ھايات دىگەن ئاجايىپ نىمە . ئىلگىرىكى دەۋىر كىشىلىرى ھاياتنى ئاققان سۇدەك تىز دىگەن بولسا ھازىرقى دەۋىردە ئاتقان ئوقتەك تىز ئۆتىۋاتىدۇ دىسەك مۇبالىغە بولمايدۇ. ۋاقىتنىڭ تىز ئۆتىۋاتقانلىغىنى بەزىدە ھىس قىلىمىز بەزىدە ھىس قىلالمايمىز . بەزىدە ئۇزۇمنى كىچىكلا بالىدەك ھىس قىلىمەن . لىكىن بۇرۇن مىنى ئۇكا دەپ گەپ قىلىدىغانلارنى كوچىلاردا ئۇچراتماق تەس بوپ كەتتى . بالام دەپ گەپ قىلىدىغانلارنىڭ كۇپىنچىسى ئاپىرىپ كۇمۇپ قويدۇق . كوچىلاردا مىنى ئۇكا دەپ چاقىردىغانلار ئاكا دەيدىغانلارغا ئالماشتى . ھەي ئەمدى چوڭ بوپتۇق جۇمۇ دەپ تۇرساق ھارماڭ دادا دەپ بىر بالا ئالدىمىزغا كىلىدۇ . بىز ھەيرانلىق بىلەن سىز كىمنىڭ بالىسى دەپ سورىساق ئالدىنقى يىللىرى تويغا سازلارنى چىلىپ تويىنى قىلىپ قويغان بۇرادەرلىرىمىزنىڭ بىرىنىڭ بالىسى بۇلۇپ چىقىدۇ. ھەي كاساپەت يىللار مانا نەچچە يىلنىڭ ئالدىدا مۇھەببەتنىڭ ھەسرىتىنى چىكىپ بىز سۇيگەن ۋە دەردىنى تارتىپ يۇرگەن قىزلارنى تاڭ ئاتقىچە ئەسلەشتىن قۇتۇلماي تۇرۇپ ئۇ قىرىپ كەتكەن ۋە ھارغىن ھالەت بىلەن تۆت بالسنى ئەگەشتۇرۇپ ئالدىمىزدىن ئۆتۇپ قالىدۇ.چاچلىرىمىز چۇشۇپ ئاقىرىپ كىتۋاتسمۇ ھېسيات يەنە ياش . يۇرەك ئون سەككىزدە جالاقلاپ سوققىنى سوققان. ھىچ بولمسا يۇرەكنىڭ سوقدىغانلغىنى ئۇنتۇپ قالاي دىگەندە ئالدىمىزدىن بىر چىرايلىق قىز ئۇتۇپ قالسا ئايالىمىزغا خىيانەتلىك ھسيات ئىچىدە ئۇنىڭغا ھەۋەس بىلەن قاراپ كىتشلىرىمىز بىزنىڭ پسخىكمىزنى يەنە ئون بەش ياشقا ئاپىرىپ قويىدۇ . ھەي كىم مىنى چوڭ ئادەم دەيدۇ دەپ تۇرساق ئوتتۇز ياشقا كىرگەن تۇغۇلغان كۇنىمىزدە ئايالىمىز ياشانغانلار كىيىدىغان پەلتۇ بازىردا بىزنى چۇرگىلىتپ يۇرۇپ ساراڭ قىلىپ قويىدۇ. ھەي مەن دىگەن تىخى ياش دەپ ئارقىمىزغا قاراپ باقساق قىلغان ئىشنىڭ تايىنى يوق راس شۇ ياشقا كىرىپ قالغان . ياشلىقتا چىكىدىغان ھەسرەتلەرنى بالىمىزغا ئۆتكۇزۇپ بەرمەي تۇرۇپ قىرىلىق ، ھارغىنلىق ئالامەتلىرى بىزگە خىرىس قىلىپ كىلىۋاتقان . پات پات مىجەزىمىز يوق بۇلۇپ يىتىپ قالساق بىزنى يوقلاپ كىرگەن خوشنىلار ئادەت بويىچە ئادەم ياشانغاندا ئۇششاق چۇششەك كىسەلدىن يىراق تۇرغىلى بولمايدۇ سەۋرى قىلىڭ دەپ تەسەللى بىرۋاتقان . ھەي مەن تۇنۇگۇن تىخى قىيغىتىپ يۇرگەن بىر