﻪﺭ . ﺑﯘ ﻛﯩﺘﺎﺑﻨﯩﯔ ﭼﺎﻏﺎﺗﻪﻳﭽﻪ ﻗﻮﻟﻴﺎﺯﻣﺎ ﻧﯘﺳﺨﯩﺴﻰ XIX ﺋﻪﺳﯩﺮﻧﯩﯔ ﺋﺎﺧﯩﺮﻯ ﺋﯩﻨﮕﯩﻠﯩﺰﭼﯩﻐﺎ ﺗﻪﺭﺟﯩﻤﻪ ﯞﻩ ﺭﯗﺳﭽﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ . ﺧﻪﻧﺰﯗﭼﻪ ﻧﯘﺳﺨﯩﺴﻰ ﺋﯩﻨﮕﯩﻠﯩﺰﭼﯩﺪﯨﻦ ﺗﻪﺭﺟﯩﻤﻪ ﻗﯩﻠﯩﻨﻐﺎﻧﯩﻜﻪﻥ .

----------------------
<< ﺗﺎﯞﺍﺭﯨﺦ >>


ﺋﺎﺗﺎﻗﻠﯩﻖ ﺗﺎﺭﯨﺨﭽﻰ ، ﺷﺎﺋﯩﺮ ﻣﯩﺮﺯﺍ ﻫﻪﻳﺪﻩﺭ ﻛﯚﺭﺍﮔﺎﻧﻨﯩﯔ ﯞﺍﺭﯨﺴﻰ ﺳﯜﭘﯩﺘﯩﺪﻩ ﻣﻪﻳﺪﺍﻧﻐﺎ ﭼﯩﻘﻘﺎﻥ ﺗﺎﺭﯨﺨﭽﻰ ﺷﺎﻫ ﻣﻪﻫﻤﯘﺩ ﺟﯘﺭﺍﺱ ( ﺗﻮﻟﯘﻕ ﺋﯩﺴﻤﻰ : ﺷﺎﻫ ﻣﻪﻫﻤﯘﺩ ﻣﯩﺮﺯﺍ ﭘﺎﺯﯨﻞ ﺟﯘﺭﺍﺱ ﺋﻮﻏﻠﻰ ) ﺗﻪﺧﻤﯩﻨﻪﻥ ﻣﯩﻼﺩﯨﻴﻪ 17 - ﺋﻪﺳﯩﺮﻧﯩﯔ 20 - ﻳﯩﻠﻠﯩﺮﻯ ﻳﻪﻛﻪﻧﺪﻩ ﺩﯗﻧﻴﺎﻏﺎ ﻛﯧﻠﯩﭗ ، ﻣﯩﻼﺩﯨﻴﻪ 1700 - ﻳﯩﻠﻼﺭﻧﯩﯔ ﺩﻩﺳﻠﻪﭘﻜﻰ ﻣﻪﺯﮔﯩﻠﯩﺪﻩ ﺋﺎﻟﻪﻣﺪﯨﻦ ﺋﯚﺗﻜﻪﻥ . ﺋﯘﻧﯩﯔ ﺩﺍﺩﯨﺴﻰ ﻣﯩﺮﺯﺍ ﭘﺎﺯﯨﻞ ﺟﯘﺭﺍﺱ ﺑﻮﻟﺴﺎ ، ﻳﻪﻛﻪﻧﺪﯨﻜﻰ ﺋﯘﻳﻐﯘﺭﻻﺷﻘﺎﻥ ﻣﻮﯕﻐﯘﻝ ﺟﯘﺭﺍﺱ ﺑﻪﮔﯩﻠﯩﺮﯨﻨﯩﯔ ﺋﯩﭽﯩﺪﻩ ﺧﯧﻠﻰ ﺋﺎﺑﺮﻭﻳﻐﺎ ﺋﯩﮕﻪ ﺑﯩﺮ ﺯﺍﺕ ﺑﻮﻟﯘﭖ ، ﻳﻪﻛﻪﻥ ﺧﺎﻧﻠﯩﻘﯩﻨﯩﯔ ﺋﺎﺑﺪﯗﻟﻠﯧﺘﯩﭗ ﺧﺎﻥ ، ﺋﻪﻫﻤﻪﺩﺧﺎﻥ ﯞﻩ ﺋﺎﺑﺪﯗﻟﻼﺧﺎﻧﻨﯩﯔ ﺩﻩﺳﻠﻪﭘﻜﻰ ﭼﺎﻏﻠﯩﺮﯨﺪﺍ ﻗﻮﺷﯘﻥ ﯞﻩ ﺑﺎﺷﻘﺎ ﺳﺎﻫﻪﻟﻪﺭﺩﻩ ﻣﯘﻫﯩﻢ ﯞﻩﺯﯨﭙﯩﻠﻪﺭﻧﻰ ﺋﯚﺗﯩﮕﻪﻧﯩﺪﻯ . ﺷﺎﻫ ﻣﻪﻫﻤﯘﺩ ﺟﯘﺭﺍﺱ ﻳﻪﻛﻪﻥ ﯞﻩ ﻗﻪﺷﻘﻪﺭ ﻣﻪﺩﺭﯨﺴﻠﯩﺮﯨﺪﻩ ﺗﻪﺭﺑﯩﻴﻠﯩﻨﯩﺶ ﺩﺍﯞﺍﻣﯩﺪﺍ ﺋﻪﺭﻩﺏ ، ﭘﺎﺭﺱ ﺗﯩﻠﻠﯩﺮﯨﻨﻰ ﻳﺎﺧﺸﻰ ﺋﯩﮕﯩﻠﻪﭖ ، ﺑﯩﻠﯩﻢ ﺩﺍﺋﯩﺮﯨﺴﻰ ﻛﻪﯓ ﺑﯩﺮ ﺷﻪﺧﺲ ﺑﻮﻟﯘﭖ ﻳﯧﺘﯩﻠﯩﭗ ﭼﯩﻘﻘﺎﻥ . ﺑﻮﻟﯘﭘﻤﯘ ﺋﯘ ﺗﺎﺭﯨﺦ ﺋﯩﻠﻤﯩﻲ ﺳﺎﻫﻪﺳﯩﺪﻩ ﺗﻮﻧﯘﻟﻐﺎﻥ ﺑﻮﻟﯘﭖ ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﻳﻪﻛﻪﻥ ﺑﻪﮔﻠﯩﺮﯨﻨﯩﯔ ﺗﻪﺷﻪﺑﺒﯘﺳﻰ ﺑﯩﻠﻪﻥ "ﻳﻪﻛﻪﻥ ﭘﺎﺩﯨﺸﺎﻫﻠﯩﺮﯨﺪﯨﻦ ﺋﺎﺑﺪﯗﻟﻼﺧﺎﻥ ، ﺋﯩﺴﻤﺎﻳﯩﻞ ﺧﺎﻥ ، ﺋﺎﺑﺪﯗﺭﻩﺷﯩﺪﺧﺎﻥ ﯞﻩ ﻣﯘﻫﻪﻣﻤﻪﺩ ﺋﻪﻣﯩﻦ ﺧﺎﻧﻼﺭﻧﯩﯔ ﻧﺎﻣﯩﺪﺍ ﺋﯩﻜﻜﻰ - ﺋﯜﭺ ﭘﺎﺭﭼﻪ ﺗﺎﺭﯨﺦ ﻛﯩﺘﺎﺑﻨﻰ ﻳﯧﺰﯨﭗ ﭼﯩﻘﻘﺎﻥ .
ﺷﺎﻫ ﻣﻪﻫﻤﯘﺩ ﺟﯘﺭﺍﺳﻨﯩﯔ ﻫﺎﺯﯨﺮﻏﯩﭽﻪ ﺑﯩﺰﮔﻪ ﻣﻪﻟﯘﻡ ﺑﻮﻟﻐﺎﻥ ﺗﯘﻧﺠﻰ ﺋﻪﺳﯩﺮﻯ "ﺗﺎﺭﯨﺨﻰ ﺷﺎﻫ ﻣﻪﻫﻤﯘﺩ ﺟﯘﺭﺍﺱ" ﻳﺎﻛﻰ "ﺗﺎﺭﯨﺨﻰ ﺷﺎﻫ" ﺑﻮﻟﯘﭖ ، ﺑﯘ ﺋﻪﺳﻪﺭ ﺋﯩﺴﻤﺎﺋﯩﻞ ﺧﺎﻥ ﺩﻩﯞﺭﯨﺪﯨﻜﻰ ( ﻣﯩﻼﺩﯨﻴﻪ 1670 - 1678 ) ﻳﻪﻛﻪﻥ ﺋﻪﻣﻪﻟﺪﺍﺭﻯ ﺋﯧﺮﻛﻪﺑﻪﮔﻨﯩﯔ ﺗﻪﺷﻪﺑﺒﯘﺳﻰ ﺋﺎﺭﻗﯩﺴﯩﺪﺍ ﻣﯩﻼﺩﯨﻴﻪ 1672 - ﻳﯩﻠﺪﯨﻦ 1676 - ﻳﯩﻠﯩﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﭘﺎﺭﺱ ﺗﯩﻠﯩﺪﺍ ﻳﯧﺰﯨﭗ ﭼﯩﻘﯩﻠﻐﺎﻥ . ﺋﻪﺳﻪﺭﺩﻩ ﺋﺎﺳﺎﺳﻪﻥ ﻣﯩﻼﺩﯨﻴﻪ 1428 - ﻳﯩﻠﯩﺪﯨﻦ 1670 - ﻳﯩﻠﯩﻐﯩﭽﻪ ﺑﻮﻟﻐﺎﻥ ﻣﻪﺯﮔﯩﻠﺪﯨﻜﻰ ﻣﻮﻏﯘﻝ ﯞﻩ ﻳﻪﻛﻪﻥ ﺧﺎﻧﻠﯩﺮﯨﻨﯩﯔ ﺗﺎﺭﯨﺨﻰ ﻣﻪﺭﻛﻪﺯﻟﯩﻚ ﺑﺎﻳﺎﻥ ﻗﯩﻠﯩﻨﻐﺎﻥ ﺑﻮﻟﯘﭖ ، ﺋﺎﻛﯩﻤﻮﺷﻜﯩﻨﻨﯩﯔ ﺗﻪﺭﺟﯩﻤﻪ ﻗﯩﻠﯩﭗ ﻧﻪﺷﺮﮔﻪ ﺗﻪﻳﻴﺎﺭﻟﯩﺸﻰ ﺑﯩﻠﻪﻥ ، ﻣﯩﻼﺩﯨﻴﻪ 1966 - ﻳﯩﻠﻰ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ ﺗﺎﺭﯨﺨﻰ ﻫﯚﺟﺠﻪﺗﺸﯘﻧﺎﺳﻠﯩﻖ ﺋﯩﻨﯩﺴﺘﯩﺘﻮﺗﻰ ﺗﻪﺭﯨﭙﯩﺪﯨﻦ "ﺗﺎﺭﯨﺨﯩﻲ ﺷﺎﻫ ﻣﻪﻫﻤﯘﺩ ﺟﯘﺭﺍﺱ" ﺩﯦﮕﻪﻥ ﻧﺎﻡ ﺑﯩﻠﻪﻥ ﻧﻪﺷﺮ ﻗﯩﻠﯩﻨﻐﺎﻥ ﻫﻪﻣﺪﻩ ﻣﻪﺯﻛﯘﺭ ﻧﻪﺳﺮﯨﻲ ﻧﯘﺳﺨﯩﺴﯩﺪﺍ ﭘﺎﺭﺳﭽﻪ ﺋﻪﺳﻠﻰ ﺗﯧﻜﯩﺴﺘﯩﻤﯘ ﺑﯧﺮﯨﻠﮕﻪﻥ .
ﺋﻪﺳﻪﺭﻧﯩﯔ ﭘﺎﺭﺳﭽﻪ ﺗﯧﻜﯩﺴﺘﯩﻨﯩﯔ ﺋﺎﺧﯩﺮﻗﻰ ﻗﯩﺴﻤﯩﺪﯨﻜﻰ ﺑﺎﻳﺎﻧﻼﺭﺩﯨﻦ ، ﺑﯩﺰﮔﯩﭽﻪ ﻳﯧﺘﯩﭗ ﻛﻪﻟﮕﻪﻥ ﺑﯘ ﺗﯧﻜﯩﺴﺘﻨﯩﯔ ﺷﺎﻫ ﻣﻪﻫﻤﯘﺩ ﺟﯘﺭﺍﺳﻨﯩﯔ ﯞﺍﭘﺎﺗﯩﺪﯨﻦ ﻛﯧﻴﯩﻦ ﻣﻮﻟﻼ ﺋﯧﯟﻩﺯ ﺩﻭﺳﺖ ﻗﯘﻟﻰ ﺗﻪﺭﯨﭙﯩﺪﯨﻦ ﻛﯚﭼﯜﺭﯛﻟﮕﻪﻧﻠﯩﻜﻰ ﻣﻪﻟﯘﻡ . ﻣﻮﻟﻼ ﺋﯧﯟﻩﺯ ﺩﻭﺳﺖ ﻗﯘﻟﻰ ﺋﻪﺳﻪﺭﻧﯩﯔ ﺋﺎﺧﯩﺮﯨﻐﺎ ﺷﺎﻫ ﻣﻪﻫﻤﯘﺩ ﺟﯘﺭﺍﺱ ﻫﺎﻳﺎﺗﯩﻨﯩﯔ ﺋﺎﺧﯩﺮﻗﻰ ﻣﻪﺯﮔﯩﻠﻠﯩﺮﻯ ، ﯞﺍﭘﺎﺗﻰ ﯞﻩ ﻛﯧﻴﯩﻨﻜﻰ ﺑﻪﺯﻯ ﺋﯩﺸﻼﺭ ﺗﻮﻏﺮﯨﺴﯩﺪﯨﻜﻰ ﺑﺎﻳﺎﻧﻼﺭﻧﻰ ﻗﻮﺷﯘﭖ ﻗﻮﻳﻐﺎﻥ .
ﺋﻪﺳﻪﺭﻧﯩﯔ ﻣﯩﻼﺩﯨﻴﻪ 18 - ﺋﻪﺳﯩﺮﻧﯩﯔ ﺋﺎﺧﯩﺮﻟﯩﺮﻯ ﯞﻩ 19 - ﺋﻪﺳﯩﺮﻧﯩﯔ ﺑﺎﺷﻠﯩﺮﯨﺪﺍ "ﻛﻮﻧﺎ ﺋﯘﻳﻐﯘﺭ ﺗﯩﻠﯩﻨﯩﯔ ﻗﻪﺷﻘﻪﺭ ﺷﯩﯟﯨﺴﯩﮕﻪ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ" ، "ﺋﺎﻟﺘﻪ ﺷﻪﻫﻪﺭ ﺧﺎﻧﻠﯩﺮﯨﻨﯩﯔ ﺗﺎﺭﯨﺨﻰ" ﻧﺎﻣﻠﯩﻖ ﻳﻪﻧﻪ ﺑﯩﺮ ﻧﯘﺳﺨﯩﺴﻰ ﺑﻮﻟﻐﺎﻥ . ﺑﯘ ﻧﯘﺳﺨﺎ ﻫﺎﺯﯨﺮ ﺋﯚﺯﺑﯧﻜﯩﺴﺘﺎﻥ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﯩﻨﯩﯔ ﺋﻪﺑﯘ ﺭﻩﻳﻬﺎﻥ ﺑﺮﻭﻧﻰ ﻧﺎﻣﯩﺪﯨﻜﻰ ﺷﻪﺭﻗﺸﯘﻧﺎﺳﻠﯩﻖ ﺋﯩﻨﯩﺴﺘﯩﺘﻮﺗﯩﺪﺍ ﺳﺎﻗﻼﻧﻤﺎﻗﺘﺎ .
