ئەسسالامۇ-ئەلەيكوم!
ئەزىز تورداشلار ياخشىمۇسىزلەر، مەن ئۇزۇندىن بېرى مۇشۇ ھەرقايسى يۇرتلىرمىزنىڭ ئۆزگىچە تويلىردىكى ھەرخىل قائىدە يۇسۇنلىرى تۇغۇرسىدا بىر تېما يوللاشنى ئويلىغان، لىكىن ئاغىنەمنىڭ تويىنىڭ كىچىكىشى سەۋەپلىك بۈگۈنگە سۆرىلىپ كەتتى......
قىنى گەپنى قىسقا قىلىپ، ھەرقايسى يۇرتلارنىڭ ئۆزگىچە تويدىكى قائىدە - يۇسۇنلىرى تۇغۇرسىدىكى مۇنازىرىنى باشلايلى.

نۇرۇز  ئېيىدىكى توي بەزمىمىز:

داستا كەيگۈزۈش پائالىيتىمىز (بۇنىڭدا يىگىتنى كۈيۈۋاتقان ئوتتىن 3 قىتىم ئاتلاتقۇزغاندىن كىيىن،ھويلىغا ئىلىپ كىرىدۇ، ئاندىن تۇققانلىرى رەخىت باغلايدۇ).

يىگىت قزىنىڭ كىرىپ رەختلەرنى يىشۋىتىشىنى كۈتمەكتە(مەن بولسام بۇ قۇتلۇق كۈننىڭ تىزرەك يىتىپ كىلىشىنى ئويلاپ، خىيالغا چۈكمەكتىمەن)

قىز يىگىتنىڭ ئۈستىدىكى رەختلەرنى يەشمەكتە(بەك چىڭ چىگىلگەن)

مىھرىبان ئۇستازلىرمىز بىلەن بىرگە(قالغانلىرى ساۋاقداشلىرمىز)

ئاكا-ئۇكىدەك مۇناسىۋەت باغلىغان، ھاياتلىق يۇلىدىكى سەپداشلار (بۇنداق پۇرسەتنى قولدىن بەرمەي رەسىمگە چۈشۋالدۇق)

