ياقۇپبەگ خوتەن شەھرىگە ئاياق باسقاندا جاھىل خوتەنلىكلەرنىڭ قاتتىق قارشىلىقىغا دۇچ كېلىدىغانلىغىنى جەزىملەشتۇرەلىگەنلىگى ئۈچۇنلا نىياز ھېكىمبەگ بىلەن ھە-ھۇ  دىيىشىپ ئۆز  قوشۇنىنى ھىچ قانداق زىيانسىزلا خوتەن دەرۋازىسىغىچە ئەكىلەلىدى. بىراق خوتەن ئەھلى بۈگۈن باشقىچە قىياپەت بىلەن جەڭ ئېلان قىلىۋاتاتتى، نەچچە ئون مىڭ باشباشتاق قۇترىغان پۇقرانى باش ئەگدۈرۈش ئەمدى ھەر قانداق ئۇستا ھەييارنىڭ قولىدىن كەلمەييتى. ياقۇپ بەگ نىمە قىلىشىنى بىلمەي ئارىسالدى بولۇپ تۇرغاندا ئەمىرلەشكىرى خالىمان پانسات ھولۇققان پېتى كىرىپ كەلدى-دە، مىڭغا يېقىن لەشكەرنىڭ ئۇرۇپ-دەسسەپ چالا ئۆلۈك قىلىۋىتىلگەنلىگىنى، نەچچە ئون چىدىرنىڭ
كۆيدۈرىۋىتىلگەنلىگىنى، پۇقرا توپىنىڭ بارغانسىرى يېقىنلاپ كېلىۋاتقانلىغىنى مەلۇم  قىلدى.ياقۇپبەگنىڭ قوشۇمىسى تۈرۈلدى،كەمىرىگە ئېسىلغان قېلىچىنىڭ سېپىغا قول ئۇزاتتى،ئېڭەك گۆشلىرى تارتىشىپ كەتتى،بۇ ئۇنىڭ غەزەپلەنگەنلىگىنىڭ ئالامىتى ئىدى.ياقۇپبەگ ئوڭ قولىنى مۇرىسىدىن ئاتۇلدۇرۇپ،بارماقلىرىنىڭ ئۇچىنى كىمگىدۇر ئىشارەت قىلدى.ئۇنىڭ مەقسىتىنى بىر قاراشتىلا  چۇشەنگەن نىياز ھېكىمبەگ خېلىدىن بېرى تەقلەپ قويغان قىزىل توننى ئۇنىڭغا يېپىنچاقلىتىپ قويدى.قىزىل تونلۇق ياقۇپ بەگ چېدىر ئالدىغا چىقتى.بۇ ئۇنىڭ چوڭ قەتلىئامغا ئىجازەت بەرگىنى ئىدى.جەڭ دۇمبىقى چېلىندى،دۇمباق ئاۋازى بىلەن تەڭ،قان خۇمارى قوزغالغان  لەشكەرلەر قىلىچلىرىنى يالىڭاچلاپ پۇقرالار توپىغا قاراپ ئاچ بۆرىدەك ئېتلىلدى.ئۇچرىغانلىكى ئادەمنىڭ بېشىنى،قولىنى كۆتۈرگەنلەرنىڭ قولىنى ئۈزدى.مىلتىق ئاغزىدىن ئېتىلىپ چىققان قارا ئىس سان-ساناقسىز يۇمىلاق ھالقىلارنى ھاسىل قىلىپ،يەر-جاھاننى زىل-زىلىگە كەلتۈرىۋەتتى.قولى قىچىشىپ كەتكەن توپچىلار قوي پادىسىدەك يۆتكىلىپ يۈرگەن تىرىك نىشاننى ناھايىتى ئاسانلا  قورولغا ئالدى-دە،گۈمبىرلىتىپ ئوت ئاچتى.تەنسىز باشلار،باشسىز تەنلەر،تىتما-تىتما بولغان موسكۇل گۆشلىرى پارتلاش ئاۋازى بىلەن تەڭلا كۆك قەھرىگە كۆتۈرۈلدى.ھسابسىز كىشى ئات تۇياقلىرى ئاستىدا ئېچىنىشلىق ئىڭراييتى،تاۋۇز  كەسكەندەك يېرىلغان  قوساقلاردىن  سىرتىغا  چىقىپ قالغان  قانلىق  ئۈچەيلەر  ئات ئايىغىدا خۇددى ئارغامچىدەك سۆرۈلۇپ يۈرەتتى،يانجىلغان  باشلارنىڭ  مىڭە  قېتىقى نەچچە  مىڭ  قاچا قېتىقنى تۆكىۋەتكەندەك ھەممىلا يەردە  يېيىلىپ ياتاتتى.