"ﺋﺎﻟﺘﻪ ﺷﻪﻫﻪﺭ ﺧﺎﻧﻠﯩﺮﯨﻨﯩﯔ ﺗﺎﺭﯨﺨﻰ" ﻧﯩﯔ ﭘﺎﺭﺱ ﺗﯩﻠﯩﺪﯨﻜﻰ ﺑﯩﺮ ﻧﯘﺳﺨﯩﺴﯩﻨﻰ ﺗﺎﺗﺎﺭ ﺋﺎﻟﯩﻤﻰ ﻧﯘﺷﺮﯞﺍﻥ ﻳﺎﺋﻮﯨﯟ ﻣﯩﻼﺩﯨﻴﻪ 1914 - ﻳﯩﻠﯩﺪﯨﻦ 1915 - ﻳﯩﻠﯩﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺟﻪﻧﯘﺑﯩﻲ ﺷﯩﻨﺠﺎﯕﻐﺎ ﻗﯩﻠﻐﺎﻥ ﺳﻪﭘﯩﺮﯨﺪﻩ ﺧﻮﺗﻪﻥ ﻗﺎﺭﺍﻗﺎﺷﺘﯩﻦ ﺗﯧﭙﯩﭗ ، ﺋﻪﺳﻪﺭﻧﯩﯔ ﻳﯘﻧﯘﺳﺨﺎﻧﺪﯨﻦ ﺋﺎﺑﺪﯗﻛﯧﺮﯨﻢ ﺧﺎﻧﻐﯩﭽﻪ ﺑﻮﻟﻐﺎﻥ ﻗﯩﺴﻤﯩﻨﻰ "ﺷﻮﺭﺍ" ﮊﻭﺭﻧﯩﻠﯩﻨﯩﯔ ﻣﯩﻼﺩﯨﻴﻪ 1916 - ﻳﯩﻠﯩﺪﯨﻜﻰ 19 - ﺳﺎﻧﯩﺪﯨﻦ 23 - ﺳﺎﻧﯩﻐﯩﭽﻪ ﺑﻮﻟﻐﺎﻥ ﺑﻪﺵ ﺳﺎﻧﯩﺪﺍ " 'ﺋﺎﻟﺘﻪ ﺷﻪﻫﻪﺭ ﺗﺎﺭﯨﺨﻰ' ﺩﯨﻦ ﺑﯩﺮ ﭘﺎﺭﭼﻪ" ﺩﯦﮕﻪﻥ ﻧﺎﻡ ﺑﯩﻠﻪﻥ ﺗﺎﺗﺎﺭ ﺗﯩﻠﯩﺪﺍ ﺋﯧﻼﻥ ﻗﯩﻠﻐﺎﻥ . "ﺋﺎﻟﺘﻪ ﺷﻪﻫﻪﺭ ﺧﺎﻧﻠﯩﺮﯨﻨﯩﯔ ﺗﺎﺭﯨﺨﻰ" ، "ﺗﺎﺭﯨﺨﻰ ﺷﺎﻫ ﻣﻪﻫﻤﯘﺩ ﺟﯘﺭﺍﺱ" ﻗﺎ ﻣﻪﺯﻣﯘﻥ ﺟﻪﻫﻪﺗﺘﯩﻦ ﺋﻮﺧﺸﯩﺘﯩﭗ ﻛﻪﺗﺴﯩﻤﯘ ، ﻟﯧﻜﯩﻦ ﺑﺎﻳﺎﻥ ﻗﯩﻠﯩﺶ ﺗﻪﺭﺗﯩﭙﻰ ، ﻣﻪﺯﻣﯘﻧﯩﻨﯩﯔ ﺋﺎﺯ - ﻛﯚﭘﻠﯩﻜﻰ ﺟﻪﻫﻪﺗﺘﯩﻦ ﺑﯩﺮ - ﺑﯩﺮﯨﺪﯨﻦ ﭘﻪﺭﻗﻠﯩﻨﯩﭗ ﺗﯘﺭﯨﺪﯗ .
ﺷﺎﻫ ﻣﻪﻫﻤﯘﺩ ﺟﯘﺭﺍﺱ ﻣﯩﻼﺩﯨﻴﻪ 1682 - ﻳﯩﻠﯩﺪﯨﻦ ﻛﯧﻴﯩﻦ ﺋﺎﻟﻼ ﻳﺎﺭ ﺋﯩﺒﻨﻰ ﺳﺎﺗﯩﻢ ﺑﯩﻴﻨﯩﯔ ( ﻣﯩﻼﺩﯨﻴﻪ 1660 - ﻳﯩﻠﯩﺪﯨﻦ ﻛﯧﻴﯩﻦ ﺧﻮﺗﻪﻧﮕﻪ ﻫﺎﻛﯩﻢ ﺑﻮﻟﯘﭖ ، ﻣﯩﻼﺩﯨﻴﻪ 1682 - ﻳﯩﻠﯩﺪﯨﻦ ﻛﯧﻴﯩﻦ ﻳﻪﻛﻪﻧﮕﻪ ﻗﺎﻳﺘﯩﭗ ﻛﻪﻟﮕﻪﻥ ﻗﯩﺮﻏﯩﺰ ﺋﺎﻗﺴﯚﯕﯩﻜﻰ) ﺗﻪﺷﻪﺑﺒﯘﺳﻰ ﺑﯩﻠﻪﻥ ، ﻳﻪﻧﻪ "ﺗﺎﺭﯨﺨﯩﻲ ﺭﻩﺷﯩﺪﻯ (ﺯﻩﻳﻠﻰ) " ﻧﺎﻣﻠﯩﻖ ﺋﻪﺳﻪﺭ ﻳﯧﺰﯨﭗ ﭼﯩﻘﺘﻰ . ﭘﺎﺭﯨﺲ ﺗﯩﻠﯩﺪﺍ ﻳﯧﺰﯨﻠﻐﺎﻥ ﺑﯘ ﺋﻪﺳﻪﺭ ﺋﯘﻧﯩﯔ "ﺗﺎﺭﯨﺨﻰ ﺷﺎﻫ ﻣﻪﻫﻤﯘﺩ ﺟﯘﺭﺍﺱ" ﺗﯩﻦ ﻛﯧﻴﯩﻦ ﻳﺎﺯﻏﺎﻥ ﻧﻮﭘﯘﺯﻟﯘﻕ ﺋﻪﺳﯩﺮﻯ ﺑﻮﻟﯘﭖ ، ﻣﻪﺯﻣﯘﻧﯩﻨﯩﯔ ﻣﻮﻟﻠﯘﻗﻰ ، ﺋﻪﻛﺲ ﺋﻪﺗﺘﯜﺭﮔﻪﻥ ﺗﺎﺭﯨﺨﯩﻲ ﺟﻪﺭﻳﺎﻧﻠﯩﺮﯨﻨﯩﯔ ﺋﯘﺯﯗﻧﻠﯘﻗﻰ ، ﯞﻩﻗﻪﻟﻪﺭ ﯞﻩ ﯞﺍﻗﯩﺘﻨﯩﯔ ﺋﯧﻨﯩﻘﻠﯩﻘﻰ ﺑﯩﻠﻪﻥ "ﺗﺎﺭﯨﺨﻰ ﺷﺎﻫ ﻣﻪﻫﻤﯘﺩ ﺟﯘﺭﺍﺱ" ﺗﯩﻦ ﺋﺎﻻﻫﯩﺪﻩ ﭘﻪﺭﻗﻠﯩﻨﯩﺪﯗ .
"ﺗﺎﺭﯨﺨﯩﻲ ﺭﻩﺷﯩﺪﻯ (ﺯﻩﻳﻠﻰ" ﻣﯩﺮﺯﺍ ﻣﯘﻫﻪﻣﻤﻪﺩ ﻫﻪﻳﺪﻩﺭ ﻛﯚﺭﺍﮔﺎﻧﻨﯩﯔ "ﺗﺎﺭﯨﺨﻰ ﺭﻩﺷﯩﺪﻯ" ﻧﺎﻣﻠﯩﻖ ﺋﻪﺳﯩﺮﯨﻨﯩﯔ ﺩﺍﯞﺍﻣﻰ ﺳﯜﭘﯩﺘﯩﺪﻩ ، ﺷﯘﻧﺪﺍﻗﻼ ، ﺋﺎﭘﺘﻮﺭ ﺋﯚﺯﯨﻨﯩﯔ "ﺗﺎﺭﯨﺨﻰ ﺷﺎﻫ ﻣﻪﻫﻤﯘﺩ ﺟﯘﺭﺍﺱ" ﻧﺎﻣﻠﯩﻖ ﺋﻪﺳﯩﺮﯨﻨﻰ ﺗﻮﻟﯘﻗﻼﺵ ﻣﻪﻗﺴﯩﺘﯩﺪﻩ ﻳﯧﺰﯨﻠﻐﺎﻥ ﺑﻮﻟﯘﭖ ، ﺋﯘﻧﯩﯖﺪﺍ ﻗﺎﺭﺍﻗﯩﺘﺎﻥ ﺧﺎﻧﻠﯩﻘﯩﻨﻰ ﻗﯘﺭﻏﺎﻥ ﮔﻮﺭﺧﺎﻧﺪﯨﻦ ﺗﺎﺭﺗﯩﭗ ، ﺋﻪﺳﻪﺭ ﻳﯧﺰﯨﻠﻐﺎﻥ ﻣﻪﺯﮔﯩﻠﮕﯩﭽﻪ ﺑﻮﻟﻐﺎﻥ ﺑﻪﺵ ﻳﯧﺮﯨﻢ ﺋﻪﺳﯩﺮ ﺩﺍﯞﺍﻣﯩﺪﯨﻜﻰ ﺗﺎﺭﯨﺨﯩﻲ ﯞﻩﻗﻪﻟﻪﺭ ، ﺋﺎﺳﺎﺳﻠﯩﻘﻰ ، ﺋﺎﺑﺪﯗﻛﯧﺮﻩﻡ ﺧﺎﻧﺪﯨﻦ ﻣﯩﻼﺩﯨﻴﻪ 1678 - ﻳﯩﻠﻰ ﻳﻪﻛﻪﻥ ﺧﺎﻧﻠﯩﻘﯩﻨﻰ ﻣﯘﻧﻘﻪﺭﺯ ﻗﯩﻠﯩﭗ ﺟﯘﯕﻐﺎﺭ ﺧﺎﻧﻠﯩﻘﯩﻨﯩﯔ ﻫﺎﻣﯩﻴﻠﯩﻘﯩﺪﯨﻜﻰ ﻗﻮﺭﭼﺎﻕ ﺧﺎﻧﻠﯩﻖ ﺗﻪﺧﺘﯩﮕﻪ ﭼﯩﻘﻘﺎﻥ ﺋﺎﭘﭙﺎﻕ ﺧﻮﺟﯩﻨﻰ ﺋﺎﻏﺪﯗﺭﯗﭖ ﺗﺎﺷﻼﭖ ، ﻳﻪﻛﻪﻥ ﺧﺎﻧﻠﯩﻘﻰ ﺳﻪﻟﺘﻪﻧﯩﺘﯩﻨﻰ ﻗﺎﻳﺘﺎ ﺗﯩﻜﻠﯩﮕﻪﻥ ﻳﻪﻛﻪﻥ ﺧﺎﻧﻠﯩﺮﯨﻨﯩﯔ ﺋﻪﯓ ﺋﺎﺧﯩﺮﻗﻰ ﺋﻪﯞﻻﺩﻯ ﻣﯘﻫﻪﻣﻤﻪﺩ ﺋﻪﻣﯩﻦ ﺧﺎﻧﻐﯩﭽﻪ ﺑﻮﻟﻐﺎﻥ 120 ﻳﯩﻠﺪﯨﻦ ﻛﯚﭘﺮﻩﻙ ﺗﺎﺭﯨﺦ ﻧﯘﻗﺘﯩﻠﯩﻖ ﺑﺎﻳﺎﻥ ﻗﯩﻠﯩﻨﻐﺎﻥ .
ﺷﺎﻫ ﻣﻪﻫﻤﯘﺩ ﺟﯘﺭﺍﺱ ﺋﯘﻳﻐﯘﺭ ﺗﺎﺭﯨﺨﺸﯘﻧﺎﺳﻠﯩﻖ ﺋﯩﻠﻤﯩﻨﯩﯔ ﻣﯩﺮﺯﺍ ﻫﻪﻳﺪﻩﺭﺩﯨﻦ ﻛﯧﻴﯩﻨﻜﻰ ﻛﯚﺯﮔﻪ ﻛﯚﺭﯛﻧﮕﻪﻥ ﻧﺎﻣﺎﻳﻪﻧﺪﯨﺴﻰ ﺳﯜﭘﯩﺘﯩﺪﻩ ، "ﺗﺎﺭﯨﺨﻰ ﺭﻩﺷﯩﺪﻯ" ﻧﯩﯔ ﺑﺎﻳﺎﻥ ﯞﻩ ﺑﻪﺩﯨﺌﯩﻲ ﺋﯘﺳﻠﯘﺑﻰ ﻡ ﻳﻪﻧﻰ ﺋﯘﻳﻐﯘﺭ ﺋﻪﺩﻩﺑﯩﻴﺎﺗﯩﺪﯨﻜﻰ ﺗﺎﺭﯨﺨﯩﻲ - ﺋﻪﺩﻩﺑﯩﻲ ﺗﻪﺯﻛﯩﺮﯨﭽﯩﻠﯩﻚ ﺋﯘﺳﻠﯘﺑﻰ ﺑﻮﻳﯩﭽﻪ ﻳﯧﺰﯨﭗ ﭼﯩﻘﻘﺎﻥ "ﺗﺎﺭﯨﺨﯩﻲ ﺭﻩﺷﯩﺪﻯ (ﺯﻩﻳﻠﻰ) " ﻧﺎﻣﻠﯩﻖ ﺋﻪﺳﯩﺮﻯ ﺋﺎﺭﻗﯩﻠﯩﻖ "ﺗﺎﺭﯨﺨﻰ ﺭﻩﺷﯩﺪﻯ" ﻧﯩﯔ ﻣﻪﺯﻣﯘﻧﯩﻨﻰ ﺑﯩﺮ ﻳﯧﺮﯨﻢ ﺋﻪﺳﯩﺮ ﺳﯜﺭﯛﭖ ، ﻳﻪﻛﻪﻥ ﺧﺎﻧﻠﯩﻘﯩﻨﯩﯔ ﺋﯩﺠﺘﯩﻤﺎﺋﯩﻲ - ﺳﯩﻴﺎﺳﯩﻲ ﺗﺎﺭﯨﺨﻰ ﻫﻪﻗﻘﯩﺪﻩ ﻗﯩﻤﻤﻪﺗﻠﯩﻚ ﻣﻪﻟﯘﻣﺎﺗﻼﺭﻧﻰ ﻳﻪﺗﻜﯜﺯﯛﭖ ﺑﯧﺮﯨﭙﻼ ﻗﺎﻟﻤﺎﻱ ، ﻳﻪﻧﻪ ﻳﻪﻛﻪﻥ ﺧﺎﻧﻠﯩﻘﻰ ﺩﻩﯞﺭﯨﺪﻩ ﺋﯚﺗﻜﻪﻥ ﺳﯘﻟﺘﺎﻥ ﺳﻪﺋﯩﺪﺧﺎﻥ ، ﺳﯘﻟﺘﺎﻥ ﺋﺎﺑﺪﯗﺭﻩﺷﯩﺪﺧﺎﻥ ، ﺋﺎﻳﺎﺯﺑﯧﻚ ﻗﯘﺷﭽﻰ ﻗﺎﺗﺎﺭﻟﯩﻖ ﺋﻪﺩﯨﺒﻠﻪﺭ ﯞﻩ ﺋﯘﻻﺭﻧﯩﯔ ﺋﻪﺳﻪﺭﻟﯩﺮﻯ ﻫﻪﻗﻘﯩﺪﻩ ﻗﯩﻤﻤﻪﺗﻠﯩﻚ ﻣﺎﺗﯩﺮﯨﻴﺎﻟﻼﺭﻧﻰ ﺑﯧﺮﯨﺶ ﺋﺎﺭﻗﯩﻠﯩﻖ ﺋﯘﻳﻐﯘﺭ ﺋﻪﺩﻩﺑﯩﻴﺎﺗﻰ ﺗﺎﺭﯨﺨﯩﻨﯩﯔ ﻣﻪﺯﻣﯘﻧﯩﻨﻰ ﺗﻮﻟﯘﻗﻠﯩﺪﻯ ﯞﻩ ﺑﯧﻴﯩﺘﺘﻰ .
ﻣﯩﻼﺩﯨﻴﻪ 1696 - ﻳﯩﻠﻰ ﺷﺎﻫ ﻣﻪﻫﻤﯘﺩ ﺟﯘﺭﺍﺱ ﻳﻪﻧﻪ ﺩﯨﻨﯩﻲ ﺗﯧﻤﯩﺪﯨﻜﻰ "ﺋﻪﻧﯩﺴﺖ ﺗﺎﻟﯩﺒﯩﻦ" ( "ﺗﻪﻟﻪﭘﻜﺎﺭﻻﺭ ﻧﻪﺳﻪﺑﻨﺎﻣﯩﺴﻰ" ) ﻧﺎﻣﻠﯩﻖ ﺋﻪﺳﻪﺭ ﻳﺎﺯﻏﺎﻥ .

