گۈل مەلىكە 

بار ئىكەن ، يوق ئىكەن ، ئاللاھنىڭ بەندىلىرى كۆپ ئىكەن ، بىر مەملىكەتتە 14كۈنلۈك تۇلۇن ئايدەك گۈزەل ، كىچىك بىر مەلىكە بار ئىكەن. ئۇ ئىنتايىن گۈزەل ۋە ئاقكۆڭۈل بولغاچقا كىشىلەرنىڭ ھەممىسى ئۇنى« گۈل مەلىكە » دەيدىكەن . بۇ مەملىكەتتە يەنە قارا نىيەت بىر جادىگەر بار ئىكەن ، گۈل مەلىكىنىڭ نامىنى ئاڭلاپ ،ھەسەت ئوتىدا چىدىيالماي قالغان جادىگەر «ئەجىبا قانداق قىلسام بۇ پەرىشتىدەك گۈزەل قىزغا بىر قەسىت قىلارمەن ؟» دەپ ئويلاپتۇ .بىر كۈنى بۇ جادىگەر يەنە مۇشۇ خىيال بىلەن تۇرغاندا ، كاللىسىغا بىر ئەقىل كەپتۇ -دە ،دەرھال باغچىسىغا چىقىپ ، باغچىدىكى يامانلىق گۈللىرىنىڭ ئۇرۇغلىرىنى يىغىپتۇ . مەلىكىنىڭ قول ئاستىدىكىلەرنىڭ بىرى جادىگەرنىڭ خىزمەتچىسى ئىكەن ، جادىگەر ئۇرۇغلارنى خىزمەتچىسىگە بىرىپ، بۇ ئۇرۇغلاردىن چاي قاينىتىشنى ۋە مەلىكىنىڭ باغچىسىدىكى گۈللەر ئىچىلغاندا ، بۇ چاينى مەلىكىگە بېرىشنى تاپىلاپتۇ . ئەسلىدە بۇ يامانلىق ئۇرۇغى بولغانلىقى ئۈچۇن ئىنتايىن سېسىق پۇرايدىكەن ،ئەمما ئۇ چاي دەل مەلىكىنىڭ باغچىسىدىكى گۈللەر ئىچىلغاندا ، كىچىك مەلىكىگە بىرىلگەنلىكى ئۈچۇن مەلىكە ئۇ گۈلنىڭ سېسىق پۇرىقىنى سىزەلمەپتۇ . جادىگەرنىڭ خىزمەتچىسى يامانلىق ئۇرىغىدىن قاينىتىلغان چاينى ئۇنىڭغا سۇنغاندا گۈل مەلىكە« بىسمىللاھۇ رەھمانىر رەھىم» ،دەپ ئىچىپتۇ . ئەسلىدە بۇ چاينى ئىچكەن كىشى سېسىق پۇرايدىغان تۆگە تىكىنىگە ئايلىنىپ قالىدىكەن. خىزمەتچى شۇملۇق بىلەن قاراپ ، گۈل مەلىكىنىڭ تۆگە تىكىنىگە ئايلىنىشىنى ساقلاشقا باشلاپتۇ . ئەمما ئۇنداق بولماپتۇ . بىر قانچە مىنۇتتىن كىيىن ، گۈل مەلىكەنىڭ بوينى پىياز گۈلگە ، چاچلىرى نەركىس گۈلگە ، كۆزلىرى يىشىل يوپۇرماقلارغا ، قوللىرى ئاق لالىلەرگە ،بەدىنى باغچىدىكى شاپتۇل چىچىكى رەڭلىك گۈللەرگە ئوخشاپ قاپتۇ ، كۈلسە كۆزلىرىدىن قىزىل گۈللەر ،ئاق چىچەكلەر ، كۆك نەقىشلەر تۆكۈلۈپتۇ، گەپ قىلسا ئاغزىدىن پىلپىل ئۈنۈپ چىقىپتۇ. بۇنىڭ ئەكسىچە جادىگەرنىڭ خىزمەتچىسى ،كۆكۈرۈپ ، قارىداپ ئىنتايىن سەت بىر تىكەنگە ئايلىنىپ قاپتۇ . گۈل مەلىكەنى كۆرگەن ئىنسانلار خوشاللىق بىلەن « ئىسمى گۈل مەلىكە ئىدى . ئۆزىمۇ گۈللەرگە ئوخشاپ قالدى » دېيىشىپتۇ . گۈل مەلىكە ھەر قانداق ئىش قىلسا « بىسمىللاھ» دەپ باشلىغانلىقى ئۈچۇن ، ئەتراپىدىكى يامانلىقلار ياخشىلىققا ئايلىنىپتۇ .ئاللاھ ئۇنى يامانلىقتىن ساقلاپتۇ . قارا نىيەت جادىگەر بۇ ئەھۋالنى ئاڭلاپ ئاچچىقىغا چىدىماي  ئۆتى يېرىلىپ ئۆلۈپ قاپتۇ ، جادىگەرنىڭ باغچىسىدىكى يامانلىق گۈللەرنىڭ ھەممىسى قۇرۇپ كىتىپتۇ .كىچىك گۈل مەلىكە بولسا «بىسمىللاھ » بىلەن قارا نىيەت جادىگەرنىڭ سۈيقەستىدىن قۇتۇلغانلىقىنى چۈشۈنۈپ ،ئاللاھقا شۈكۈر قىپتۇ . چوڭ بولۇپ ، كىلىن بولغۇچە ،ئاندىن ئانا بولغۇچە ۋە تاكى ئۆلگۈچە بولغان ئارىلىقتا « ئى ئاللاھ! مېنى ئۆز پاناھىڭدا ساقلا » دەپ دۇئا قىلىپتۇ ، ئۇلۇغ ئاللاھ ئۇنىڭ دۇئاسىنى ئىجابەت قىپتۇ .
مەنبە : «دىنىمنى ئۆگۈنىمەن » ناملىق كىتاپنىڭ 2-قىسمىدىن ئىلىندى.
قىزلىرىم : سەمىرە ، نۇرئىمانلارنىڭ تەۋىسىيەسى بىلەن يېزىپ قويدۇم ، سىز دوسلۇرۇمنىڭمۇ پەرزەنتىلىرىڭلارغا ئوقۇپ بىرشىڭلارنى ئۈمۈت قىلىمەن

