بۇ كېچە
(غەزەل)
ئاپتورى : ئۆركىشى
ئۇيقا كەلمەس كۆزلىرىمگە زىنھار بۇ كېچە ،
قىلىمەن خىيالەن سۆيگۈ ئىزھار بۇ كېچە .
پاك سۆيگۈمنى ئەي نىگار قىلمىغىن گۇمران ،
بەختىم ئۈچۈن تىزىمەن سۆيگۈ گۈلزار بۇ كېچە .
بۇ ھاياتنىڭ يوللىرىدا يۈردۈم تەمتىرەپ ،
كەتتى ئالەم ئۇيقىغا ، مەنلا مۇڭزار بۇ كېچە .
ئېنىق ئىسىمدە سەن بىلەن ئېيىتقان ناخشىلار ،
ئۆتكەن ئاشۇ كۈنلەرگە بولدۇمغۇ زار بۇ كېچە .
مىڭ پاتمان ئازاپتىن ئاچسام كۆزۈمنى ،
ھەسرەتلىك ياش تۆكتى ئايمۇ زار-زار بۇ كېچە .
تەلمۈرۈپ يىراققا قارايمەن ئۇزاقتىن ئۇزاق ،
يار ۋەسلىگە بولغاچ دىللار زار-زار بۇ كېچە .
2008-يىلى3-ئاينىڭ 23-كۈنى .مەكىت[/color]