ﻛﯩﺘﺎﺏ ﻣﻪﺯﻣﯘﻧﻰ :

ﻳﻪﺭﻛﻪﻥ ﺧﺎﻧﻠﯩﻘﯩﻨﯩﯔ ﺗﺎﺭﯨﺨﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺗﺎﺭﯨﺨﻰ ﻛﯩﺘﺎﺏ . ﺷﺎﻫ ﻣﯘﻫﻪﻣﻤﻪﺕ ﺟﯘﺭﺍﺱ ﺗﻪﺭﯨﭙﯩﺪﯨﻦ ﭘﺎﺭﺳﭽﻪ ﻳﯧﺰﯨﻠﻐﺎﻥ ﺋﻪﺳﻪﺭ . ﻫﺎﺯﯨﺮﻏﯩﭽﻪ ﺑﯩﺰﮔﻪ ﻳﯧﺘﯩﭗ ﻛﻪﻟﮕﻪﻥ ﺑﯩﺮﺩﯨﻨﺒﯩﺮ ﻗﻮﻟﻴﺎﺯﻣﺎ ﻧﯘﺳﺨﯩﺴﯩﻐﺎ ﻧﺎﻡ ﻗﻮﻳﯘﻟﻤﯩﻐﺎﻧﯩﻜﻪﻥ . ﺗﻪﺗﻘﯩﻘﺎﺗﭽﯩﻼﺭ ﺋﯘﻧﻰ " ﺳﻪﺋﯩﺪﯨﻴﻪ ﺧﺎﻧﻠﯩﻘﯩﻐﺎ ﺩﺍﺋﯩﺮ ﻣﺎﺗﯧﺮﯨﻴﺎﻟﻼﺭ " ﺩﻩﭖ ﺋﺎﺗﯩﻐﺎﻥ . ﺋﺎﭘﺘﻮﺭﻧﯩﯔ ﺋﻪﺟﺪﺍﺩﻟﯩﺮﻯ ﺳﻪﺋﯩﺪ ﺧﺎﻧﻨﯩﯔ ﻗﻪﺷﻘﻪﺭﮔﻪ ﻳﯜﺭﯛﺵ ﻗﯩﻠﻐﺎﻥ ﺧﺎﻧﻰ ﻫﯧﻤﯩﺪﺧﺎﻧﻐﺎ ﺋﻪﮔﯩﺸﯩﭗ ﻳﻪﺭﻛﻪﻧﮕﻪ ﻛﯧﻠﯩﭗ ﺳﻪﺋﯩﺪﯨﻴﻪ ﺧﺎﻧﻠﯩﻘﯩﻨﻰ ﻗﯘﺭﯗﺷﻘﺎ ﺋﯩﺸﺘﯩﺮﺍﻙ ﻗﯩﻠﻐﺎﻥ ﺗﯚﻫﭙﯩﻜﺎﺭ ﯞﻩﺯﯨﺮﻟﻪﺭﻧﯩﯔ ﺑﯩﺮﻯ .ﻣﯘﻫﻪﻣﻤﻪﺩﺧﺎﻥ ﯞﻩ ﺋﻪﻫﻤﻪﺩﺧﺎﻧﯩﻼﺭ ﺩﻩﯞﺭﯨﺪﻩ ﺟﯘﺭﺍﺱ ﺟﻪﻣﻪﺗﯩﻨﯩﯔ ﺋﯩﻤﺘﯩﻴﺎﺯﻯ ﺋﯚﺳﯜﭖ ، ﺷﯘ ﻳﯩﻠﻼﺭﺩﯨﻜﻰ ﺋﯘﺭﯗﺷﻼﺭﺩﺍ ﺋﺎﻻﻫﯧﺪﻩ ﺭﻭﻝ ﺋﻮﻳﻨﯩﻐﺎﻥ .
ﺋﺎﭘﺘﻮﺭ ﻳﺎﺷﯩﻐﺎﻥ ﻣﻪﺯﮔﯩﻠﻠﻪﺭ ﺩﯨﻨﯩﻲ ﻣﻪﺯﻫﻪﭘﻠﻪﺭ ﺋﯘﺭﯗﺷﻰ ﯞﻩ ﺋﯩﺠﺘﯩﻤﺎﺋﯩﻲ ﺯﯨﺪﺩﯨﻴﻪﺗﻠﻪﺭ ﻛﻪﺳﻜﯩﻨﻠﻪﺷﻜﻪﻥ ﭼﺎﻏﻼﺭ ﺑﻮﻟﯘﭖ ، ﺋﯘ ﺗﻮﻗﻘﯘﺯ ﺧﺎﻧﻨﯩﯔ ﻫﺎﻛﯩﻤﯩﻴﻪﺕ ﻳﯜﺭﮔﯜﺯﯨﺸﯩﻨﻰ ، ﺟﯘﯕﻐﺎﺭﻻﺭﻧﯩﯔ ﺗﺎﺟﺎﯞﯗﺯﭼﯩﻠﯩﻘﻰ ﯞﻩ ﺧﺎﻧﻠﯩﻘﻨﯩﯔ ﻫﺎﻻﻙ ﺑﻮﻟﯘﺷﯩﻨﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻥ . ﺳﻪﺋﯩﺪﯨﻴﻪ ﺧﺎﻧﻠﯩﻘﯩﻐﺎ ﺩﺍﺋﯩﺮ ﻣﺎﺗﯧﺮﯨﻴﺎﻟﻼﺭﻧﯩﯔ ﻛﯚﭖ ﻗﯩﺴﻤﻰ ﻣﯩﻼﺩﻯ 1672 ~1676 - ﻳﯩﻠﻠﯩﺮﻯ ﺋﻪﺗﺮﺍﭘﯩﺪﺍ ﻳﯧﺰﯨﻠﻐﺎﻥ . ﺳﻪﺋﯩﺪﯨﻴﻪ ﺧﺎﻧﻠﯩﻘﯩﻐﺎ ﺩﺍﺋﯩﺮ ﻣﻪﺯﻣﯘﻧﻼﺭ ﺑﻮﻟﺴﺎ ~ " ﺗﺎﺭﯨﺨﻲ ﺭﻩﺷﯩﺪﻯ" ﺩﯨﻦ ﺋﯧﻠﯩﻨﻐﺎﻧﯩﻜﻪﻥ . ﻛﯧﻴﯩﻨﻜﻰ ﻗﯩﺴﻤﯩﻨﻰ ﺑﻮﻟﺴﺎ ﺋﺎﭘﺘﻮﺭ ﺋﯚﺯﻯ ﻳﺎﺯﻏﺎﻧﯩﻜﻪﻥ . ﺳﯘﻟﺘﺎﻥ ﺋﺎﺑﺪﯗﺭﻩﺷﯩﺪﺧﺎﻥ ﺗﻪﺧﺘﻜﻪ ﭼﯩﻘﻘﺎﻧﺪﯨﻦ ﺑﺎﺷﻠﯩﻨﯩﭗ ﺋﯩﺴﻤﺎﺋﯩﻠﺨﺎﻧﻨﻨﯩﯔ ﺋﻮﺗﺘﯘﺭﺍ ﻣﻪﺯﮔﯩﻠﻠﯩﺮﻯ ، ﻳﻪﻛﻪﻥ ﺧﺎﻧﻠﯩﻘﻰ ﻳﯩﻤﯩﺮﯨﻠﯩﺸﻜﻪ ﺋﺎﺯ ﻗﺎﻟﻐﺎﻧﻐﯩﭽﻪ ﺑﻮﻟﻐﺎﻥ ﺗﺎﺭﯨﺨﻼﺭ ﻳﯧﺰﯨﻠﻐﺎﻥ . ﺑﯘ ﺋﻪﺳﻪﺭ ﺋﻪﻳﻨﻰ ﭼﺎﻏﺪﺍ ﺭﯗﺳﭽﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﯩﭙﺘﯩﻜﻪﻥ . ﺑﯘ ﺋﻪﺳﻪﺭﻧﯩﯔ ﺗﻮﻻ ﻣﺎﺗﯧﺮﯨﻴﺎﻟﻠﯩﺮﻯ ﺋﺎﭘﺘﻮﺭﻧﯩﯔ ﺑﯧﺸﯩﺪﯨﻦ ﻛﻪﭼﯜﺭﮔﻪﻧﻠﯩﺮﻯ ، ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻥ ﯞﻩﻗﻪﻟﯩﻜﻠﯩﺮﻯ ﺋﺎﺳﺎﺳﯩﺪﺍ ﻳﯧﺰﯨﻠﻐﺎﭼﻘﺎ، ﺗﺎﺭﯨﺨﯩﻲ ﻗﯩﻤﻤﯩﺘﻰ ﻳﯘﻗﯘﺭﻯ ﺑﻮﻟﻐﺎﻥ .

