بايلارغا چىكىت
بايلىرىمغا ساقلىقنى كۆپرەك بەرسۇن خۇدائىم ،
ساغلام بولسا مېنىڭچە بوپمۇ قالار مۇلايىم .
قىمار ئەمەس كەچمىشى ئەسلى خەيىر - ساخاۋەت،
قىيناۋەرسە بايلىقنى ئۆزىگە بولار زالىم .
ئاشنا تۇتۇش مودىكەن قاراپ باقسام سىنچىلاپ ،
دەپ قويارمىش باشقىغا يەنە بىر خوتۇن ئالدىم .
كۇنى ئۆتەر ئىشرەتتە پۇلنىڭ كۇچى شۇنداقمۇ،
قوپاللىشىپ ھومىيار مەن بەكلا قورقۇپ قالدىم .
دوستى ئازمۇ مۇڭدىشى يوقمۇ ياكى ھەمكارى ،
ئەتراپىدا دۆشمەنلەر چۆگىلەمدىكىن دائىم .
تەشۋىش بىلەن ئۆتكەچكە كۆڭلى بەلكىم پەرىشان ،
پۇخادىن چىقىش ئۇچۇن قىينالمىغاي ئىلاھىم .
قەلەم تەۋرەتكۈچى: ئارمان7
[ بۇ يازما manggutax تەرپىدىن 2008-03-19 23:54 دە قا ]