بالا ئىدىمغۇ دەپ ئۆزىمىزدىن سوراپ تۇرساق ساۋاغداشلار نەۋرەم دەپ باشلانغۇچ مەكتەپكە كىرگەن نەۋرىلىرىنى ئەگەشتۇرۇپ ئۆيگە كىرىۋاتقان . مانا ھايات دىگەن مۇشۇنداق تىز ئۆتىدۇ. لىكىن يالغۇزلۇقنىڭ ھەسرىتى يۇرەكنى ئەزگەندە ئامالسز دوستلار بىلەن كەچلىك بازارلاردا تىنەپ يۇرگەن ئىشلار . ئۇرۇش جىدەل ۋاقىراش جارقىراشلار ئىچىدە ئۆتكەن ھايات . قايسدۇر بىر قىزلارنىڭ چىرايلقلىغى ھەققىدە پاراڭ قىلشپ گىلىمىزغا قاپلشىپ قالغان شۇلگەيلىرىمىزنى يۇتۇشقا ئۇلگۇرمەيلا قىزلىرىمىز چوڭ بۇلۇپ قىلىۋاتقان . بىز سۇيگەن قىزلارنىڭ خۇددى بىز ئەڭ ئەرزىمەس ئادەمدەك تاشلاپ كىتىپ يۇرەكنى قان قىلغانلىرىنى شېئىرلارغا قوشۇپ ئەمدى ئۇنىڭ موزىكسنى ئىشلەپ بولغىچە ئۇلارنىڭ چىشى چۇشۇپ ماكاشلاپ قالغان . باللىق چاغدىكى ۋە ياشلىق ھىسياتلىرىمىزىنىڭ تىخى ئەستىن كۇتۇرۇلمىگەن ھەسرەتلىرى ۋە خۇشاللىقلىرى ئەستىن چىقماي تۇرۇپلا يەنە يىڭى بىر يىلنى كۇتىۋىلىۋاتقان . زىرىكشلىك ھايات . ئاستدەكلا ئادەمنىڭ ئىچىنى سىقىپ ئەركشنى ئەرلىگىدىن . ئايالنى ئاياللىغىدىن زىرىكتۇردىغان ئەزمە ۋاقىت ھەممىزنىڭ ۋۇجۇدىنى مانا مۇشۇنداق كۇرۇنمەس چشلىرى بىلەن غاجاپ كونىرىتپ بىزنى قىرىشقا . ئۇلۇمگە قاراپ ھەيدەپ كىتىۋاتقان . بۇ رىئاللىقنى قۇبۇل قىلماي دىسە تىخى قۇبۇل قىلاي دىسە تىخى.ئنساننىڭ بىر ئۆمرى مانا مۇشۇنداق ئەھميەتسز ئىشلار بىلەن پالاقلاپ ئۆتۇپ كىتدىكەن. لىكىن ئەركىشى ھىس قىلمامدۇ ياكى ئايالمۇ شۇنداقمۇ بىلمدىم ئىش قىلىپ ھايات ناھايىتى تىز ناھايىتى .
بەزىدە سىرىتلاردا يول يۇرۇپ قالسام كوچىلار ساپلا بىز تونۇمايدىغان ئادەملەر بىلەن تولۇپ كىتىدۇ . قىزلار ئەمدى ئانسىنىڭ ئەمچىگىدىن ئايرىلغان تايدەك جۇشقۇن روھ بىلەن يۇرەككە دەسسەپ دىگەندەك كتىۋاتقان ھالىتىنى كۇرگەندە كۆزلەر قايتا باشتىن رۇشەنلىشپ بىر چىرايلىق قىزلارنى كىملەرگىدۇ ئوخشتىش ئىچىدە دوختۇرخانىغا كېسەل كۇرسەتكىلى ماڭغىنىمىز ماڭغان . مانا ئۆمۇر مۇشۇنداق ئۇتۇپ دۇنيا مۇشۇنداق تۇگەپ كىتىدۇ . يەكەندە باي ئۆتكەن بىر ئادەم بۇلىدىغان . ئۇ ماڭا نۇرغۇن گەپلەرنى قىلىپ بىرەتتى . ئۇ چاغدا مەن كىچك ئىدىم . ئۇ ماڭا ئۇكام قىزلارنى يەر يۇتۇپ كتەمدىكىن دەيمەن . شۇنداق چىرايلىق قىزلار شەھەرنىڭ كوچىلىرىغا لىق كىلىپ ياشلىق