رومكىدىكى قىز
ھەي قىز،
بىر چاغلاردا
كىيىك ئىدىڭ تاقلاپ ھارمىغان،
تايچاق ئىدىڭ داۋان ھالقىغان.
ئاناڭ سەندىن كۆرەتتى
بالىلىغىنى.
داداڭ سەندىن كۈتەتتى
نۇزۇگۇمنىڭ جەسۇرلىغىنى.
قۇياش،تاغلار،دەريا،يۇلتۇزلار...
سەندىن سوراپ ھارمايتتى:
مەھمۇت،سادىر،نەفىسە قېنى...؟
ئانا بولۇپ
تۇغۇپ بەرسەڭ شۇلارنى بىزگە
سورىۋالاتتۇق
ئۇلار ماڭغان يوللارنى....!
ئەپسۇس ،سەن كىم كىيگىنىڭ نىمە؟!
رومكاڭدىكى لىغىرلاپ تۇرغان
داداڭنىڭ چاك-چاك يېرىلغان
قوللىرىدىن تامچىغان قانمۇ؟
ياكى ئاناڭنىڭ
كىرپىك قاقماي كەلگۈسۈڭ ئۈچۈن
تىزىپ چىققان گۈلدەستىلەرنىڭ
بەرگىسىدىن تۆۈلگەن ياشمۇ؟!
ھەي قىز...
ئاناڭ سەندىن تاپاتتى
بالىلىغىنى.
داداڭ سەندىن كۈتەتتى
نۇزۇگۇمنىڭ جەسۇرلىغىنى
ئەپسۇس ! مىڭ ئەپسۇس !!!
مەنبە:ئىجادىيەت