ساۋاقداشلىرمىز بىلەن بىرگە

ئاغىنەم، ئەلى(يىگىت) بىلەن بىللە

يىگىت بىلەن يىگىت قولدىشى

بىزنىڭ تۇرپاندا(پىچاندا):
قىز بىلەن يىگىت ئۆزلىرى پۈتۈشكەن بولسا يىگىت تەرەپتىن چوڭلار ئالدى بىلەن ئادەم كىرگۈزىدۇ،
قارشى تەرەپنىڭ ماقۇللىغىنى  ئالغاندىن كىيىن ئىككىنچى قىتىمدا بارلىق چوڭ كىچىك چايلىرنى بىرلا قىتىمدا بېرىپ تۈگىتىدۇ،كىيىنكى قەدەمدەچىللاشقىسىنى قىلىدۇ،بۇ قىتىمدا توينىڭ كۈنىنى بىكىتىدۇ.
كىيىنكى قەدەمدە قىز بىلەن يىگىت ئۆزلىرنىڭ يىقىن ئاغىنىلىرنى،دوستلىرنى قولداش قىلىپ تاللايدۇ.
ئارقىدىن قىزبىلەن يىگىت  توي كۈنى ئىشلارنى ئورۇنلاشتۇرۇش قىلىش ئۈچۈن،مەسلىھەت چاي بېرىدۇ.
شۇنداق قىلىپ توي باشلىنىدۇ.
توي كۈنى ئەتىگەندە نىكاھ ئوقۇلىدۇ.
چۈشتىن بۇرۇن يىگىت تەرەپ قىزنى ئالغىلى بارىدۇ.بارغاندىن كىيىن قىزنىڭكىدە بىر مەيدان توي قىلىپ بەرگەندىن كىيىن قىزنى تويلۇق كىيىملىرنى كەيدۈرۈپ،قوشنىسىنىڭ ئۈيىدىن،ئۆزئۈيىگە  ئىلىپ چىقىدۇ(يىگىت،قىز قولداشنىڭ ھەمرالىقىدا)ئاتا-ئانىسىنىڭ دۇئاسىنى ئالغاندىن كىيىن
ماشىنىغا سىلىپ ئىلىپ ماڭىدۇ،يول بۇيى ھەربىر دۇقمۇشتا بىردىن قول ياغلىق تاشلىنىپ ماڭىدۇ.
يول بۇيى خالىغانلار ماشىنىنىڭ ئالدىنى  رەخىت  تارتىپ تۇسىدۇ،يول بۇيىغا بىر ئۈستەل تۇختىتىپ ھەر خىل يىمىش،چاي،مىۋە-چىۋىلەرنى تىزىپ قۇيىدۇ.ياشلار بىر مەيدان ئۇسۇل ئويناپ بەرگەندىن كىيىن ئاندىن ماڭغىلى قۇيىدۇ،مىھمانلارنى ئۇسسۇزلۇق ئىچىشكە تەكلىپ قىلىدۇ.مۇشۇ يۇسۇندا قىز بىلەن يىگىت ئۈيىگە كىلىدۇ.
قىزنى ئەكىلۋالغاندىن كىيىن،يىگىتكە داستا كەيگۈزىدۇ.يەنى سىرىتقا يانتاققا،ياكى  ئوتۇنغا ئوت ياققاندىن كىيىن يىگىتنى  ئاغىنىلىرى يۈلەپ ئوتتىن 3 قىتىم ئاتلاتقۇزغاندىن كىين ئۆيگە ئىلىپ كىرىدۇ.قىز يىگىتنىڭ بەدىنىگە قاتمۇ-قات قاتتىق چىگىلگەن رەختنى يەشكەندىن كىيىن(يىشىش ئاسانغا چۈشمەيدۇ)يىگىتكە 3 تەزىم قىلىدۇ.
بۇنىڭدىن كىيىن كەچلىك  توي بەزمىسى باشلىنىدۇ،ئادەتتە 4 سائەت ئەتراپىدا داۋاملىشىدۇ،(شارائىتى بارلار كەچلىك توي بەزمىسىنى ئاساسەن رېستۇراندا قىلىدۇ).
ئەتىسى  ئەتىگەندە قىز يىگىتنىڭ قورۇسىنى پاكىزە تازىلايدۇ،يىگىتنىڭ بارلىق ئۇرۇق تۇققانلىرغا ئەتىگەنلىك ناشتا تاييارلايدۇ
كەينىدىن يىگىت  يىقىن دوسلىرى بىلەن قىزنىڭ ئۈيىگە بارىدۇ،بۇ چاغدا يىگىتنىڭ دوسلىرى
قىزنىڭ ئۈيىدە قۇلىغا چىققان نەرسىلەرنى باشقىلارغا تۇيدۇرماي قوينىغا تىقىپ ئىلىپ چىقىپ كىتىدۇ.
مۇنداقچە ئېيىتقاندا ئۇغۇرلۇق قىلىدۇ،(مەن بىچارە بەك ھەرەج تارتىپمۇ بىرنەرسە ئۇغۇرلىيالمىدىم،چۈنكى ئۇلار بىزنى قۇپقۇرۇق ئۆيگىلا باشلىغانىدى).......شۇنىڭ بىلەن بىرگە بىز قىزنى ئىلىپ كىتىمىز،ئۇغۇرلاپ ئىلىپ كەلگەن نەرسىلەرنى قىزغا كۆرسىتىمىز،قىز تۇنۇيالىسا قايتۇرۇپ بېرىمىز،تۇنۇيالمىسا ئىلىپ قالىمىز(چوڭلارنىڭ دىيىشىچە بۇ ئۇسول ئارقىلىق قىزنىڭ ئىشچان ياكى ئەمەسلىگىنى بىلۋالغىلى بۇلىدىكەن.) شۇنداق قىلىپ  توينى ئاخىرلاشتۇرمىز.....

قىنى تورداش سىزنىڭ يۇرتىڭىزنىڭ توي مەرىكىسى قانداق ئۈتكۈزۈلىدۇ؟


[ بۇ يازما manggutax تەرپىدىن 2008-03-24 16:50 دە قا ]