دەۋىرنىڭ بىرنەچچە يىللىق پەيزىنى سۇرىۋالغاندىن كىين تۇيۇقسزلار يوقاپ كىتىدۇ . ئۇلارنى ئەرگە تەگىدىمىكىن دىسەك يەنە بىر ئولتۇرۇشلاردا ئۇچراپ قالىدۇ. ئۆلدىمىكىن دىسەك ھاياتتەك . تىرىكمىكىن دىسەك دىرەك يوق . مۇشۇ تەڭ ئۆسكەن قىزلارنىڭ كوچىلاردىن يوقاپ كىتىشى ئادەمنىڭ روھىنى چۇشۇرۋىتىدۇ دەپ بىرەتتى . راس مەن يۇرىتتىن ئايرىلىپ نەچچە يىلدىن كىين كەلسەم مەندىن ئون ياش كىچىك باللارمۇ بىردىن بالىنىڭ دادىسى بۇلۇپ بوپتۇ . قىزلار ئەرگە تىگىپ تۇگەپتۇ . ئىشلار پۇتۇنلەي قالايمقان بۇلۇپ كەتكەندەك كۇرۇنگەن ئىدى .كيىن ئۇرۇمچىگە كىلىپ خىزمەتكە چۇشتۇم .شۇ مەزگىلدە مەن بىر توپ ئاياللارنىڭ قاتار چىيىغا كىرىپ قالدىم. ئۇلار شۇنچىلىك ياش ھەم چىرايلىق لىكىن روھسز ۋە چۇشكۇن ئىدى . ئىچەتتى . چىكەتتى . ئىچىپ مەس بۇلۇپ ئەتىرنى باشتى تۇكۇپلا چىققان تۇرقى بىلەن تولغان كۇكسنى مەيدەمگە چىڭ يىقىپ تۇرۇپ ھارغىچە يىغلايتتى . ئۇلار نىمە ئۇچۇن يىغلىغانلىغىنى بىلمەيۋاتسا ئۇلارنىڭ نىمە ئۇچۇن يىغلغانلىغىنى مەن نەدىن بىلەي؟ مەن چىرايلىق ئاياللارنىڭ ئۇزاق يىغلشنى ، يىغىلغاندىمۇ قىقىلىپ يىغلىشنى ياخشى كۇرىمەن . چۇنكى ئۇلار يىغلغاندا ئەڭ سەممى ھالىتنى تىپىۋالىدۇ . ئاياللار يىغلسا ئىچ ئاغىرىتىش گۇدەك يىگىتلەرنىڭ تۇنجى سۇيگۇسىدىلا بۇلىدۇ.شۇڭا ئايالىمنىڭ مەندىن نارازى بۇلۇپ يىغلىشنى مەن توسمغاچقا ئۇ مەندىن بەك رازى .چۇنكى مەن ئۇنىڭ يىغلاش ھوقۇقىنىمۇ تارىتىۋىلىپ ۋاي نىمە بولدىڭىز دەپ كىرىشۋالسام ئۇنىڭ ئىچى تىخىمۇ پۇشۇپ تىخىمۇ يىغلاپ كىتىشى مۇمكىن . چۇنكى يىغلاش ئازاپتىن بەكرەك ئادەتلنىش مەسلسى . بىر ئايال ئەڭ قىممەتلىك نەرسسدىن . سۇيگەن ئادىمدىن ئايرىلىپ يەنە ئەرگە تىگىپ ياكى پاھىشە بۇلۇپ كىتىپ چىدىسمۇ لىكىن يىغلىماي ياشيالىشى مۇمكىن ئەمەس . شۇڭا ئاياللارنى يىغلىغىلى قويۇش كىرەك چۇنكى ھايات بەك تىز . ئايال ئوقتەك ھاياتتا تىز تىز يىغلاپ ياشتىن ئىبارەت ئادەمنىڭ ئۆمىرىنى قىسقارتىۋىتىدىغان زەھەرنى بەدىنىدىن سىقىپ چىقىرىۋەتمسە ئاخىردا بىز بەختسز بۇلۇپ قالىمىز . شۇڭا ئاياللارنىڭ ئۆمىرى ئۇزاق بۇلىدۇ . ئاياللار كاللسنىڭ سۇينى ياش بىلەن چىقىرىۋىتەرمىش شۇڭا خاتىرجەم ياشاش ھەم ئاياللارنىڭ ئۆمىرىنىڭ ئۇزۇن بۇلۇشىنى قۇرۇق تىلەك بىلەن تىلىمەي ئۇلارنى قانغىدەك يىغلىغىلى قويۇشنىڭ ئۆزى ئۇلارنى جىنىدىن بەك ياخشى كۇرۇشنىڭ ئىپادىسى