ﺩﺍﯞﺍﻣﻰ ﺑﺎﺭ ....

ﺩﺍﯞﺍﻣﻰ ....
<< ﻣﺎيترى ﺳﯩﻤﯩﺖ >>
ﺋﻪﺳﻠﻰ ﺋﯩﺴﻤﻰ Maitri simit  ﻗﻪﺩﯨﻤﻜﻰ ﺋﯘﻳﻐﯘﺭ ﻳﯧﺰﯨﻘﯩﺪﺍ ﻳﯧﺰﯨﻠﻐﺎﻥ ﻗﻮﻟﻴﺎﺯﻣﺎ ﺑﻮﻟﯘﭖ ﺑﯘﻧﯩﯔ ﻳﻪﻧﻪ ﺑﯩﺮ ﺧﯩﻞ ﺋﺎﺗﯩﻠﯩﺸﻰ " ﻣﺎﻳﺘﺮﻯ ﺑﯩﻠﻪﻥ ﻛﯚﺭﯛﺷﯜﺵ ﺧﺎﺗﯩﺮﯨﺴﻰ " ﺩﻩﭘﻤﯘ ﺋﺎﺗﯩﻠﯩﺪﯗ . 1959 - ﻳﯩﻞ 4 - ﺋﺎﻳﺪﺍ ﻗﯘﻣﯘﻟﻨﯩﯔ ﺗﻪﯕﺮﯨﺘﺎﻍ ﺧﻪﻟﻖ ﻛﻮﻣﻤﯘﻧﺎﺳﯩﻨﯩﯔ ﺗﯚﻣﯜﺭﺗﻰ ﺋﻪﺗﺮﯨﺘﯩﺪﯨﻦ ﺗﯧﭙﯩﻠﻐﺎﻥ ﺑﻮﻟﯘﭖ ، ﺑﯘ ﻗﯘﻣﯘﻝ ﻧﯘﺳﺨﯩﺴﻰ ﺩﻩﭖ ﺋﺎﺗﺎﻟﻐﺎﻥ . ﺋﯘﺯﯗﻧﻠﯘﻗﻰ 44 ﺳﺎﻧﺘﯩﻤﯧﺘﯩﺮ ، ﺋﯧﮕﯩﺰﻟﯩﻜﻰ 22 ﺳﺎﻧﺘﯩﻤﯧﺘﯩﺮ ﺑﻮﻟﯘﭖ ، ﻗﺎﺭﺍ ﺳﯩﻴﺎﻫﺘﺎ ﻳﯧﺰﯨﻠﻐﺎﻥ . ﻗﻪﻏﯩﺰﻯ ﻗﺎﺗﺘﯩﻖ ، ﻗﯧﻠﯩﻦ ﻗﻪﻏﻪﺯ ﺑﻮﻟﯘﭖ ، ﺋﯜﺳﺘﻰ - ﺋﺎﺳﺘﯩﻐﺎ ﺳﯩﺰﯨﻘﭽﯩﻼﺭ ﺗﺎﺭﺗﯩﻠﻐﺎﻥ . ﻫﻪﺭ ﺑﯩﺮ ﻗﯘﺭ ﺋﺎﺭﻟﯩﻘﻰ 1.5 ﺳﺎﻧﺘﯩﻤﯧﺘﯩﺮ ، ﻫﻪﺭ ﺑﯧﺘﻰ ﺗﻪﺧﻤﯩﻨﻪﻥ 30 ﻗﯘﺭ. ﻗﻮﻟﻴﺎﺯﻣﺎ 293 ﭘﺎﺭﭼﻪ ، 586 ﺑﻪﺕ ، ﺋﯘﻧﯩﯔ 114 ﺑﯧﺘﻰ ﻣﯘﻛﻪﻣﻤﻪﻝ ﺳﺎﻗﻼﻧﻐﺎﻥ .
ﻣﻪﺯﻣﯘﻧﻰ :
ﻛﻪﻟﮕﯜﺳﻰ ﺯﺍﻣﺎﻥ ﺑﯘﺩﺩﺍﺳﻰ ﻣﺎﻳﺘﺮﯨﻨﯩﯔ ﺋﯩﺶ - ﺋﯩﺰﻟﯩﺮﻯ ﺑﻮﻟﯘﭖ ، ﻣﯘﻗﻪﺩﺩﯨﻤﻪ ﯞﻩ 25 ﭘﻪﺭﺩﯨﻠﯩﻚ ﺳﻪﻫﻨﻪ ﺋﻪﺳﯩﺮﯨﺪﯨﻦ ﺗﻪﺭﻛﯩﺐ ﺗﺎﭘﻘﺎﻥ .
ﺑﯘ ﻳﻪﻧﻪ ﺑﻪﺯﻯ ﻣﻪﻧﺒﻪﻟﻪﺭﺩﻩ ﻣﯘﻧﺪﺍﻗﻤﯘ ﭼﯜﺷﻪﻧﺪﯛﺭﯨﻠﯩﺪﯗ :
ﻗﻪﺩﯨﻤﻘﻰ ﺋﯘﻳﻐﯘﺭ ﺩﺭﺍﻣﯩﺴﻰ - ﻣﺎﺋﯩﺘﺮﻯ ﺳﯩﻤﯩﺖ
ﭼﻮﯓ ﺗﯩﭙﺘﯩﻜﻰ 27 ﭘﻪﺭﺩﯨﻠﯩﻚ ﺩﺭﺍﻣﺎ ﺋﻪﺳﯩﺮﻯ ﻣﺎﺋﯩﺘﺮﻯ ﺳﯩﻤﯩﺖ (ﻣﺎﺋﯩﺘﺮﯨﻨﯩﯔ ﺋﯘﭼﺮﯨﺸﯩﺸﻰ) ﻧﯩﯔ 293 ﯞﺍﺭﯨﻘﻰ 1959-ﻳﯩﻠﻰ 4- ﺋﺎﻳﺪﺍ ﻗﯘﻣﯘﻟﺪﯨﻦ ﺗﯧﭙﯩﻠﻐﺎﻥ. ﻳﻪﻧﻪ ﺑﯩﺮ ﻗﯩﺴﻤﻰ ﺗﯘﺭﭘﺎﻧﺪﯨﻜﻰ ﻣﯘﺭﺗﯘﻕ ﯞﻩ ﺳﯩﯖﮕﯩﻢ ﺋﯧﻐﯩﺰﯨﺪﯨﻦ ﺗﯧﭙﯩﻠﻐﺎﻥ. ﺑﯘ ﺋﻪﺳﻪﺭ ﺋﺎﯞﯞﺍﻝ ﺳﺎﻧﺴﯩﻜﯩﺮﺕ ﺗﯩﻠﯩﺪﯨﻦ ﻗﺎﺭﺍ ﺷﻪﮬﻪﺭ (ﺗﻮﺧﺮﻯ) ﺗﯩﻠﯩﻐﺎ، ﺋﺎﻧﺪﯨﻦ ﺋﯩﺠﺎﺩﯨﻲ ﻳﻮﺳﯘﻧﺪﺍ ﻗﻪﺩﯨﻤﻜﻰ ﺋﯘﻳﻐﯘﺭ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ. ﺋﺎﻟﯩﻤﻼﺭ ﺑﯘ ﺩﺭﺍﻣﺎ ﺋﯜﺳﺘﯩﺪﻩ ﻛﯚﭖ ﺗﻪﺭﻩﭘﻠﯩﻤﻰ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﭗ، ﺋﯘﻧﯩﯔ ﺋﻪﯓ ﻛﻪﻡ ﺩﯦﮕﻪﻧﺪﯨﻤﯘ ﻣﯩﻼﺩﻯ 8 - ﺋﻪﺳﯩﺮﻟﻪﺭﺩﻩ ﻳﯘﺭﺗﯩﻤﯩﺰﺩﺍ ﺋﻮﻳﻨﺎﻟﻐﺎﻥ ﺩﯨﻨﯩﯔ ﺩﺭﺍﻣﺎ ﺋﯩﻜﻪﻧﻠﯩﻜﯩﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﺩﻯ. ﺋﯘﻧﯩﯔ ﻗﯘﻣﯘﻝ ﻧﯘﺳﺨﯩﺴﻰ ﺑﯩﻠﻪﻥ ﺗﯘﺭﭘﺎﻥ ﻧﯘﺳﺨﯩﺴﯩﻐﺎ ﻗﺎﺭﺍﭖ ﻳﻪﻧﻪ ﻳﯘﺭﺗﯩﻤﯩﺰﺩﺍ ﺑﯩﺮ ﻧﻪﭼﭽﻪ ﺋﻮﺭﯗﻧﺪﺍ ﯞﻩ ﺑﯩﺮ ﻧﻪﭼﭽﻪ ﺧﯩﻞ ﺷﻪﻛﯩﻠﺪﻩ ﺋﻮﻳﻨﺎﻟﻐﺎﻧﻠﯩﻘﯩﻨﯩﻤﯘ ﺋﻮﺗﺘﯘﺭﯨﻐﺎ ﻗﻮﻳﯘﺷﺘﻰ.
----------------------------------

<< ﺋﯘﺩﯗﻧﻐﺎ ﺋﻪﻟﭽﯩﻠﯩﻜﻜﻪ ﺑﯧﺮﯨﺶ ﺧﺎﺗﯩﺮﯨﺴﻰ >>
ﻛﯧﻴﯩﻨﻜﻰ ﺟﯩﻦ ﺩﻩﯞﺭﯨﺪﯨﻜﻰ ﺋﻪﺍﯞ ﺟﯘﺧﯘﻱ ﺩﯦﮕﻪﻥ ﻛﯩﺸﻰ ﻳﺎﺯﻏﺎﻥ ﺋﯘﺩﯗﻧﻐﺎ ﺋﻪﻟﭽﯩﻠﯩﻜﻜﻪ ﺑﯧﺮﯨﺶ ﺳﻪﭘﻪﺭ ﺧﺎﺗﯩﺮﯨﺴﻰ . ﺋﻪﺳﻠﻰ ﻧﺎﻣﻰ " ﺋﯘﺩﯗﻧﻐﺎ ﻗﯩﻠﯩﻨﻐﺎﻥ ﺳﻪﭘﻪﺭﻧﯩﯔ ﺗﻪﺭﺗﯩﭙﻰ " ﺑﻮﻟﯘﭖ ، ﺋﻪﺳﻠﻰ ﻧﯘﺳﯩﯩﺴﻰ ﻳﻮﻗﯩﻠﯩﭗ ﻛﻪﺗﻜﻪﻧﯩﻜﻪﻥ .
ﻛﯧﻴﯩﻨﻘﻰ ﺟﯩﻦ ﺳﯘﻻﻟﯩﺴﻰ ﻣﯩﻼﺩﯨﻴﻪ 938 - ﻳﯩﻠﻰ ﺋﯘﺩﯗﻥ ﺋﯧﻠﯩﻨﯩﯔ ﭘﺎﺩﯨﺸﺎﻫﻰ ﯞﯨﺴﺎﺭﺍ ﺗﻪﯕﺮﯨﺨﺎﻥ ﻣﺎ ﺟﯩﺮﯗﯓ ﻗﺎﺗﺎﺭﻟﯩﻖ ﺋﻪﻟﭽﯩﻠﻪﺭﻧﻰ ﺋﻮﻟﭙﺎﻥ ﺗﺎﭘﺸﯘﺭﯗﺷﻘﺎ ﺋﻪﯞﻩﺗﻜﻪﻥ . ﻛﯧﻴﯩﻨﻜﻰ ﺟﯩﻨﻨﯩﯔ ﺧﺎﻧﻰ ﺋﻪﺍﯞﺯﯗ ﺑﺎﻗﺎﯞﯗﻟﻰ ﺟﺎﯕﯟﯗ ﻗﻮﺭﻏﯩﻨﯩﻨﯩﯔ ﻫﯩﺪﺭﺍﯞﯗﻟﻰ ﺩﺍﺩﺧﺎﻫ ﺋﻪﺍﯞ ﺑﻮﺧﯘﻳﻨﻰ ﺩﺍﺩﺧﺎﻫ ﻗﯩﻠﯩﭗ ﺗﻪﻳﯩﻨﻠﻪﭖ ، ﺋﯘﺩﯗﻧﻐﺎ ﺑﯧﺮﯨﭗ ﯞﯨﻴﺴﺎﺭﺍ ﺗﻪﯕﺮﯨﺨﺎﻧﻨﻰ ﺋﯘﺩﯗﻥ ﺧﺎﻧﻰ ﻗﯩﻠﯩﭗ ﺗﻪﻳﯩﻨﻠﻪﺷﻜﻪ ﺋﻪﯞﻩﺗﻜﻪﻥ .ﺑﯘ ﺋﻪﺳﻪﺭ ﺋﻪﻧﻪ ﺷﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﻳﯧﺰﯨﭗ ﭼﯩﻘﯩﻠﻐﺎﻥ . ﺑﯘ ﻗﻪﺩﯨﻤﻰ ﺋﯘﺩﯗﻥ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﺸﺘﺎ ﻣﯘﻫﯩﻢ ﻣﺎﺗﯧﺮﯨﻴﺎﻝ ﺑﻮﻟﻐﺎﻥ .