پۇقرا  قولىدىكى قىڭراق،پالتا-كەكە،كالتەك،توقماق دىگەنلەر رەھىمسىز  لەشكەرلەرنىڭ ئۆتكۈر قىلىچلىرى،پىستانلىق  قىلىچلىرى ئاستىدا ھىچنىمىگە دال  بولماييتى.قەتلىئام  خېلى  ئۇزۇنغىچە  داۋاملاشتى.پۇقرالار توپى ئۆز ئىرادىسى نىلەن ئەمەس،بەلكى قوراللانغان قاسساپلارنىڭ  قىستاپ  كېلىشى بىلەن ئاستا شەھەر مەركىزىگە چېكىنىشكە باشلىدى.چېكىنىۋىتىپ ئۇرۇشتى.بەزىلىرى بىرەر  لەشكەرنى  گېلىدىن ئامبۇردەك بوققىنىچە ئۆزى بىلەن  بىللە سۆرەپ ماڭدى .ئەللىك نەچچە يىللىق ئۆمرىنىڭ نەچچە ئون يىلىنى قانا بىخسىغانا جەڭ مەيدانلىرىدا ئۆتكۇزگەن ياقۇپبەگ دۈشمىنىگە بۇنداق شىردەك ئېتىلىدىغان ،ئۆلۈمگە ئۆزىنى بۇنداق مەرتلەرچە ئۇرىدىغان بۇنداق خەلىقنى زادىلا ئۇچىرىتىپ باقمىغان.ئۇ شەھەر دەرۋازىلىرىنى تاقاپ بىرمۇ ئادەمنى قاچۇرىۋەتمەسلىككە پەرمان چۇشۇردى.شەھەر دەرۋازىلىرى مەھكەم تاقالغان،توپىچادىن چېكىنگەن،كۆيۈۋاتقان ئۆيلىرىدىن  قېچىپ چىققان كۇرمىڭلىغان ئاھالە شەھەر  ئىچىدە چويلىدا سۈزۈلگەن بىلىجانلاردەك قامىلىپ قالغان ئىدى.لەشكەرلەر بارغانلا يەردە قازا قاتراپ،نەچچە مىڭ كىشىنىڭ بىشى كېسىلەتتى.بىر كىچە ئۆتتى،لەشكەرلەرنىڭ قولى تالدى،قىلىچنىڭ بىشى ياندى.لېكىن شەھەر سېپىلى ئىچىدە سولىنىپ قالغان نەچچە مىڭ ئادەم كېچىكمەي ئۆلتۈرۈلىشى كېرەك ئىدى.ئەتىسى ئوردىغا يېقىن بىر يەردە ئۇزۇن-ئۇزۇن خەندەكلەر كولاندى،قاسساپلار خەندەك ئەتراپىدا بىلەكلىرىنى شىمايلاپ سەپراس  بولۇپ  تۇرۇشتى.بىر لەشكەرگە بىردىن پۇقرانى ئەكىلىش بۇيرۇلدى،ئۇلار قىلقۇيرۇق قىلىنغان پۇقرالارنى خەندەك  لېۋىگە ھەيدەپ كېلەتتى-دە،گەجگىسىدىن بېسىپ يەرگە ياتقۇزاتتى.قاسساپلار  كۆزلىرىنى  يۇمۇپ ياتقۇزۇلغانلارنى قوي بوغۇزلغاندەك ،قان تولغان خەندەككە ئىتتىرەتتى،بىراق ھىچكىم يا لەشكەرگە ،يا قاسساپلارغا يال ئۇرمايتتى. سۇلۇتۇك بىر كۈن ئۆتۇپ كەتتى . بۇ قەتلىئامدا تالاپەتكە ئۇچىرىغان شېھىتلەرنىڭ كۆپچىلىگى نامرات دېھقانلار ئىدى، ئەل بىشىغا نىمە بالا  كەلگىنلىگىنى ئاڭقىرالماي تالاغا چىقىشقىمۇ ئۈلگۇرەلمىگەن  شەھەرلىكلەرنىڭ يېرىمى بولسا  مۇئەللەق ئۆلۈمدىن ئامان  قالدى. ئۇلار  كۆرگەنلىرىنىڭ  چۈش ئەمەس بەلكى قىرىق مىڭ<40000>خەلىقنىڭ جېنىغا  زامىن بولغان  قانلىق  قىرغىن ئىكەنلىگىگە  ئىشەنگەندىلا  ئۈنىنى  قويىۋىتىپ يىغلاشقا، ھازا  ئېچىشقا  باشلىدى.




[ بۇ يازما manggutax تەرپىدىن 2008-03-20 00:03 دە قا ]