تۇرۇپ ئەسلەپ قالىمەن. ھايات مۇشۇنداق تىز ئۆتىۋاتىدۇ. لىكىن بىز يەنىلا بىخۇتلۇق بىلەن ياشايمىز . ھىچ ئىش قولىدىن كەلمەيدىغان ئەزىزلەرنىڭ قولىدىن باشقا جىنسقا بولغان قىززىقىش بىلەن باشقىلارنىڭ غەيۋىتىنى قىلىش بولسمۇ كىلىدۇ يامانلىرىنىڭ قولىدىن خيانەت كىلىدۇ. بىز تىرىشتۇق. بار كۇچمىز بىلەن تىرىشتۇق . لىكىن تىرىشپ تاپقىنىمىز نىمە؟ ئارمان قاپاقىلرىمىز ھىلھەم قەلەندەرنىڭ خورجۇندەك بوش تۇرۇپتۇ. لىكىن بۇنىڭلىق بىلەن بوشاپ قالمىدۇق . ئۆمۇردىن ئۇزاق ئۆمىت ھامان بىزنى بەزلەپ كەلدى . لىكىن تىرىشپ تاپقان دۇنيا . تاپقان نام شۇھرەت تايىنلىق . يەنىلا مائاشنى قاچان بىردىكەن دىگەن سۇئال كاللىمىزدا موھىم ئىشلارنىڭ تەركىۋىدە سۇرۇلۇپ يۇرىيدۇ . ئەرلەر ئەزەلدىن ئايالنىڭ ئالدىدا بىر بالا.چوڭ ئادەمنىڭ سالاپىتى. بىلمى . تۇرقى كاستيۇملىرى چوڭ يولدا قالىدۇ . پىنھاندىكى يەتمىش ياشلىق بىر ئەركەك ئون يەتتىگە كىرگەن بىر قىزنىڭ ئالدىدا قۇل ھەم تىخى گۇدەك بىر بالا . لىكىن قىزلار قىنى دىگەن بىر سۇئال بىلەن مەن كۇتكەن باللىق چىغىمىدا خىيال قىلغان مۇھەببەت ۋە مەن تىرىشىپ ياراتماقچى بولغان دۇنيا قىنى؟ دىگەن بىر سۇئال قەلبىمنى ئاچچىق قىلىپ قويىدۇ . بەزىدە تاماكا تاشلايمەن بەزىدە ھاراق . لىكىن ھىچ نەرىسنىڭ بىر بىشنى . نەتىجسنى كۇرسەتمەيدىغان ھاياتنىڭ ئەرزىمەس يوللىرى بىزنى قىرىتىشىن باشقا بىزگە ھىچ نەرسە بەرمەيدۇ . ئاخىرى بىز سۇيگەن قىزلارنىڭ ۋاپاسىزلىقلىرى بەدىلىگە يەنە بىر ئايال جنسنى نىكاھىمىزغا ئىلىپ پىشانەمگە پۇتكىنى مۇشۇ ئىكەن دەپ ئۇنىڭ بىلەن بىر ئۆيدە ياشايمىز. باللىق بۇلىمىز . باللىرىمىزنىڭ غىمى بىزنى ئاستا ئاستا قىرىتىپ بىر يەرگە ئاپىرىدۇ . ياشلىق ھسياتلىرى پات ئىسمىزگە كەلگەندە جوھىت بوپ كەتسەممۇ بىر ئىچەي دەپ چىلاشقىچە ئىچىپ بارلىق ئازاپتىن قۇتۇلماقچى بۇلىمىز. لىكىن ئازاپ ئۆز پىتى باش ئاغىرىنى ئاغىرىغان . شۇنىڭ بىلەن ھاراقنىڭ چشلىۋالغان سىېسىق چىشنى چاقىمىز دەپ بىر كۇننى ئۆتكۇزىمىز . ئەتىسى بىلىم ئالاي جۇمۇ دەپ كىتاپقا قاراپ باقىمىز . كىتاپ يەنە ئۆز پىتى تۇرغان. بىزدە بىلىم ۋە ئىقتىدار بەك كۇپ بولمسمۇ ھەر ھالدا بار.