--------------------------

"24 ﺗﺎﺭﯨﺦ" ﺗﯩﻜﻰ ﻏﻪﺭﺑﯩﻲ ﻳﯘﺭﺕ ﺗﻪﺯﻛﯩﺮﯨﻠﯩﺮﻯ
ﺟﻮﯕﮕﻮﻧﯩﯔ ﺭﻩﺳﻤﯩﻲ ﺗﺎﺭﯨﺨﯩﺪﺍ ﻳﻪﻧﻰ "24 ﺗﺎﺭﯨﺦ" ﺩﺍ ﭼﯧﮕﺮﺍ ﺭﺍﻳﻮﻧﻠﯩﺮﯨﺪﯨﻜﻰ ﻧﯘﺭﻏﯘﻧﻠﯩﻐﺎﻥ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻣﯘﻧﺎﺳﯩﯟﻩﺗﻠﯩﻚ ﻣﺎﺗﯧﺮﯨﻴﺎﻟﻠﯩﺮﻯ ﺑﺎﺭ. ﮔﻪﺭﭼﻪ ﺋﯘﻻﺭﻧﯩﯔ ﺑﻪﺯﻯ ﻧﺎﻣﻠﯩﺮﻯ ﺑﻪﻙ ﺋﻮﺧﺸﯩﺸﯩﭗ ﻛﻪﺗﻤﯩﺴﯩﻤﯘ ~ ﻳﻪﻧﻪ ﺑﻪﺯﻯ ﺟﺎﻳﻠﯩﺮﯨﺪﺍ ﻳﻪﻛﻜﻪ ﻫﺎﻟﻪﺗﺘﻪ ﺋﯘﭼﺮﺍﻳﺪﯗ ، ﻳﻪﻧﻪ ﺑﻪﺯﯨﻠﯩﺮﻯ ﻣﻪﺧﺴﯘﺱ ﻏﻪﺭﺑﯩﻲ ﻳﯘﺭﺗﻘﺎ ﺋﺎﺗﺎﭖ ﻳﯧﺰﯨﻠﻐﺎﻥ ﺗﻪﺯﻛﯩﺮﯨﻠﻪﺭﺩﻩ ﺋﯘﭼﺮﺍﻳﺪﯗ .
ﺋﻪﻣﺪﻯ ﺑﯩﺮ ﺑﯘﻧﯔ ﺋﯩﭽﯩﺪﯨﻜﻰ ﻣﯘﻫﯩﻤﻠﯩﺮﻯ ﺑﯩﻠﻪﻥ ﻳﯜﺯﻩﻛﻰ ﺗﻮﻧﯘﺷﺎﻳﻠﻰ :

<< ﺗﺎﺭﯨﺨﯩﻲ ﺧﺎﺗﯩﺮﯨﻠﻪﺭ >> ، << ﺋﯜﭺ ﭘﺎﺩﯨﺸﺎﻫﻠﯩﻖ ﺗﻪﺯﻛﯩﺮﯨﺴﻰ >> ، << ﺳﯜﻳﻨﺎﻣﻪ >> ، << ﺳﯘﯓ ﺳﯘﻻﻟﯩﺴﻰ ﺗﺎﺭﯨﺨﻰ >> ، << ﺗﺎﻍ - ﺋﯩﺰﯨﻤﻼﺭ ﻗﯘﺭﺋﯩﻲ >> ، << ﻣﯘﺗﻴﻪﻧﺰﻯ ﺗﻪﺯﻛﯩﺮﯨﺴﻰ >> ، << ﺩﻩﺭﻳﺎﻻﺭ ﺗﻪﭘﺴﯩﺮﺍﺗﻰ ﺋﯩﺰﺍﻫﺎﺗﻰ >> ، << ﺳﯘﯓ ﻳﯜﻧﻨﯩﯔ ﺳﻪﭘﻪﺭﻧﺎﻣﯩﺴﻰ >> ، << ﻏﻪﺭﺑﯩﻲ ﻳﯘﺭﺗﻨﯩﯔ ﺋﯩﻪﺭﯨﺘﯩﻠﯩﻚ ﺗﻪﺯﻛﯩﺮﯨﺴﻰ >> ، << ﻏﻪﺭﺑﯩﻲ ﺋﺎﻳﻤﺎﻗﻨﯩﯔ ﺧﻪﺭﯨﺘﯩﻠﯩﻚ ﺗﻪﺯﻛﯩﺮﯨﺴﻰ >> ، << ﺷﺎﺟﯘ - ﺋﯧﯟﯨﺮﻏﻮﻟﻼﺭﻧﯩﯔ ﺗﻪﺯﻛﯩﺮﯨﺴﻰ >> ، << ﺷﺎﺟﯘ ﺗﯘﺗﯘﻕ ﻣﻪﻫﻜﯩﻤﯩﺴﯩﻨﯩﯔ ﺧﻪﺭﯨﺘﯩﻠﯩﻚ ﺗﻪﺯﻛﯩﺮﯨﺴﻰ >> ، << ﺟﻴﺎ ﺩﻩﻧﻨﯩﯔ ﺗﯚﺕ ﻳﻮﻝ ﺧﺎﺗﯩﺮﯨﺴﻰ >> ، << ﺑﯜﻳﯜﻙ ﺗﺎﯓ ﺩﻩﯞﺭﯨﺪﯨﻜﻰ ﻏﻪﺭﺑﯩﻲ ﻳﯘﺭﺕ ﺧﺎﺗﯩﺮﯨﺴﻰ >> ، << ﺋﯘﻟﯘﻍ ﻣﯧﻬﯩﺮ - ﺷﻪﭘﻘﻪﺕ ﺋﯩﺒﺎﺩﻩﺗﺨﺎﻧﯩﺴﻰ >> ، << ﯞﯗ ﻛﯘﯕﻨﯩﯔ ﻫﯩﻨﺪﯨﺴﺘﺎﻧﻐﺎ ﺑﯧﺮﯨﺶ ﺧﺎﺗﯩﺮﯨﺴﻰ >> ، << ﺑﻪﺵ ﺋﻪﻧﻪﺗﻜﻪﻙ ﺋﯧﻠﯩﮕﻪ ﻗﯩﻠﯩﻨﻐﺎﻥ ﺳﻪﭘﻪﺭ ﺗﻪﺯﻛﯩﺮﯨﺴﻰ >> ، << ﻧﻮﻣﻼﺭ ﺷﻪﺭﻫﻰ >> ، << ﻳﯜﻩﻧﺨﯥ ﻳﯩﻠﻠﯩﺮﯨﺪﯨﻜﻰ ﯞﯨﻼﻳﻪﺕ ، ﻧﺎﻫﯩﻴﯩﻠﻪﺭ ﺗﻪﺯﻛﯩﺮﯨﺴﻰ >> ، << ﻗﺎﻧﯘﻧﻼﺭ ﻗﺎﻣﯘﺳﻰ ، ﯞﯨﻼﻳﻪﺕ - ﻧﺎﻫﯩﻴﯩﻠﻪﺭﻧﯩﯔ ﭼﯧﮕﺮﺍ ﻗﻮﻏﺪﺍﺵ ﻗﺎﻧﯘﻧﻰ >> ......
.......................................

) تۈگىدى (

ﻣﻪﻧﺒﻪ : ﺋﺎﻳﭽﯩﯟﻩﺭ
2008- ﻳﯩﻞ 22 - ﺋﺎﭘﺮﯦﻞ .

جاپا  چىكىپسىز  ...رەخمەت ،    لېكىن بۇ كىتابلار  كىلاسسىىك ئەدەبىياتىمىزغا  تەۋە  ،ھەم  ھازىرقى  بەزى كىتابلاردەك  كىتاب  بازىرىنى ئىگەللەپ  كېتەلمىگەچكە  بىز  بىلەن يۈز كۆرۈشىشى    تەسكە  توختايدۇ.  لېكىن  مەن  چۇقۇم  نەچچە  پارچىسىنى  بولسىمۇ  ئوكۇپ چىقىشقا  تىرىشىمەن ...
كىلاسسىك ئەدەبىياتىمىزغا  ۋارىسلىق  قىلىش  ھەممىزنىڭ  باش تارتىپ  بولمايدىغان بۇرچى...

قۇلىڭىزغا دەرت بەرمڭسۇن ....................

بۇ كىتاپلارنىڭ ھەممنى ئۇقۇپ بۇلۇشقا خېلى ۋاقىت كەتكۇدەك، كەسىپ ئۇزگەرتىپ قالسام ئۇقۇپ باقىمەن،
ھازىرچە ئۇقۇپ بولالمىغۇدەكمەن.

مەخسۇس ۋاقىت ئاجىرىتىپ ئوقۇشقا تېگىشلىك كىتابلار ئىكەنتۇق.

رەخمەت  قاچان مۇ يىزىپ بولغان سىز

دۇنيا كىتاپ ئوقۇش كۈنىدە بۇتېمىڭىزنى كۆرۈپ بەك خوش بولدۇم .«ﺋﯚﺯﯛﻡ ﺗﻪﻳﻴﺎﺭﻟﯩﻐﺎﻥ  ﻗﻪﺩﯨﻤﻜﻰ ﺋﯘﻳﻐﯘﺭ ﺗﺎﺭﯨﺨﯩﻐﺎ ﺩﺍﺋﯩﺮ ﺳﯚﺯﻟﯜﻛﻠﻪﺭﻧﯩﯔ ﺋﯘﻳﻐﯘﺭﭼﻪ - ﺧﻪﻧﺰﯗﭼﻪ ﺳﯧﻠﯩﺸﺘﯘﺭﻣﺎ ﺧﻪﺗﻠﯩﺮﯨﻨﻰ ﻳﻮﻟﻼﻳﻤﻪﻥ . »دەپتىكەنسىز .مەن دەل مۇشۇ نەرسىگە ئېھتىياجلىق بۇلىۋاتاتتىم ،يوللىدىڭىزمۇ؟ئەجرىڭىزگە كۈپ رەخمەت.

        ناھايىتى ئەھمىيەتلىك تېمىدىن بىرنى يوللاپسىز، كىتاپ بىلىم بۇلىقى،  كىتاپ دىلنىڭ چىرىقى. بولۇپمۇ تارىخىي كىتابلارنى ئادەم كۆرگەنسىرى كۆرگۈسى كېلىدىكەن، مەنمۇ يېقىنقى زامان تارىخىي رومانلىرىدىن بىر قانچىنى ئوقۇپ پۈتۈن تارىخى كىتابلارنى (ئەگەر مۇمكىن بولسا) توپلاپ قويۇش نىيتىگە كەلگەن ئىدىم، بۇ تېمىڭىزنى كۆرۈپ ناھايىتى خوشال بولدۇم، مۇشۇنىڭدىن پايدىلانسام بولغۇدەك. سىزگە كۆپ رەھمەت.  جاپا چېكىپسىز           

سىزگە قانداق ياخشى كىتابلار كىرەك ؟

                                                                                                                                                                                         
        ئەسسالامۇ ئەلەيكۇم ! ئىلىم - مەرىپەت ئىزدەۋاتقان  دوسلار  .

      سىز ئۆگنەي دىسىڭىز  ماتىرىيال مەنبەسى بولماسلىق مەسىلىسى بىشڭىزنى  ئاغرىتىۋاتامدۇ ؟  سىز  ئىسمىنى ئاڭلىغان  ئەمما تاپالمايۋاتقان  كىتابلارنى ئەڭ تىز - سۈرئەتتە  قولىڭىزغا  ئىلشقا تەققەزار  بولىۋاتامسىز  ؟  ئۆزىڭىز  ئىھتىياجلىق كىتاپ - ژورناللارنى  ئەڭ تىز - سۈرئەتتە  تىپىشنى  خالامسىز  ؟  مەشھۇر ، ساقلاش قىممتى بار كىتابلارنى بىر قىتىم ئوقۇپ چىقىش ۋە ساقلاپ قويۇشنى ئويلاۋاتامسىز  ؟
 
  ئەگەر شۇنداق ئەھۋالغا  دۇچ كەلگەن بولسىڭىز  ئۈرۈمچى < نوبىل > مەدەنىيەت بويۇملىرى  توپ ۋە پارچە تارقىتش مۇلازىمەت مەركىزىمىز بىلەن ئالاقىلشىڭ .
   
    < نوبىل > مەدەنىيەت بويۇملىرى  توپ ۋە پارچە تارقىتش مۇلازىمەت مەركىزىمىز  سىز ئىھتىياجلىق بولغان ، ئسمىنى ئاڭلىغان ئەمما تاپالمايۋاتقان كىتابلارنى ( ئەلۋەتتە قانۇنلۇق  نەشىر قىلىنغان ۋە  قانۇن تەرپىدىن سىتىشقا يول قويۇلغان كىتابلارنى كۆرسىتىدۇ  )  سىزگە  تەمىنلەپ  بىرىمىز .

 
      بىزنىڭ مۇلازىمەت  تۈرلىرىمىز : سىز ئىھتىياجلىق بولغان ھەر خىل كىتابلارنى مەسلەن : 1 .  تۈرلۈك ئىمتاھانلار  توغىرىسىدىكى  پايدىلىنىش كىتابلىرى 2.  تۈرلۈك ئۇيغۇرچە ۋە خەنزۇچە ئىنگىلىز تىلى  ، روس تىلى ، ياپون تىلى ،كومپىيۇتىر ئۆگىنىش كىتابلىرى  3.  مەشھۇر رومانلار ، ھىكايە - پوۋسىت توپلاملىرى ، تارىخ ، پەلسەپە كىتابلىرى  4.  سالامەتلىك ، تببى ئىلىمغا  ئائىت كىتابلار  5 . يىزا - ئىگىلىككە دائىر  كىتابلار  6.  بالىلار  كىتابلىرى    7 .  دەرسخانا تام  رەسىملىرى ،  خەرىتە  قاتارلىقلارنى  توپ ۋە پارچە ساتىمىز    .  شۇنداقلا  ھەر خىل  كىتابلارنى نەشىر قىلدۇرشىڭىز  ئۈچۈن  ياردەم  بىرىمىز  .



