(يۇلدۇزئاي) بېيجىڭدا نورۇز شاتلىقى .

مۇلازىمەتلەر
بانكىسى
دوستلۇق توپى
مېدال مەركىزى
قۇرال مەركىزى
بىلوگۇم
ئىزدەش قۇرالى
ئېلان مەركىزى
ئۇلىنىش
ۋەزىپە
كىيىم دۇكىنى
تور تېلۋىزىيىسى
ئىش ئورنى
تەلەپ قانىلى
Flash
چۈشۈرۈش

دىيارىم مۇنبىرى » ﺧﻪﯞﻩﺭﻟﻪﺭ » (يۇلدۇزئاي) بېيجىڭدا نورۇز شاتلىقى .

« 1 2» Pages: ( 1/2 total )

بۇ بەتتىكى تېما: (يۇلدۇزئاي) بېيجىڭدا نورۇز شاتلىقى .	پرىنتلاش \| IE دا ساقلىۋېلىش \| تېما ساقلاش \| ئالدىنقى تېما \| كېيىنكى تېما


بۇ تىما 3584 قېتىم كۈرۈلدى .

Yulduzay

تەجىرىبە:

UID نۇمۇرى : 14

دەرىجە: باشقۇرغۇچى

تور دەرىجىسى :

نادىر تېما: 5

يازما سانى: 902

ئۇنۋان:11 دەرىجە ھازىرغىچە902دانە

شۆھرەت: 761 نۇمۇر

پۇل: 1644 دىيارىم تەڭگىسى

تۆھپە: 0 نۇمۇر

باھا: 0 نومۇر

تىزىملاتقان ۋاقىت:2005-10-11

ئاخىرقى كىرگىنى :2008-03-27

(يۇلدۇزئاي) بېيجىڭدا نورۇز شاتلىقى .

بۇ يازمىنى Ataman ﻣﯘﻧﺒﻪﺭ ﺋﯩﺸﺨﺎﻧﯩﺴﻰدىن بۇ سەھىپىگە كۆچۈرۈپ كەلدى(2008-03-23)


