تۆۋەندىكسى تارىختا ئۆتكەن بىر قىسىم مەشھۇر شەخسلەرنىڭ ئەقلىيە سۆزلىرى. بۇ ئەقلىيە سۆزلەر ئەينى ۋاقىتتا ئاڭلىماققا خېلى چوڭقۇر مەنىگە ئىگىدەك قىلسىمۇ، يىللارنىڭ ئۆتۈشى بىلەن بىمەنە سۆزلەرگە ئايلاندى.
  1. ھەربىر ئائىلىدە بىردىن كومپېيوتېر بولۇشنىڭ زۆرۈرىيىتى يوق.
  __ 1979-يىلى، كېننېت ئولسېن، د ئې س نىڭ ئاساس سالغۇچىسى ۋە د ئې س شىركىتىنىڭ باش لېدىرى.
  2. ئايرۇپىلان قىزىقارلىق ئويۇنچۇق، ئۇنىڭ ھەربىي ئىشلاردا ھېچقانداق قىممىتى يوق.
  __ 1891-يىلى، فېردىناد فوچ، فرانسىيە قۇرۇقلۇق ئارمىيە مارشالى، ھەربىي ئىستراتېگىيىچى، بىرىنچى دۇنيا ئۇرۇشىنىڭ قوماندانى.
  3. كەلگۈسىدە پەن-تېخنىكا قانچىلىك تەرەققىي قىلغىنى بىلەنمۇ، ئىنسانلار ئايغا چىقالمايدۇ.
  __ 1967-يىلى، دوكتور لې فېرېستې، ئۈچ قۇتۇپلۇق لامپىنىڭ ئىجادچىسى، رادىئو قوبۇللىغۇچنىڭ پىرى.
  4. تېلېۋىزور بازارغا سېلىنىپ ئالتە ئايدىن كېيىن سودىسى بولمايدۇ. كىشىلەر ھەر كۈنى تېلېۋىزورغا قاراۋېرىپ ئۇنىڭدىن تېزلا زېرىكىدۇ.
  __ 1946-يىلى، داررىل زانوك، 20-ئەسىر فوكس شىركىتىنىڭ باش لېدىرى.
  5. بىز ئۇلارنىڭ ناخشىلىرىنى ياقتۇرمايمىز، يەنە كېلىپ، گېتار مۇزىكا ئەتىرىتى ھازىر مودىدىن قالدى.
  __ 1962-يىلى، ئەنگىلىيە دېك پلاستىنكا شىركىتى «ئۇزۇن چاچلىقلار» مۇزىكا ئەتىرىتىنى قوبۇل قىلمىدى.
  6. كۆپ قىسىم كىشىلەر ئۈچۈن تاماكا چېكىش پايدىلىق.
  __ 1969-يىلى، لوس ئانژېلېسلىق تاشقى كېسەللىكلەر دوختۇرى گ.ماك دونالدنىڭ «ھەپتىلىك خەۋەر» ژورنىلىدا نەقىل كەلتۈرگەن سۆزى.
  7. تېلىفۇننىڭ نۇقسانلىرى بەك كۆپ، ئۇنى ئالاقىلىشىش قورالى قىلغىلى بولمايدۇ، شۇڭا بۇنداق نەرسىنىڭ بىزگە ھېچقانداق پايدىسى يوق.
  __ 1876-يىلى، غەرب بىرلەشمە شىركىتىنىڭ «ئىچكى باياناتنامە»سى.
  8. يەر شارى كائىناتنىڭ مەركىزى.
  __ ئىككىنچى ئەسىر، كلاۋدىئۇس پتولېمائۇس، قەدىمكى گرېتسىيىلىك ئاسترونوم.
  9. بۈگۈن ھېچقانداق چوڭ ئىش يۈز بەرمىدى.
  __ 1776-يىلى، ئامېرىكىنىڭ مۇستەققىل بولغان كۈنى، ئەنگىلىيە پادىشاھى گېئورگى.
  10. ئىجاد قىلىنىشقا تېگىشلىك نەرسىلەرنىڭ ھەممىسى ئىجاد قىلىنىپ بولدى.
  __ 1899-يىلى، چارلىس دۇيېر، ئامېرىكا پاتېنت ھوقۇقى ئىدارىسىنىڭ باشلىقى.

مەنبە:«تەرمىلەر»ژورنىلىدىن ئېلىندى.
2008-03-24-12:40