      بىر  قىسىم كىتابلارنىڭ  نەشىر ھوقوقى  بىزدە بولۇپ  ، كىتابلارنى  توپ  سىتىۋالغاندا  بىز  بىلەن ئالاقىلەشسىڭىز  تىخىمۇ  كۆپ  ئىتىۋارغا  ئىرشەلەيسىز  .......

  دائىملق  خىرىدارلارغا  باھادا  ئىتبار  قىلىمىز  .  كونا  كىتابلار بولسا سىتىۋالىمىز  ياكى  يىڭى كىتابلارغا  ئالماشتۇرۇپ  بىرىمىز  .    بىزنىڭ  نىشانىمىز  سىزنىڭ  مەنزلىڭىز  .  كىتاب  ئىزدىمەكچى ياكى  سىتىۋالماقچى  بولسىڭىز  بىز  بىلەن  ئالاقلىشڭ  . 

  ئۈرۈمچى  شەھىرى ئىچىدىكىلەرگە  ئىشىك ئالدىغچە  مۇلازىمەت  قىلىمىز  .  ئاپتۇنۇم رايونىمىز دىكى ۋە  ئىچكىردىكلەرگە  پوچتا  ئارقىلىق  ئەۋەتىپ  بىرىمىز  . 
 
          ئالاقىلاشقۇچى  :  يارقىن          ئالاقىلىشش  تىلفۇنى  :  13669959359  ،
 
      تور  چاقۇرغۇ  :  858774111 ( چ چ )    ئىلىخەت :  nobelketap@163.com
 
    ئۈرۈمچى <  نوبىل >  مەدەنىيەت بويۇملىرى  توپ ۋە  پارچە تارقىتش مۇلازىمەت مەركىزى  .

توۋا ، ئۆزۇمنىڭ  ئويلىغانلىرىمنى  يازسام قايسى  ئىنسان ئۆچۇرىۋەتكەندۇ ؟  راس گەپ قىلىشقا رۇخسەت يوقمۇ نىمە ؟

  مەن خېلى كۆپىنى ئوقۇپتىمەن ... اللا خالىسا قالغانلىرىنىمۇ چوقۇم ئوقۇيمەن ! رەھمەت ئايچىۋەرخان .... 

ئايچىۋەر  ،  << غازات  دەرمۈلكى چىن >>    ھېچ  بىر  كۆرۈنمەيدىغۇ  ؟ 

يەنە  بىر  گەپ :
11 . ﺑﯘﻧﯩﯖﺪﺍ ﭼﯩﯖﮕﯩﺰﺧﺎﻧﻨﯩﯔ ﻏﻪﺭﺑﯩﻲ ﺷﻴﺎﻧﻰ ﻳﻮﻗﯩﺘﯩﺸﻘﺎ ﻗﺎﻳﺘﺎ ﻳﯜﺭﯛﺵ ﻗﯩﻠﯩﺶ ﯞﻩ ﺋﺎﺗﺘﯩﻦ ﻳﯩﻘﯩﻠﯩﭗ ﭼﯜﺷﯜﭖ ﺋﺎﻏﺮﯨﭗ ﻗﯧﻠﯩﺸﻰ ﺑﯩﻠﻪﻥ ﻗﺎﺯﺍ ﺗﯧﭙﯩﺶ ﺟﻪﺭﻳﺎﻧﻰ ﺳﯚﺯﻟﯩﻨﯩﺪﯗ ......

چىڭگىزخاننىڭ  ئۆلىمىگە  قارىتا  تارىخچىلار  ئارىسىدا  ئوخشىمىغان  بەش  تۈرلۈك  قاراش  بار .      ( مۇشۇ  توغرىلىق  بىر  ماتېريالنى  تەرجىمە  قىلىپ  يېرىم يولدا  تاشلاپ  قويۇپتىكەنمەن .  قارىغاندا  ئۇنى تولۇقلاپ  تەرجىمە  قىلىپ يوللاپ  قويسام  بولغۇدەك )

نۇرغۇن تارىخىي كىتاپلاردىمۇ چىڭگىزخاننىڭ ئاغرىپ قېلىشىنى ئاتتىن يىقىلغانلىقى بىلەن باغلايدۇ. ئات مۈدۈرۈلۈپ كېتىپ، چىڭگىزخان يىقىلىدۇ ۋە ئۆزىنى قېرىپتىمەن، بۇرۇنقىدەك مەزمۇت ئولتۇرالمايدىغان بولۇپ قاپتىمەن، دەپ ئويلايدۇ. ئىشەنچلىك تارىخىي ماتىرىياللارغا قارىغاندا، چىڭگىزخاننىڭ كېسىلى زىققا ئىكەن. چىڭگىزخان ئۆلگەندىن كېيىن، جەسىتى، بۇرخان خالدۇن تېغىنىڭ باغرىدىكى قەدىمىي ئورمانلىققا دەپنە قىلىنغانمىش، دەپنە قىلىشقا ئېلىپ كېتىۋاتقاندا يولدا ئۇچرىغان جانلىقلارنىڭ ھەممىسىنى، بېرىپ ئۇ ئالەمدە چىڭگىزخانغا ھەمراھ بولۇڭلا، دەپ ئۆلتۈرۈۋەتكەنمىش. لىكىن، چىڭگىزخاننىڭ قەيەرگە دەپنە قىلىنغانلىقى ھازىرغىچە بىر سىر.

Quote:

بۇ مەزمون17قەۋەتتىكىSubhiنىڭ2008-04-25 10:01دە يوللىغان يازمىسى  :
ئايچىۋەر  ،  << غازات  دەرمۈلكى چىن >>    ھېچ   بىر   كۆرۈنمەيدىغۇ   ؟ 

يەنە  بىر  گەپ :
11 . ﺑﯘﻧﯩﯖﺪﺍ ﭼﯩﯖﮕﯩﺰﺧﺎﻧﻨﯩﯔ ﻏﻪﺭﺑﯩﻲ ﺷﻴﺎﻧﻰ ﻳﻮﻗﯩﺘﯩﺸﻘﺎ ﻗﺎﻳﺘﺎ ﻳﯜﺭﯛﺵ ﻗﯩﻠﯩﺶ ﯞﻩ ﺋﺎﺗﺘﯩﻦ ﻳﯩﻘﯩﻠﯩﭗ ﭼﯜﺷﯜﭖ ﺋﺎﻏﺮﯨﭗ ﻗﯧﻠﯩﺸﻰ ﺑﯩﻠﻪﻥ ﻗﺎﺯﺍ ﺗﯧﭙﯩﺶ ﺟﻪﺭﻳﺎﻧﻰ ﺳﯚﺯﻟﯩﻨﯩﺪﯗ ......

.......

بۇ كىتاب توغرىلىق ئاڭلىغان لېكىن بىلمەيدىكەنمەن  ، ئەپسۇس .... «غەربىي يۇرتتىكى 24 تارىخ» خەنزۇچە توردا باركەن . يەنىلا مۇنبەرداشلار داۋامىنى داۋاملاشتۇرىۋەتسە تېخىمۇ ياىشى بولاتتى .
چىڭگىزخاننىڭ ئۆلۈمى توغرىلىق ھەر خىل ماتېرىياللار باركەن . « بوز قىر ئىمپېرىيىلىرى -- چىڭگىزخان » ناملىق كىتابتا مۇنداق دېيىلىپتىكەن :
---------------------------