	دىيارىم تورى خەۋىرى : 2008-يىلى 3-ئاينىڭ 22-كۈنى بېيجىڭ مەركىزىي مىللەتلەر ئۇنۋىرسىتىتىدا 22-قېتىملىق نورۇز بايرىمىنى تەبرىكلەش پائالىيىتى ئۆتكۈزۈلدى . پائالىيەتكە مەكتەپ رەھبەرلىرى ، بېيجىڭدىكى ھەر قايسى ئىدارە-ئورگانلاردا خىزمەت قىلىۋاتقان ، ئوقۇۋاتقان ، تىجارەت قىلىۋاقان ئۇيغۇر قېرىنداشلاردىن بولۇپ 1000 دىن كۆپرەك كىشى قاتناشتى . بۇ قېتىمقى نورۇز ئالدىنقى قېتىملاردىكىگە قارىغاندا مەزمۇنىنىڭ موللىقى بىلەن كەڭ قاتناشقۇچىلارنى ھاياجانغا چومدۈردى . پائالىيەت كۈنى شۇ جاي ۋاقتى سائەت 12:00 دە باشلانغان بولۇپ ئاۋال مەكتەپ مەيدانىدا ساما ئۇسۇلى ، تەپكۈچ تېپىش ، ئارغامچا سەكرەش ، ئارقان تارتىش . . . پۇتبۇل مۇسابىقىسى ئۆتكۈزۈلدى . كەچ سائەت 6:00 دە مەكتەپنىڭ مۇزىكا زالىدا نورۇزلۇق كەچلىك ئەدەبىيات - سەنئەت كىچىلىگى ئۆتكۈزۈلدى . پائالىيەت ئوتتۇرسىدا «نورۇز بوۋاي» ئابدۇرەئوپ پولات تەكلىماكانىي : «باھار شامىلى بىلەن نورۇز بوۋاينىڭ سۆھبىتى» : ___ «كاشىغەرىي يىلى بۇ ، پەخىرلەن ئۇيغۇر ! » ناملىق تەلقىنلىق نەسىرىنى ئوقۇپ تاماشىبىنلارنىڭ قەلبىدە تېخىمۇ چوڭقۇر تەسىر قالدۇردى . كاشىغەرىي يىلى بۇ ، پەخىرلەن ئۇيغۇر ! (باھار شامىلى بىلەن نورۇز بوۋاينىڭ سۆھبىتى) ئابدۇرەئوپ پولات تەكلىماكانىي بۇ يىل مىلادىيە 2008-يىلى ، دۇنيا بىرلەشكەن دۆلەتلەر تەشكىلاتى پەن-مائارىپ ئورگىنى قارار ماقۇللاپ ، مەھمۇد كاشىغەرىينى ئۆز ئىچىگە ئالغان 67 ئالىمنى دۇنيا مىقياسىدا خاتىرلەشكە چاقىردى . مۇشۇ ئەھمىيەتتىن ئېلىپ ئېيتقاندا ، بۇ يىل «مەھمۇد كاشىغەرىي يىلى» . بۇ _ نەقەدەر شاراپەت دېسەك ئەرزىيدۇكى ، پەخىرلەن بۇنىڭدىن پۈتكۈل ئۇيغۇر ئەۋلادى ! مەھمۇد كاشىغەرىي كىمدۇ ؟ دۇنيا بىرلەشكەن دۆلەتلەتلەر تەشكىلاتى ئۇ زاتنى قانداق بىلىدىغاندۇ ؟ بۇ 2008-يىلنىڭ «مەھمۇد كاشىغەرىي يىلى» بولۇشىنى كىم ئىلتىماس قىلغاندۇ ؟ بۇنىڭدىن ئىپتىخارلىنىپ سۆيۈنۈشكە ، چىن دىلدىن شادلىنىشقا ۋە تېرىسىگە پاتمىغىدەك بولۇپ ھاياجانلىنىشقا كىملەر ئەڭ ھەقلىقتۇ ؟ . . . مانا ، نەۋرۇز كەلدى __ بۇ يېڭى بىر يىل بېشى ؛ ۋۇجۇدلارغا ھاياتىي كۈچ بېغىشلاپ ، مەيىن باھار شامىلى يېقىملىق ئەستى . شۇ ئاندا ، باھار شامىلى بىلەن نەۋرۇز بوۋاي ئارىسىدا مۇنداق بىر سۆھبەت -مۇڭدىشىش بولۇپ كەچتى : باھار شامىلى سورايدۇكى : مەھمۇد كاشىغەرىي كىمدۇر ؟ نەۋرۇز بوۋاي جاۋاب بېرىدۇ : «مەھمۇد كاشىغەرىي ئېلىمىزنىڭ 11- ئەسىردە ياشاپ ئۆتكەن ئۇيغۇر ئالىمى ، تىلشۇناس ، <تۈركىي تىللار دىۋانى> نىڭ ئاپتورى . مىڭ يىل ئىلگىرى ئۇلۇغ ۋەتىنىمىز زېمىنىدا ، مەھمۇد كاشىغەرىيدەك ئۇلۇغ ئەدىب ، ئالىم تۇغۇلۇپ ، مەشھۇر <تۈركىي تىللار دىۋانى> دۇنياغا كەلگەن . ئوتتۇرا ئاسىيا دۆلەتلىرىنىڭ تارىخى ، جۇغراپىيىسى ، مىللىي ئۆرپ-ئادىتى ، ئىجتىمائىي تۇرمۇشى ۋە ئەدەبىيات-سەنئىتىنى تەتقىق قىلىدىغان قامۇس - - <تۈركىي تىللار دىۋانى> ئوتتۇرا ئەسىر ئۇيغۇر مەدەنىيىتىنىڭ گۈللەنگنلىكى ۋە تەرەققىي قىلغانلىقىنىڭ نەتىجىسى ، ئۇيغۇر خەلقىنىڭ جۇڭخۇا مىللەتلىرىنىڭ ئەنئەنىۋى مەدەنىيىتىگە قوشقان زور تۆھپىسى ، شۇنداقلا دۇنيا مەدەنىيەت خەزىنىسىدىكى جۇلالىق مەرۋايىتتۇر !» سوئال : مەھمۇد كاشىغەرىي قانداق مەكتەپلەردە ئوقۇغان ؟ جاۋاب : مەھمۇد كاشىغەرىي باشلانغۇچ مەرىپەتنى ئائىلىسىدە ۋە ئوپالدىكى مەدرىسىلەردە ئالغان . ئوتتۇرا ۋە ئالىي مائارىپنى ، بولسا ، كاشىغەرنىڭ ئۆز دەۋرىدىكى مەشھۇر ئالىي مەكتەپلىرىدىن بولغان «مەدرەسەئى ھەمىدىيە» ۋە «مەدرەسەئى ساچىيە» لەردە كۆرگەن . ئۇ مەزكۇر ئالىي ئىلىم يۇرتلىرىدا ، زامانىسىنىڭ ئەللامىلىرىدىن سانىلىدىغان ھۈسەين ئىبنى خەلەف كاشىغەرىيدەك كاتتا ئالىملارنىڭ ھوزۇرىدا ئىلىم تەھسىل قىلىپ ، ئۆز ئانا تىل-ئەدەبىياتىدىن باشقا ، ئەرەب ، پارس تىل-ئەدەبىياتلىرىنى پىششىق ئىگىلىگەن . ئاندىن يەنە ، ئۆز زامانىسىنىڭ مەدەنىي ئىنسانلىرىدىن بولۇشقا كېرەكلىك بولغان ئىسلام تارىخى ، ئىسلام پەلسەپىسى ، تىلشۇناسلىق ، مەنتىق ئىلمى ، جۇغراپىيە ۋە ئاسترونومىيە قاتارلىق پەنلەر بويىچىمۇ ئوقۇپ ، يېتىك بىلىمگە ئىگە بولغان . (قاراڭ : يۇقىرى ھوججەت ، 2-3-بەتلەر) سوئال : «كاشىغەرىي» دېگەن سۆز نېمە ئۇقۇمنى بىلدۈرىدۇ ؟ جاۋاب : «كاشىغەرىي» دېگەن سۆز تار مەنىدە ، «كاشىغەرلىك» ، يەنى بۈگۈنكى «قەشقەرلىك» دېگەن بولىدۇ . كەڭ مەنىدە بولسا ، «كاشىغەرىيەلىك» ، يەنى تارىختا «كاشىغارىيە __ قەشقەرىيە» دەپمۇ ئاتالغان . بۈگۈنكى «جۇڭگو شىنجاڭلىق» دېگەن بولىدۇ . بىز جەزمەن ئىملالىق «كاشىغەرىي» دەپ ئتاپ ، ئۇنى كەڭ مەنىدە قوللىنىشنى تەۋسىيە قىلىمىز . دېمېكچىكى ، مەھمۇد كاشىغەرىي ئۆز نۆۋىتىدە پۈتكۈل شىنجاڭلىق ۋە جۇڭگۇلۇقنىڭ شەرىپى . سوئال : «مەھمۇد كاشىغەرىي» پۈتكۈل ئۆمرىدە «تۈركىي تىللار دىۋانى» دېگەن بىرلا ئەسەر يازغانمۇ ؟ جاۋاب : ياق . ئۇنىڭ يەنە «كىتابۇ جەۋاھىرىن نەھۋە فى لۇغاتىت تۈرك» (تۈركىي تىللار سىنتاكسىسىنىڭ جەۋھەرلىرى) دېگەن ژېرىك ئەسىرىمۇ بولغان . بۇ ھەقتە ئالىم بوۋىمىز «تۈركىي تىللار دىۋانى» دا : ` بۇ يەردە سۆزلەرنىڭ بىرلىك ، كۆپلۈك ، سېلىشتۇرۇش ، كىچىكلىتىش ، ئاشۇرۇش ۋە تۈرلىنىش ئۇقۇملىرىغا مۇناسىۋەتلىك مەسىلىلەر سۆزلەنمىدى . چۈنكى بۇلار ئۈچۈن ئايرىم بىر كىتاب يېزىپ ، ئۇنىڭغا <كىتابۇ جەۋاھىرىن نەھۋە فى لۇغاتىت تۈرك> دەپ ئات قويدۇم `دەپ مەلۇمات بەرگەن . سوئال : «كاشىغەرىيشۇناسلىق» دېگەن نېمە ؟ جاۋاب : كاشىغەرىيسۇناسلىق دېگىنىمىز ، خۇددىي «نەۋائىيشۇناسلىق» دېگەنگە ئوخشاش ئىلىم نامى بولۇپ ، ئۇ بۈيۈك ئالىم مەھمۇد كاشىغەرىينىڭ شەخسىيىتى ، ئۆرنەك روھى ۋە ئۇنىڭ ئەمگەكلىرىگە قارىتا ئېلىپ بېرىلىدىغان كۆپ قىرلىق خاس تەتقىقات ئىلمىنى كۆرسىتىدۇ . سوئال : «كاشىغەرىيشۇناسلىق» بىلەن «تۈركىي تىللار دىۋانى» شۇناسلىقنىڭ پەرقى نېمە ؟ جاۋاپ : بەزى ئىلىم ئادەملىرى تەرىپىدىن «دىۋانىشۇناسلىق» دەپمۇ ئاتىلىۋاتقان «تۈركىي تىللار دىۋانى» شۇناسلىق پەقەت قامۇس «تۈركىي تىللار دىۋانى» ئۈستىدىلا ئېلىپ بېرىلغان تەتقىقاتلارنى كۆرسىتىدۇ . ئەمدى ، كاشىغەرىيشۇناسلىق بولسا ، بوۋىمىز مەھمۇد كاشىغەرىينىڭ ئىنسانلىق شەخسىيىتى ، ئالىملارغا خاس روھى ، ئۇنىڭ ئەۋلادلارغا قالدۇرۇپ كەتكەن ئىلمىي ئەمگەكلىرى ۋە ئۇ ئەمگەكلەردە ئىپادىلەنگەن ئالىمنىڭ كىشلىك قارىشى ، دۇنيا قارىشى ، تەپەككۇر قىلىش ئۇسلۇبى ، ھەتتا ئالىمنىڭ يار-بۇرادەرلىرى ، ئۇرۇق-تۇغقان خىش-ئەقرەبالىرىغا تالىق تەتقىقاتلارنىمۇ ئۆز ئىچىگە ئالىدۇ . ئاندىن ، دۇنيا ئىلىم ئەھلىنىڭ مەھمۇد كاشىغەرىي ۋە ئۇنىڭ ئەگەكلىرى ھەققىدىكى تەتقىقاتلىرىنى تونۇشتۇرۇش ، مۇھاكىمىگە قويۇش ۋە ئومۇملاشتۇرۇش قاتارلىق ئەھمىيەتلىك ئىلمىي ئەمگەكلەرمۇ كاشىغەرىيشۇناسلىق تەتقىقاتى دائىرىسىگە كىرىدۇكى ، كاشىغەرىيشۇناسلىق كۈنىمىزدىكى تۈركىلوگىيە ئىلمىي دۇنياسىدا ، ئەڭ جۇش ئۇرۇپ راۋاجلىنىۋاتقان ئىلىملارنىڭ بىرسىدۇر . سوئال : 2008-يىلنىڭ «مەھمۇد كاشىغەرىي يىلى» بولىشىنى قايسى دۆلەت ئىلتىماس قىلغان ؟ ۋە بۇ نېمىنى چۈشەندۈرىدۇ ؟ جاۋاب : 2008-يىلنىڭ «مەھمۇد كاشىغەرىي يىلى» بولىشىنى تۈركىيە جۇمھۇرىيىتى ئىلتىماس قىلغان . بۇ ھال ئىلىمىز ئالىملىرىنىڭ :` 11 - ئەسىردە ئۆتكەن ئۇيغۇر ئالىمى مەھمۇد كاشىغەرىينىڭ ئىنسانلار مەدەنىيىتىگە قوشقان قىممەتلىك تۆھپىسى بولغان <تۈركىي تىللار دىۋانى> بىزنىڭ مەدەنىي مىراسلىرىمىزدىن بىرىدۇر . بۇنىڭغا ۋارىسلىق قىلىش بىزنىڭ مۇناسىپ بۇرچىمىزدۇر . لېكىن ئۇلۇغ ئالىم ئالىن مەھمۇدنى <كاشىغەرلىك __ بۈگۈنكى قەشقەرلىك ئۇيغۇر ۋە ئۇنىڭ ئۆلمەس ئەسىرىنى جۇڭخۇا مىللەتلىرىنىڭ نادىر مەدەنىي مىراسى> دېيىش بىلەن بىللە ، يەنە شۇنى تەكىتلەيمىزكى ، مەھمۇد كاشىغەرىي ئۆز ئەسىرىنى <خاقانىيە تىلى> دەپ ئاتالغان ئەدەبىي تىلنى ئاساس قىلغان ھالدا ، پۈتكۈل تۈركىي قەبىلىلەر تىللىرىدىن ماتېرىيال ئېلىپ تۈزۈپ چىققان ۋە ئۇنىڭغا <دىۋانى لوغاتىت تۈرك> دەپ نام بەرگەن . شۇنىڭ ئۈچۈن ، <تۈركىي تىللار دىۋانى> نى تۈركىي تىللاردا سۆزلىشىدىغان ھەممە خەلقلەر ئۈچۈن ئورتاق بايلىق دەپ قارايمىز .` (قاراڭ : «تۈركىي تىللار دىۋانى» ھازىرقى زامان ئۇيغۇرچە نۇسخىسى ، <كىرىش> 48-بەت . شىنجاڭ خەلق نەشرىياتى ، 1981-يىل نەشىرى) دېگەن ئىلمىي قارىشىغا مۇۋاپىق كېلىدۇ . دېمەك ، تۈركىيە جۇمھۇرىيىتىنىڭ بۇ 2008-يىلنىڭ «مەھمۇد كاشىغەرىي يىلى» بولۇشىنى ئىلتىماس قىلىشى ، بىرلەشكەن دۆلەتلەر تەشكىلاتى پەن-مائارىپ ئورگىنىنىڭ تەستىقلاپ قارار ئېلان قىلىشى ۋە پۈتكۈل تۈركىي تىللىق دۆلەتلەر ۋە خەلقلەرنىڭ پائال ئاۋاز قوشۇپ ، تۇشمۇ تۇشتىن ئىەلقئارالىق ئىلمىي مۇھاكىمە يىغىنلىرىنى ئويۇشتۇرۇپ ، شادىيانە تەنتەنە قىلىشى __ بوۋىمىز مەھمۇد كاشىغەرىينىڭ ھەقىقەتەنمۇ خەلقئارالىق بۈيۈك ئالىم ئىكەنلىكىنى چۈشەندۈرىدۇ . شۇنداق ، ئى ، نەۋرۇز ئەھلى ! بۇ يىل تولىمۇ خاسىيەتلىك يىل ، خاسىيەتتىن ، خىسلەتتىن سۆيۈنمەكتە ھەممە يۈرەك ، ھەممە دىل ؛ شۇڭا ، بۇ يىلقى نەۋرۇز باشقىچە __ كۆڭۈللەر ئويغاق ، يۈرەكلەر ئويناق ، دىللار سۆيۈنچ بىلەن لىق تولۇپ تاشقىچە ؛ بۇ يىلقى نەۋرۇزدا قاينار پەۋەس ھاياجان ، بۇ يىلدا شادىمان خۇشال ھەر ئىنسان . چۈنكى ، بۇ يىل 2008-يىلىدۇر . «كاشىغەرىي يىلى» ، پەخىرلەن بۇنىڭدىن پۈتكۈل ئۇيغۇرنىڭ ئېلى ! 2008-يىل ، 22-مارت ، بېيجىڭ . نورۇز بوۋاي : ئابدۇرەئوپ پولات تەكلىماكانىي نورۇز بوۋاي باھار قىزلىرى بىلەن بىرگە . نورۇز بوۋاي ، مەھمۇد سۇلايمان ، ئۇزھال . نورۇز بايرىمىلىق خاتىرە رىياسەتچى قىز-يىگىتلەر ئەل سۆيگەن ناخشىچى ۋە كومپازىتور مەھمۇد سۇلايمان سەھنىدە مەركىزىي تىياتىر ئىنىستىتوتىدىكى ئوقۇغۇچىلار سەھنىدە ساما مەيدانىدىكى ئوقۇغۇچىلار ناۋا مۇقامىدىن ئارىيە ئارقان تارتىشىش ئارغامچا سەكرەش ، تەپكۈچ تېپىش [ بۇ يازما Yulduzay تەرپىدىن 2008-03-25 13:04 دە قاي ]