ئۇھ، چۆچەك ئاڭلىمىغىلى خېلى زامانلار بوپتىكەن.كۆپ رەھمەت.

بۇ چۆچەكنى ئوقۇپ  كىچىك ۋاختڭمدا ئانامنىڭ ھەر كۈنى كەچتە مىنى ئۇخلىتىش ئۈچۈن ئېيتىپ بىردىغان چۆچەكلىرى  ئېسمگە كېلىپ قالدى . بۇ قىزقارلىق ھەم ئەھمىيەتلىك چۆچەكنى يوللاپ بەرگىنىڭىزگە رەخمەت .

ئەسسالامۇ ئەلەيكۇم    ertugrul    ياخشىمۇ سىز؟
  سىزنىڭ يوللىغان بۇ تېمىڭىز تەربىيىۋى ئەھمىيىتى چوڭقۇر بىر تېما ئىكەن، ھازىرقى ياش ئانىلار بۇنى چوقۇم پەرزەنتلىرىمىزگە ئېيتىپ بېرىش بىلەن بىرگە  ھەم ئۆزىمىزمۇ پەرزەنتلىرىمىزگە ئۈلگە بولساق بولغىدەك. ھازىرقى جەمئىيەتتە ھەممىمىز  پەرزەنتلىرىمىزنى ئالدى بىلەن ئىمان-ئېتىقادلىق قىلىپ تەربىيلەش ئۈچۈن ئىشنى ئاۋۋال كىچىك ئىشلاردىن باشلىشىمىز ھەم ئۆزىمىز ئۈلگە بولۇشىمىز لازىم. يوللىغان تىمىڭىزغا رەھمەت. ئاللا قۇلىڭىزغا دەرىت بەرمىسۇن، ئامىن!

بەك ئەھمىيەتلىك تىما ئىكەن .مەن دايىم قىزىمغا ھىكايە ئېيتىپ بىرەتتىم .چۇنكى كىچىگىمدە ئاناممۇ ماڭا ھىكايە سۆزلەپ بىرەتتى بولمىسا  مەن ئۇخلىمەيتتىم .قىزىممۇ شۇنداق .ياش ئانىلارنىڭ باللارغا كۆپرەك ھىكايە سۆزلەپ بەرسە ئۇلارنىڭ زىھنى ئېچىلىدۇ .

بۇ چۇچەكنى كەچتىلا ئوغلۇمغا ئوقۇپ بىرەيچۇ! رەھمەت سىزگە...

روھمەت سزگە

  مەن ئەزەلدىن ئاڭلاپ باقمىغان چۆچەك ئىكەن.