ﭼﯩﯖﮕﯩﺰﺧﺎﻥ 1225 - ﻳﯩﻠﻰ ﺋﻪﺗﯩﻴﺎﺯﺩﺍ ﻣﻮﯕﻐﯘﻝ ﺩﺍﻻﺳﯩﻐﺎ ﻗﺎﻳﺘﺘﻰ ، ﺋﯘ ﺋﻮﻧﺎﻥ ﺩﻩﺭﻳﺎﺳﯩﻨﯩﯔ ﺗﺎﺭﻣﯩﻘﻰ ﺗﯘﻏﻼ ﺩﻩﺭﻳﺎﺳﯩﻨﯩﯔ ﻗﯩﺮﻏﯩﻘﻰ ﺑﻮﻳﯩﺪﯨﻜﻰ ﺑﺎﺭﮔﺎﻫﺘﺎ 1225 - ﻳﯩﻠﯩﺪﯨﻦ 1229 - ﻳﯩﻠﯩﻐﯩﭽﻪ ﺑﻮﻟﻐﺎﻥ ﻗﯩﺶ ﭘﻪﺳﻠﯩﻨﻰ ﯞﻩ ﻛﯧﻴﯩﻨﻜﻰ ﻳﺎﺯﻧﻰ ﺋﯚﺗﻜﯜﺯﺩﻯ . ﺑﯘ ﻛﯜﻧﻠﻪﺭﺩﻩ ﺋﯘ 70 ﻳﺎﺷﺘﯩﻦ ﻫﺎﻟﻘﯩﻐﺎﻥ ﺋﯩﺪﻯ . ﺑﯧﻴﺠﯩﯖﺪﯨﻦ ﺗﺎﺭﺗﯩﭗ ﺋﯩﺪﯨﻞ ﺩﻩﺭﻳﺎﺳﯩﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺋﯘﻧﯩﯖﺪﯨﻦ ﻗﻮﺭﻗﯘﭖ ﺗﯩﺘﺮﯨﻤﯩﮕﻪﻥ ﻫﯧﭽﻜﯩﻢ ﻗﺎﻟﻤﯩﺪﻯ . ﻗﻮﺷﯘﻧﻠﯩﺮﯨﻨﻰ ﺗﻪﺭﻩﭖ - ﺗﻪﺭﻩﭘﻜﻪ ﺋﻪﯞﻩﺗﯩﭗ ﺋﺎﺭﺍﻝ ﺩﯦﯖﯩﺰﻯ ﺑﯩﻠﻪﻥ ﻛﺎﺳﭙﯩﻲ ﺩﯦﯖﯩﺰﻯ ﺋﺎﺭﯨﻠﯩﻘﯩﺪﯨﻜﻰ ﻳﺎﻳﻼﻗﻼﺭﻏﺎ ﻫﯚﻛﯜﻣﺮﺍﻧﻠﯩﻖ ﻗﯩﻠﯩﯟﺍﺗﻘﺎﻥ ﭼﻮﯓ ﺋﻮﻏﻠﻰ ﺟﯘﺟﻰ ، ﭼﯩﯖﮕﯩﺰﺧﺎﻧﻨﯩﯔ ﺋﺎﺧﯩﺮﻗﻰ ﻳﯩﻠﻠﯩﺮﯨﺪﺍ ﭘﻪﯞﻗﯘﻻﺩﺩﻩ ﺑﯩﺮ ﺧﯩﻞ ﺳﯩﻴﺎﺳﻪﺗﻨﻰ ﻳﻮﻟﻐﺎ ﻗﻮﻳﯘﭖ ، ﺩﯗﻧﻴﺎﻧﻰ ﺑﻮﻳﺴﯘﻧﺪﯗﺭﻏﯘﭼﯩﻨﻰ ﺑﯩﺌﺎﺭﺍﻡ ﻗﯩﻠﺪﻯ . ﺋﺎﺗﺎ - ﺑﺎﻻ ﺋﻮﺗﺘﯘﺭﯨﺴﯩﺪﯨﻜﻰ ﺳﻮﻏﯘﻗﭽﯩﻠﯩﻖ ﭼﻮﯕﺮﺍﻕ ﺟﯧﺪﻩﻝ ﺑﻮﻟﯘﭖ ﭘﺎﺭﺗﻼﺷﺘﯩﻦ ﺋﯩﻠﮕﯩﺮﻯ ، ﺟﯘﺟﻰ 1227 - ﻳﯩﻠﻰ 2 - ﺋﺎﻳﺪﺍ ﺋﺎﻟﻪﻣﺪﯨﻦ ﺋﯚﺗﺘﻰ .
ﭼﯩﯖﮕﯩﺰﺧﺎﻥ ﺑﯩﺮ ﭼﺎﻏﻼﺭﺩﺍ ﻧﯩﯖﺸﻴﺎﺩﯨﻜﻰ ﻏﻪﺭﺑﯩﻲ ﺷﯩﻴﺎ ﺗﺎﯕﻐﯘﺕ ﭘﺎﺩﯨﺸﺎﻫﻠﯩﻘﻰ ﺑﯩﻠﻪﻥ ﺑﻮﻟﻐﺎﻥ ﺋﯘﺭﯗﺷﺘﺎ ﻗﻮﻣﺎﻧﺪﺍﻧﻠﯩﻖ ﻗﯩﻠﻐﺎﻧﯩﺪﻯ . ﻛﯧﻴﯩﻨﭽﻪ ﺗﺎﯕﻐﯘﺕ ﭘﺎﺩﯨﺸﺎﻫﻰ ﭼﯩﯖﮕﯩﺰﺧﺎﻧﻐﺎ ﺑﻪﻳﺌﻪﺕ ﻗﯩﻠﻐﺎﻥ ﺗﯘﺭﯗﻗﻠﯘﻕ ﺧﺎﺭﻩﺯﻡ ﺷﺎﻫﯩﻐﺎ ﻗﺎﺭﺷﻰ ﺋﯘﺭﯗﺷﻘﺎ ﻗﻮﺷﯘﻥ ﺋﻪﯞﻩﺗﯩﺶ ﻣﻪﺟﺒﯘﺭﯨﻴﯩﺘﯩﺪﯨﻦ ﺑﺎﺵ ﺗﺎﺭﺗﺘﻰ . "ﻣﻪﺧﭙﻰ ﺗﺎﺭﯨﺦ" ﺗﯩﻜﻰ ﺧﺎﺗﯩﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ ، ﻣﯘﺷﯘ ﺋﯩﺶ ﺗﻮﻏﺮﯨﺴﯩﺪﯨﻜﻰ ﺗﻪﻛﻠﯩﭙﻨﺎﻣﯩﻨﻰ ﺗﺎﭘﺸﯘﺭﯗﯞﺍﻟﻐﺎﻧﺪﯨﻦ ﻛﯧﻴﯩﻦ ، ﺗﺎﯕﻐﯘﺗﻼﺭﻧﯩﯔ ﯞﻩﺯﯨﺮﻯ ﺋﺎﺷﺎ ﮔﺎﻣﺒﯘ ﺋﯚﺯﯨﻨﯩﯔ ﭘﺎﺩﯨﺸﺎﻫﯩﻐﺎ ﯞﺍﻛﺎﻟﯩﺘﻪﻥ ﻧﺎﻫﺎﻳﯩﺘﻰ ﻗﻮﭘﺎﻝ ﺟﺎﯞﺍﺏ ﺑﯧﺮﯨﭗ ، ﻳﯧﺘﻪﺭﻟﯩﻚ ﻗﻮﺷﯘﻧﻰ ﺑﻮﻟﻤﯩﻐﺎﻥ ﭼﯩﯖﮕﯩﺰﺧﺎﻧﻨﯩﯔ ﻣﯘﻧﺪﺍﻕ ﭼﻮﯓ ﻫﻮﻗﯘﻗﯩﻨﻰ ﺋﯩﮕﯩﻠﻪﭖ ﺗﯘﺭﯗﺷﻘﺎ ﻧﯧﻤﻪ ﻫﻪﺩﺩﻯ ؟ ﺩﯦﮕﻪﻥ ﺳﯚﺯﻟﻪﺭﻧﻰ ﻗﯩﻠﺪﻯ . ﻣﯘﻧﺪﺍﻕ ﭼﻮﯕﭽﯩﻠﯩﻘﻨﻰ ﻫﯧﭽﻜﯩﻢ ﺋﯧﺴﯩﺪﯨﻦ ﭼﯩﻘﺎﺭﻣﺎﻳﺘﺘﻰ ، ﺧﺎﺭﻩﺯﻣﻨﯩﯔ ﺋﯩﺸﻰ ﺑﯩﺮ ﺗﻪﺭﻩﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ، ﺩﯗﻧﻴﺎﻧﻰ ﺑﻮﻳﺴﯘﻧﺪﯗﺭﻏﯘﭼﻰ ﻳﯘﻗﯘﺭﯨﺪﺍ ﺳﺎﺩﯨﺮ ﺑﻮﻟﻐﺎﻥ ﺋﺎﺳﯩﻴﻠﯩﻖ ﺋﯜﭼﯜﻥ ﺋﯩﻨﺘﯩﻘﺎﻡ ﺋﺎﻟﻤﺎﻗﭽﻰ ﺑﻮﻟﺪﻯ . ﺑﯘﻧﯩﯖﺪﯨﻦ ﺑﺎﺷﻘﺎ ، ﺧﯘﺩﺩﻯ ﯞﻻﺩﯨﻤﯩﺮﺳﻮﻑ ﺩﯨﻘﻘﻪﺕ ﻗﯩﻠﻐﺎﻧﺪﻩﻙ ، ﭼﯩﯖﮕﯩﺰﺧﺎﻧﻨﯩﯔ ﺋﻮﻳﻠﯩﻐﺎﻧﻠﯩﺮﻯ ﺑﻮﻳﯩﭽﻪ ﺳﺎﻧﻐﯘﻥ ﻣﯘﻗﺎﻟﻰ ﺋﯚﺯ ﯞﻩﺯﯨﭙﯩﺴﯩﻨﻰ ﺋﺎﺩﺍ ﻗﯩﻠﯩﺶ ﻳﻮﻟﯩﺪﺍ ﺋﯚﻟﯜﭖ ﻛﻪﺗﻜﻪﻥ ﺋﻪﻫﯟﺍﻟﺪﺍ ، ﺷﯩﻤﺎﻟﯩﻲ ﺟﻮﯕﮕﻮﺩﯨﻜﻰ ﺟﻮﺭﺟﯩﺖ ﺧﺎﻧﻠﯩﻘﯩﻨﻰ ﺑﻮﻳﺴﯘﻧﺪﯗﺭﯗﺵ ﺋﯜﭼﯜﻥ ﭼﻮﻗﯘﻡ ﺋﺎﻟﺪﻯ ﺑﯩﻠﻪﻥ ﮔﻪﻧﺴﯘﻧﻰ ، ﺋﺎﻻﺷﻪﻥ ﯞﻩ ﺋﻮﺭﺩﯗﻣﻨﻰ ﺋﯩﮕﯩﻠﻪﺵ ﻻﺯﯨﻢ ﺋﯩﺪﻯ . ﺷﯘﯕﺎ ، ﭼﯩﯖﮕﯩﺰﺧﺎﻥ 1226 - ﻳﯩﻠﯩﻨﯩﯔ ﻛﯜﺯ ﭘﻪﺳﻠﯩﺪﻩ ﻗﻮﺷﯘﻥ ﭼﯩﻘﯩﺮﯨﭗ ، ﻳﯩﻠﻨﯩﯔ ﺋﺎﺧﯩﺮﯨﻐﺎ ﻛﻪﻟﮕﻪﻧﺪﻩ ﻟﯩﯖﺠﯘﻧﻰ ﺋﯩﺸﻐﺎﻝ ﻗﯩﻠﺪﻯ ، 1227 - ﻳﯩﻠﻰ ﺋﻪﺗﯩﻴﺎﺯﺩﺍ ﻏﻪﺭﺑﯩﻲ ﺷﻴﺎﻧﯩﯔ ﭘﺎﻳﺘﻪﺧﺘﻰ ﺑﻮﻟﻐﺎﻥ ﺑﯜﮔﯜﻧﻜﻰ "ﻣﻮﯕﻐﯘﻝ ﯞﻩﻫﯩﻤﯩﺴﻰ" ﺧﯘﺩﺩﻯ ﺋﺎﻓﻐﺎﻧﯩﺴﺘﺎﻧﺪﯨﻜﯩﮕﻪ ﺋﻮﺧﺸﺎﺵ ﯞﻩﻫﺸﯩﻴﻠﯩﻚ ﺑﯩﻠﻪﻥ ﻳﻮﻟﻐﺎ ﻗﻮﻳﯘﻟﺪﻯ . "ﺋﺎﻫﺎﻟﻪ ﻣﻮﯕﻐﯘﻟﻼﺭﻧﯩﯔ ﻗﯩﻠﯩﭻ - ﻧﻪﻳﺰﯨﻠﯩﺮﯨﺪﯨﻦ ﻗﯘﺗﯘﻟﯘﺵ ﻛﻮﻳﯩﺪﺍ ﺗﺎﻏﻼﺭﻧﯩﯔ ﺋﯩﭽﯩﮕﻪ ﯞﻩ ﮔﻪﻣﻪ - ﺋﯚﯕﻜﯜﺭﻟﻪﺭﮔﻪ ﻳﻮﺷﯘﺭﯗﻧﻐﺎﻥ ﺑﻮﻟﺴﯩﻤﯘ ، ﻫﯧﭽﻘﺎﻳﺴﯩﺴﻰ ﺋﻪﺳﻘﺎﺗﻤﯩﺪﻯ . ﺋﺎﻱ - ﺩﺍﻻ ﺋﺎﺩﻩﻣﻠﻪﺭﻧﯩﯔ ﺳﯚﯕﻜﻰ ﺑﯩﻠﻪﻥ ﻗﺎﭘﻼﻧﺪﻯ ." ﻧﯩﯖﺸﻴﺎ ﻗﻪﻟﺌﻪﺳﻰ ﻗﻮﺭﺷﺎﯞﻏﺎ ﺋﯧﻠﯩﻨﻐﺎﻥ ﭼﺎﻏﺪﺍ ، ﻳﻪﻧﻰ 1227 - ﻳﯩﻠﯩﻨﯩﯔ ﻳﺎﺯ ﭘﻪﺳﻠﯩﺪﻩ ، ﭼﯩﯖﮕﯩﺰﺧﺎﻥ ﺷﻮﻏﯘﺭﻗﺎﺕ ﺩﯦﮕﻪﻥ ﻳﻪﺭﮔﻪ ﺑﺎﺭﮔﺎﻫ ﺗﯩﻜﯩﭗ ، ﺑﯜﮔﯜﻧﻜﻰ ﭘﯩﯖﻠﻴﺎﯕﻨﯩﯔ ﻏﻪﺭﺑﯩﻲ ﺷﯩﻤﺎﻟﯩﺪﯨﻜﻰ ﻟﯘﯕﺪﯤ ﻧﺎﻫﯩﻴﯩﺴﻰ ﺋﯩﭽﯩﺪﻩ ﺗﯘﺭﺩﻯ . ﺋﯘ ﺩﻩﻝ ﻣﯘﺷﯘ ﺟﺎﻳﺪﺍ ، ﻳﻪﻧﻰ ﭘﯩﯖﻠﻴﺎﯕﻨﯩﯔ ﻏﻪﺭﺑﯩﺪﯨﻜﻰ ﻧﺎﻫﯩﻴﻪ ﭼﯧﮕﺮﯨﺴﻰ ﺩﺍﺋﯩﺮﯨﺴﯩﺪﻩ ، 1227 - ﻳﯩﻠﻰ 8 - ﺋﺎﻳﻨﯩﯔ 8 - ﻛﯜﻧﻰ ﺋﺎﻟﻪﻣﺪﯨﻦ ﺋﯚﺗﺘﻰ ، ﺷﯘ ﭼﺎﻏﺪﺍ 72 ﻳﺎﺷﻘﺎ ﻛﯩﺮﮔﻪﻧﯩﺪﻯ .
ﺋﯘﺯﯗﻥ ﺋﯚﺗﻤﻪﻱ ﻗﺎﺭﺷﻰ ﺗﻪﺭﻩﭘﻨﯩﯔ ﭘﺎﻳﺘﻪﺧﺘﻰ ﻧﯩﯖﺸﻴﺎ ﺋﯧﻠﯩﻨﺪﻯ . ﺩﯗﻧﻴﺎﻧﻰ ﺑﻮﻳﺴﯘﻧﺪﯗﺭﻏﯘﭼﯩﻨﯩﯔ ﯞﻩﺳﯩﻴﯩﺘﯩﮕﻪ ﺋﺎﺳﺎﺳﻪﻥ ، ﻣﻪﺯﻛﯘﺭ ﺷﻪﻫﻪﺭﺩﯨﻜﻰ ﺋﺎﻫﺎﻟﯩﻨﯩﯔ ﻫﻪﻣﻤﯩﺴﻰ ﻗﯩﺮﯨﭗ ﺗﺎﺷﻼﻧﺪﻯ . ﺗﺎﯕﻐﯘﺗﻼﺭﻧﻰ ﺑﯩﺮ ﺑﯚﻟﯜﻙ ﺋﺎﺩﯨﻤﻰ ﻳﻪﺳﯜﻱ ﺧﺎﺗﯘﻧﻐﺎ ﺑﯧﺮﯨﻠﺪﻯ . ﺋﯘ ﭼﯩﯖﮕﯩﺰﺧﺎﻧﻨﯩﯔ ﻛﯧﻨﯩﺰﻩﻛﻠﯩﺮﯨﺪﯨﻦ ﺑﻮﻟﯘﭖ ، ﺑﯘ ﻗﯧﺘﯩﻤﻘﻰ ﺟﻪﯕﺪﻩ ﺋﯘﻧﯩﯖﻐﺎ ﻫﻪﻣﺮﺍﻫ ﺑﻮﻟﻐﺎﻧﯩﺪﻯ .
ﭼﯩﯖﮕﯩﺰﺧﺎﻧﻨﯩﯔ ﺟﻪﺳﯩﺘﻰ ﺑﯜﮔﯜﻧﻜﻰ ﻛﯧﻨﺘﺎﻱ ﺗﺎﻏﻠﯩﺮﯨﻨﯩﯔ ﺋﻪﺗﺮﺍﭘﯩﺪﯨﻜﻰ ﺑﯘﺭﻫﺎﻥ ﺧﺎﻟﺪﯗﻥ ﺗﯧﻐﯩﻐﺎ ﻗﻮﻳﯘﻟﺪﻯ . ﺑﯘ ﻳﻪﺭ ﺋﻮﻧﺎﻥ ﺩﻩﺭﻳﺎﺳﻰ ﺑﯩﻠﻪﻥ ﻗﯘﺭﯗﻟﯘﻥ ﺩﻩﺭﻳﺎﺳﯩﻨﯩﯔ ﺑﺎﺷﻠﯩﻨﯩﺪﯨﻐﺎﻥ ﺟﺎﻳﻰ ﺑﻮﻟﯘﭖ ، ﭼﯩﯖﮕﯩﺰﺧﺎﻥ ﻫﺎﻳﺎﺕ ﭼﯧﻐﯩﺪﺍ ﻣﯘﺷﯘ ﻳﻪﺭﺩﻩ ﺗﻪﯕﺮﻯ ﺑﯩﻠﻪﻥ ﻣﯘﯕﺪﺍﺷﻘﺎﻧﯩﺪﻯ . 1229 - ﻳﯩﻠﻰ ، ﺋﯘﻧﯩﯔ ﯞﺍﺭﯨﺴﻰ ﻣﻮﯕﻐﯘﻟﻼﺭﻧﯩﯔ ﺋﯚﺭﭖ- ﺋﺎﺩﯨﺘﻰ ﺑﻮﻳﯩﭽﻪ ﻛﺎﺗﺘﺎ ﻧﻪﺯﯨﺮ - ﭼﯩﺮﺍﻍ ﺋﯚﺗﻜﯜﺯﺩﻯ . ﺋﯘ ﺋﺎﺩﻩﺗﻜﻪ ﺋﺎﺳﺎﺳﻪﻥ : " ﺋﯜﭺ ﻛﯜﻧﮕﯩﭽﻪ ﺩﺍﺩﯨﺴﯩﻨﯩﯔ ﻣﯘﻗﻪﺩﺩﻩﺱ ﺭﻭﻫﯩﻐﺎ ﻳﯧﻤﻪﻙ - ﺋﯩﭽﻤﻪﻙ ﺑﯧﺮﯨﻠﯩﺸﯩﻨﻰ ﺑﯘﻳﺮﯨﺪﻯ . ﻧﻮﻳﺎﻥ ﯞﻩ ﻗﻮﻣﺎﻧﺪﺍﻧﻼﺭ ﺋﺎﺋﯩﻠﯩﺴﯩﺪﯨﻦ 40 ﻧﻪﭘﻪﺭ ﺋﻪﯓ ﭼﯩﺮﺍﻳﻠﯩﻖ ﻗﯩﺰﻧﻰ ﺗﺎﻟﻼﭖ ، ﺋﯘﻻﺭﻧﯩﯔ ﻫﻪﻣﻤﯩﺴﯩﮕﻪ ﺋﻪﯓ ﮔﯜﺯﻩﻝ ﻛﯩﻴﯩﻤﻠﻪﺭﻧﻰ ﻛﯩﻴﮕﯜﺯﺩﻯ . ﻗﯩﻤﻤﻪﺗﻠﯩﻚ ، ﺋﯧﺴﯩﻞ ﺯﯨﺒﯘ - ﺯﯨﻨﻨﻪﺗﻠﻪﺭﻧﻰ ﺗﺎﻗﯩﺪﻯ . ﺭﻩﺷﯩﺪﺩﯨﺪﯨﻨﯩﯔ ﺳﯚﺯﻯ ﺑﻮﻳﯩﭽﻪ ﺑﯘ ﻗﯩﺰﻻﺭ ﭼﯩﯖﮕﯩﺰﺧﺎﻧﻨﯩﯔ ﺧﯩﺰﻣﯩﺘﯩﺪﻩ ﺑﻮﻟﯘﺵ ﺋﯜﭼﯜﻥ ﺋﯘ ﺩﯗﻧﻴﺎﻏﺎ ﻳﻮﻟﻐﺎ ﺳﯧﻠﯩﻨﺪﻯ . ﻳﺎﯞﺍﻳﻰ ﺗﯜﺱ ﺋﺎﻟﻐﺎﻥ ﺑﯘ ﻗﯘﺭﺑﺎﻧﻠﯩﻘﻘﺎ ﺋﻪﯓ ﻳﺎﺧﺸﻰ ﻳﯜﮔﯩﺮﻩﻙ ﺋﺎﺗﻼﺭﻣﯘ ﻗﻮﺷﯘﻟﺪﻯ . "
---------------------
بۇنىمۇ كۆرۈپ باقارسىلەر~~ كونا مۇنبەردىن كۆچۈرۈپ قويدۇم .

بىلىشىمچە، چىڭگىزخاننىڭ غەزىپىنى كەلتۈرگىنى تاڭغۇت ئەلچىسىنىڭ قوپاللىقى بولۇپلا قالماي، بۇنىڭغا يەنە كۈندەشلىكمۇ سەۋەب بولغان ئىدى. موڭغۇللار خارەزىم شاھى مۇھەممەدكە قارشى ئاتلىنىش ئالدىدىكى كېڭەشتە، ( كېڭەش، چىڭگىزخاننىڭ سېرىق چىدىرىدا ئۆتكۈزۈلگەن ) تاڭغۇت ئەلچىسى چىڭگىزخاننىڭ ۋە موڭغۇل تۆرىلىرىنىڭ كۆز ئالدىدىلا، چىڭگىزخاننىڭ ئەڭ ئامراق كىچىك خوتۇنى قۇلاننىڭ بېقىنىغا كىرىۋېلىپ، ئۇنىڭغا يېقىنچىلىق قىلغان. چىڭگىزخان گەرچە تەمكىنلىكىنى ساقلاپ كەلگەن بولسىمۇ، لېكىن ئاچچىقىنى ئىچىگە يۈتۈپ تۇرۇپ، تاڭغۇت ئەلچىسىدىن، سەن قانچىلىك ئەسكەر بىلەن بۇ يۈرۈشكە ئاتلانماقچى، دەپ سورىغان. بۇ چاغدا، قىمىز ئىچىپ مەست بولغان ۋە قۇلاننىڭ گۈزەللىكىدىن ئەس- ھوشىنى يوقاتقان ئاشا گامبو ئەجەللىك خاتالىقتىن بىرنى ئۆتكۈزگەن. يەنى ئۇ چىڭگىزخاننى مەنسىتمىگەن تەلەپپۇزدا، كۈچۈڭ يەتمىگەندىكىن يوغانچىلىق قىلىپ نېمە قىلىسەن، دېگەندەك مەنىدە جاۋاب بەرگەن. بۇ ئىش، چىڭگىزخاننىڭ تاڭغۇتلارغا رەھىمسىزلىك قىلىشىدىكى يەنە بىر سەۋەب بولۇپ قالغان.

« تارىخى جاھانكۇشاي » ئۇيغۇرلار قىسمى
http://www.orkhun.com/bbs/read.php?tid=186&keyword=

« تارىخى رەشىدى »
http://www.orkhun.com/bbs/read.php?tid=3&keyword=

« تۈركى تىللار دىۋانى »
http://www.orkhun.com/bbs/read.php?tid=268
بۇ يەردە لېكىن كېچىكىپ قالدىڭىز، ئەمما بەك يىغلاپ تۇرىۋالسىڭىز بەلكىم مەن تەسىرلىنىپ يەنە قويۇپ بېرىشىم مۈمكىن، ئەمما دىققىتىڭىز ئاشۇ يەردە بولۇشى كېرەك.

« تارىخى  ھەمىدى »
http://www.orkhun.com/bbs/read.php?tid=145&keyword=

« تارىخى ئەمىنىيە »
http://www.orkhun.com/bbs/read.php?tid=179&keyword=

« تاۋارىخ » A نۇسخا
http://www.orkhun.com/bbs/read.php?tid=18&keyword=

« تاۋارىخ » B نۇسخا
http://www.orkhun.com/bbs/read.php?tid=18&keyword=




ئايچىۋەرنىڭ باھانىسىدە مەنمۇ بىر ئېلان بېرىۋالاي.

مەن بىر كىتاپ تەۋسىيە قىلاي ئۇنى ئۇقۇساڭلار دۇنيادىكى بارلىق كىتاپلارنى خىمىر قىلىپ يۇغۇرساڭلارمۇ شۇ بىر كىتاپقا تەڭ بولمايدۇ. ئۇ كىتاپ << ئىبنى كەسىر>> دۇر.
جەمئى 6 قىسىم بۇلۇپ سىزگە يارىسا ياكى يارىمىسا، ئۆزىڭىزنى<< ھەقىقەت>> مىزان تارىزىسىدا ئۆلچەپ باھالاپ بېقىڭ.

رەھمەت سىزگە، بەك كۆپ ئەجىر قىپسىز، ئاللا ئەجرىڭىزنى بەرگەي، مەن بىرقانچىسىنى ئوكۇپ بولغان، قالغانلىرىنى چوقۇم ئوقۇپ چىقىشقا تىرىشىمەن...

مۇشۇنداق ياخشى كىتاپ بولسھ يەنە كۆپرەك يوللاپ تۇرارسىز.

ئايچىۋەر خانىم،سىز خانتەڭرىدە يوقاپ كەتتىڭىزغۇ. ؟

ياخشى. .ياخشى.     

بۇنىڭ ئىچىدىكى بەزىلىرىنى ئوقىغانكەنمەن، تىخى ئوقۇشقا ئۈلگۈرەلمىگەنلىرىنىڭ مەزمۇنىدىنمۇ خەۋەردار بولدىم، تېما يوللىغۇچىنىڭ ئەجرىگە رەھمەت.
بەزى ئىنكاس شەكلىدە يوللانغان مەزمۇنلارمۇ ئەسلى تېمنىڭ مەزمۇنىنى تولۇقلىنىپ بېرىپتۇ...

ياخىشىمۇ سىز ئاي چىۋەر  ، سىز يوللغان كىتاپىلار  ناھايىتى تىپىلىماس  ، ھەم بىر قىتىم ئوقۇپ چىقىساق
بولىغىدەك ، ۋاخىتىم  چىقىپ قاسا چۇقۇم ئوقۇيىمەن، ئاللا ئىگەم قۇلىڭىزىغا دەت بەرىمىسۇن،
سىزىنىڭ نادىر تىمىڭىزىنى ئوقۇشىقا تەييار مەن  داۋامىلىق يوللاپ تۇرۇڭ،،،،،
    [ بىلىمىگە  تەشىنا يۇرەك ]

ھازىر يېڭى تۇرمۇش رىتىمىنىڭ تېزلىششىگە تېلىفۇن ۋە كومپىيۇتىر ، تېلىۋىزور ....قاتارلىق زامانىۋى ئۈچۈر ۋاستىلىرىنڭ كىشلەر تۇرمۇشىغا سىكىپ كىرشىگە ئەگشىپ كىشلەرنىڭ كىتاپ ئوقۇش قىزغنىلىقى بارا - بارا سۇسلاپ قالدى ، لېكىن بۇ ھامان ۋاقىتلىق ،  كىتاپقا پۇتۇن ۋۇجۇدى بىلەن بىرىلىپ كوردىغانلار ، بىلىم ئىزدەيدىغانلار  يەنىلا بار ، مەن ئىشىنىمەنكى كىتاپنىڭ ئورنىنى ھىچقانداق نەرسە تولۇقلىيالمايدۇ ، كوپ سانلىق كىشلەرنىڭ «كىتاپ ئوقۇشقا ۋاقىت يوق »دىگەن باھانىلىرىمۇ پۇت تىرەپ تۇرالمايدۇ ،كىتاپ -ئەقىل بۇلىقى ، كىتاپ - ئۇ ئىنسان ھاياتىنى يورتىپ بەرگۈچى ماياك ....كىتاپنىڭ ئۇلۇغلۇقىنى تىل بىلەن تەسۋىرلەپ تۇگەتكۈسىزدۇر ، مەن توردىن بۇ بەتنى كورۇپ ناھايتى خۇشال بولدۇم ، مەنمۇ كىتاپقا قىزىقىمەن ، ئايچىۋەرنىڭ تورداشلارغا سۇنغان بۇ مۇھىم كىتاپلار تىزىملىكىنى كورۇپ ، ھەيران قالدىم ، بەزى بىر كىتاپلارنى مەن تېخى كورمىگەن ئىكەنمەن ، چۇنكى مۇھىم تارىخي كىتاپلارنى ھازىر تاپماق بەكمۇ تەس ، رەھمەت سىزگە ئايچىۋەر ! تەشەككۈر !!!!!!!!
توۋەندە مەنمۇ تورداشلىرىمغا ئىككى كىتاپنى تەۋسىيە قىلىمەن :
«قەشقەرىيە» بۇ كىتاپنىڭ ئاپتورى  روسىيەلىك ئا. ن . كوروپاتكىن 19-ئەسىرنىڭ ئاخىرى ۋە 20-ئەسىرنىڭ باشلىرى چار روسىيدە ئوتكەن مەشھۇر كىڭەيمىچىلەرنىڭ بىرسى بولۇپ ، ئۇ ئۆز ھاياتىدا بىر قىسىم ئەسەرلەرنى يازغان «قەشقەرىيە»دەل ئاشۇ ئەسەرنىڭ بىرسى .
-1876يىلى ياقۇپبەگنىڭ ئىلىمىزنىڭ شىنجاڭ رايۇنىدا قۇرغان ھاكىمىيىتى توغرىسىدا خىلى تەپسىلى مۇھم مەزمۇنلر كىرگۇزۇلگەن بولۇپ ، شۇ چاغدىكى شىنجاڭنىڭ تارىخي ئارقا كورۇنىشى ، چۇغراپىيۋى ، سىياسىي ، ئىقىتىسادىي ، ھەربىي ۋە مەدەنىيەت قاتارلىق ساھەلىرىگە مۇناسىۋەتلىك مۇھىم ئۈچۈرلار بىلەن سىزنى تەمىن ئىتىدۇ .....
يۇقارقى تارىخي جەريانلارنى تېخمۇ تولۇقلاپ كورمەكچى ياكى چۇشەنمەكچى بولسىڭىز ئەنگىليەلىك چارلىز . بولگېرنىڭ «ياقۇپبەگنىڭ تەرجىمھالى»نى ئوقۇڭ ،بۇ ياقۇپ بەگىنىڭ ھاياتى توغرىسدىكى كىتاپ بولۇپ ، ياقۇپبەگنىڭ كەچۇرمىشلىرى ئارقىلىق ئۇنىڭ شىنجاڭغا تاجاۋۇز قىلىپ كىرگەنلىكى ، ھاكىمىيەت قۇرۇش ۋە ۋەيران بولۇش جەريانلىرى بىر قەدەر تەپسىلى بايان قىلىنغان .
بۇ كىتاپلارنى ئوقۇش ئارقىلىق سىز ئەينى چاغلاردا  چار روسىيە ۋە ئەنگىلىيە تاجاۋۇزچىلىرىنىڭ
ئوتتۈرا ئاسيادىكى تالش - تارتىشلىرى ۋە ئۇلرنىڭ شىنجاڭنى تالىشش ئەھۋالىنى بايان قىلىغان .

ياشاپ كىتىڭ ئاي چىۋەر رەھمەت سىزگە.

مەن پاەقەت يېرىمدەكنى ئوقۇپتىكەنمەن،رەخمەت.
كىم يەنە تىىخېمۇ كۇپ ئۇيغۇرچە كىتاپ ئوقىغىلى بولىدىغان تور ئادرىسلىرىنى بىلىدۇ؟؟؟؟؟؟