مېنىڭ ئەتەم
ئۆتتى بىر كۈن تۇنۇگۈندەك مەنىسىز ،
بەلكىم ئۆتەر ئەتىمۇ ھەم بىر خىلدا .
سۆيۈشمۇ يوق ، سۆيۈلۈشمۇ يوق ئەمدى ،
مەنلا مەۋجۇد ،ھېچ كىشى يوق يېنىمدا .
يىراقلاردىن ئۇچۇپ كەلگىن تۇرنىلار ،
قونۇپ ئۆتمەس بولدى غېرىپ كۆلبەمگە .
قۇياش ئېلىپ كەتتى يازغان خېتىمنى ،
مەغرىپتىكى قىزغۇچ تاغنىڭ كەينىگە .
زېرىكىشلىك تۇيۇلماقتا ياشاشمۇ ،
ئۇھ تارتقانچە يېنىپ مۇۋھۇم قىرلاردىن.
كۆرۈنمىدى گۈل كۆتۈرگەن پەرىشتەم ،
يېشىم سىڭگەن ئەشۇ پىنھان يوللاردىن .
تۇمان بولۇپ ئاچچىق سىگارت ئىسلىرى ،
قاپلىماقتا ئىنسۇ-جىن يوق ھۇجرامنى .
ئەشۇ تۇمان ئارىسىدا ساقلايمەن ،
ئۈمۈد بىلەن كەلگەن گۈزەل ئەتەمنى .
مەنبە قەلمىم