لىكىن ئۇنى ئىشلتىپ پۇلغا ئايلاندۇرغىدەك جاھان ۋە شارائىت يوق . شۇنىڭ بىلەن يەنە ئۆلپەتلەر بىر يەرگە كىلىپ قالمىز دۇتتار قولغا چىقىدۇ . قىزلارنىڭ پارىڭى ئىغىزغا چىقىدۇ. قەسەملەر . ۋەدىلەر باشلىندۇ. يەنە بىر كۇن ئۇتۇپ كىتىدۇ . نەزىرىمىزىدە بىز ياش. بىز سۇيگەن قىزلار بىر كۇنلەردە پۇشايمان قىلىپ ئالدىمىزغا يۇكۇنۇپ يىغلايدىغاندەك ھىسيات ئىچىدە ئۆزىمىزگە تەسەللى بىرىمىز . لىكىن بىزنى قىرىتىپ كىلىۋاتقان ھايات بەختسز باللىرىمىزنى ئاشىغلىق يولىغا سالىدۇ. ھايات دىگەن نىمە ؟ دىگەن سۇئالغا جاۋاپ تاپماي تۇرۇپ بىرسمىز ئەيدىز بۇلىمىز بىرسمىز راك . شۇنىڭ بىلەن ئارزۇ ئارمانلرىمىزىنى تاشلاپ قويۇپ كېسەل ئازابىدا تولغانغىنمىز تولغانغان . شۇنىڭ بىلەن بىزگە ھىچ نەرسە بەرمىگەن دۇنيا كۆلكە كەتمەيدىغان چىرايىمىزنى تىخىمۇ سارغايتىپ تىرىك ھالەتتە نەچچە قىتىم قەتلى قىلىدۇ . شۇ چاغدا ھاياتنىڭ ئازاپ ۋە دەرىت كۇلپەتتىن باشقا ھىچ نەرسە ئەمەسلىگىنى ئەسكە ئىلىپ بىلىم ئىلىپ ياخشى ئادەم بۇلۇش مەخسەتلىرىمىز ھەققىدە پات پات ئويلىنىپ قالىمىز. دۆم يىتىپ دۈم قوپوپ ئۆگەنگەنلىرىمىز ئۇچۇن ئازاپ بۇلاقلىرىدىن قانغىدەك بىرىپ قالغىننى ئۇ دۇنياغا ئامانەت قىلىپ قويىدۇ . ئاندىن بىزنىڭ تەڭتۇشىلىرىمىز دۇنيادىن ئۇزاشقا باشلايدۇ . ئارقىدىن بىز جاننىڭ غەلىۋىسى ۋە تەشىۋىشى بىلەن مەڭگۇلۇك سەپەرگە ماڭىدىغانغا تەييارلىق قىلمىز . ئاخىرىقى ھاياتتا ئەسلسەك ھىچ نەرسنىڭ ئاقمايدىغانلىغنى ھەم ئاقمغانلىغىنى ھىس قىلمىز . بىز بىلەن تەڭ تۇغۇلغان لىكىن تەلەيلىك ئادەملەرنىڭ نەچچە يۇز مىڭ سومغا يۇرەك جىگەر ئۆپكە ئالماشتۇرۇپ يەنە مەغرۇر ياشاۋاتقانلىغى بىزنىڭ ھەستىمىزنى كەلتۇرىدۇ . پۇل تاپالمىغان . زىيالىيلىغىمىز شۇ پىتى ئۆزى بىلەن كىتىدۇ.ئەنە شۇ چاغدا بالزاكنىڭ دۇنيادا ئازاپتەك مۇكەممەل نەرسە يوق دىگەن سۇزى ئسمىزگە كىلىدۇ. لىكىن قان سوۋىغان . تەن زەئىپلەشكەن . جەڭگىۋارلىق ئۆمىتسزلىك ئىچىدە تۇگەشكەن . ئارمانلار ئۆلگەن . جاسارەت بىزدىن ۋاز كەچكەن ئاشۇ يىللارنىڭ قوينىدا ئەزرائىل جاننى ئىلىپ بولغىچە بىز ئاللىقاچان ئۆلگەن بۇلىمىز شۇنىڭ بىلەن دۇنيامۇ تۇگەيدۇ قىزلارمۇھەم دۇنيامۇ ھەم


مەنبە:  قەلەم


[ بۇ يازما ajrim تەرپىدىن 2008-03-24 10:47 دە قايتا ]