بۇ يازمىنىڭ يېقىنقى باھالىنىش ئەھۋالى:

شۆھرەت:+10(Ar-ohoz)

شۆھرەت:+10(kuxbeg526) &n

شۆھرەت:+10(manggutax) كاتتا خەۋەر

ئۆزەڭگە ۋە ئۆزگلەرگە پايدىلىق سۆزلەرنى سۆزلە ، بولمىسا سۈكۈت قىل .
***************************************************
Yiltizimiz diyarimda ,Umidimiz diyarimda
Diyarim «QQ» sohbetxanisi
Top nomeri:54998506

يوللانغان ۋاقتى: 2008-03-23 16:25 | بۇ قەۋەتكە ئىنكاس=> [باش يازما]

يېڭى يازمىلىق سەھىپە نۇرمال زىيارەت قىلىغىلى بولىدىغان سەھىپە

ئادەتتىكى سەھىپە تاقاق سەھىپە

مەخپىي سەھىپە

ﺋﻪﺳﻜﻪﺭﺗﯩﺶ : ﺗﻮﺭ ﺑﯧﻜﯩﺘﯩﻤﯩﺰﺩﻩ ﯞﻩﻣﯘﻧﺒﯩﺮﯨﻤﯩﺰﺩﻩ ﺩﯙﻟﻪﺗﻨﯩﯔ ﺗﯜﺭﻟﯜﻙ ﻗﺎﻧﯘﻥ - ﺳﯩﻴﺎﺳﻪﺕ ﭘﻪﺭﻣﺎﻧﻠﯩﺮﯨﻐﺎ ﺧﯩﻼﭖ ﻣﺎﻗﺎﻟﯩﻠﻪﺭ ﯞﻩ ﻳﻮﻟﻼﻧﻤﯩﻼﺭﻧﻰ ، ﺳﯜﺭﻩﺗﻠﻪﺭﻧﻰ ﻳﻮﻟﻼﺷﻘﺎ ﺑﻮﻟﻤﺎﻳﺪﯗ.
ﺑﯚﻟﮕﯜﻧﭽﯩﻠﯩﻚ ، ﻗﯘﺗﺮﺍﺗﻘﯘﻟﯘﻕ ﺧﺎﺭﺍﻛﺘﺮﯨﺪﯨﻜﻰ ﻣﺎﻗﺎﻟﯩﻠﻪﺭﻧﻰ ﻳﻮﻟﻠﯩﻐﺎﻥ ﺋﺎﭘﺘﻮﺭﻻﺭ ﺋﺎﻗﯩﯟﯨﺘﯩﮕﻪ ﺋﯚﺯﻯ ﻣﻪﺳﺌﯘﻝ ﺑﻮﻟﯩﺪﯗ . ﺗﻮﺭ ﭘﻮﻧﻜﯩﺘﯩﻤﯩﺰ ﮬﯧﭽﻘﺎﻧﺪﺍﻕ ﻣﻪﺳﺌﯘﻟﯩﻴﻪﺗﻨﻰ ﺋﯜﺳﺘﯩﮕﻪ ﺋﺎﻟﻤﺎﻳﺪﯗ . ﺋﯚﺯ ﺗﻮﺭ ﻣﻪﺩﻩﻧﯩﻴﺘﯩﻤﯩﺰﻧﯩﯔ ﺳﺎﻏﻼﻡ ﺗﻪﺭﻩﻗﻘﯩﻲ ﻗﯩﻠﯩﺸﻰ ﯞﻩ ﺗﻮﺳﺎﻟﻐﯘﺳﯩﺰ ﺋﯩﻠﮕﯩﺮﻟﯩﺸﻰ ﺋﯜﭼﯜﻥ ﺑﯘ ﻣﯘﻧﺒﻪﺭﻧﻰ ﺋﯚﺯ ﻛﯚﺯ ﻗﺎﺭﭼﯘﻗﯩﯖﯩﺰﺩﻩﻙ ﺋﺎﺳﺮﯨﺸﯩﯖﯩﺰﻧﻰﺋﯜﻣﯩﺪ ﻗﯩﻠﯩﻤﯩﺰ.
ﻛﯧﻴﯩﻨﻜﻰ ﭘﯘﺷﺎﻳﻤﺎﻥ ، ﺋﯚﺯﯛﯕﮕﻪ ﺩﯛﺷﻤﻪﻥ . ﻣﯩﻠﻠﻪﺗﻨﻰﺳﯚﻳﮕﯜﭼﯩﻠﻪﺭ ﺋﯚﺯ ﻧﻪﺭﺳﯩﺴﯩﻨﻰ ﻗﻪﺩﯨﺮﻟﻪﻳﺪﯗ .

(يۇلدۇزئاي) بېيجىڭدا نورۇز شاتلىقى .

Quote:

Quote: